പിജി ഏകജാലക പ്രവേശന ട്രയൽ അലോട്ട്മെന്റ് മൂന്നിന് പ്രസിദ്ധീകരിക്കും
പിജി ഏകജാലക പ്രവേശന ട്രയൽ അലോട്ട്മെന്റ് മൂന്നിന് പകൽ മൂന്നിന് www.cuonline.ac.in വെബ്സൈറ്റിൽ പ്രസിദ്ധീകരിക്കും. അഞ്ചിന് ഉച്ചയ്ക്ക് രണ്ടിന് വരെ ഓപ്ഷൻ റീ അറേഞ്ച് ചെയ്യാനുള്ള സൗകര്യം അപേക്ഷകരുടെ ലോഗിൻ പേജിൽ ലഭ്യമായിരിക്കും. സർവകലാശാലയുടെ അഫിലിയേറ്റഡ് കോളജുകളിൽ പ്രവർത്തിക്കുന്ന നോഡൽ സെന്ററുകളിലും റീ അറേഞ്ച് ചെയ്യാൻ സൗകര്യമുണ്ടാകും. പുതിയ കോളജോ, കോഴ്സുകളോ, ഈ അവസരത്തിൽ കൂട്ടിച്ചേർക്കാൻ സാധിക്കുന്നതല്ല. ട്രയൽ അലോട്ട്മെന്റ് ലഭിച്ചവർക്ക് പ്രസ്തുത സീറ്റ് ഉറപ്പാകുന്നില്ല. റീ ഇൻഡക്സിംഗ്, റീ അറേഞ്ച്മെന്റ് തുടങ്ങി മറ്റ് സാഹചര്യങ്ങൾ മൂലം ട്രയൽ അലോട്ട്മെന്റിൽ ലഭിച്ച പ്രോഗ്രാമിൽ മാറ്റം വരാവുന്നതാണ്. ഫോണ് : 0494 2407016, 2407017.
എംഎ ജേർണലിസം റാങ്ക് ലിസ്റ്റ്
എംഎ ജേർണലിസം ആൻഡ് മാസ് കമ്യൂണിക്കേഷൻ പ്രവേശന റാങ്ക് ലിസ്റ്റും, കൗണ്സലിംഗ്/ അലോട്ട്മെന്റ് ഷെഡ്യൂളും വെബ്സൈറ്റിൽ. റാങ്ക് ഒന്ന് മുതൽ 141 വരെയും പട്ടികജാതി/ പട്ടികവർഗ വിഭാഗം മുഴുവൻ വിദ്യാർഥികളും നാലിന് രാവിലെ 10.30ന് പഠനവിഭാഗത്തിൽ കൗണ്സലിംഗിന് എല്ല രേഖകളും സഹിതം ഹാജരാകണം. സർവകലാശാലാ പഠനവിഭാഗത്തിലേക്കും അന്ന് പ്രവേശനം നടത്തും.
എംഎ പൊളിറ്റിക്കൽ സയൻസ് റാങ്ക് ലിസ്റ്റ്
എംഎ പൊളിറ്റിക്കൽ സയൻസ് പ്രവേശന റാങ്ക് ലിസ്റ്റും കൗണ്സലിംഗ്/ അലോട്ട്മെന്റ് ഷെഡ്യൂളും വെബ്സൈറ്റിൽ. റാങ്ക് ഒന്ന് മുതൽ 50 വരെയുള്ളവരും പട്ടികജാതി/ പട്ടികവർഗ വിഭാഗം മുഴുവൻ വിദ്യാർഥികളും ജൂലൈ അഞ്ചിന് 10.30ന് പഠനവിഭാഗത്തിൽ കൗണ്സലിംഗിന് എല്ല രേഖകളും സഹിതം ഹാജരാകണം.
എംഎസ് സി അപ്ലൈഡ് സൈക്കോളജി പ്രവേശനം
മനഃശാസ്ത്ര പഠനവകുപ്പിലെ എംഎസ് സി അപ്ലൈഡ് സൈക്കോളജി പ്രവേശന പരീക്ഷ എഴുതിയവർക്ക് അഭിമുഖം ആറ്, ഏഴ്, ഒന്പത് തിയതികളിൽ പഠനവകുപ്പിൽ നടക്കും. ആറിന് രജിസ്റ്റർ നന്പർ 51001 മുതൽ 51138 വരെയുള്ളവർ രാവിലെ പത്തിന് 51139 മുതൽ 51269 വരെയുള്ളവർ ഉച്ചയ്ക്ക് രണ്ടിന് ഹാജരാകണം. ഏഴിന് 51270 മുതൽ 51402 വരെയുള്ളവർ രാവിലെ പത്തിന് 51403 മുതൽ 51565 വരെയുള്ളവർ ഉച്ചക്ക് രണ്ടിന് , ഒന്പതിന് 51566 മുതൽ 51708 വരെയുള്ളവർ രാവിലെ പത്തിനും 51709 മുതൽ 51847 വരെയുള്ളവർ ഉച്ചയ്ക്ക് രണ്ടിനും ഹാജരാകണം.
എംഎ മലയാളം പ്രവേശനം
മലയാളകേരള പഠനവിഭാഗത്തിൽ എംഎ മലയാളം പ്രവേശന അഭിമുഖം ഷുവർ ലിസ്റ്റിലുള്ളവർക്ക് നാലിന് പത്തിന് പഠനവകുപ്പിൽ നടക്കും.
എംഎസ് സി കംപ്യൂട്ടർ സയൻസ് പ്രവേശനം
കന്പ്യൂട്ടർ സയൻസ് പഠനവകുപ്പിലെ എംഎസ് സി കംപ്യൂട്ടർ സയൻസ് പ്രവേശനം അഞ്ചിന് 10.30ന് നടക്കും. റാങ്ക് ഒന്ന് മുതൽ 50 വരെയുള്ളവരും, ഇടിബി, മുസ്ലിം വിഭാഗങ്ങൾ റാങ്ക് 75 വരെയും, ഒബിഎച്ച് റാങ്ക് 100 വരെയും, ബിപിഎൽ, എസ് സി, എസ്ടി വിഭാഗങ്ങൾ റാങ്ക് 459 വരെയും ഹാജരാകണം.
എംസിഎ പ്രവേശനം: എസ് സി, എസ്ടി സീറ്റ് ഒഴിവ്
കാലിക്കട്ട് സർവകലാശാലയ്ക്ക് കിഴീലെ സിസിഎസ്ഐടികളിൽ എംസിഎ പ്രവേശനത്തിന് എസ് സി, എസ്ടി വിഭാഗങ്ങളിൽ യഥാക്രമം 44, 26 സീറ്റുകൾ ഒഴിവുണ്ട്. റാങ്ക് ലിസ്റ്റിൽ ഉൾപ്പെട്ടവർ അഞ്ചിന് 11ന് അഡ്മിറ്റ് കാർഡിൽ പറഞ്ഞ പ്രകാരം യോഗ്യതാ സർട്ടിഫിക്കറ്റുകൾ സഹിതം സർവകലാശാലാ കാന്പസിലെ സിസിഎസ്ഐടിയിൽ ഹാജരാകണം.
എസ്ഡിഇയുജി രണ്ടാം വർഷ ട്യൂഷൻ ഫീ
വിദൂരവിദ്യാഭ്യാസം യുജി (സിയുസിബിസിഎസ്എസ്, 2017 പ്രവേശനം) മൂന്ന്, നാല് സെമസ്റ്റർ (രണ്ടാം വർഷം) ട്യൂഷൻ ഫീസ് പിഴകൂടാതെ 20 വരെയും 100 രൂപ പിഴയോടെ 30 വരെയും അടക്കാം. കോണ്ടാക്ട് ക്ലാസുകൾക്കുള്ള നോട്ടീസ് അയക്കും. വിവരങ്ങൾ വെബ്സൈറ്റിൽ. ഫോണ് : 0494 2407494, 2407356.
എംബിഎ നാലാം സെമസ്റ്റർ കോണ്ടാക്ട് ക്ലാസ്
വിദൂരവിദ്യാഭ്യാസം എംബിഎ നാലാം സെമസ്റ്റർ (2014 പ്രവേശനം) സ്കൂൾ ഓഫ് മാനേജ്മെന്റ് സ്റ്റഡീസ്, തൃശൂർ ഡോ. ജോണ് മത്തായി സെന്റർ എന്നിവിടങ്ങളിലെ കോണ്ടാക്ട് ക്ലാസ് ഷെഡ്യൂൾ വെബ്സൈറ്റിൽ. ഫോണ് : 0494 2407371, 2400288.
ബിടെക് സപ്ലിമെന്ററി പരീക്ഷ
അഞ്ചാം സെമസ്റ്റർ ബിടെക് (2004 സ്കീം) സപ്ലിമെന്ററി, മൂന്നാം സെമസ്റ്റർ ബിടെക്/പാർട്ട്ടൈം ബിടെക് (2കെ സ്കീം) സപ്ലിമെന്ററി പരീക്ഷകൾ 18ന് ആരംഭിക്കും.
പരീക്ഷാഫലം
നാലാം സെമസ്റ്റർ എംടെക് എനർജി സിസ്റ്റംസ് അനാലിസിസ് ആൻഡ് ഡിസൈൻ (സിയുസിഎസ്എസ്) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
അഞ്ചാം സെമസ്റ്റർ ബിബിഎഎൽഎൽബി (ഏപ്രിൽ 2017), ത്രിവത്സര എൽഎൽബി ഒന്നാം സെമസ്റ്റർ (മെയ് 2017), പത്താം സെമസ്റ്റർ ബിബിഎഎൽഎൽബി (നവംബർ 2017) പരീക്ഷകളുടെ തടഞ്ഞുവെച്ച പുനർമൂല്യനിർണയ ഫലങ്ങൾ വെബ്സൈറ്റിൽ. ഉത്തലക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
കന്പ്യൂട്ടർ സയൻസ് എക്സാമിനേഴ്സ് മീറ്റ്
നാലാം സെമസ്റ്റർ എംഎസ് സി കംപ്യൂട്ടർ സയൻസ് (സിയുസിഎസ്എസ്) പരീക്ഷയുടെ എക്സാമിനേഴ്സ് മീറ്റ് ഒന്പതിന് പരീക്ഷാഭവൻ കോണ്ഫറൻസ് ഹാളിൽ നടക്കും. പിജി ക്ലാസുകൾ പഠിപ്പിക്കുന്ന എല്ലാ അധ്യാപകരും നിർബന്ധമായും പങ്കെടുക്കണമെന്ന് പരീക്ഷാകണ്ട്രോളർ അറിയിച്ചു.