ഒന്നാംവർഷ പിജി: രജിസ്ട്രേഷൻ നാളെ വരെ
ഒന്നാം വർഷ ബിരുദാനന്തര ബിരുദ പ്രോഗ്രാമുകളിലേക്കുള്ള ഓണ്ലൈൻ രജിസ്ട്രേഷൻ നാളെ വരെ നീട്ടി. മെരിറ്റ് സീറ്റുകളിലേക്കും എസ്സി, എസ്ടി, എസ്ഇബിസി, ഇബിഎഫ്സി എന്നിവർക്കായി സംവരണം ചെയ്തിട്ടുള്ള സീറ്റുകളിലേക്കും അലോട്ട്മെന്റ് നടത്തും. ആദ്യ അലോട്ട്മെന്റ് 17ന്. അപേക്ഷകർ യൂണിവേഴ്സിറ്റി വെബ്സൈറ്റിലുള്ള മാർഗനിർദ്ദേശങ്ങൾ പൂർണമായും വായിച്ചു മനസിലാക്കിയതിനുശേഷം അപേക്ഷിക്കണം. മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ ക്വാട്ട, വികലാംഗ വിഭാഗത്തിനു സംവരണം ചെയ്ത സീറ്റുകൾ എന്നിവയിലേക്കു അപേക്ഷിക്കുന്നവർ ഏകജാലക സംവിധാനത്തിലൂടെ അപേക്ഷിക്കണം. പകർപ്പ് പ്രവേശനം ആഗ്രഹിക്കുന്ന കോളജുകളിൽ നേരിട്ടു സമർപ്പിക്കണം. കൂടുതൽ വിവരങ്ങൾ സർ വകലാശാല വെബ്സൈറ്റിൽ.
ഡിഗ്രി: മൂന്നാം അലോട്ട്മെന്റ് പ്രസിദ്ധീകരിച്ചു
ഏകജാലകം വഴിയുള്ള ഡിഗ്രി പ്രവേശനത്തിനുള്ള മൂന്നാം ഘട്ട അലോട്ട്മെന്റ് പ്രസിദ്ധീകരിച്ചു. ഫീസടച്ച് അലോട്ട്മെന്റ് മെമ്മോയുടെ പ്രിന്റൗട്ട് എടുത്തു യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഏഴിന് വൈകുന്നേരം 4.30ന് അലോട്ട്മെന്റ് ലഭിച്ച കോളജിൽ ഹാജരായി പ്രവേശനം നേടണം. ഏഴിനകം ഫീസ് അടയ്ക്കാത്തവരുടെയും ഫീസടച്ച ശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. തുടർന്നുള്ള അലോട്ട്മെന്റിലേക്ക് ഇവരെ പരിഗണിക്കില്ല.
അലോട്ട്മെന്റുകളിലൂടെ സ്ഥിരപ്രവേശം നേടിയവർ ഹയർ
ഓപ്ഷനുകൾ റദ്ദാക്കേണ്ടതില്ല. നിലവിൽ അലോട്ട്മെന്റ് ലഭിച്ചവർ ഹയർ ഓപ്ഷനുകൾ നിലനിർത്താൻ ആഗ്രഹിക്കുന്നപക്ഷം അലോട്ട്മെന്റ് ലഭിച്ച കോളജിൽ താത്കാലികമായി പ്രവേശനം നേടണം. ഫീസ് സംബന്ധിച്ച ഉത്തരവുകൾ സർവ കലാശാല വെബ്സൈറ്റിൽ.
പരീക്ഷാ തീയതി
രണ്ടാം സെമസ്റ്റർ ബിഎസ്ഡബ്ല്യു (സിബിസിഎസ്, പുതിയ സ്കീം റെഗുലർ 2017 അഡ്മിഷൻ) പരീക്ഷകൾ 18, 20, 23 തീയതികളിൽ നടക്കും. ടൈംടേബിൾ വെബ്സൈറ്റിൽ.
വൈവാവോസി
നാലാം സെമസ്റ്റർ എംകോം (2016 അഡ്മിഷൻ റെഗുലർ, 2013, 2014 ആൻഡ് ; 2015 അഡ്മിഷൻ സപ്ലിമെന്ററി, മേഴ്സി ചാൻസ് (സിഎസ്എസ്) മേയ്, ജൂണ് 2018 പരിക്ഷയുടെ വൈവാവോസി 10 മുതൽ വിവിധ കേന്ദ്രങ്ങളിൽ നടക്കും. ടൈംടേബിൾ വെബ് സൈറ്റിൽ.
ബിഎ പരീക്ഷാഫലം
2018 മാർച്ചിലെ അഞ്ചും ആറും സെമസ്റ്റർ ബിഎ സിബിസിഎസ്എസ് പ്രൈവറ്റ് (മോഡൽ ഒന്ന്) (ബിഎ ഹിസ്റ്ററി ആൻഡ്; ഇസ്ലാമിക് ഹിസ്റ്ററി ഒഴികെ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 18 വരെ അപേക്ഷിക്കാം.
വാക്ക് ഇൻ ഇന്റർവ്യൂ
ഇന്റർ യൂണിവേഴ്സിറ്റി ഇൻസ്ട്രുമെന്േറഷൻ സെന്ററിൽ ദിവസവേതന വ്യവസ്ഥയിൽ ഓഫീസ് അസിസ്റ്റന്റ് ഒഴിവിലേക്ക് വാക്ക് ഇൻ ഇന്റർവ്യൂ നടക്കും. പ്ലസ്ടു യോഗ്യതയുള്ള 36 വയസ് കവിയാത്ത ഉദ്യോഗാർഥികൾക്ക് പങ്കെടുക്കാം. 13ന് രാവിലെ 10ന് സ്കൂൾ ഓഫ്എൻവയോണ്മെന്റൽ സയൻസസിലെ റൂം നന്പർ 109ൽ അസൽ രേഖകളുമായി ഹാജരാകണം.