യോഗ, കളരിപ്പയറ്റ് കോഴ്സുകൾ ആരംഭിക്കുന്നു
കണ്ണൂർ സർവകലാശാല സ്കൂൾ ഓഫ് ഫിസിക്കൽ എഡ്യുക്കേഷൻ ആൻഡ് സ്പോർട്സ് സയൻസസിൽ യോഗ, കളരിപ്പയറ്റ്, ഫിറ്റ്നസ് മാനേജ്മെന്റ്സ്വിമ്മിംഗ് ട്രെയിനിംഗ് കോഴ്സുകൾ ആരംഭിക്കുന്നു. കേരളത്തിലെ സർവകലാശാലകളിൽ ആദ്യമായാണ് ഇത്തരത്തിൽ കോഴ്സുകൾ ആരംഭിക്കുന്നത്. യോഗയിൽ ഒരുവർഷത്തെ പിജി ഡിപ്ലോമ കോഴ്സും കളരിപ്പയറ്റിൽ ഒരുവർഷത്തെ ഡിപ്ലോമ കോഴ്സും ഫിറ്റ്നസ് മാനേജ്മെന്റ്, സ്വിമ്മിംഗ് ട്രെയിനിംഗിൽ മൂന്നുമാസം വീതമുള്ള കോഴ്സുകളുമാണ് നടത്തുന്നത്. പിജി ഡിപ്ലോമ കോഴ്സ് ഇൻ യോഗയ്ക്ക് ചേരാനുള്ള അടിസ്ഥാനയോഗ്യത ഏതെങ്കിലും വിഷയത്തിലുള്ള ഡിഗ്രിയും മറ്റു കോഴ്സുകൾക്ക് പ്ലസ്ടുവുമാണ്. എല്ലാ കോഴ്സുകൾക്കും ജോലിസാധ്യത ഏറെയാണ്. പ്രോസ്പെക്ടസും അപേക്ഷാഫോറവും കണ്ണൂർ സർവകലാശാലയുടെ വെബ്സൈറ്റിൽ ലഭിക്കും. കണ്ണൂർ സർവകലാശാല ഫിനാൻസ് ഓഫീസറുടെ പേരിൽ 250 രൂപ അടച്ച ചലാൻ രസീതോ പേ ഇൻ സ്ലിപ്പോ, ഡിമാൻഡ് ഡ്രാഫ്റ്റോ അപേക്ഷാഫോറത്തിനൊപ്പം വയ്ക്കണം. അപേക്ഷകൾ ഓൺലൈനായും അയയ്ക്കാം.
എംഎസ്സി കംപ്യൂട്ടർ സയൻസിന് നാളെവരെ ഓൺലൈൻ രജിസ്ട്രേഷൻ നടത്താം
കണ്ണൂർ സർവകലാശാലയുടെ കീഴിൽ എംഎസ്സി കംപ്യൂട്ടർ സയൻസ് പ്രോഗ്രാമിന് അപേക്ഷിക്കാൻ ആഗ്രഹിക്കുന്ന ബിസിഎ വിജയിച്ച വിദ്യാർഥികള്ക്ക് നാളെവരെ ഓണ്ലൈൻ രജിസ്ട്രേഷൻ ചെയ്യാം.
ബിപിഎഡ്, എംപിഎഡ് സീറ്റൊഴിവ്
മാങ്ങാട്ടുപറന്പ് കാന്പസിൽ പ്രവർത്തിക്കുന്ന സ്കൂൾ ഓഫ് ഫിസിക്കൽ എഡ്യുക്കേഷനിൽ എംപിഎഡ് കോഴ്സിന് ഏതാനും സീറ്റുകൾ ഒഴിവുണ്ട്. ബിപിഎഡ് കോഴ്സിന് എസ്ടി വിഭാഗത്തിൽ ഏതാനും സീറ്റുകളും ഒഴിവുണ്ട്. താത്പര്യമുള്ളവർ ഒൻപതിന് രാവിലെ 10ന് റിപ്പോർട്ട് ചെയ്യണം.
പ്രായോഗിക പരീക്ഷകള്
നാലാം സെമസ്റ്റര് ബിഎസ്സി കെമിസ്ട്രി, പൊളിമര് കെമിസ്ട്രി (റഗുലര്, സപ്ലിമെന്ററി മേയ് 2018) ഡിഗ്രി കോര്, കോംപ്ലിമെന്ററി പ്രായോഗിക പരീക്ഷകള് യഥാക്രമം 10, 12 തീയതികൾ മുതല് വിവിധ കേന്ദ്രങ്ങളില് ആരംഭിക്കും. വിശദമായ ടൈംടേബിള് സര്വകലാശാല വെബ്സൈറ്റില് ലഭ്യമാണ്. രണ്ടാം സെമസ്റ്റര് ബിഎസ്സി കെമിസ്ട്രി, പൊളിമര് കെമിസ്ട്രി (റഗുലര്/സപ്ലിമെന്ററി മേയ് 2018) ഡിഗ്രി കോര് പ്രായോഗിക പരീക്ഷകള് 13 മുതല് വിവിധ കേന്ദ്രങ്ങളില് ആരംഭിക്കും. വിശദമായ ടൈംടേബിള് സര്വകലാശാല വെബ്സൈറ്റില്.