കോഴ്സുകളുടെ സീറ്റ് വിന്യാസം അപ്ലോഡ് ചെയ്യണം
ഈ മാസം രണ്ടിലെ സിൻഡിക്കറ്റ് തീരുമാന പ്രകാരം മാർജിനൽ ഇൻക്രീസിന് ആവശ്യപ്പെട്ട ഗവണ്മെന്റ്, എയ്ഡഡ് കോളജുകൾ അതത് കോഴ്സുകളുടെ സീറ്റ് വിന്യാസം ഏഴിന് രാവിലെ 11നകം കോളജ് ലോഗിനിൽ അപ്ലോഡ് ചെയ്യണം. നിശ്ചിത സമയപരിധിക്കുള്ളിൽ സീറ്റ് വിന്യാസം അപ്ലോഡ് ചെയ്യുന്നതിലേക്ക് മാത്രമായിരിക്കും ഓണ്ലൈൻ അലോട്ട്മെന്റ് നടത്തുന്നത്.
ഫീൽഡ്കംഅനിമൽ റൂം അറ്റന്റർ നിയമനം: വാക്ഇൻഇന്റർവ്യൂ
സുവോളജി പഠനവകുപ്പിൽ ഫീൽഡ്കംഅനിമൽ റൂം അറ്റന്റർ തസ്തികയിൽ ദിവസ വേതനനിരക്കിൽ നിയമനം നടത്തുന്നതിന് ജൂലൈ ഒന്പതിന് വാക്ഇൻഇന്റർവ്യൂ നടത്തുന്നു. വിജ്ഞാപന പ്രകാരമുള്ള രേഖകൾ സഹിതം ഭരണവിഭാഗത്തിൽ 9.30ന് ഹാജരാകണം. വിവരങ്ങൾ വെബ്സൈറ്റിൽ.
എംഎ ഇക്കണോമിക്സ്, എംഎ ഫിനാൻഷ്യൽ ഇക്കണോമിക്സ് പ്രവേശനം
തൃശൂർ അരണാട്ടുകര ഡോ.ജോണ് മത്തായി സെന്ററിൽ എംഎ ഇക്കണോമിക്സ്, എംഎ ഫിനാൻഷ്യൽ ഇക്കണോമിക്സ് പ്രവേശനത്തിന് പ്രവേശന പരീക്ഷ എഴുതിയ പ്രവേശനം ലഭിക്കാത്ത എല്ലാവരും രേഖകൾ സഹിതം ഒന്പതിന് രാവിലെ 10.30ന് പഠനവകുപ്പിൽ ഹാജരാകണം.
മൂന്നാം സെമസ്റ്റർ ബിടെക്/ ബിആർക് സപ്ലിമെന്ററി പരീക്ഷ
മൂന്നാം സെമസ്റ്റർ ബിടെക്/ പാർട്ട്ടൈം ബിടെക്/ ബിആർക് (2കെ സ്കീം) സപ്ലിമെന്ററി പരീക്ഷ 18ന് ആരംഭിക്കും. പരീക്ഷ കാലിക്കട്ട് സർവകലാശാലാ എൻജിനിയറിംഗ് കോളജിൽ (ഐഇടി) നടക്കും. ഓണ്ലൈനിൽ രജിസ്റ്റർ ചെയ്തവർക്ക് വെബ്സൈറ്റിൽ നിന്നും മറ്റുള്ളവർക്ക് ഐഇടിയിൽ നിന്നും ഹാൾടിക്കറ്റ് ലഭിക്കും.
എൽഎൽബി പരീക്ഷ
മൂന്നാം സെമസ്റ്റർ എൽഎൽബി യൂണിറ്ററി (ത്രിവത്സരം, 2015 സ്കീം), ഏഴാം സെമസ്റ്റർ ബിബിഎഎൽഎൽബി (ഓണേഴ്സ്) 2011 സ്കീം റഗുലർ/ സപ്ലിമെന്ററി പരീക്ഷകൾ 31ന് ആരംഭിക്കും.
പരീക്ഷാഫലം
2017 നവംബറിൽ നടത്തിയ ഒന്നാം സെമസ്റ്റർ എംഎ മ്യൂസിക് (സിസിഎസ്എസ്) പരീക്ഷാഫലം വെബ്സൈറ്റിൽ.
2017 നവംബറിൽ നടത്തിയ മൂന്നാം സെമസ്റ്റർ എംടിഎ (സിസിഎസ്എസ്) പരീക്ഷാഫലം വെബ്സൈറ്റിൽ.
ഒന്ന്, മൂന്ന് (ജനുവരി 2018), രണ്ട് (ജൂലൈ 2017), നാല് (ആഗസ്റ്റ് 2017) സെമസ്റ്റർ എം.ആർക് അഡ്വാൻസ്ഡ് ആർകിടെക്ചർ/ സസ്റ്റൈനബിൾ ആർകിടെക്ചർ പരീക്ഷാഫലം വെബ്സൈറ്റിൽ. ഒന്നാം സെമസ്റ്റർ പുനർമൂല്യനിർണയത്തിന് 20 വരെ അപേക്ഷിക്കാം.
പുനർമൂല്യനിർണയ ഫലം
തേർഡ് പ്രഫഷണൽ ബിഎഎംഎസ് സപ്ലിമെന്ററി ജൂണ് 2017 പരീക്ഷയുടെയും, ഒന്നാം സെമസ്റ്റർ എംഎസ് സി മെഡിക്കൽ മൈക്രോബയോളജി ജൂലൈ 2017 പരീക്ഷയുടെയും പുനർമൂല്യനിർണയ ഫലങ്ങൾ വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
ഒന്നാം സെമസ്റ്റർ ക്ലാസുകൾ ആരംഭിക്കും
കാന്പസിലെ എംഎ സോഷ്യോളജി ഒന്നാം സെമസ്റ്റർ ക്ലാസ് ഒന്പതിന് രാവിലെ പത്തിന് ആരംഭിക്കും. സിസിഎസ്ഐടിയുടെ വിവിധ സെന്ററുകളിൽ എംസിഎ ക്ലാസുകൾ 11ന് ആരംഭിക്കും.
എംഎ ഹിന്ദി സീറ്റ് ഒഴിവിലേക്ക് അഭിമുഖം
ഹിന്ദി പഠനവകുപ്പിലെ എംഎ ഹിന്ദി ലിറ്ററേച്ചർ, എംഎ ഫംഗ്ഷണൽ ഹിന്ദി കോഴ്സുകളിൽ ഒഴിവുള്ള സീറ്റുകളിലേക്ക് ഒന്പതിന് രാവിലെ 10.30ന് അഭിമുഖം നടത്തും. അർഹരായവർക്ക് മെമ്മോ അയച്ചിട്ടുണ്ട്.
എക്സാമിനേഴ്സ് മീറ്റിംഗ്
നാലാം സെമസ്റ്റർ (സിയുസിഎസ്എസ്) എംഎസ് സി ബോട്ടണി പരീക്ഷയുടെ എക്സാമിനേഴ്സ് മീറ്റിംഗ് 12ന് രാവിലെ 11 ന് പാലക്കാട് വിക്ടോറിയ കോളജിലും, എംഎസ് സി സുവോളജി എക്സാമിനേഴ്സ് മീറ്റിംഗ് പത്തിന് രാവിലെ 1030ന് കോഴിക്കോട് മലബാർ ക്രിസ്ത്യൻ കോളജിലും എംഎസ് സി ഫിസിക്സ് എക്സാമിനേഴ്സ് മീറ്റിംഗ് 12ന് രാവിലെ 11ന് തിരൂരങ്ങാടി പിഎസ്എംഒ കോളജിലും (നോർത്ത് സോണ്) തൃശൂർ ശ്രീ കേരളവർമ്മ കോളജിലും (സൗത്ത് സോണ്) നടക്കും. എംഎസ് സി കെമിസ്ട്രി എക്സാമിനേഴ്സ് മീറ്റിംഗ് 13ന് രാവിലെ 11ന് കോഴിക്കോട് മലബാർ ക്രിസ്ത്യൻ കോളജിലും (നോർത്ത് സോണ് ), നാട്ടിക എസ്എൻ കോളജിലും (സൗത്ത് സോണ് ) നടക്കും. ഈ വിഷയങ്ങൾ പഠിപ്പിക്കുന്ന എല്ലാ അധ്യാപകരും ബന്ധപ്പെട്ട കാന്പുകളിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.