സ്പെഷല് അലോട്ട്മെന്‍റ്
കാലിക്കട്ട് സര്‍വകലാശാലയുടെ ബിരുദ പ്രവേശനത്തി‌നു ഗവണ്‍മെന്‍റ്, എയ്ഡഡ് കോളജുകളിലെ സ്വാശ്രയ കോഴ്സുകള്‍ ഒഴികെയുളള വിവിധ കോഴ്സുകളിലേക്ക് സ്പെഷല് അലോട്ട്മെന്‍റ് നാളെ വൈകിട്ട് അഞ്ചിന് പ്രസിദ്ധീകരിക്കും. അലോട്ട്മെന്‍റ്ലഭിക്കുന്ന വിദ്യാര്‍ഥികള്‍ക്ക് 10, 13 തിയതികളില്‍ അഡ്മിഷന്‍ എടുക്കാം.
സ്വാശ്രയ കോളജുകളിലേക്കും എയ്ഡഡ് കോളജുകളിലെ സ്വാശ്രയ കോഴ്സുകളിലേക്കുമുളള അഡ്മിഷന്‍ മൂന്നാമത്തെ അലോട്ട്മെന്‍റിനു ശേഷമുള്ള വേക്കന്‍സിയിലേക്കുള്ള അഡ്മിഷനായി അതത് കോളജുകളില്‍ വെയിറ്റിംഗ് ലിസ്റ്റിലുള്ള വിദ്യാര്‍ത്ഥികളുടെ പട്ടിക നാളെ വൈകിട്ട് അഞ്ച് മണിക്ക് നല്‍കും. ഓരോ കോഴ്സിനും ലഭ്യമായ ഒഴിവുകള്‍ വെബ്സൈറ്റില്‍ നിന്നും വിദ്യാര്‍ഥികള്‍ക്ക് ലോഗിന്‍ ചെയ്ത് പരിശോധിക്കാം.
ആവശ്യമായതും അഡ്മിഷന്‍ ലഭിക്കാന്‍ സാധ്യതയുള്ളതുമായ കോഴ്സുകളിലേക്ക് പ്രവേശനത്തിനായി അതത് കോളജുകളില്‍ പത്ത് മുതല്‍ 12 ഉച്ചയ്ക്ക് ഒന്നുവരെ റിപ്പോര്‍ട്ട് ചെയ്യാം.സ്വാശ്രയ കോളജുകളിലും എയ്ഡഡ് കോളജുകളിലെ സ്വാശ്രയ കോഴ്സുകളിലും 12ന് ഒരു മണിവരെ റിപ്പോര്‍ട്ട് ചെയ്യപ്പെടുന്നവരുടെ ഓരോ കോഴ്സിലെയും വിദ്യാര്‍ഥികളുടെയും റാങ്ക് ലിസ്റ്റ് 12ന് രണ്ടിന് പ്രസിദ്ധീകരിക്കും.ഇത്തരത്തില്‍ പ്രസിദ്ധീകരിച്ച റാങ്ക് ലിസ്റ്റില്‍ നിന്നും 13 മുതല്‍ 23 വരെയുളള തിയതികളില്‍ അഡ്മിഷന്‍ നല്‍കും
എംഎസ്‌സി മാത്‌സ് പ്രവേശന റാങ്ക് ലിസ്റ്റ്
മാത്‌സ് പഠനവകുപ്പിലെ എംഎസ്‌സി മാത്‌സ് പ്രവേശന റാങ്ക് ലിസ്റ്റ് വെബ്സൈറ്റില്‍ ലഭിക്കും. വിവിധ കാറ്റഗറികളില്‍ ഷുവര്‍ ലിസ്റ്റില്‍ ഉള്‍പ്പെട്ടവര്‍ ഒമ്പത് മുതല്‍ 11 വരെയും വെയിറ്റിംഗ് ലിസ്റ്റില്‍ ഉള്‍പ്പെട്ടവര്‍ 13ന് രാവിലെ 10.30നും എല്ലാ രേഖകളും സഹിതം പഠനവകുപ്പില്‍ ഹാജരാകണം.
എംഎസ്‌സി സൈക്കോളജി പ്രവേശനം: ഗ്രേഡ് കാര്‍ഡ് അയയ്ക്കണം
എംഎസ്‌സി സൈക്കോളജി പ്രവേശന പരീക്ഷ എഴുതിയവര്‍ ഡിഗ്രി കണ്‍സോളിഡേറ്റഡ് ഗ്രേഡ് കാര്‍ഡ് നാളെ പത്തിനകം ഇമെയിലിലേക്ക് അയയ്ക്കണം. ഫോണ്‍ : 0494 2407016, 2407017.
എംഎ പൊളിറ്റിക്കല്‍ സയന്‍സ്: ബിപിഎല്‍ സീറ്റ് ഒഴിവ്
കാലിക്കട്ട് സര്‍വകലാശാലാ പൊളിറ്റിക്കല്‍ സയന്‍സ് പഠനവകുപ്പില്‍ എംഎ പൊളിറ്റിക്കല്‍ സയന്‍സിന് മൂന്നാക്ക വിഭാഗത്തിലെ ബിപിഎല്‍കാര്‍ക്ക് സംവരണ ചെയ്ത ഒരു സീറ്റ് ഒഴിവുണ്ട്. പ്രവേശന റാങ്ക് ലിസ്റ്റില്‍ 51 മുതല്‍ താഴോട്ടുള്ള റാങ്കുകാരില്‍ എല്ലാ രേഖകളും (തദ്ദേശ സ്വയംഭരണ സ്ഥാപനത്തില്‍ നിന്ന് ലഭിച്ച ബിപിഎല്‍ സര്‍ട്ടിഫിക്കറ്റ്) സഹിതം പത്തിന് പഠനവകുപ്പില്‍ ഹാജരാകണം.
ഒന്നാം വര്‍ഷ അഫ്സല്‍ ഉല്‍ഉലമ പ്രിലിമിനറി ഹാള്‍ടിക്കറ്റ്/പരീക്ഷാ കേന്ദ്രം
12 മുതല്‍ ആരംഭിക്കുന്ന ഒന്നാം വര്‍ഷ അഫ്സല്‍ഉല്‍ ഉലമ പ്രിലിമിനറി പരീക്ഷയുടെ ഹാള്‍ടിക്കറ്റ് വെബ്സൈറ്റില്‍ നിന്നും ഡൗണ്‍ലോഡ് ചെയ്യാം. ചില പരീക്ഷാ കേന്ദ്രങ്ങളില്‍ മാറ്റമുണ്ട്. പരീക്ഷാകേന്ദ്രങ്ങള്‍ വെബ്സൈറ്റില്‍ നിന്ന് പരിശോധിച്ച് മാത്രം പരീക്ഷയ്ക്ക് ഹാജരാകണം.
ഒന്നാം സെമസ്റ്റര്‍ ബിഎഡ് സപ്ലിമെന്‍ററി പുനഃപരീക്ഷ
കോഴിക്കോട് സിഐസിഎസ് കോളജ് ഓഫ് ടീച്ചര്‍ എഡ്യുക്കേഷൻ, കോഴിക്കോട് പ്രോവിഡന്സ് ട്രെയിനിംഗ് കോളജ്, പൊന്നാനി എംഐ ട്രെയിനിംഗ് കോളജ്, പെരുമ്പിലാവ് മാര്‍ ഒസ്താതിയോസ് ട്രെയിനിംഗ് കോളജ് എന്നിവിടങ്ങളില്‍ ജനുവരി 18, 19 തിയതികളില്‍ നടത്തിയ ഒന്നാം സെമസ്റ്റര്‍ ബിഎഡ് (2015, 2016 പ്രവേശനം) പേപ്പര്‍ ഇഡിയു01എഡ്യുക്കേഷന്‍ ഇന്‍ കണ്ടംപററി ഇന്ത്യ, ഇഡിയു02ഡവലപ്മെന്റ് ഓഫ് ദി ലേണര്‍ എന്നീ സപ്ലിമെന്‍ററി പരീക്ഷകള്‍ റദ്ദാക്കി. പുനഃപരീക്ഷ യഥാക്രമം 12, 13 തിയതികളില്‍ താഴെ കൊടുത്ത കേന്ദ്രങ്ങളില്‍ നടക്കും.
കോഴിക്കോട് സിഐസിഎസ് കോളജ് ഓഫ് ടീച്ചര്‍ എഡ്യുക്കേഷന്‍ , കോഴിക്കോട് പ്രോവിഡന്സ് ട്രെയിനിംഗ് കോളജ് എന്നീ കേന്ദ്രങ്ങളില്‍ രജിസ്റ്റര്‍ ചെയ്തവര്‍ കോഴിക്കോട് സിഐസിഎസ് കോളേജ് ഓഫ് ടീച്ചര്‍ എഡ്യുക്കേഷനിലും പൊന്നാനി എംഐ ട്രെയിനിംഗ് കോളജ്, പെരുമ്പിലാവ് മാര്‍ ഒസ്താതിയോസ് ട്രെയിനിംഗ് കോളജ് എന്നിവിടങ്ങളില്‍ രജിസ്റ്റര്‍ ചെയ്തവര്‍ പെരുമ്പിലാവ് മാര്‍ ഒസ്താതിയോസ് ട്രെയിനിംഗ് കോളജിലും പരീക്ഷയ്ക്ക് ഹാജരാകണം.
മഞ്ചേരി യൂണിറ്റി വിമന്‍സ് കോളജ്: എംകോം എംസിക്യു പരീക്ഷ
മഞ്ചേരി യൂണിറ്റി വിമന്‍സ് കോളജില്‍ വിദൂരവിദ്യാഭ്യാസം ഒന്ന്, രണ്ട് സെമസ്റ്റര്‍ എംകോം (2016 പ്രവേശനം മാത്രംഎക്യൂ സീരീസ്) എംസിഐ സി1ബിസിനസ് എന്‍വയോണ്‍മെന്‍റ് റഗുലർ/സപ്ലിമെന്‍ററി/ഇംപ്രൂവ്മെന്‍റ് പരീക്ഷയ്ക്ക് ഹാജരായവര്‍ക്കുള്ള എംസിക്യു പരീക്ഷ 12ന് പത്ത് മുതല്‍ 10.15 വരെ നടക്കും.
പരീക്ഷാഫലം
2018 ഏപ്രിലില്‍ നടത്തിയ ഫൈനല്‍ എംഎ ഫിലോസഫി റഗുലര്‍ /സപ്ലിമെന്‍ററി/ഇംപ്രൂവ്മെന്‍റ് (നോണ്‍ സെമസ്റ്റർ) പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് 20 വരെ അപേക്ഷിക്കാം.
2017 ഏപ്രിലില്‍ നടത്തിയ രണ്ടാം സെമസ്റ്റര്‍ ബികോം/ബിബിഎ/ബികോം (വേകേഷണല്‍ )/ബിടിഎച്ച്എം/ബിഎച്ച്എ (സിയുസിബിസിഎസ്എസ്) റഗുലർ/സപ്ലിമെന്‍ററി/ഇംപ്രൂവ്മെന്‍റ പരീക്ഷാഫലം വെബ്സൈറ്റില്‍. പുനര്‍മൂല്യനിര്‍ണയത്തിനു 26 വരെ അപേക്ഷിക്കാം.
രണ്ടാം സെമസ്റ്റര്‍ ബിഎ (സിയുസിബിസിഎസ്എസ്) ഏപ്രില്‍ 2017 പരീക്ഷാഫലം വെബ്സൈറ്റില്‍ .
2017 ഡിസംബറില്‍ നടത്തിയ മൂന്നാം സെമസ്റ്റര്‍ എംസിജെ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനര്‍മൂല്യനിര്‍ണയത്തിന് 21 വരെ അപേക്ഷിക്കാം.
നാലാം സെമസ്റ്റര്‍ എംഎസ്‌സി മെഡിക്കല്‍ ബയോകെമിസ്ട്രി, മെഡിക്കല്‍ മൈക്രോബയോളജി, മെഡിക്കല്‍ ലബോറട്ടറി ടെക്നോളജി (മെയ് 2018) റഗുലര്‍ പരീക്ഷാഫലം വെബ്സൈറ്റില്‍.
പുനര്‍മൂല്യനിര്‍ണയ ഫലം
മൂന്നാം വര്‍ഷ ബിപിഎഡ് (ഇന്‍റഗ്രേറ്റഡ്) ഏപ്രില്‍ 2017 പരീക്ഷയുടെ പുനര്‍മൂല്യനിര്‍ണയ ഫലം വെബ്സൈറ്റില്‍ .
മൂന്നാം വര്‍ഷ ബിഎസ്‌സി മെഡിക്കല്‍ മൈക്രോബയോളജി, മെഡിക്കല്‍ ബയോകെമിസ്ട്രി, മെഡിക്കല്‍ ലബോറട്ടറി ടെക്നോളജി മാര്‍ച്ച് 2017 പരീക്ഷയുടെ പുനര്‍മൂല്യനിര്‍ണയ ഫലം വെബ്സൈറ്റില്‍ .
ലൈബ്രറി സയന്‍സ് റിഫ്രഷര്‍ കോഴ്സ്
ലൈബ്രറി സയന്‍സ് പഠിപ്പിക്കുന്ന കോളജ്/സര്‍വകലാശാലാ അധ്യാപകര്‍ക്കും യുജിസി ലൈബ്രേറിയന്‍മാര്‍ക്കും സര്‍വകലാശാലാ ഹ്യൂമണ്‍ റിസോഴ്സ് ഡവലപ്മെന്റ് സെന്‍ററില്‍ 12 മുതല്‍ നടത്താനിരുന്ന ലൈബ്രറി ആൻഡ് ഇന്‍ഫര്‍മേഷന്‍ സയന്‍സ് റിഫ്രഷര്‍ കോഴ്സ് നവംബര്‍ 23 മുതല്‍ ഡിസംബര്‍ 13 വരെ നടക്കും. നവംബര്‍ രണ്ട് വരെ ബന്ധപ്പെട്ടവെബ്സൈറ്റിലൂടെ ഓണ്‍ലൈനായി അപേക്ഷിക്കാം.