ബിരുദ പ്രവേശനം: ഓപ്ഷനിൽ മാറ്റം വരുത്താം
കണ്ണൂർ സർവകലാശാലയുടെ 201819 അധ്യയനവർഷത്തെ ബിരുദ പ്രവേശനത്തിൽ ഇതുവരെ അലോട്ട്മെന്‍റ് ലഭിക്കാത്ത വിദ്യാർഥികൾക്ക് ആവശ്യമെങ്കിൽ കാൻഡിഡേറ്റ് ലോഗിനിൽ ലോഗിൻ ചെയ്ത് 12ന് ഉച്ചവരെ കോളജ് ഓപ്ഷനുകളിൽ മാറ്റം വരുത്താം.
എംസിഎ പരീക്ഷാഫലം
പഠനവകുപ്പുകളിലെ രണ്ടാം സെമസ്റ്റർ എംസിഎ (റഗുലർ), നാലാം സെമസ്റ്റർ എംസിഎ (ലാറ്ററൽ എൻട്രി) മേയ് 2017 പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 20.
എംഎ അപ്ലൈഡ് ഇക്കണോമിക്സ് പരീക്ഷാഫലം
പഠനവകുപ്പുകളിലെ ഒന്നാം സെമസ്റ്റർ എംഎ അപ്ലൈഡ് ഇക്കണോമിക്സ് (റഗുലർ/സപ്ലിമെന്‍ററിനവംബർ 2017) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 21.
പ്രോജക്ട് മൂല്യനിർണയം
രണ്ടാം സെമസ്റ്റർ മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്‍റ് (എംടിടിഎം) ഡിഗ്രി (റഗുലർ/സപ്ലിമെന്‍ററിമാർച്ച് 2018) യുടെ പ്രോജക്ട് മൂല്യനിർണയം 13 ന് മുന്നാട് പീപ്പിൾസ് കോഓപ്പറേറ്റീവ് ആർട്സ് ആൻഡ് സയൻസ് കോളജിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
പ്രായോഗിക പരീക്ഷ/പ്രോജക്ട് മൂല്യനിർണയം/വാചാ പരീക്ഷ
എംഎസ്‌സി കംപ്യൂട്ടർ സയൻസ് ഡിഗ്രി (റഗുലർ/സപ്ലിമെന്‍ററിമാർച്ച് 2018) യുടെ നാലാം സെമസ്റ്ററിന്‍റെ പ്രോജക്ട് മൂല്യനിർണയം/വാചാപരീക്ഷ 13 നും രണ്ടാം സെമസ്റ്ററിന്‍റെ പ്രായോഗിക പരീക്ഷ 12 നും വിവിധ കേന്ദ്രങ്ങളിൽ നടത്തും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
ആറാം സെമസ്റ്റർ ബിടെക് പ്രയോഗിക പരീക്ഷകൾ
ആറാം സെമസ്റ്റർ ബിടെക് ഡിഗ്രി (സപ്ലിമെന്‍ററി/ഇന്പ്രൂവ്മെന്‍റ്പാർട് ടൈം ഉൾപ്പെടെ) മേയ് 2018 ഐടി, സിവിൽ, കംപ്യൂട്ടർ സയൻസ് ബ്രാഞ്ചുകളുടെ പ്രായോഗികപരീക്ഷകൾ 12 മുതൽ വിവിധ കേന്ദ്രങ്ങളിൽ ആരംഭിക്കും.വിശദമായ ടൈംടേബിൾ സർവകലാശാല വെബ്സൈറ്റിൽ.
അസിസ്റ്റന്‍റ് പ്രഫസർ നിയമനം
കണ്ണൂർ സർവകലാശാലയുടെ തലശരി കാന്പസിൽ പ്രവർത്തിക്കുന്ന ഡിപ്പാർട്ട്മെന്‍റ് ഓഫ് ബയോടെക്നോളജി ആൻഡ് മൈക്രോ ബയോളജിയിലേക്ക് കരാറടിസ്ഥാനത്തിൽ അസിസ്റ്റന്‍റ് പ്രഫസറെ (ബയോടെക്നോളജി) നിയമിക്കുന്നതിനായി 16 ന് ഉച്ചകഴിഞ്ഞ് 2.30 ന് താവക്കര ആസ്ഥാനത്ത് വാക്ക് ഇൻ ഇന്‍റർവ്യൂ നടത്തുന്നു. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാഫീസിനത്തിൽ 210 രൂപ സർവകലാശാല ഫണ്ടിൽ അടച്ച ചലാൻ രസീതുമായി അന്നേദിവസം രാവിലെ 11.30 ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ.
സംവാദം 12ന്
കണ്ണൂർ സർവകലാശാലയിൽ ഫിസിക്കൽ എഡ്യുക്കേഷനിൽ ഗവേഷണം നടത്തുന്ന പി. ജിതിൻ ജോസ് എന്ന വിദ്യാർഥി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം 12 ന് രാവിലെ 11 ന് മാങ്ങാട്ടുപറന്പ് കാന്പസിലെ സ്കൂൾ ഓഫ് ഫിസിക്കൽ എഡ്യുക്കേഷൻ ആൻഡ് സ്പോർട്സ് സയൻസ് വിഭാഗത്തിൽ നടത്തും. പ്രസ്തുത പ്രബന്ധം ലൈബ്രറിയിൽ പരിശോധനയ്ക്കു ലഭ്യമായിരിക്കും.