കമ്യൂണിറ്റി, ഭിന്നശേഷി വിഭാഗങ്ങളിൽ പിജി പ്രവേശനം
അഫിലിയേറ്റഡ് കോളജുകളിലേക്ക് പ്രവേശന പരീക്ഷ മുഖാന്തരമല്ലാത്ത പിജി പ്രവേശനത്തിന് കമ്യൂണിറ്റി, ഭിന്നശേഷി എന്നീ വിഭാഗങ്ങളിലേക്ക് അപേക്ഷിച്ചവരുടെ ലിസ്റ്റ് അതത് കോളജുകളിൽ ലഭ്യമാക്കിയിട്ടുണ്ട്. അപേക്ഷകർക്ക് ലോഗിൻ ചെയ്ത് അവർ അപേക്ഷിച്ച കോളജുകളുടെ വിവരങ്ങൾ അറിയാവുന്നതാണ്. കമ്യൂണിറ്റി വിഭാഗത്തിലേക്ക് അപേക്ഷിച്ചവർ 16ന് പകൽ 12നകം അപേക്ഷിച്ച കോളജുകളിൽ റിപ്പോർട്ട് ചെയ്യണം. റിപ്പോർട്ട് ചെയ്തവരിൽ നിന്ന് 16ന് രണ്ടിന് കോളജുകൾ തയ്യാറാക്കുന്ന കമ്യൂണിറ്റി റാങ്ക് ലിസ്റ്റിൽ ഉൾപ്പെടുന്നവർ 17ന് അതത് കോളജുമായി ബന്ധപ്പെട്ട് പ്രവേശനം പൂർത്തീകരിക്കണം. ഭിന്നശേഷി വിഭാഗത്തിലേക്ക് അപേക്ഷിച്ചവരെ കോളജിൽ നിന്ന് നേരിട്ട് ബന്ധപ്പെടുന്നതാണ്. ഫോണ് : 0494 2407016, 2407017.
ബിരുദ ഏകജാലകം: പ്ലസ്ടു സേ വിജയിച്ചവർക്ക് ഓണ്ലൈൻ രജിസ്ട്രേഷൻ
ബിരുദ ഏകജാലക പ്രവേശനത്തോടനുബന്ധിച്ച് പ്ലസ്ടു സേ പരീക്ഷ വിജയിച്ചവർക്ക് ഓണ്ലൈൻ രജിസ്ട്രേഷന് 12, 13 തിയതികളിൽ അവസരമുണ്ടായിരിക്കും. രജിസ്ട്രേഷൻ ഫീസ് ജനറൽ 530 രൂപ, എസ് സി/ എസ്ടി 370 രൂപ. ബിരുദ പ്രവേശനത്തിന് ഏതെങ്കിലും ഘട്ടത്തിൽ ഓണ്ലൈൻ രജിസ്ട്രേഷൻ പൂർത്തീകരിച്ചവർക്ക് ഈ അവസരം ലഭിക്കുന്നതല്ല. സ്പെഷൽ അലോട്ട്മെന്റ് പ്രവേശനത്തിന് ശേഷം ഗവണ്മെന്റ്/എയ്ഡഡ് കോളജുകളിൽ ഒഴിവുള്ള സീറ്റുകളിലേക്ക് 16ന് വൈകുന്നേരം അഞ്ചിന് രണ്ടാം സ്പെഷൽ അലോട്ട്മെന്റ് നടത്തും. 13വരെ ഗവണ്മെന്റ്/ എയ്ഡഡ് കോളജുകളിൽ പ്രവേശനം എടുക്കുന്ന വിദ്യാർഥികൾ ഹയർ ഓപ്ഷനിലേക്ക് പരിഗണിക്കേണ്ടതില്ലെങ്കിൽ അവ 13ന് വൈകുന്നേരം അഞ്ചിനകം കാൻസൽ ചെയ്യണം.
എംഎ വിമൻസ് സ്റ്റഡീസ് പ്രവേശനം
എംഎ വിമൻസ് സ്റ്റഡീസ് പ്രവേശനം (വെയിറ്റിംഗ് ലിസ്റ്റ്) 13ന് നടക്കും. റാങ്ക് ലിസ്റ്റിൽ ഉൾപ്പെട്ടവർ സർട്ടിഫിക്കറ്റുകളും ഫീസും സഹിതം രാവിലെ പത്ത് മണിക്ക് പഠനവകുപ്പിൽ എത്തണം.
എംഎസ് സി അപ്ലൈഡ് സുവോളജി റാങ്ക് ലിസ്റ്റ്
സുവോളജി പഠനവകുപ്പിലെ എംഎസ് സി അപ്ലൈഡ് സുവോളജി റാങ്ക് ലിസ്റ്റ് വെബ്സൈറ്റിൽ. ഷുവർ/ വെയിറ്റിംഗ് ലിസ്റ്റിൽ ഉൾപ്പെട്ടവർ എല്ലാ രേഖകളും സഹിതം 13ന് രാവിലെ 10.30ന് പഠനവകുപ്പിൽ അഭിമുഖത്തിന് ഹാജരാകണം.
എംഎസ് സി അപ്ലൈഡ് ജിയോളജി സീറ്റ് ഒഴിവ്
ജിയോളജി പഠനവകുപ്പിൽ എംഎസ് സി അപ്ലൈഡ് ജിയോളജിക്ക് ബിപിഎൽ, ഒബിഎച്ച് വിഭാഗത്തിൽ ഒരോന്നും, എസ് സി/ എസ്ടി വിഭാഗത്തിൽ രണ്ട് വീതവും സീറ്റുകൾ ഒഴിവുണ്ട്. റാങ്ക് ലിസ്റ്റിൽ ഉൾപ്പെട്ട ഈ വിഭാഗക്കാർ 13ന് ഉച്ചയ്ക്ക് ഒന്നിനകം പഠനവകുപ്പിൽ ഹാജരാകണം. ഫോണ് : 9037216561, 9791073714.
ബിടെക് അഞ്ചാം സെമസ്റ്റർ സപ്ലിമെന്ററി പരീക്ഷാ കേന്ദ്രം
ബിടെക് അഞ്ചാം സെമസ്റ്റർ (2004 സ്കീം) സപ്ലിമെന്ററി പരീക്ഷയ്ക്ക് താഴെ കൊടുത്ത ജില്ലകളിൽ രജിസ്റ്റർ ചെയ്തവർ ബ്രാക്കറ്റിൽ കാണുന്ന കേന്ദ്രങ്ങളിൽ പരീക്ഷ എഴുതണം. പാലക്കാട് ജില്ല (പാലക്കാട് എൻഎസ്എസ് എൻജിനിയറിംഗ് കോളജ്), തൃശൂർ ജില്ല (തൃശൂർ ഗവണ്മെന്റ് എൻജിനിയറിംഗ് കോളജ്), മലപ്പുറം ജില്ല (കോഹിനൂർ സർവകലാശാലാ എൻജിനിയറിംഗ് കോളജ്), കോഴിക്കോട് (കോഴിക്കോട് ഗവണ്മെന്റ് എൻജിനിയറിംഗ് കോളജ്).
പരീക്ഷാ അപേക്ഷ
നാലാം സെമസ്റ്റർ എംഎസ് സി ഫുഡ് സയൻസ് ആന്റ് ടെക്നോളജി (2016 പ്രവേശനം) റഗുലർ പരീക്ഷയ്ക്ക് പിഴകൂടാതെ 18 വരെയും 160 രൂപ പിഴയോടെ 20 വരെയും അപേക്ഷിക്കാം.
പരീക്ഷാഫലം
ഒന്നാം വർഷ ബിപിഎഡ്, ബിപിഎഡ് (ഇന്റഗ്രേറ്റഡ്) (ഏപ്രിൽ 2017) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 23 വരെ അപേക്ഷിക്കാം.
2018 ജനുവരിയിൽ നടത്തിയ ഒന്നാം സെമസ്റ്റർ എംടെക് തെർമൽ എൻജിനിയറിംഗ് (മെക്കാനിക്കൽ)/ മിക്കൽ പ്രോസസ് കണ്ട്രോൾ (കെമിക്കൽ)/സട്രക്ചറൽ എൻജിനിയറിംഗ്/ വർ ഇലക്ട്രോണിക്സ് ആന്റ് ഡ്രൈവ്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
സോഫ്റ്റ് സ്കിൽ ഡവലപ്മെന്റ് പ്രോഗ്രാം
കോളജ്/ സർവകലാശാലകളിലെ അസിസ്റ്റന്റ്/ അസോസിയേറ്റ് പ്രൊഫസർമാർക്കായി കാലിക്കട്ട് സർവകലാശാലാ ഹ്യൂമണ് റിസോഴ്സ് ഡവലപ്മെന്റ് സെന്റർ ഓഗസ്റ്റ് 13 മുതൽ 18 വരെ സംഘടിപ്പിക്കുന്ന സോഫ്റ്റ് സ്കിൽ ഡവലപ്മെന്റ് പ്രോഗ്രാമിലേക്ക് ഓണ്ലൈനായി 26നകം അപേക്ഷിക്കണം. അപേക്ഷാ ഫീ ആയിരം രൂപ. വെബ്സൈറ്റ്: ugchrdc.uoc.ac.in. . ഫോണ് : 0494 2407351.