സേ പരീക്ഷ ജയിച്ചവർക്ക് അപേക്ഷിക്കാം
ആർട്സ് ആൻഡ് സയൻസ് കോളജുകളിൽ (ഗവ., എയ്ഡഡ്, സ്വാശ്രയ, യുഐടി, ഐഎച്ച്ആർഡി) ഒന്നാംവർഷ ബിരുദ പ്രവേശനത്തിന് 2018ലെ പ്ലസ് ടു, വിഎച്ച്എസ്ഇ സേ പരീക്ഷ വിജയിച്ചവർക്ക് 16ന് പത്തിന് ഓൺലൈൻ വഴി രജിസ്റ്റർ ചെയ്യാം.ഓൺലൈൻ വഴിയും ഫീസ് അടയ്ക്കാമെന്നതിനാൽ ബാങ്ക് സമയം കഴിഞ്ഞും അവധി ദിവസങ്ങളിലും രജിസ്ട്രേഷൻ നടത്താം.
ഒന്നാംവർഷ ബിരുദ പ്രവേശനം: തിരുത്തലിന് അവസരം
ആർട്സ് ആൻഡ് സയൻസ് കോളജുകളിൽ (ഗവ., എയ്ഡഡ്, സ്വാശ്രയ, യുഐടി, ഐഎച്ച്ആർഡി) ഒന്നാംവർഷ ബിരുദ പ്രവേശനത്തിന് അപേക്ഷിച്ചിട്ടുള്ള വിദ്യാർഥികൾക്ക് 16ന് രാവിലെ പത്തുവരെ ഓൺലൈൻ അപേക്ഷയിൽ തിരുത്തൽ വരുത്താം.
വിവരങ്ങൾക്ക് സർവകലാശാല വെബ്സൈറ്റ് സന്ദർശിക്കുക.
പിജി ഓൺലൈൻ രജിസ്ട്രേഷൻ ആരംഭിച്ചു
കേരള സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ കോളജുകൾ, സെന്‍ററുകൾ എന്നിവിടങ്ങളിലെ ഒന്നാംവർഷ ബിരുദാനന്തര ബിരുദ പ്രവേശനത്തിനുള്ള (201819) ഓൺലൈൻ രജിസ്ട്രേഷൻ ആരംഭിച്ചു. വിശദ വിവരങ്ങൾക്ക് വെബ്സൈറ്റിൽ ലഭിക്കും. ഓൺലൈൻ രജിസ്ട്രേഷൻ അവസാന തീയതി 31.
പരീക്ഷാഫീസ്
നാലാം സെമസ്റ്റർ ബിടെക് 2008/2013 സ്കീം ഓഗസ്റ്റ് 2018 പരീക്ഷകൾക്ക് 18 വരെ പിഴകൂടാതെയും 50 രൂപ പിഴയോടെ 20 വരെയും 125 രൂപ പിഴയോടെ 23 വരെയും ഓൺലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
മൂല്യനിർണയ ക്യാന്പ്
ആറാം സെമസ്റ്റർ ബിഎ,ബിഎസ്‌സി, ബികോം, സിആർ, സിബിസിഎസ്എസ് മേയ് 2018 പരീക്ഷയുടെ മൂല്യനിർണയ ക്യാന്പുകളിൽ പങ്കെടുത്ത എല്ലാ അധ്യാപകരും റെമ്യൂണറേഷൻ ബിൽ, ഡാറ്റ ഷീറ്റ്, ബാങ്ക് പാസ് ബുക്കിന്‍റെ കോപ്പി എന്നിവ അതത് മൂല്യനിർണയ ക്യാന്പ് അഡ്മിനിസ്ട്രേറ്റീവ് ഓഫീസർക്ക് 13ന് സമർപ്പിക്കണം.
പരീക്ഷാഫലം
വിദൂര വിദ്യാഭ്യാസ പഠന കേന്ദ്രം വഴി ഏപ്രിൽ 2018 ൽ നടത്തിയ ഒന്നും രണ്ടും വർഷ എംഎച്ച്ആർഎം (മാസ്റ്റർ ഓഫ് ഹ്യൂമൻ റിസോഴ്സ് മാനേജ്മെന്‍റ്) സപ്ലിമെന്‍ററി പരീക്ഷാ ഫലം പ്രഖ്യാപിച്ചു.
പിഎച്ച്ഡി നൽകി
ആർ. ജയരാജ്, മേരി അനിത റൂബൻ (കൊമേഴ്സ്), രശ്മി ആർ.എൽ (ഇംഗ്ലീഷ്), സ്മിത പിള്ള (സോഷ്യോളജി), ദേവിക എസ് (എഡ്യൂക്കേഷൻ), അനുഷ എഡ്‌വിൻ (മാത്തമാറ്റിക്സ്), ദേവേന്ദ്രൻ.എസ് (അപ്ലൈഡ് സയൻസ് ആൻഡ് ടെക്നോളജി), സിൽജ ഏബ്രഹാം (കെമിസ്ട്രി), ശ്രീദേവി എസ് (ഹിന്ദി), സുമി കെ.വി (മാനേജ്മെന്‍റ് സ്റ്റഡീസ്).