ബിടെക് പരീക്ഷാഫലവും റിക്കാര്ഡ് വേഗത്തില്
ബിടെക് ഫൈനല് പരീക്ഷാഫലം പ്രസിദ്ധീകരിച്ചു. ഐടി ഒഴികെയുള്ള വിഷയങ്ങളിലെ 11850 വിദ്യാര്ഥികളുടെ ഫലമാണ് പ്രസിദ്ധീകരിച്ചത്. ഐടി ഫലം 18ന് പ്രസിദ്ധീകരിക്കും. കേവലം 48 പ്രവൃത്തി ദിവസങ്ങള് കൊണ്ട് റിക്കാര്ഡ് വേഗത്തിലാണ് പ്രസിദ്ധീകരിച്ചതെന്ന് പരീക്ഷാ കണ്ട്രോളര് ഡോ.വി.വി.ജോർജുകുട്ടി അറിയിച്ചു. ഇത് സാധ്യമാക്കിയ മൂല്യനിർണയം നടത്തിയ അധ്യാപകര് , ഡെപ്യൂട്ടി രജിസ്ട്രാര് കെ.ഷാജി, അസിസ്റ്റന്റ് രജിസ്ട്രാര്മാര് , സെക്ഷന് ഓഫീസര്മാര് , മറ്റ് സ്റ്റാഫ് അംഗങ്ങള് തുടങ്ങിയവരെ പരീക്ഷാ കണ്ട്രോളര് അഭിനന്ദിച്ചു. കാലിക്കട്ടിന് കീഴില് ബിടെക് കോഴ്സിന്റെ അവസാന ബാച്ചിന്റെ ഫൈനല് പരീക്ഷയാണിത്.
സുവർണ ജൂബിലി: മുന്കാല അധികാരികളുടെ സംഗമം 30ന്
കഴിഞ്ഞ കാലങ്ങളില് സെനറ്റ്സിൻഡിക്കറ്റ് അംഗങ്ങള് , വൈസ് ചാന്സലര് , പ്രോവൈസ് ചാന്സലര് , രജിസ്ട്രാര് , ഫിനാന്സ് ഓഫീസര് , പരീക്ഷാ കണ്ട്രോളര് എന്നീ നിലകളില് സേവനമനുഷ്ഠിച്ചിട്ടുള്ളവരുടെ വിപുലമായ സംഗമം സുവർണ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്നു. 30ന് സെമിനാര് കോംപ്ലക്സിലാണ് സംഗമം നടത്തുക.ഫോണ് : 0494 2407139, 9447947640.
ബിരുദ പ്രവേശനം: രണ്ടാം സ്പെഷല് അലോട്ട്മെന്റ് പ്രസിദ്ധീകരിച്ചു
ബിരുദ പ്രവേശനത്തിന് ഗവണ്മെന്റ്, എയ്ഡഡ് കോളജുകളിലെ (സ്വാശ്രയ കോഴ്സുകള് ഒഴികെ) വിവിധ കോഴ്സുകളിലേക്ക് രണ്ടാം സ്പെഷല് അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവര് 19ന് രണ്ടിനകം പ്രവേശനം നേടണം.
പ്രവേശന പരീക്ഷയുള്ള പിജി പ്രോഗ്രാം പ്രവേശനം
പ്രവേശന പരീക്ഷ മുഖേനയുള്ള എംഎസ്സി കംപ്യൂട്ടര് സയന്സ്, എംഎസ്സി ക്ലിനിക്കല് സൈക്കോളജി, എംഎസ്സി സൈക്കോളജി, എംഎസ്സി ജനറല് ബയോടെക്നോളജി, എംഎ ജേര്ണലിസം ആൻഡ് മാസ് കമ്യൂണിക്കേഷന് കോഴ്സുകള്ക്ക് പ്രവേശനത്തിന് കോളജുകളിലെ വെയിറ്റിംഗ് ലിസ്റ്റ് കോളജ് ലോഗിനില് ലഭ്യമാണ്. ഒന്നാം അലോട്ട്മെന്റിന് ശേഷമുള്ള മുഴുവന് ഒഴിവുകളും അതത് കോളജുകളില് 19ന് ഒന്നു വരെ റിപ്പോര്ട്ട് ചെയ്യുന്നവരെ ഉള്പ്പെടുത്തി റാങ്ക് ലിസ്റ്റ് തയ്യാറാക്കി 19, 20 തിയതികളില് പ്രവേശനം പൂര്ത്തീകരിക്കും.
ലേഡി മെഡിക്കല് ഓഫീസര് അഭിമുഖം
ഹെല്ത്ത് സെന്ററില് ലേഡി മെഡിക്കല് ഓഫീസര് തസ്തികയില് കരാര് നിയമനത്തിന് അപേക്ഷിച്ചവര്ക്കുള്ള അഭിമുഖം 20ന് 2.30ന് ഭരണവിഭാഗത്തില് നടക്കും. വിവരങ്ങള് വെബ്സൈറ്റില് . ഫോണ്: 0494 2407106.
എംസിഎ പ്രവേശനം: എസ്സി, എസ്ടി സീറ്റ് ഒഴിവ്
സിസിഎസ്ഐടികളില് എംസിഎ പ്രവേശനത്തിന് എസ്സി, എസ്ടി വിഭാഗങ്ങളില് യഥാക്രമം 43, 26 സീറ്റുകള് ഒഴിവുണ്ട്. റാങ്ക് ലിസ്റ്റില് ഉള്പ്പെട്ടവര് 20ന് 11 മണിക്ക് രേഖകള് സഹിതം സര്വകലാശാലാ കാമ്പസിലെ സിസിഎസ്ഐടിയില് ഹാജരാകണം.
എംബിഎ സീറ്റ് ഒഴിവ്
കോമേഴ്സ് ആൻഡ് മാനേജ്മെന്റ് സ്റ്റഡീസ്, വടകര, കോഴിക്കോട്, കുറ്റിപ്പുറം, തിരൂര് (തൃശൂര് ), തൃശൂര് ജോണ് മത്തായി സെന്റര് , പാലക്കാട് എന്നീ കേന്ദ്രങ്ങളിലും (ഒഴിവുള്ള സീറ്റുകളിലേക്ക്), അഫിലിയേറ്റഡ് മാനേജ്മെന്റ് ഇന്സ്റ്റിറ്റ്യൂട്ടുകളിലും എംബിഎ പ്രവേശനത്തിന് കാറ്റ്/സിമാറ്റ്/കെമാറ്റ് പാസായവര്ക്ക് 21 വരെ സര്വകലാശാലാ വെബ്സൈറ്റ് വഴി അപേക്ഷിക്കാം. ഫോണ് : 0494 2407363. ക്യാറ്റ്/സിമാറ്റ്/കെമാറ്റ് സ്കോറും ചലാനും സഹിതം അപേക്ഷിക്കണം. കാറ്റ്/സിമാറ്റ്/കെമാറ്റ് പരീക്ഷയ്ക്ക് ജനറല് , മറ്റ് പിന്നോക്ക വിഭാഗം, എസ്സി/എസ്ടി എന്നീ വിഭാഗങ്ങള് യഥാക്രമം 15%, 10%, 7.5% സ്കോര് നേടിയിരിക്കണം.
അപേക്ഷയുടെ പ്രിന്റൗട്ട്, ചലാന് , എസ്സി/എസ്ടി വിഭാഗം കമ്യൂണിറ്റി സര്ട്ടിഫിക്കറ്റ്, അഞ്ച് രൂപ സ്റ്റാമ്പ് പതിച്ച കവര് സഹിതം ദി ഹെഡ്, ഡിപ്പാര്ട്ടുമെന്റ് ഓഫ് കോമേഴ്സ് ആന്റ് മാനേജ്മെന്റ് സ്റ്റഡീസ്, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തില് 21ന് വൈകുന്നേരം അഞ്ച് മണിക്കകം ലഭിക്കണം.
പിജി ഒന്നാം സെമസ്റ്റര് ക്ലാസ് 20ന് ആരംഭിക്കും
അഫിലിയേറ്റഡ് കോളജുകളില് ഒന്നാം സെമസ്റ്റര് പിജി ക്ലാസുകള് 20ന് ആരംഭിക്കും.
ഹോട്ടല് മാനേജ്മെന്റ് സര്ട്ടിഫിക്കറ്റ് കോഴ്സ് പ്രാക്ടിക്കല് 18ന്
വിദൂരവിദ്യാഭ്യാസം ഹോട്ടല് മാനേജ്മെന്റ് സര്ട്ടിഫിക്കറ്റ് കോഴ്സ് പ്രാക്ടിക്കല് പരീക്ഷ ജൂലൈ 18ന് നടക്കും.
രണ്ടാം സെമസ്റ്റര് യജി പരീക്ഷക്ക് 20 വരെ അപേക്ഷിക്കാം
പ്രൈവറ്റ് രജിസ്ട്രേഷന് മോഡില് നിന്നും വിദൂരവിദ്യാഭ്യാസ മോഡിലേക്ക് ഈയടുത്ത് മാറിയവര്ക്ക് രണ്ടാം സെമസ്റ്റര് ബിഎ (ഉറുദു, മള്ട്ടീമീഡിയ ഒഴികെ)/ബിഎസ്സി/ബികോം/ബിബിഎ/ബിഎ അഫ്സല്ഉല്ഉലമ (സിയുസിബിസിഎസ്എസ്, 2017 പ്രവേശനം മാത്രം) റഗുലര് പരീക്ഷയ്ക്ക് സൂപ്പര് ഫൈനോടെ 20 വരെ അപേക്ഷിക്കാം.
പരീക്ഷാ അപേക്ഷ
എംഎസ്സി ബയോടെക്നോളജി (നാഷണല് സ്ട്രീം) രണ്ടാം സെമസ്റ്റര് (2017 പ്രവേശനം), നാലാം സെമസ്റ്റര് (2016 പ്രവേശനം) പരീക്ഷയ്ക്ക് 21 വരെയും 160 രൂപ പിഴയോടെ 24 വരെയും അപേക്ഷിക്കാം.
എംഎ സംസ്കൃതം വൈവ
വിദൂരവിദ്യാഭ്യാസം എംഎ സംസ്കൃതം ഫൈനല് പരീക്ഷയുടെ വൈവാ വോസി 23ന് പട്ടാമ്പി എസ്എന്ജിഎസ് കോളജില് നടക്കും. ഷെഡ്യൂള് വെബ്സൈറ്റില്.
പരീക്ഷാഫലം
എംഎസ്സി അക്വാകള്ച്ചര് ആൻഡ് ഫിഷറി മൈക്രോബയോളജി (സിയുസിഎസ്എസ്) ഒന്ന് (ഡിസംബര് 2017), രണ്ട് (ജൂണ് 2017), മൂന്ന് (ഡിസംബര് 2017) സെമസ്റ്റര് പരീക്ഷാഫലങ്ങള് വെബ്സൈറ്റില് . പുനര്മൂല്യനിര്ണയത്തിന് 28 വരെ അപേക്ഷിക്കാം.