പിഎച്ച്ഡി അംഗീകാരത്തിനുള്ള മാനദണ്ഡങ്ങൾ
യുജിസിയുടെ മാര്‍ഗനിര്‍ദ്ദേശങ്ങള്‍ പാലിച്ചുകൊണ്ട് ഇന്ത്യയിലെ സംസ്ഥാന/കേരള/ഡീംഡ് സര്‍വകലാശാലകള്‍ നല്‍കുന്ന പിഎച്ച്ഡി പ്രോഗ്രാമുകള് കാലിക്കട്ട് സര്‍വകലാശാല തത്തുല്യമായി അംഗീകരിക്കും. ഐഐഎം, ഐഐടി, ഐഐഎസ്‌സി, ഐസര്‍, നൈസര്‍, എന്‍ഐടി, എന്‍ഐഎസ്ടി തുടങ്ങിയവയുടെ പിഎച്ച്ഡിക്കും അംഗീകാരം ഉണ്ടാകും.
സിസിഎസ്എസ്, അതിന് മുമ്പുള്ള വാര്‍ഷിക പരീക്ഷാ രീതി എന്നീ സ്‌കീമുകളില്‍ പരീക്ഷ എഴുതിയവര്‍ക്ക് അഡീഷണല്‍ ഡിഗ്രി എഴുതുന്നതിനുള്ള ചട്ടം രൂപീകരിച്ചു.പഠനവകുപ്പുകളിലെ സിസിഎസ്എസ്പിജി പ്രോഗ്രാമുകള് പാസായവര്‍ക്ക് ഗ്രേഡ് മെച്ചപ്പെടുത്തുന്നതിനായി ഇംപ്രൂവ്മെന്‍റ് പരീക്ഷ എഴുതാന്‍ അനുവദിക്കും.ഒരു സ്വാശ്രയ കോളജില്‍ എന്‍ട്രന്‍സ് പരീക്ഷ എഴുതാതെ പ്രവേശനം നല്‍കിയ പത്ത് വിദേശ വിദ്യാര്‍ഥികളുടെ തടഞ്ഞുവെച്ച പരീക്ഷാഫലം പ്രസിദ്ധീകരിക്കാന്‍ തീരുമാനിച്ചു.2019 പ്രവേശനം മുതല്‍ യുജി പ്രോഗ്രാമുകളുടെ റഗുലേഷന്‍ പരിഷ്‌കരിക്കും. ഇതിന് മുന്നോടിയായി ബോർഡ് ഓഫ് സ്റ്റഡീസ്, ഫാക്കല്‍റ്റി, അക്കഡേമിക് കൗണ്‍സില്‍ , അധ്യാപക സംഘടനകള്‍ , വിദ്യാര്‍ഥി സംഘടനകള്‍ എന്നിവരുമായി ചര്‍ച്ചകള്‍ തുടരും. ആറു മാസത്തിനകം കരട് റഗുലേഷന്‍ തയ്യാറാക്കും.
വിദേശ വിദ്യാര്‍ഥികള്‍ക്കായി അഡീഷണല്‍ സപ്ലിമെന്ററി പരീക്ഷ നടത്തും. വീസ കാലാവധി കഴിഞ്ഞും ഇന്ത്യയില്‍ തങ്ങേണ്ടിവരുന്ന അവസ്ഥ ഒഴിവാക്കുന്നതിനായി സപ്ലിമെന്ററി പരീക്ഷ നേരത്തെ നടത്തണമെന്ന ഏതാനും വിദേശ വിദ്യാർഥികളുടെ അഭ്യര്‍ഥന മാനിച്ചാണിത്.
ഇഗ്നോയുടെ എല്ലാ ബിരുദങ്ങളും അംഗീകരിക്കണമെന്ന ഇഗ്നോ വടകര കേന്ദ്രത്തിലെ മേഖലാ ഡയറക്ടറുടെ അപേക്ഷ തള്ളി. ഓരോ കോഴ്സിന്‍റെയും തുല്യത അതത് പഠന ബോര്‍ഡുകള്‍ പരിശോധിച്ച ശേഷം അര്‍ഹമായവയ്ക്ക് അംഗീകാരം നല്‍കും.കേരളത്തിലെ സര്‍വകലാശാലകള്‍ക്ക് കീഴിലെ സ്ഥിരം അധ്യാപകര്‍ക്ക് കാലിക്കട്ട്സര്‍വകലാശാലയില്‍ പാര്‍ട്ട്ടൈം ഗവേഷണത്തിന് അനുമതി നല്‍കി.
തുല്യതാ സര്‍ട്ടിഫിക്കറ്റ് നല്‍കുന്നതിന് സംസ്ഥാനത്തെ സര്‍വകലാശാലകള്‍ മാനദണ്ഡം ഉണ്ടാക്കണമെന്ന സംസ്ഥാന ഉന്നത വിദ്യാഭ്യാസ കൗണ്‍സിലിന്‍റെ നിർദേശം പരിശോധിക്കുന്നതിനായി സമിതി രൂപീകരിക്കും. യോഗത്തില്‍ വൈസ് ചാന്‍സലര്‍ ഡോ.കെ.മുഹമ്മദ് ബഷീര്‍ അധ്യക്ഷനായിരുന്നു.
മത്സരപരീക്ഷകള്‍ക്ക് സൗജന്യ തീവ്രപരിശീലനം
സെക്രട്ടേറിയറ്റ് അസിസ്റ്റന്‍റ് ഉള്‍പ്പെടെ ബിരുദതലത്തിലുള്ള വിവിധ മത്സരപരീക്ഷകള്‍ക്ക് തയ്യാറെടുക്കുന്നവര്‍ക്കായി സര്‍വകലാശാലാ എംപ്ലോയ്മെന്‍റ് ഇന്‍ഫര്‍മേഷന്‍ ആൻഡ് ഗൈഡന്‍സ് ബ്യൂറോയുടെ ആഭിമുഖ്യത്തില്‍ 25 ദിവസത്തെ സൗജന്യ തീവ്രപരിശീലനം സംഘടിപ്പിക്കുന്നു. ആഗസ്റ്റ് ആദ്യവാരം ആരംഭിക്കും. പേര്, വയസ്, വിദ്യാഭ്യാസ യോഗ്യത, ഫോണ്‍ എന്നീ വിവരങ്ങള്‍ അടങ്ങിയ അപേക്ഷ 26ന് വൈകുന്നേരം അഞ്ച് മണിക്കകം ലഭിക്കത്തക്ക വിധം ഇമെയില്‍ /തപാലില്‍ അയക്കണം. വിലാസം: ഡെപ്യൂട്ടി ചീഫ്, യൂണിവേഴ്സിറ്റി എംപ്ലോയ്മെന്‍റ്ഇന്‍ഫര്‍മേഷന്‍ ആന്റ് ഗൈഡന്‍സ് ബ്യൂറോ, കാലിക്കറ്റ് യൂണിവേഴ്സിറ്റി പി.ഒ, മലപ്പുറം, 673635. ആദ്യം ലഭിക്കുന്ന 50 പേര്‍ക്കാണ് പ്രവേശനം. ഇമെയില്‍ : ഫോണ്‍ : 0494 2405540.
കോളജ് യൂണിയന്‍ തെരഞ്ഞെടുപ്പ്
ഈ വര്‍ഷത്തെ കോളജ് യൂണിയന്‍ തെരഞ്ഞെടുപ്പ് വിജ്ഞാപനം 25ന് പുറപ്പെടുവിക്കും. ഓഗസറ്റ് 16നാണ് വോട്ടെടുപ്പ്. വിവരങ്ങള്‍ക്കും തെരഞ്ഞെടുപ്പ് ഷെഡ്യൂളിനും വെബ്സൈറ്റ് സന്ദര്‍ശിക്കുക. പ്രിന്‍സിപ്പല്‍മാര്‍ ഷെഡ്യൂള്‍ പ്രകാരം തെരഞ്ഞെടുപ്പ് നടത്തി രേഖകള്‍ നിശ്ചിത സമയത്തിനകം സര്‍വകലാശാലാ വിദ്യാർഥിക്ഷേമ വിഭാഗത്തില്‍ എത്തിക്കണം.
ഏകജാലക പി.ജി പ്രവേശന രണ്ടാം അലോട്ട്മെന്‍റ് പ്രസിദ്ധീകരിച്ചു. അലോട്ട്മെന്‍റ് ലഭിച്ചവര്‍ മാന്‍ഡേറ്ററീ ഫീസ് (ജനറല്‍ 450 രൂപ, എസ്‌സി/എസ്ടി 105 രൂപ) 20ന് പകല്‍ രണ്ടിനകം അടച്ച് കോളജില്‍ സ്ഥിരം പ്രവേശനം എടുക്കണം.
എംഎ വിമണ്‍ സ്റ്റഡീസിന് എസ്‌സി സീറ്റ് ഒഴിവ്
വിമണ്‍ സ്റ്റഡീസ് പഠനവകുപ്പില്‍ എംഎ വിമണ്‍ സ്റ്റഡീസിന് എസ്‌സി വിഭാഗത്തില്‍ അഞ്ച് ഒഴിവുകളുണ്ട്. റാങ്ക് ലിസ്റ്റില്‍ ഉള്‍പ്പെട്ട എസ്‌സി വിഭാഗക്കാര്‍ രേഖകള്‍ സഹിതം 21ന് പത്തിന് പഠനവകുപ്പില്‍ ഹാജരാകണം.
എംഎസ്‌സി കംപ്യൂട്ടര്‍ സയന്‍സ് സീറ്റ് ഒഴിവ്
കംപ്യൂട്ടര്‍ സയന്‍സ് പഠനവകുപ്പില്‍ ഒന്നാം സെമസ്റ്റര്‍ എംഎസ്‌സിക്ക് ജനറല്‍ , എസ്ടി വിഭാഗങ്ങളില്‍ ഒരോ സീറ്റ് വീതം ഒഴിവുണ്ട്. റാങ്ക് ലിസ്റ്റില്‍ ഉള്‍പ്പെട്ടവര്‍ 20ന് രാവിലെ 11 ന് രേഖകള്‍ സഹിതം പഠനവകുപ്പില്‍ ഹാജരാകണം. എസ്ടി വിഭാഗത്തിന്‍റെ അഭാവത്തില്‍ അര്‍ഹമായ മറ്റ് വിഭാഗങ്ങളെ പരിഗണിക്കും.
ബിആര്‍ക്/ബിടെക് പരീക്ഷാ കേന്ദ്രം
നാലാം സെമസ്റ്റര്‍ ബിആര്‍ക് (2004, 2012 സ്‌കീം), നാലാം സെമസ്റ്റര്‍ ബിടെക് (2009, 2014 സ്‌കീം) പരീക്ഷ 31ന് ആരംഭിക്കും. താഴെ കൊടുത്ത കോളജുകളില്‍ രജിസ്റ്റര്‍ ചെയ്തവര്‍ ബ്രാക്കറ്റില്‍ കാണുന്ന കോളജില്‍ പരീക്ഷയ്ക്ക് ഹാജരാകണം.
മുതുമല, പാലക്കാട് ഇന്‍സ്റ്റിറ്റ്യൂട്ട് ഓഫ് സയന്‍സ് ആൻഡ് ടെക്നോളജി (പാലക്കാട് എന്‍എസ്എസ് എൻജിനിയറിംഗ് കോളജ്), പാലക്കാട് മുണ്ടൂര്‍ ആര്യാനെറ്റ് ഇന്‍സ്റ്റിറ്റ്യൂട്ട് ഓഫ് ടെക്നോളജി (കുളപ്പുള്ളി അല്‍അമീര്‍ എൻജിനിയറിംഗ് കോളജ്), കോഴിക്കോട് കളന്‍തോട് കെഎംസിടി കോളജ് ഓഫ് ആർക്കിടെക്ചര്‍ (ചേലേമ്പ്ര ദേവകി അമ്മ ഗുരുവായൂരപ്പന്‍ കോളജ് ഓഫ് ആര്‍കിടെക്ചര്‍ ).
രണ്ടാം സെമസ്റ്റര്‍ യുജി സപ്ലിമെന്ററി/ഇംപ്രൂവ്മെന്‍റ്: തീയതി നീട്ടി
അഫിലിയേറ്റഡ് കോളജ്/വിദൂരവിദ്യാഭ്യാസം/പ്രൈവറ്റ് രജിസ്ട്രേഷന്‍ /വിദേശ/കേരളത്തിന് പുറത്തെ കേന്ദ്രങ്ങളിലെ രണ്ടാം സെമസ്റ്റര്‍ ബിഎ/ബിഎസ്‌സി/ബിഎസ്‌സി ഇന്‍ എല്‍ആര്‍പി/ബിഎംഎംസി/ബികോം/ബികോം ഓണേഴ്സ്സിസിഎസ്എസ്/ബികോം വൊകേഷണല്‍ സ്ട്രീം/ബിബിഎ/ബിടിഎച്ച്എം/ബിഎച്ച്എ/ബിസിഎ/ബിഎസഡബ്ല്യൂ/ബിവിസി/ബിഎ അഫ്സല്‍ഉല്‍ഉല്‍ഉലമ/ബിടിഎഫ്പി/ബിടിഎ (സിയുസിബിസിഎസ്എസ്) സപ്ലിമെന്ററി/ഇംപ്രൂവ്മെന്‍റ് പരീക്ഷക്ക് പിഴകൂടാതെ അപേക്ഷിക്കാനുള്ള തിയതി 20 വരെ നീട്ടി.
പരീക്ഷാ അപേക്ഷ
നാലാം സെമസ്റ്റര്‍ എംടെക് (2013 മുതല്‍ പ്രവേശനം) സപ്ലിമെന്ററി പരീക്ഷയ്ക്ക് പിഴകൂടാതെ 25 വരെയും 160 രൂപ പിഴയോടെ 28 വരെയും അപേക്ഷിക്കാം (ഒന്നും രണ്ടും മൂന്നും സെമസ്റ്റര്‍ പരീക്ഷ പാസായവര്‍ക്ക് മാത്രം).
ബികോം/ബിബിഎ: പുനര്‍മൂല്യനിര്‍ണയ അപേക്ഷ
വിദൂരവിദ്യാഭ്യാസം രണ്ടാം സെമസ്റ്റര്‍ ബികോം/ബിബിഎ (സിയുസിബിസിഎസ്എസ്) റഗുലര്‍/സപ്ലിമെന്ററി/ഇംപ്രൂവ്മെന്‍റ് ഏപ്രില്‍ 2017 പരീക്ഷയുടെ പുനര്‍മൂല്യനിര്‍ണയത്തിന് ജൂലൈ 27 വരെ അപേക്ഷിക്കാം. പ്രിന്‍റൗട്ട്, ചലാന്‍ സഹിതം 31നകം ലഭിക്കണം.
പരീക്ഷാഫലം
ഏപ്രിലില്‍ നടത്തിയ എട്ടാം സെമസ്റ്റര്‍ ബിടെക് (2014, 09 പാര്‍ട്ട്ടൈം സ്‌കീം) റഗുലര്‍ /സപ്ലിമെന്ററി പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് ഓഗസ്റ്റ് നാലു വരെ അപേക്ഷിക്കാം. പ്രിന്‍റൗട്ട്, ചലാന്‍ സഹിതം 14നകം ലഭിക്കണം.
വിദൂരവിദ്യാഭ്യാസം ബിഎസ്‌സി മാത്തമാറ്റിക്സ് റഗുലര്‍ /സപ്ലിമന്‍ററി, ബിഎസ്‌സി കൗണ്‍സലിംഗ് സൈക്കോളജി സപ്ലിമെന്ററി (സിയുസിബിസിഎസ്എസ്) രണ്ടാം സെമസ്റ്റര്‍ (ഏപ്രില്‍ 2017) പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് 29 വരെ അപേക്ഷിക്കാം. പ്രിന്‍റൗട്ട്, ചലാന്‍ സഹിതം 31നകം ലഭിക്കണം.
2017 ഡിസംബറില്‍ നടത്തിയ മൂന്നാം സെമസ്റ്റര്‍ എംകോം (സിയുസിഎസ്എസ്) പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് 31 വരെ അപേക്ഷിക്കാം.
2018 ജൂണില്‍ നടത്തിയ നാലാം സെമസ്റ്റര്‍ എംഎസ്‌സി ജനറല്‍ ബയോടെക്നോളജി (സിയുസിഎസ്എസ്) പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് 31 വരെ അപേക്ഷിക്കാം.
ബിഎംഎംസി പ്രാക്ടിക്കല്‍
ബിഎംഎംസി മൂന്ന്, നാല് സെമസ്റ്റര്‍ പ്രാക്ടിക്കല്‍ പരീക്ഷ 30ന് ആരംഭിക്കും. ഷെഡ്യൂള്‍ വെബ്സൈറ്റില്‍ .