മെഡിക്കൽ നീറ്റ്: വ്യാജ സന്ദേശങ്ങളില്‍ ജാഗ്രത വേണം
തിരുവനന്തപുരം: കേരളത്തിലെ സര്‍ക്കാര്‍ മെഡിക്കല്‍ / ഡെന്‍റല്‍ കോളജുകളില്‍ അഖിലേന്ത്യാ നോമിനികള്‍ക്ക് നീക്കിവച്ചിട്ടുളള എംബിബിഎസ് / ബിഡിഎസ് സീറ്റുകളില്‍ അഡ്മിഷന്‍ ലഭിക്കുന്നതിന് ഫീസായി ലക്ഷങ്ങള്‍ ആവശ്യപ്പെട്ട് വ്യാജ സന്ദേശങ്ങള്‍ പ്രചരിക്കുന്നതിനെതിരെ ജാഗ്രത പാലിക്കണമെന്ന് മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ അറിയിച്ചു.
അഖിലേന്ത്യാ നോമിനികള്‍ക്കുളള സീറ്റുകളിലേക്കുളള പ്രവേശനം കേന്ദ്ര സര്‍ക്കാര്‍ നേരിട്ടാണ് നടത്തുന്നത്. വ്യാജ പ്രചാരണങ്ങളില്‍ സര്‍ക്കാര്‍ മെഡിക്കല്‍ / ഡെന്‍റല്‍ കോളേജ് സ്ഥാപന മേധാവികള്‍ ഉത്തരവാദികളല്ല എന്നും, വ്യാജ സന്ദേശങ്ങളില്‍ വഴി വഞ്ചിതരാകാതിരിക്കാന്‍ പൊതുജനങ്ങള്‍ പ്രത്യേകം ശ്രദ്ധിക്കണമെന്നും ഡയറക്ടര്‍ അറിയിച്ചു.