സീപാസിലെ ബിടെക് പരീക്ഷകൾ ഓഗസ്റ്റ് രണ്ടു മുതൽ
സീപാസിലെ രണ്ടാം സെമസ്റ്റർ (2017 അഡ്മിഷൻ റെഗുലർ, 2015 ആൻഡ് 2016 അഡ്മിഷൻ സപ്ലിമെന്‍ററി), നാലാം സെമസ്റ്റർ (2016 അഡ്മിഷൻ റെഗുലർ, 2015 അഡ്മിഷൻ സപ്ലിമെന്‍ററി) ബിടെക് പരീക്ഷകൾ ഓഗസ്റ്റ് രണ്ടു മുതൽ ആരംഭിക്കും. അപേക്ഷകൾ 24 വരെയും 50 രൂപ പിഴയോടെ 25 വരെയും 500 രൂപ സൂപ്പർഫൈനോടെ 26 വരെയും സ്വീകരിക്കും. അപേക്ഷകർ പേപ്പറൊന്നിന് 50 രൂപ വീതം (പരമാവധി സെമസ്റ്ററിന് 200 രൂപ) സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പ്രാക്ടിക്കൽ
2018 ഏപ്രിൽ, ജൂലൈ മാസങ്ങളിൽ തൃപ്പൂണിത്തുറ ആർഎൽവി കോളജിൽ നടത്തിയ ബിഎ നാലാം സെമസ്റ്റർ മ്യൂസിക് മൃദംഗം (സിബിസിഎസ്എസ് റെഗുലർ, സപ്ലിമെന്‍ററി) ബിഎ രണ്ടാം സെമസ്റ്റർ മ്യൂസിക് വീണ (സിബിസിഎസ്എസ് റെഗുലർ, സിബിസിഎസ്എസ് സപ്ലിമെന്‍ററി) പരീക്ഷയുടെ പ്രാക്ടിക്കൽ 25 മുതൽ 27 വരെ ആർഎൽവി കോളജിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ.
വൈവാവോസി: പുതുക്കിയ തീയതികൾ
നാലാം സെമസ്റ്റർ എംഎ മലയാളം (റെഗുലർ, സപ്ലിമെന്‍ററി) ജൂണ്‍ 2018 പരീക്ഷയുടെ പ്രോജക്ട് മൂല്യനിർണയവും വൈവാവോസിയും പുതുക്കി നിശ്ചയിച്ചു. പത്തനംതിട്ട കാതോലിക്കേറ്റ് കോളജിൽ 31നും ഓഗസ്റ്റ് ഒന്നിനും, പാലാ സെന്‍റ് തോമസ് കോളജിൽ 30 നും 31നും ആലുവ യുസി കോളജിൽ 25നും 26നും കുറവിലങ്ങാട് ദേവമാതാ കോളജിൽ 30 നും 31നും ആലുവ സെന്‍റ് സേവ്യേഴ്സ് കോളജ് ഫോർ വുമണിൽ 23 നും 24നും നടത്തുന്നതിനായി പുതുക്കി നിശ്ചയിച്ചു. മറ്റു കോളജുകളിൽ മുൻ നിശ്ചയിച്ച പ്രകാരം തന്നെ പരീക്ഷകൾ നടക്കും. തീയതികൾക്ക് മാറ്റമില്ല.
നാലാം സെമസ്റ്റർ എംഎ ഇക്കണോമിക്സ് (സിഎസ്എസ് റെഗുലർ, സപ്ലിമെന്‍ററി, ഇംപ്രൂവ്മെന്‍റ്) 2018 പരീക്ഷയുടെ പ്രോജക്ട്, വൈവാവോസി പരീക്ഷ 23 മുതൽ വിവിധ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
നാലാം സെമസ്റ്റർ എംഎസ്സി സൈക്കോളജി (സിഎസ്എസ് റെഗുലർ, സപ്ലിമെന്‍ററി, ഇംപ്രൂവ്മെന്‍റ്) മാർച്ച് 2018 പരീക്ഷയുടെ പ്രൊജക്ട് മൂല്യനിർണയവും വൈവാവോസി പരീക്ഷയും 23 മുതൽ വിവിധ കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ് സൈറ്റിൽ ലഭ്യമാണ്.
പിഎച്ച്ഡി ഫലം
2018 പിഎച്ച്ഡി പ്രോഗ്രാം അഭിരുചി എഴുത്തു പരീക്ഷയുടെ തടഞ്ഞുവയ്ക്കപ്പെട്ടിരുന്ന ഫലം പ്രസിദ്ധീകരിച്ചു. വിശദവിവരങ്ങൾ സർവകലാശാലാ വെബ് സൈറ്റിൽ.
പരീക്ഷാഫലം
2017 ഡിസംബറിൽ നടത്തിയ മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് (റെഗുലർ ആൻഡ് സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് രണ്ടു വരെ അപേക്ഷിക്കാം.
ബിബിഎ എൽഎൽബി പ്രവേശനം
സ്കൂൾ ഓഫ് ഇന്ത്യൻ ലീഗൽ തോട്ടിൽ പഞ്ചവത്സര ബിബിഎ എൽഎൽബി കോഴ്സിന് പ്രവേശന മെമ്മോ ലഭിച്ച വിദ്യാർഥികൾക്ക് 23 മുതൽ 25നു ഉച്ചകഴിഞ്ഞു ഒന്നു വരെ പ്രവേശനം നേടാം.
പിഎച്ച്ഡി നൽകി
കെമിസ്ട്രിയിൽ കെ.എസ്. ജോഷിക്കും എജ്യൂക്കേഷനിൽ റോണി എസ്. റോബർട്ട്, എൻ.സി. ഷൈജ, മിന്നി ജോർജ് എന്നിവർക്കും സുവോളജിയിൽ ഇ. സുനീഷിനും കംപ്യൂട്ടർ സയൻസിൽ ജോബിൻ ഏബ്രഹാമിനും മാത്തമാറ്റിക്സിൽ പ്രമദ രാമചന്ദ്രനും ഫിസിക്സിൽ മനേഷ് മൈക്കിൾ, അഞ്ജു കെ. നായർ, മേരി വർഗീസ് എന്നിവർക്കും പിഎച്ച്ഡി നൽകാൻ എംജി സർവകലാശാലാ സിൻഡിക്കറ്റ് തീരുമാനിച്ചു.