ആറു വർഷത്തിനു ശേഷം അസിസ്റ്റന്റ് സൂപ്രണ്ട് തസ്തികയിൽ നിയമനം
തിരുവനന്തപുരം: കോടതികളിലെ കേസുകളെത്തുടർന്ന് കഴിഞ്ഞ ആറു വർഷത്തിലേറെയായി മുടങ്ങിക്കിടന്ന ജയിൽ വകുപ്പിലെ അസിസ്റ്റന്റ് സൂപ്രണ്ട് ഗ്രേഡ് രണ്ട് തസ്തികയിൽ നിയമനം.
47 പേരെ താത്കാലിക സ്ഥാനക്കയറ്റം നൽകി വിവിധ സ്ഥലങ്ങളിലായി നിയമിച്ചു. ഹെഡ് വാർഡൻമാരുടെ സീനിയോരിറ്റി ലിസ്റ്റിൽനിന്നാണ് ഇവർക്കു സ്ഥാനക്കയറ്റം നൽകി നിയമിച്ചത്.കേരള അഡ്മിനിസ്ട്രേറ്റീവ് ട്രൈബ്യൂണലിന്റെ ഇടക്കാല ഉത്തരവിൽ 2012 ജനുവരി ഒന്നിനു നിലവിൽ വന്ന ഹെഡ് വാർഡൻമാരുടെ സംസ്ഥാനതല സീനിയോരിറ്റി ലിസ്റ്റിൽ നിന്നു സ്ഥാനക്കയറ്റം നൽകാൻ ഉത്തരവിട്ടിരുന്നു.