സ്കൂൾ ഓഫ് ഹെൽത്ത് സയൻസിൽ സ്വാശ്രയ എംഎസ് സി ഫുഡ് സയൻസ് ആൻഡ് ടെക്നോളജി പ്രവേശന കൗണ്‍സലിംഗ് 26ന് രാവിലെ പത്തിന് നടക്കും. റാങ്ക് ഒന്ന് മുതൽ 25 വരെയുള്ളവരും മുഴുവൻ എസ്‌സി/ എസ്ടി/ ഒഇസി വിഭാഗക്കാരും ഹാജരാകണം. നോണ് എൻട്രൻസ് വിഭാഗത്തിൽ റാങ്ക് ഒന്ന് മുതൽ 20 വരെയുള്ളവരും മുഴുവൻ എസ്‌സി/ എസ് ടി/ ഒഇസി വിഭാഗക്കാരും ഉച്ചയ്ക്ക് 12 ന് ഹാജരാകണം.
മത്സരപരീക്ഷാ പരിശീലനം സെക്രട്ടേറിയറ്റ് അസിസ്റ്റന്‍റ് ഉൾപ്പെടെ ബിരുദതലത്തിലുള്ള വിവിധ മത്സരപരീക്ഷകൾക്ക് തയ്യാറെടുക്കുന്നവർക്കായി സർവകലാശാലാ എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ 25 ദിവസത്തെ സൗജന്യ തീവ്രപരിശീലനം സംഘടിപ്പിക്കുന്നു. ഓഗസ്റ്റ് ആദ്യവാരം ആരംഭിക്കും. പങ്കെടുക്കാൻ ആഗ്രഹിക്കുന്നവർ പേര്, വയസ്, വിദ്യാഭ്യാസ യോഗ്യത, ഫോണ് എന്നീ വിവരങ്ങൾ അടങ്ങിയ അപേക്ഷ 26ന് വൈകുന്നേരം അഞ്ചിനകം ലഭിക്കത്തക്ക വിധം ഇമെയിൽ/തപാലിൽ അയക്കണം. വിലാസം: ഡെപ്യൂട്ടി ചീഫ്, യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ, കാലിക്കട്ട് യൂണിവേഴ്സിറ്റി പിഒ, മലപ്പുറം, 673635. ആദ്യം ലഭിക്കുന്ന 50 പേർക്കാണ് പ്രവേശനം. ഇമെയിൽ:
[email protected] ഫോണ്: 0494 2405540.
അസിസ്റ്റന്‍റ് പ്രഫസർ: വാക് ഇൻ ഇന്‍റർവ്യൂ കംപ്യൂട്ടർ സയൻസ്, ഫിസിക്സ്, സൈക്കോളജി എന്നീ പഠനവകുപ്പുകളിൽ യഥാക്രമം എസ്ടി/ ലാറ്റിൻ കാത്തലിക്/ ആംഗ്ലോ ഇന്ത്യൻ (എൽസി/ എഐ)/ഓപ്പണ്‍ എന്നീ ഒഴിവുകളിലേക്ക് അസിസ്റ്റന്‍റ് പ്രഫസർ തസ്തികയിൽ കരാർ നിയമനത്തിന് ഓഗസ്റ്റ് നാലിന് വാക് ഇൻ ഇന്‍റർവ്യൂ നടത്തുന്നു. യോഗ്യത, വയസ്, ജാതി എന്നിവ തെളിയിക്കുന്ന രേഖകൾ സഹിതം സർവകലാശാലാ ഭരണവിഭാഗത്തിൽ ഹാജരാകണം. സമയം: കംപ്യൂട്ടർ സയൻസ് (രാവിലെ 10.30), ഫിസിക്സ് (ഉച്ചയ്ക്ക് 12), സൈക്കോളജി (ഉച്ച കഴിഞ്ഞ് 2.30).
താത്കാലിക അധ്യാപക നിയമനം തൃശൂർ ഡോ. ജോണ് മത്തായി സെന്‍ററിലെ ഇന്‍റർ യൂണിവേഴ്സിറ്റി സെന്‍റർ ഫോർ ഫിനാൻഷൽ ഇക്കണോമിക്സ് വിഭാഗത്തിൽ പിജി കോഴ്സിലേക്ക് അധ്യാപകരെ ദിവസ വേതന അടിസ്ഥാനത്തിൽ നിയമിക്കുന്നു. യോഗ്യരായവർ രേഖകൾ സഹിതം 30ന് രാവിലെ 10.30ന് പഠനവിഭാഗത്തിൽ അഭിമുഖത്തിന് ഹാജരാകണം.
എംസിഎ പ്രവേശന കൗണ്‍സലിംഗ് സർവകലാശാലാ കാന്പസ്, വടകര, മഞ്ചേരി, മുട്ടിൽ, തൃശൂർ ജെഎംസി, കുറ്റിപ്പുറം, മണ്ണാർക്കാട്, പാലക്കാട്, പുതുക്കാട്, പുല്ലൂട്ട്, തളിക്കുളം, തിരൂർ എന്നീ സിസിഎസ്ഐടികളിൽ ഒഴിവുള്ള എംസിഎ സീറ്റുകളിലേക്ക് രണ്ടാംഘട്ട കൗണ്‍സലിംഗ് സർവകലാശാലാ സിസിഎസ്ഐടിയിൽ 30ന് രാവിലെ 10.30ന് നടക്കും. വെബ്സൈറ്റിൽ നിന്ന് ആന്‍റി റാഗിംഗ് അഫിഡവിറ്റും അഡ്മിറ്റ് കാർഡും ഡൗണ്ലോഡ് ചെയ്ത് പൂരിപ്പിച്ച് രേഖകൾ സഹിതം ഹാജരാകണം. ആദ്യഘട്ട കൗണ്‍സലിംഗിന് റിപ്പോർട്ട് ചെയ്ത് അഡ്മിറ്റ് കാർഡ് സമർപ്പിച്ചവർ വീണ്ടും കാർഡ് ഹാജരാക്കേണ്ടതില്ല.
പരീക്ഷ നാലാം സെമസ്റ്റർ ബിപിഎഡ് (ദ്വിവത്സരം, 2016 പ്രവേശനം) റഗുലർ/ സപ്ലിമെന്‍ററി പരീക്ഷ ഓഗസ്റ്റ് ഒന്പതിന് ആരംഭിക്കും.
പരീക്ഷാ അപേക്ഷ വിദൂരവിദ്യാഭ്യാസം ഒന്ന്, രണ്ട് സെമസ്റ്റർ എംകോം (2013 മുതൽ പ്രവേശനം) സപ്ലിമെന്‍ററി/ ഇംപ്രൂവ്മെന്‍റ് പരീക്ഷയ്ക്ക് പിഴകൂടാതെ 30 വരെയും 160 രൂപ പിഴയോടെ ഓഗസ്റ്റ് രണ്ട് വരെയും അപേക്ഷിക്കാം.
എംപിഎഡ് ഒന്നാം സെമസ്റ്റർ (2017 പ്രവേശനം), മൂന്നാം സെമസ്റ്റർ (2016 പ്രവേശനം) റഗുലർ/ സപ്ലിമെന്‍ററി പരീക്ഷയ്ക്ക് പിഴകൂടാതെ ജൂലൈ 30 വരെയും 160 രൂപ പിഴയോടെ ഓഗസ്റ്റ് ഒന്ന് വരെയും അപേക്ഷിക്കാം.
പരീക്ഷാഫലം വിദൂരവിദ്യാഭ്യാസം ബിഎംഎംസി (സിയുസിബിസിഎസ്എസ്) റഗുലർ അഞ്ചാം സെമസ്റ്റർ (നവംബർ 2017), ആറാം സെമസ്റ്റർ (ഏപ്രിൽ 2018) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഓഗസ്റ്റ് നാല് വരെ അപേക്ഷിക്കാം. പ്രിന്‍റൗട്ട്, ചലാൻ സഹിതം ഓഗസ്റ്റ് ആറിനകം ലഭിക്കണം.
2018 ജൂണിൽ നടത്തിയ നാലാം സെമസ്റ്റർ എംഎ ഹിന്ദി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഓഗസ്റ്റ് രണ്ട് വരെ അപേക്ഷിക്കാം.
2018 ജൂണിൽ നടത്തിയ നാലാം സെമസ്റ്റർ എംഎസ്‌സി ക്ലിനിക്കൽ സൈക്കോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഓഗസ്റ്റ് മൂന്ന് വരെ അപേക്ഷിക്കാം.
പ്രീ മാരിറ്റൽ കൗണ്‍സലിംഗ് സംസ്ഥാന സർക്കാറിന്‍റെ ന്യൂനപക്ഷ ക്ഷേമ ഡയറക്ടറേറ്റ് സർവകലാശാലാ ഇസ്ലാമിക് ചെയറിൽ വച്ച് സൗജന്യ പ്രീമാരിറ്റൽ കൗണ്‍സലിംഗ് പ്രോഗ്രാം നടത്തുന്നു. 18 വയസായ അവിവാഹിതർക്കു പങ്കെടുക്കാം. ഓഗസ്റ്റ് 12 മുതൽ നാല് ഞായറാഴ്ചകളിലായി രണ്ട് സെഷനുകളിലായിരിക്കും ക്ലാസുകൾ. രജിസ്ട്രേഷന് ഫോണ്: 9746904678.