എംബിഎ ക്ലാസുകള്ക്ക് അവധി
നാലാം സെമസ്റ്റര് എംബിഎ (സിയുസിഎസ്എസ്) മൂല്യനിര്ണയ ക്യാമ്പ് 26 മുതല് ആഗസ്റ്റ് മൂന്ന് വരെ സര്വകലാശാലാ കൊമേഴ്സ് പഠനവകുപ്പിലും തൃശൂര് ജോണ് മത്തായി സെന്ററിലും നടക്കുന്നതിനാല് 28 വരെ എല്ലാ എംബിഎ സ്ഥാപനങ്ങളിലും ക്ലാസുകള്ക്ക് അവധി നല്കി.
എല്എല്ബി ക്ലാസുകള് ഉണ്ടായിരിക്കുന്നതല്ല
എല്എല്ബി പരീക്ഷയുടെ മൂല്യനിര്ണയ ക്യാമ്പ് 27 വരെ നീട്ടി. എല്ലാ ലോ കോളജുകളിലെയും 26, 27 തിയതികളിലെ എല്എല്ബി റഗുലര് ക്ലാസുകള്ക്ക് അവധി നല്കി.
ബിഐഡി ഹാള്ടിക്കറ്റ്
വിദൂരവിദ്യാഭ്യാസം നാലാം സെമസ്റ്റര് ബിഐഡി (2015 പ്രവേശനം) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷയുടെ ഹാള്ടിക്കറ്റ് വെബ്സൈറ്റില് . പ്രാക്ടിക്കല് പരീക്ഷ 26ന് ആരംഭിക്കും.
ബികോം സ്പെഷല് സപ്ലിമെന്ററി പരീക്ഷ
2005 മുതല് പ്രവേശനം നേടി എല്ലാ അവസരങ്ങളും കഴിഞ്ഞ വിദ്യാര്ഥികള്ക്ക് അവസാന വര്ഷ ബികോം പാര്ട്ട് മൂന്ന് (പേപ്പര് ഒന്ന് മുതല് 17 വരെ) സ്പെഷല് സപ്ലിമെന്ററി പരീക്ഷയ്ക്ക് ഓണ്ലൈനില് 31 വരെ അപേക്ഷിക്കാം. പരീക്ഷാ ഫീ: പേപ്പര് ഒന്നിന് 2625 രൂപ. ഫോൺ: 0494 2407367.
വിദൂരവിദ്യാഭ്യാസ മോഡിലേക്ക് മാറാന് അവസരം
201718 അധ്യയന വര്ഷത്തില് പ്രൈവറ്റ് രജിസ്ട്രേഷന് വഴി വിവിധ ബിരുദ പ്രോഗ്രാമുകള്ക്ക് (ബിഎ ഉറുദു, മള്ട്ടിമീഡിയ ഒഴികെ) പ്രവേശനം നേടി ഇതുവരെ എസ്ഡിഇ മോഡിലേക്ക് മാറാത്തവര് രണ്ടാം സെമസ്റ്റര് പരീക്ഷയ്ക്ക് മുമ്പായി മാറണം. 1,200 രൂപ പിഴകൂടി അടച്ച ചലാന്, പ്ലസ്ടു സര്ട്ടിഫിക്കറ്റ്, ടിസി എന്നിവ സഹിതം വിദൂരവിദ്യാഭ്യാസ വിഭാഗത്തില് നേരിട്ട് ഹാജരാകണം. വിവരങ്ങള്ക്ക് : 0494 2400288, 2407356.
രണ്ടാം സെമസ്റ്റര് യുജി പുനര്മൂല്യനിര്ണയ അപേക്ഷ
രണ്ടാം സെമസ്റ്റര് ബിഎ/ബിഎസ്ഡബ്ല്യൂ/ബിവിസി/ബിടിഎഫ്പി/ബിടിടിഎം/ബിഎ അഫ്സല്ഉല്ഉലമ (സിയുസിബിസിഎസ്എസ്) ഏപ്രില് 2017 പരിക്ഷകളുടെ പുനര്മൂല്യനിര്ണയത്തിന് ആഗസ്റ്റ് ആറു വരെ അപേക്ഷിക്കാം. പ്രിന്റൗട്ട്, ചലാന് സഹിതം ആഗസ്റ്റ് എട്ടിനകം ലഭിക്കണം.
പരീക്ഷാഫലം
2017 ഏപ്രിലില് നടത്തിയ നാലാം സെമസ്റ്റര് ബിഎസ്സി/ബിസിഎ (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനര്മൂല്യനിര്ണയത്തിന് ആഗസ്റ്റ് ഏഴ് വരെ അപേക്ഷിക്കാം. പ്രിന്റൗട്ട്, ആഗസ്റ്റ് പത്തിനകം ലഭിക്കണം. രണ്ട്, നാല് സെമസ്റ്റര് എംസിഎ (സിയുസിഎസ്എസ്) സ്പെഷല് സപ്ലിമെന്ററി ഡിസംബര് 2017 പരീക്ഷാഫലം വെബ്സൈറ്റില് .
2017 ഡിസംബറില് നടത്തിയ ഒന്ന്, മൂന്ന് സെമസ്റ്റര് എംഎഡ് പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് ആഗസ്റ്റ് രണ്ട് വരെ അപേക്ഷിക്കാം.
അധ്യാപകര്ക്ക് സോഫ്റ്റ് സ്കില് ഡവലപ്മെന്റ് പ്രോഗ്രാം
ഹ്യുമണ് റിസോഴ്സ് ഡവലപ്മെന്റ സെന്റർ, കോളജ്/സര്വകലാശാലാ അസിസ്റ്റന്റ/അസോസിയേറ്റ് പ്രഫസര്മാര്ക്ക് വേണ്ടി ആഗസ്റ്റ് 13 മുതല് 18 വരെ സംഘടിപ്പിക്കുന്ന സോഫ്റ്റ് സ്കില് ഡവലപ്മെന്റ് പ്രോഗ്രാമിലേക്ക് ഓണ്ലൈനായി അപേക്ഷിക്കാം.. ഫോണ് : 0494 2407351.
മണ്ണാര്ക്കാട് കേന്ദ്രം ബികോം എംസിക്യൂ പരീക്ഷ
വിദൂരവിദ്യാഭ്യാസം/പ്രൈവറ്റ് രജിസ്ട്രേഷന് രീതിയില് മണ്ണാര്ക്കാട് കേന്ദ്രത്തില് അഞ്ചാം സെമസ്റ്റര് ബികോം (സിയുസിബിസിഎസ്എസ്) ഓപ്പണ് കോഴ്സ് ചലച്ചിത്ര പഠനം, ലൈഫ് സ്കില് എഡ്യുക്കേഷന് എന്നീ റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ ഡിസംബര് നാലിന് എഴുതിയവര്ക്കുള്ള എംസിക്യു 31ന് ഉച്ചയ്ക്ക് 1.30ന് അതേ കേന്ദ്രത്തില് നടക്കും.
സര്വകലാശാലയില് നാടകം പുനരാരംഭിക്കുന്നു
കാലിക്കട്ട് സര്വകലാശാലയില് നാടകാവതരണ പരിപാടി പുനരാരംഭിക്കുന്നു. കേരള സംഗീത നാടക അക്കാദമിയുടെ ആഭിമുഖ്യത്തില് സര്വകലാശാലാ പബ്ലിക് റിലേഷന്സ് വിഭാഗമാണ് നാടകം സംഘടിപ്പിക്കുന്നത്. ഓഗസ്റ്റ് ഒമ്പതിനാണ് അടുത്ത നാടകം. സര്വകലാശാലാ ഓഡിറ്റോറിയത്തില് വൈകുന്നേരം 6.30ന് നടത്തുന്ന പരിപാടിയില് പ്രവേശനം സൗജന്യമാണ്. അമ്പലപ്പുഴ അക്ഷരജ്വാലാ സമിതിയുടെ 'വേറിട്ട കാഴ്ചകള് ' ആണ് ഒമ്പതാം തിയതി അവതരിപ്പിക്കുക.
സുവര്ണ്ണ സംഗമം 30ന്
കഴിഞ്ഞ കാലങ്ങളില് സെനറ്റ്സിന്റിക്കേറ്റ് അംഗങ്ങള്, വൈസ് ചാന്സലര് , പ്രോവൈസ് ചാന്സലര് , രജിസ്ട്രാര്, ഫിനാന്സ് ഓഫീസര്, പരീക്ഷാ കണ്ട്രോളര്, അധ്യാപകര് എന്നീ നിലകളില് സേവനമനുഷ്ഠിച്ചിട്ടുള്ളവരുടെ വിപുലമായ സംഗമം സുവര്ണ്ണ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്നു. 30ന് സെമിനാര് കോംപ്ലക്സിലാണ് സംഗമം നടത്തുക. നിയമസഭാ സ്പീക്കര് പി.ശ്രീരാമകൃഷ്ണന് ഉദ്ഘാടനം ചെയ്യും. ഫോണ് : 0494 2407139, 9447947640.
ത്രിദിന അറബി അന്താരാഷ്ട്ര സെമിനാര്
അറബിക് പഠനവിഭാഗം, അറബിഭാഷാ പഠനം രണ്ടായിരത്തിന് ശേഷം'എന്ന വിഷയത്തില് ഇന്നു മുതല് 27 വരെ തിയതികളില് അന്താരാഷ്ട്ര സെമിനാര് സംഘടിപ്പിക്കുന്നു. അറബി വിഭാഗം ഹാളില് രാവിലെ പത്തിന് പ്രൊവൈസ് ചാന്സലര് ഡോ.പി.മോഹന് സെമിനാര് ഉദ്ഘാടനം ചെയ്യും. ഫോണ് : 9497343532.
കോളജ് യൂണിയന് തെരഞ്ഞെടുപ്പ് വിജ്ഞാപനം 31ന്
ഈ വര്ഷത്തെ കോളജ് യൂണിയന് തെരഞ്ഞെടുപ്പ് വിജ്ഞാപനം പുറപ്പെടുവിക്കുന്ന തിയതി 31ലേക്ക് മാറ്റി. ആഗസറ്റ് 16നാണ് വോട്ടെടുപ്പ്. വിവരങ്ങള്ക്കും തെരഞ്ഞെടുപ്പ് ഷെഡ്യൂളിനും വെബ്സൈറ്റ് സന്ദര്ശിക്കുക.
സെനറ്റ് യോഗം മാറ്റി
സെനറ്റ് യോഗം ആഗസ്റ്റ് 18ലേക്ക് മാറ്റി.
ഇസ്ലാമിക് സ്റ്റഡീസ് അഡ്വാന്സഡ് ഡിപ്ലോമ
ഇസ്ലാമിക് ചെയറില് ആരംഭിക്കുന്ന അഡ്വാന്സഡ് ഡിപ്ലോമാ ഇന് ഇസ്ലാമിക് സ്റ്റഡീസ് കോഴ്സിന് അപേക്ഷ ക്ഷണിച്ചു. രണ്ട് സെമസ്റ്ററുകളായി ഒരു വര്ഷ ഫുള്ടൈം കോഴ്സാണിത്. ഏതെങ്കിലും വിഷയത്തില് ഡിഗ്രിയുള്ളവര്ക്ക് അപേക്ഷിക്കാം. അവസാന തിയതി 30. വിവരങ്ങള്ക്ക്: 9048599860, 9072090476.