പിജി ഏകജാലകം: രണ്ടാം അലോട്ട്മെന്റ് പ്രസിദ്ധീകരിച്ചു
പിജി ഏകജാലകം വഴിയുള്ള രണ്ടാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവർ 30ന് വൈകുന്നേരം 4.30ന് മുന്പായി ബന്ധപ്പെട്ട കോളജുകളിൽ റിപ്പോർട്ട് ചെയ്യണം. അല്ലാത്തപക്ഷം അലോട്ട്മെന്റ് റദ്ദാക്കപ്പെടും.
അപേക്ഷാ തീയതി
അഫിലിയേറ്റഡ് കോളജുകളിലെ ഒന്നാം സെമസ്റ്റർ ബിഎ (ക്രിമിനോളജി) എൽഎൽബി (ഓണേഴ്സ്) 2011 അഡ്മിഷൻ സപ്ലിമെന്ററി, ബിഎ എൽഎൽബി പഞ്ചവത്സര ഇന്റഗ്രേറ്റഡ് (2012 2014 അഡ്മിഷൻ), ബിഎ എൽഎൽബി പഞ്ചവത്സര ഇന്റഗ്രേറ്റഡ് (2015 അഡ്മിഷൻ), പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബിഎ എൽഎൽബി (ഓണേഴ്സ് 2016 അഡ്മിഷൻ മുതൽ)(റെഗുലർ, സപ്ലിമെന്ററി), പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബിബിഎ എൽഎൽബി (ഓണേഴ്സ്), പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബികോം എൽഎൽബി (ഓണേഴ്സ്) പരീക്ഷകൾ ഓഗസ്റ്റ് എട്ടു മുതൽ ആരംഭിക്കും. അപേക്ഷകൾ 30 വരെയും 50 രൂപ പിഴയോടെ 31 വരെയും 500 രൂപ സൂപ്പർഫൈനോടെ ഓഗസ്റ്റ് ഒന്ന് വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100 രൂപ) സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം. ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
അശാന്തം 2018 സർട്ടിഫിക്കറ്റുകൾ കൈപ്പറ്റണം
യുവജനോത്സവം അശാന്തം 2018ന്റെ വിജയികൾക്കുള്ള സർട്ടിഫിക്കറ്റുകൾ അതാത് കോളജുകളിലേക്ക് അയച്ചിട്ടുണ്ട്. വിദ്യാർഥികൾ കോളജ് പ്രിൻസിപ്പലിൽ നിന്നും സർട്ടിഫിക്കറ്റുകൾ കൈപ്പറ്റണം.
പരീക്ഷാഫലം
2017 ഏപ്രിലിൽ നടത്തിയ ഒന്നാം സെമസ്റ്റർ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് (2016 അഡ്മിഷൻ റെഗുലർ, 2016ന് മുന്പുള്ള അഡ്മിഷൻ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് ഓഗസ്റ്റ് എഴു വരെ അപേക്ഷിക്കാം.
എൻഎസ്എസ് പ്രോഗ്രാം കോർഡിനേറ്റർ കരാർ നിയമനം
എൻഎസ്എസ് പ്രോഗ്രാം കോഓർഡിനേറ്റർ തസ്തികയിലേക്ക് ഒരു വർഷത്തെ കരാറടിസ്ഥാനത്തിൽ നിയമനത്തിനായി അപേക്ഷകൾ ക്ഷണിച്ചു. എൻഎസ്എസ് പ്രോഗ്രാം ഓഫീസറായി മൂന്ന് വർഷത്തെ പ്രവൃത്തി പരിചയമുള്ള, അഫിലിയേറ്റഡ് കോളജുകളിലോ സർവകലാശാലകളിലോ അസോസിയേറ്റ് പ്രഫസറായി വിരമിച്ച അധ്യാപകർ, അസോസിയേറ്റ് പ്രഫസർ പദവിയിൽ കോളജ് പ്രിൻസിപ്പൽമാരായി വിരമിച്ച എൻഎസ്എസ് പ്രവർത്തന പരിചയമുള്ള അധ്യാപകർ ഓഗസ്റ്റ് 17ന് മുന്പായി അപേക്ഷിക്കാം. വിശദവിവരങ്ങൾ സർവകലാശാലാ വെബ്സൈറ്റിൽ ലഭ്യമാണ്.