സയന്സ് വിഷയങ്ങളിലേക്കുള്ള പ്രൊവിഷണൽ റാങ്ക് ലിസ്റ്റ് പ്രസിദ്ധീകരിച്ചു. റാങ്ക് ലിസ്റ്റിൽ ഉള്പ്പെട്ടവർ 31ന് രാവിലെ 11ന് മുന്പ് അതത് കോളജുകളില് ഹാജരാകണം. ഇതിനകം പിജിക്ക് പ്രവേശനം നേടിയവർ കോളജുതല വേരിഫിക്കേഷനുശേഷം അഡ്മിഷൻ ഉറപ്പായതിനുശേഷമേ ടിസി വാങ്ങാവൂ. അഡ്മിഷന് യോഗ്യതാപരീക്ഷയുടെ മാർക്ക് ലിസ്റ്റിന്റെ ഒറിജിനൽ അഥവാ ഫോട്ടോകോപ്പി നിർബന്ധമായും ഹാജരാക്കണം. സയന്സ് ഒഴികെയുള്ള വിഷയങ്ങളിലെ അഡ്മിഷൻ ഓഗസ്റ്റ് രണ്ടിന് അതത് കോളജിൽ നടത്തും.
യുജി പ്രവേശനം
ഹൈക്കോടതിയുടെ നിർദേശപ്രകാരം പടന്ന ഷറഫ് ആർട്സ് ആൻഡ് സയന്സ് കോളജിലെ BCom CoOperation (50 സീറ്റ്), BCom Computer Applicaton (50 സീറ്റ്), BSc Microbiology (35 സീറ്റ്), BBA TTM (50 സീറ്റ്)എന്നീ കോഴ്സുകളിലേക്കും ചെറുപുഴ നവജ്യോതി ആർട്സ് ആൻഡ് സയന്സ് കോളജിലെ BA Economics (20 സീറ്റ്) കോഴ്സുകളിലേക്കും 31 ന് സ്പോട്ട് അഡ്മിഷൻ നടത്തും. മേല് പ്രതിപാദിച്ച കോളജുകളിലെ കോഴ്സുകളിലേക്ക് പ്രവേശനം ആഗ്രഹിക്കുന്നവർ 31ന് രാവിലെ 11ന് മുമ്പായി കണ്ണൂർ സർവകലാശാല താവക്കര കാമ്പസിൽ ആവശ്യമായ രേഖകൾ സഹിതം ഹാജരായി അപേക്ഷ നല്കണം.11ന് ശേഷം ലഭിക്കുന്ന അപേക്ഷകള് ഒരുകാരണവശാലും പരിഗണിക്കുന്നതല്ല. ഇതുവരെ ഓണ്ലൈൻ രജിസ്റ്റർ ചെയ്യാത്തവർ സ്പോട്ട് അഡ്മിഷനു ഹാജരാകുന്നതിനുമുന്പ് ഓണ്ലൈൻ രജിസ്റ്റർ ചെയ്യേണ്ടതാണ്.
പടന്ന ഷറഫ് ആർട്സ് ആൻഡ് സയന്സ് കോളജ് നേരിട്ട് നടത്തുന്ന അഡ്മിഷന് സർവകലാശാലയുടെ അംഗീകാരം ഉണ്ടായിരിക്കുന്നതല്ല. ഈ കോളജില് പ്രവേശനം ആഗ്രഹിക്കുന്നവർ നിർബന്ധമായും 31ന് കണ്ണൂർ സർവകലാശാല താവക്കര കാമ്പസിൽ നടത്തുന്ന സ്പോട്ട് അഡ്മിഷനിൽ ഹാജരാകണം.
പടന്ന ഷറഫ് ആർട്സ് ആൻഡ് സയന്സ് കോളജിലെ ബിരുദ കോഴ്സുകളിലേക്കും ചെറുപുഴ നവജ്യോതി ആർട്സ് ആൻഡ് സയന്സ് കോളജിലെ BA Economics എന്നീ കോഴ്സിലേക്കും മാത്രമാണ് 31ന് താവക്കര കാമ്പസിൽ സ്പോട്ട് അഡ്മിഷൻ നടത്തുന്നത്. മറ്റ് അണ്എയ്ഡഡ് കോളജുകളിലെ സ്പോട്ട് അഡ്മിഷൻ അതത് കോളജുകളിൽ തന്നെയാണ് നടത്തുന്നത്.
ഒന്ന്, രണ്ട് സെമസ്റ്റർ ബിടെക് ഹാൾടിക്കറ്റ്
കണ്ണൂർ സർവകലാശാലയുടെ 30ന് ആരംഭിക്കുന്ന ഒന്ന്, രണ്ട് സെമസ്റ്റർ ബിടെക് ഡിഗ്രി (സപ്ലിമെന്ററിപാർട്ട്ടൈം ഉൾപ്പെടെ ന്യൂ സ്കീംജനുവരി 2018) പരീക്ഷയുടെ ഹാൾടിക്കറ്റ് (2008 അഡ്മിഷൻ മുതൽ) സർവകലാശാല വെബ്സൈറ്റിൽനിന്ന് ഡൗണ്ലോഡ് ചെയ്യാം.
പ്രായോഗിക/വാചാ പരീക്ഷകൾ
നാലാം സെമസ്റ്റർ എംഎസ്സി സ്റ്റാറ്റിസ്റ്റിക്സ് ഡിഗ്രി (സിസിഎസ്എസ് റഗുലർ/സപ്ലിമെന്ററി മേയ് 2018) യുടെ പ്രായോഗിക/വാചാ പരീക്ഷകൾ 31, ഓഗസ്റ്റ് 6 തീയതികളിൽ ഡിപ്പാർട്ട്മെന്റ് ഓഫ് സ്റ്റാറ്റിസ്റ്റിക്കൽ സയൻസിൽ നടത്തും. രജിസ്റ്റർ ചെയ്ത വിദ്യാർഥികൾ പഠനവകുപ്പുമായി ബന്ധപ്പെടണം.