മൂല്യനിർണയ ക്യാന്പ് തടസപ്പെട്ടുവെന്ന വാർത്ത അടിസ്ഥാന രഹിതം
ബിരുദാനന്തര കോഴ്സുകളുടെ ഒന്ന്,നാല് സെമസ്റ്ററുകളുടെ തിരുവല്ല, മാർത്തോമ കോളജിലെ മൂല്യനിർണയ ക്യാന്പ് മുടങ്ങിയെന്ന വാർത്ത തികച്ചും അടിസ്ഥാനരഹിതമാണ്. യൂണിവേഴ്സിറ്റി ക്യാന്പസ്, ആലുവ യുസി കോളജ്, പാലാ അൽഫോൻസ കോളജ്, തിരുവല്ല മാർത്തോമ കോളജ് എന്നീ നാലു കേന്ദ്രങ്ങളിലാണ് മൂല്യനിർണയ ക്യാന്പ് ക്രമീകരിച്ചിട്ടുളളത്. ഒന്ന്, നാല് സെമസ്റ്ററുകളിലെ എഴുപതിനായിരം ഉത്തരക്കടലാസുകളുടെ മൂല്യനിർണയമാണ് ഈ കേന്ദ്രങ്ങളിൽ സജ്ജീകരിച്ചിട്ടുളളത്. ആയിരത്തോളം അധ്യാപകരുടെ സേവനമാണ് ഇവിടെ ഉപയോഗിക്കുന്നത്. 27 മുതൽ ഓഗസ്റ്റ് ഒന്നു വരെയാണ് ക്യാന്പ് ക്രമീകരിച്ചിട്ടുളളത്. ആദ്യ രണ്ടു ദിവസങ്ങളിൽ നാലാം സെമസ്റ്ററും, മറ്റു മൂന്നു ദിവസങ്ങളിൽ ഒന്നാം സെമസ്റ്റർ മൂല്യനിർണയവും നടത്താനാണ് തീരുമാനിച്ചിട്ടുളളത്.
മാർത്തോമ കോളജ് മൂല്യനിർണയകേന്ദ്രത്തിലെ എംഎസ്സി, എംഎ കോഴ്സുകളുടെ മൂല്യനിർണയം നിശ്ചയിച്ച പ്രകാരം തടസമില്ലാതെ ആരംഭിച്ചു. എംകോംലെ 10 പേപ്പറുകളിൽ നാല് എണ്ണത്തിന്‍റെ ഉത്തരസൂചിക ലഭിക്കുവാൻ അല്പം വൈകിയതിന്‍റെ പേരിൽ മൂല്യനിർണയ ക്യാന്പുകൾ മുടങ്ങി എന്ന വാർത്ത നൽകിയതിന്‍റെ പിന്നിൽ തികച്ചും ദുഷ്ടലാക്കാണുളളത്. എല്ലാ ക്യാന്പുകളിലും അധ്യാപകർ ഉത്തരസൂചിക അനുസരിച്ച് തന്നെ ഇന്നലെ മൂല്യനിർണയം സമയബന്ധിതമായി പൂർത്തിയാക്കിയിട്ടുളളതാണ്. ഒരു കേന്ദ്രത്തിലും മൂല്യനിർണയം മുടങ്ങിയിട്ടില്ല.
പരീക്ഷാ നടത്തിപ്പിലും ഫലപ്രഖ്യാപനത്തിലും റിക്കാർഡ് നേട്ടം കൈവരിച്ച് വിദ്യാർഥികളുടേയും, പൊതു സമൂഹത്തിന്‍റെയും പ്രശംസ നേടി മൂന്നേറുന്നതിൽ അസൂയാലുക്കളായ ചിലരാണ് തെറ്റായ ഈ വാർത്തയ്ക്കു പിന്നിൽ പ്രവർത്തിച്ചതെന്ന് വ്യക്തമാണ്.
സർവകലാശാല പരീക്ഷാ വിഭാഗം തീരുമാനിച്ചിട്ടുളളതു പോലെ തന്നെ പിജി പരീക്ഷകളുടെ മൂല്യനിർണയം പൂർത്തിയാക്കി ഓഗസ്റ്റ് 20നു മുന്പ് തന്നെ ഫലപ്രഖ്യാപനം നടത്തുന്നതാണ്.
മൂല്യനിർണയ ക്യാന്പുമായി സഹകരിച്ച അധ്യാപകർ, ജീവനക്കാർ, കോളജ് പ്രിൻസിപ്പൽമാർ എന്നിവർക്ക് സിൻഡിക്കറ്റിന്‍റെ പരീക്ഷാ കമ്മറ്റി അഭിനന്ദനം അറിയിക്കുന്നു.
പുതുക്കിയ പരീക്ഷാ തീയതി
ഓഗസ്റ്റ് 13ന് നടത്തുവാൻ നിശ്ചയിച്ചിരുന്ന ഒന്നും രണ്ടും സെമസ്റ്റർ എംഎ, എംഎസ്സി, എംകോം പ്രൈവറ്റ് രജിസ്ട്രേഷൻ 2017 അഡ്മിഷൻ റഗുലർ) പരീക്ഷകൾ ഓഗസ്റ്റ് 30നും, രണ്ടാം സെമസ്റ്റർ ബിടെക് (2017 അഡ്മിഷൻ റഗുലർ, 2015 ആൻഡ് 2016 അഡ്മിഷൻ സപ്ലിമെന്‍ററി) പരീക്ഷകൾ ഓഗസ്റ്റ് 29നും ഓഗസ്റ്റ് 14നും 16നും നിശ്ചയിച്ചിരുന്ന നാലാം സെമസ്റ്റർ ബിടെക് (2016 അഡ്മിഷൻ റഗുലർ, 2015 അഡ്മിഷൻ സപ്ലിമെന്‍ററി) യഥാക്രമം ഓഗസ്റ്റ് 30, സെപ്റ്റംബർ മൂന്ന് തീയതികളിലും ഓഗസ്റ്റ് 13, 14, 16, 17 തീയതികളിലെ നാലാം സെമസ്റ്റർ എംബിഎ (2016 അഡ്മിഷൻ റഗുലർ, 2013 2015 അഡ്മിഷൻ സപ്ലിമെന്‍ററി, 2012 അഡ്മിഷൻ ആദ്യ മേഴ്സി ചാൻസ്) പരീക്ഷകൾ യഥാക്രമം സെപ്റ്റംബർ 10, 11, 13 14 തീയതികളിലും നടത്തുന്നതിനായി പുതുക്കി നിശ്ചയിച്ചു. മറ്റ് പരീക്ഷകൾക്കും സമയത്തിനും പരീക്ഷാകേന്ദ്രത്തിനും മാറ്റമില്ല.
31ന് നടത്തുവാൻ നിശ്ചയിച്ചിരുന്ന നാലാം സെമസ്റ്റർ എംഎഡ് (ദ്വിവത്സരം 2015 അഡ്മിഷൻ മുതൽ റഗുലർ, സപ്ലിമെന്‍ററി) ഏപ്രിൽ 2018 വൈവാവോസി ഓഗസ്റ്റ് മൂന്നിന് സ്കൂൾ ഓഫ് പെഡഗോഗിക്കൽ സയൻസസിൽ നടത്തും. വിദ്യാർഥികൾ ഹാൾടിക്കറ്റും തിസീസിന്‍റെ രണ്ടു പകർപ്പുമായി പരീക്ഷയ്ക്ക് ഹാജരാക്കേണ്ടതാണ്. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
അപേക്ഷാ തീയതി
കാലടി എസ്എസ് കോളജിൽ നടക്കുന്ന നാലാം സെമസ്റ്റർ എംഎസ്സി എൻവയോണ്മെന്റ് സയൻസ് ആൻഡ് മാനേജ്മെന്‍റ് പരീക്ഷയുടെ പ്രോജക്്്ട് മൂല്യനിർണയത്തിനും വൈവാവോസിക്കുമുള്ള അപേക്ഷകൾ 31 വരെയും 50 രൂപ പിഴയോടെ ഓഗസ്റ്റ് ഒന്നു വരെയും 500 രൂപ സൂപ്പർഫൈനോടെ ഓഗസ്റ്റ് മൂന്നു വരെയും സ്വീകരിക്കും. നാലാം സെമസ്റ്ററിൽ ആദ്യമായി അപേക്ഷിക്കുന്നവർ പ്രൊവിഷണൽ സർട്ടിഫിക്കറ്റ് ഫീസായി 100 രൂപ പരീക്ഷാഫീസിന് പുറമെ അടയ്ക്കണം.
പ്രാക്്ടിക്കൽ
2018 മേയ്, ജൂണ്‍ മാസത്തിൽ നടത്തിയ നാലാം സെമസ്റ്റർ എംഎസ്സി ബയോകെമിസ്ട്രി (സിഎസ്എസ് റഗുലർ, സപ്ലിമെന്‍ററി, മേഴ്സി ചാൻസ്) പരീക്ഷയുടെ പ്രാക്്ടിക്കൽ, പ്രോജക്്ട് ഇവാല്യുവേഷൻ, വൈവാവോസി എന്നിവ ഓഗസ്റ്റ് മൂന്നു മുതൽ അതാത് കോളജുകളിൽ നടത്തും. വിശദമായ ടൈംടേബിൾ വെബ്സൈറ്റിൽ ലഭ്യമാണ്.
പരീക്ഷാഫലം
2017 ഡിസംബർ മാസത്തിൽ നടത്തിയ മൂന്നാം സെമസ്റ്റർ എംഎസ് സി കെമിസ്ട്രി (സിഎസ്എസ് റഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് ഒന്പതു വരെ അപേക്ഷിക്കാം.
2017 ഡിസംബർ മാസത്തിൽ നടത്തിയ മൂന്നാം സെമസ്റ്റർ എംടിടിഎം, എംടിഎ (റഗുലർ, സപ്ലിമെന്‍ററി, മേഴ്സി ചാൻസ്) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് ഒന്പതുവരെ അപേക്ഷിക്കാം.
2018 മാർച്ച് മാസത്തിൽ സ്കൂൾ ഓഫ് ബിഹേവിയറൽ സയൻസസിൽ നടത്തിയ പിഎച്ച്ഡി കോഴ്സ് വർക്ക് (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
2017 ഡിസംബർ മാസത്തിൽ സ്കൂൾ ഓഫ് ബയോസയൻസസിൽ നടത്തിയ ഒന്നാം സെമസ്റ്റർ എംഫിൽ ബയോസയൻസസ് (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
2018 ഏപ്രിൽ മാസത്തിൽ നടത്തിയ പത്താം സെമസ്റ്റർ ബിആർക് സപ്ലിമെന്‍ററി പരീക്ഷയുടെ ഫലം പ്രസിദ്ധപ്പെടുത്തി.
2017 ഡിസംബർ മാസത്തിൽ നടത്തിയ മൂന്നാം സെമസ്റ്റർ എംഎസ്സി സുവോളജി (റഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് ഒന്പതു വരെ അപേക്ഷിക്കാം.
ബിടെക് കോണ്ഫിഡൻഷ്യൽ മാർക്ക് ലിസ്റ്റ്
2018 മേയ് മാസത്തിൽ നടത്തിയ എട്ടാം സെമസ്റ്റർ ബിടെക് ഡിഗ്രി പരീക്ഷയുടെ കോണ്ഫിഡൻഷ്യൽ മാർക്ക്ലിസ്റ്റ് ആവശ്യമുള്ള വിദ്യാർഥികൾക്ക് നിശ്ചിത ഫീസടച്ച് അപേക്ഷിക്കാം. മാർക്കുകൾ ലഭ്യമാകുന്നമുറയ്ക്കു വിദ്യാർഥി ആവശ്യപ്പെടുന്ന സ്ഥാപനത്തിലേക്കു കോണ്ഫിഡൻഷ്യൽ മാർക്ക് ലിസ്റ്റുകൾ അയച്ചുകൊടുക്കുന്നതാണ്.
സിൻഡിക്കറ്റ് യോഗം
സിൻഡിക്കറ്റിന്‍റെ യോഗം ഓഗസ്റ്റ് ഒന്പതിനു രാവിലെ 10.30ന് സിൻഡിക്കറ്റ് ഹാളിൽ നടക്കും.