ചെറുപുഴ നവജ്യോതി, പടന്ന ഷറഫ് സ്പോട്ട് അഡ്മിഷൻ ഇന്ന് സർവകലാശാല താവക്കര കാമ്പസിൽ
ഹൈക്കോടതിയുടെ നിർദ്ദേശപ്രകാരം ചെറുപുഴ നവജ്യോതി ആർട്സ് ആൻഡ് സയൻസ് കോളജിലെ ബിഎ ഇക്കണോമിക്സ് (20 സീറ്റ്)കോഴ്സുകളിലേക്കും പടന്ന ഷറഫ് ആർട്സ് ആൻഡ് സയൻസ് കോളജിലെ ബികോം കോഓപറേഷൻ (50 സീറ്റ്), ബികോം കംപ്യൂട്ടർ ആപ്ലിക്കേഷൻ (50 സീറ്റ്), ബിഎസ് സി മൈക്രോബയോളജി (35 സീറ്റ്), ബിബിഎ ടിടിഎം (50 സീറ്റ്) എന്നീ കോഴ്സുകളിലേക്കും ഇന്ന് സ്പോട്ട് അഡ്മിഷൻ നടത്തുന്നതാണ്. മേല്പ്രതിപാദിച്ച കോളജുകളിലെ കോഴ്സുകളിലേക്ക് പ്രവേശനം ആഗ്രഹിക്കുന്നവർ ഇന്നു രാവിലെ 11 ന് കണ്ണൂർ സർവകലാശാല താവക്കരകാമ്പസിൽ ആവശ്യമായ രേഖകൾ സഹിതം ഹാജരായി അപേക്ഷ നൽകണം. രാവിലെ 11നു ശേഷം ലഭിക്കുന്ന അപേക്ഷകള് പരിഗണിക്കുന്നതല്ല. ഇതുവരെ ഓണ്ലൈൻ രജിസ്റ്റർ ചെയ്യാത്തവർ സ്പോട്ട് അഡ്മിഷനു ഹാജരാകുന്നതിന് മുന്പ് ഓണ്ലൈൻ രജിസ്റ്റർ ചെയ്യണം.
പടന്ന ഷറഫ് ആർട്സ് ആൻഡ് സയൻസ് സയന്സ് കോളജ് നേരിട്ട് നടത്തുന്ന അഡ്മിഷന് സർവകലാശാലയുടെ അംഗീകാരം ഉണ്ടായിരിക്കുന്നതല്ല. ഈ കോളജില് പ്രവേശനം ആഗ്രഹിക്കുന്നവർ നിർബന്ധമായും ഇന്ന് കണ്ണൂർ സർവകലാശാല താവക്കര കാമ്പസിൽ നടത്തുന്ന സ്പോട്ട് അഡ്മിഷനിൽ ഹാജരാകണം.
പടന്ന ഷറഫ് ആർട്സ് ആൻഡ് സയൻസ് കോളജിലെ ബിരുദകോഴ്സുകളിലേക്കും ചെറുപുഴ നവജ്യോതി ആർട്സ് ആൻഡ് സയന്സ് കോളജിലെ ബിഎ ഇക്കണോമിക്സ് കോഴ്സുകളിലേക്കും മാത്രമാണ് ഇന്ന് കണ്ണൂർ സർവകലാശാല താവക്കര കാമ്പസിൽ സ്പോട്ട് അഡ്മിഷൻ നടത്തുന്നത്. മറ്റ് അണ്എയ്ഡഡ് കോളജുകളിലെ സ്പോട്ട് അഡ്മിഷൻ അതാത് കോളജുകളിൽ തന്നെയാണ് നടത്തുക.
പിജി റാങ്ക് ലിസ്റ്റ്
പിജി സയന്സ് വിഷയങ്ങളുടെ റാങ്ക് ലിസ്റ്റ് വെബ്സൈറ്റിൽ പ്രസിദ്ധീകരിച്ചു. ഈ റാങ്ക് ലിസ്റ്റിൽ ഉള്പ്പെട്ടവർ ( ഷുവർ ആൻഡ് വെയിറ്റിംഗ് ലിസ്റ്റ്) ഇന്ന് രാവിലെ 11 ന് മുമ്പായി പ്രവേശനത്തിനായി ആവശ്യമായ രേഖകള് സഹിതം അതാത് കോളജുകളില് ഹാജരാകണം. ഇന്ന് രാവിലെ 11ന് മുന്പായി ഹാജരാകാത്തവരെ റാങ്ക് ലിസ്റ്റിൽ നീക്കം ചെയ്യുന്നതാണ്.സയന്സ് ഒഴികെയുള്ള വിഷയങ്ങളിലെ അഡ്മിഷൻ ഓഗസ്റ്റ് രണ്ടിന് അതത് കോളജുകളിൽ നടക്കും.
നാലും രണ്ടും സെമസ്റ്റർ എംസിഎ പരീക്ഷകൾ
കണ്ണൂർ സർവകലാശാലയുടെ അഫിലിയേറ്റഡ് കോളേജുകളിലെ (ഐടിഇസി ഉൾപ്പെടെ) നാലും രണ്ടും സെമസ്റ്റർ എംസിഎ (റഗുലർ, സപ്ലിമെന്ററി, ഇംപ്രൂവ്മെന്റ് ജൂലൈ 2018) പരീക്ഷകൾ യഥാക്രമം സെപ്റ്റംബർ മൂന്ന്, 17 തീയതികളിൽ ആരംഭിക്കും. നാലാം സെമസ്റ്റർ എംസിഎ യുടെ ഓണ്ലൈൻ അപേക്ഷകൾ പിഴ കൂടാതെ ഓഗസ്റ്റ് ഒന്നു മുതൽ നാലുവരെയും 160 രൂപ പിഴയോടെ ഏഴു വരെയും സർമപ്പിക്കാം. രണ്ടാം സെമസ്റ്റർ എംസിഎ യുടെ ഓണ്ലൈൻ അപേക്ഷകൾ പിഴ കൂടാതെ ഓഗസ്റ്റ് ഏഴു മുതൽ 10 വരെയും 160 രൂപ പിഴയോടെ14 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ യഥാക്രമം ഓഗസ്റ്റ് ഒന്പത്, 17 തീയതികൾക്കകം സർവകലാശാലയിൽ എത്തിക്കണം. 2013 അഡ്മിഷനും അതിനു മുന്പ് അഡ്മിഷൻ നേടിയ സപ്ലിമെന്ററി വിദ്യാർഥികൾ (രണ്ട് സപ്ലിമെന്ററി ചാൻസ് ഉപയോഗിച്ചവർ) 5,000 രൂപ സർവകലാശാല ഫണ്ടിൽ അടച്ച് റിരജിസ്റ്റർ ചെയ്യേണ്ടതും ഓരോ പേപ്പറിനും 1,750 രൂപ അടയ്ക്കേണ്ടതുമാണ്. പരീക്ഷാഫീസ് ഇപ്രകാരമാണ് തിയറി റഗുലർ 180 രൂപ (സപ്ലിമെന്ററി, ഇംപ്രൂവ്മെന്റ് 210), പ്രാക്ടിക്കൽ 190 (സപ്ലിമെന്ററി, ഇംപ്രൂവ്മെന്റ്210), പ്രോജക്ട്, ഡിസർട്ടേഷൻ 505, വൈവ 140, മാർക്ക് ലിസ്റ്റ് 65, സിവി ക്യാന്പ് ഫീസ് 160, ആപ്ലിക്കേഷൻ ഫോം 45 രൂപ.
തുറന്ന സംവാദം
മലയാളത്തിൽ ഗവേഷണം നടത്തുന്ന കെ.വി. സിന്ധു പിഎച്ച്ഡി ബിരുദനത്തിനായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം ഓഗസ്റ്റ് മൂന്നിന് രാവിലെ 10ന് തലശേരി ബ്രണ്ണൻ കോളജിലെ മലയാള വിഭാഗത്തിൽ നടക്കും. പ്രബന്ധം സെമിനാറിന് മൂന്നു ദിവസം മുന്പ് മുതൽ കോളജിലെ മലയാള വിഭാഗം ലൈബ്രറിയിൽ പരിശോധനയക്കു ലഭിക്കും.
മലയാളത്തിൽ ഗവേഷണം നടത്തുന്ന സ്മിത ജി. നായർ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം ഓഗസ്റ്റ് മൂന്നിന് രാവിലെ 10ന് നീലേശ്വരം ഡോ. പി.കെ രാജൻ മെമ്മോറിയൽ കാന്പസിലെ മലയാള വിഭാഗത്തിൽ നടക്കും. പ്രബന്ധം സെമിനാറിന് മൂന്നു ദിവസം മുന്പ് മുതൽ ഡോ. പി.കെ രാജൻ മെമ്മോറിയൽ കാന്പസിലെ മലയാള വിഭാഗം ലൈബ്രറിയിൽ പരിശോധനയ്ക്ക് ലഭിക്കും.