മൂന്നാം സെമസ്റ്റർ ബിടെക് (സപ്ലിമെന്ററിപാർട്ട്ടൈം ഉൾപ്പെടെന്യൂ സ്കീം ഒക്ടോബർ 2017), അഞ്ചാം സെമസ്റ്റർ ബിടെക് (സപ്ലിമെന്ററി/ ഇംപ്രൂവ്മെന്റ്പാർട്ട്ടൈം ഉൾപ്പെടെന്യൂ സ്കീം നവംബർ 2017) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. മാർക്ക്ലിസ്റ്റ് ലഭ്യമാകുന്ന തീയതി പിന്നീട് അറിയിക്കും. പുനഃപരിശോധന/സൂക്ഷ്മ പരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ വെബ്സൈറ്റിൽനിന്ന് ഡൗണ്ലോഡ് ചെയ്തെടുത്ത മാർക്ക് ലിസ്റ്റിന്റെ സ്വയം സാക്ഷ്യപ്പെടുത്തിയ പകർപ്പിനോടൊപ്പം 14 വരെ സർവകലാശാലയിൽ സ്വീകരിക്കും.
ഒന്നാം സെമസ്റ്റർ പിജിഡിഎൽഡി പരീക്ഷാഫലം 2016 നവംബറിൽ നടന്ന ഒന്നാം സെമസ്റ്റർ പിജിഡിഎൽഡി (റഗുലർ) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. ഗ്രേഡ്കാർഡുകൾ അതത് കോളജുകൾ മുഖാന്തിരം പിന്നീട് വിതരണം ചെയ്യും. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ 14 വരെ സർവകലാശാലയിൽ സ്വീകരിക്കും.
ജൂണിയർ പ്രൊജക്ട് ഫേലോ കണ്ണൂർ: കണ്ണൂർ യൂണിവേഴ്സിറ്റി ഡിപ്പാർട്ട്മെന്റ് ഓഫ് കെമിസ്ട്രിയിൽ ഡിഎസ്ടി സ്പോണ്സർ ചെയ്യുന്ന ഗവേഷണ പദ്ധതിയിൽ പ്രൊജക്ട് ഫെലോയുടെ ഒരു ഒഴിവുണ്ട്. എംഎസ്സി കെമിസ്ട്രി/ഫിസിക്സ്/മെറ്റീരിയൽ സയൻസ് പാസായവർക്ക് അപേക്ഷിക്കാം. നെറ്റ് പാസായിരിക്കണം. ബയോഡാറ്റയും സർട്ടിഫിക്കറ്റുകളുടെ കോപ്പികളും പാസ്പോർട്ട്സൈസ് ഫോട്ടോ സഹിതം 10 ന് വൈകുന്നേരം അഞ്ചിനകം അയക്കണം. തെരഞ്ഞെടുക്കപ്പെടുന്നവർക്കു മാസം 25,000 രൂപ ഫെലോഷിപ്പ് ലഭിക്കും. പ്രായപരിധി 28 വയസ്. അപേക്ഷയുടെ പകർപ്പ്
[email protected] എന്ന വിലാസത്തിൽ ഇമെയിൽ ചെയ്യാം. വിലാസം: പ്രിൻസിപ്പൽ ഇൻവെസ്റ്റിഗേറ്റർ, ഡിഎസ്ടി ഇൻസ്പേയർ പ്രൊജക്ട്, ഡിപ്പാർട്ട്മെന്റ് ഓഫ് കെമിസ്ട്രി, കണ്ണൂർ യൂണിവേഴ്സിറ്റി, എസ്എടി കാന്പസ് എടാട്ട് പി.ഒ, പയ്യന്നൂർ. കണ്ണൂർ 670327.
യുജി പ്രവേശനം കണ്ണൂർ സർവകലാശാലയുടെ കീഴിലുള്ള സ്വാശ്രയ കോളജുകളിൽ ഡിഗ്രി പ്രവേശനം പൂർത്തിയാക്കേണ്ട തീയതി മൂന്നുവരെ നീട്ടി. ഇന്നലെ രാവിലെ 11 വരെ ലഭിച്ച സ്വാശ്രയ കോളജുകളിലെ ഒഴിവുവിവരങ്ങൾ വെബ്സൈറ്റിൽ പ്രസിദ്ധീകരിച്ചിട്ടുണ്ട്.
പിജി പ്രവേശനം സയൻസ് ഒഴികെയുള്ള വിഷയങ്ങളുടെ പ്രവേശനം ഇന്ന് അതത് കോളജിൽ നടത്തും. റാങ്ക് ലിസ്റ്റിൽ ഉൾപ്പെട്ടവർ (Sure & Waiting List) ഇന്നു രാവിലെ 11 നകം അതത് കോളജിൽ ആവശ്യമായ രേഖകൾ സഹിതം ഹാജരാകണം. ആവശ്യമെങ്കിൽ പ്രതിനിധിയെ അയക്കാം. ഇന്നു രാവിലെ 11 നകം ഹാജരാകാത്തവരെ റാങ്ക് ലിസ്റ്റിൽനിന്ന് നീക്കം ചെയ്യുന്നതാണ്.
അഞ്ചാം സെമസ്റ്റർ ബിഎഎൽഎൽബി പരീക്ഷാഫലം കണ്ണൂർ സർവകലാശാലയുടെ അഞ്ചാം സെമസ്റ്റർ ബിഎഎൽഎൽബി (റഗുലർ/സപ്ലിമെന്ററി നവംബർ 2016) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധനയ്ക്കും സൂക്ഷ്മപരിശോധനയ്ക്കുമുള്ള അപേക്ഷകൾ എട്ടു വരെ സർവകലാശാലയിൽ സ്വീകരിക്കും.
സംവാദം ആറിന് ജ്യോഗ്രഫിയിൽ ഗവേഷണം നടത്തുന്ന ആർ. അഖിൽ എന്ന വിദ്യാർഥി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം ആറിന് രാവിലെ 11 ന് പയ്യന്നൂരിലെ സ്വാമി ആനന്ദതീർഥ ക്യാന്പസിലെ ജ്യോഗ്രഫി വിഭാഗത്തിൽ നടത്തും. പ്രസ്തുത പ്രബന്ധം സെമിനാറിനു മൂന്നു ദിവസം മുന്പുമുതൽ സ്വാമി ആനന്ദതീർഥ ക്യാന്പസിൽ ജ്യോഗ്രഫി വിഭാഗം ലൈബ്രറിയിൽ പരിശോധനയ്ക്കു ലഭ്യമായിരിക്കും.