കാലിക്കട്ട് സര്വകലാശാലാ എന്ജിനിയറിംഗ് കോളജിലെ (ഐഇടി) ബിടെക് ഇസിഇ, ഇഇഇ, ഐടി, എംഇ, പിടി എന്നീ ബ്രാഞ്ചുകളില് ഒഴിവുള്ള മെറിറ്റ് സീറ്റുകളിലേക്ക് നാളെ സ്പോട്ട് അഡ്മിഷന് നടത്തും. കീം 2018 റാങ്ക് ലിസ്റ്റില് ഉള്പ്പെട്ടവര് പ്രോസ്പെക്ടസില് പറഞ്ഞ പ്രകാരം സര്ട്ടിഫിക്കറ്റുകളും ഫീസും സഹിതം ഉച്ചയ്ക്ക് 12നകം ഐഇടിയില് ഹാജരാകണം. ഏതെങ്കിലും കോളജില് പ്രവേശനം നേടിയവര് ഒറിജിനല് സര്ട്ടിഫിക്കറ്റ് ഹാജരാക്കാനാകാത്ത പക്ഷം പഠിക്കുന്ന സ്ഥാപനത്തില് നിന്നുള്ള എന്ഒസി ഹാജരാക്കണം. വിവരങ്ങള്ക്ക് ഫോണ് : 0494 2400223, 0494 2407536
പരീക്ഷാ അപേക്ഷ
2002 (എഡി), 2003 (എഇ), 2004 (എഎഫ്), 2005 (എജി) വര്ഷങ്ങളില് പ്രവേശനം നേടി എല്ലാ അവസരങ്ങളും കഴിഞ്ഞ ഒന്ന്, രണ്ട്, മൂന്ന്, നാല് വര്ഷ ബിഎസ്സി നഴ്സിംഗ് വിദ്യാര്ഥികള്ക്കായുള്ള സ്പെഷല് സപ്ലിമെന്ററി പരീക്ഷയ്ക്ക് 31 വരെ അപേക്ഷിക്കാം. ഓരോ വര്ഷത്തിനും വെവ്വേറെ അപേക്ഷ സാധാരണ ഫോമില് സമര്പ്പിക്കണം. പരീക്ഷാ ഫീസ് പേപ്പര് ഒന്നിന് 2,625 രൂപ. അപേക്ഷ കണ്ട്രോളര് ഓഫ് എക്സാമിനേഷന്സ് സ്പെഷല് സപ്ലിമെന്ററി എക്സാമിനേഷന് യൂണിറ്റ്, പരീക്ഷാഭവന് , കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തില് സമര്പ്പിക്കണം. അപേക്ഷകര് അഫിഡവിറ്റ് സമര്പ്പിക്കണം. വിജ്ഞാപനം പരിശോധിച്ച് മാത്രം അപേക്ഷിക്കുക
പിജി പ്രവേശന പരീക്ഷ
അഫിലിയേറ്റഡ് കോളജുകളിലെ പ്രവേശന പരീക്ഷ മുഖാന്തരം പ്രവേശനം നടത്തുന്ന എംഎസ്സി. ക്ലിനിക്കല് സൈക്കോളജി പ്രവേശന പരീക്ഷ ഇന്ന് രാവിലെ 9.30നും, എംഎസ്സി സൈക്കോളജി പ്രവേശന പരീക്ഷ രാവിലെ 11.15നും, എംഎസ്ഡബ്ല്യു പ്രവേശന പരീക്ഷ നാളെ രാവിലെ പത്തിനും, എംഎ ജേര്ണലിസം & മാസ് കമ്മ്യൂണിക്കേഷന് പ്രവേശന പരീക്ഷ ഉച്ചയ്ക്ക് രണ്ടിനും സയന്സ് ബ്ലോക്കിലെ ആര്യഭട്ട ഹാളില് നടക്കും. രജിസ്ട്രേഷന് പ്രിന്റൗട്ടും ഐഡി പ്രൂഫുമായി എത്തണം. ഹാള്ടിക്കറ്റ് ഉണ്ടാവില്ല. ഇന്ന് ഉച്ചയ്ക്ക് രണ്ടിന് എംഎസ്സി ക്ലിനിക്കല് സൈക്കോളജി കൗണ്സിലിംഗ് ഉണ്ടായിരിക്കും. .ഫോൺ: 0494 2407016, 2407017.
ബിഎസ്സി ബ്രാഞ്ചിലെ സേവനങ്ങള് തടസപ്പെടും
പരീക്ഷാഭവന് ബിഎസ്സി ബ്രാഞ്ചില് നിന്നുള്ള സേവനങ്ങള് ഇന്നും നാളെയും ഭാഗികമായി തടസപ്പെടും.
മാര്ക്ക് ലിസ്റ്റ്
അവസാന വര്ഷ ബിഎ/ബിഎ അഫ്സല്ഉല്ഉലമ ഏപ്രില് 2016 പരീക്ഷയുടെ മാര്ക്ക് ലിസ്റ്റുകള് പരീക്ഷാ കേന്ദ്രങ്ങളില് നിന്നും 13 മുതല് വിതരണം ചെയ്യും.
എംഎ ഹിന്ദി വൈവാ വോസി
വിദൂരവിദ്യാഭ്യാസം എംഎ ഹിന്ദി പ്രീവിയസ് ആൻഡ് ഫൈനല് വൈവാ വോസി 23 മുതല് കോഴിക്കോട് ഗവ. ആര്ട്സ് ആൻഡ് സയന്സ് കോളജില് നടക്കും. ഷെഡ്യൂള് വെബ്സൈറ്റില് .
പരീക്ഷാ അപേക്ഷ
നിയമ പഠനവകുപ്പിലെ നാലാം സെമസ്റ്റര് എല്എല്എം (2016 പ്രവേശനം) പരീക്ഷയ്ക്ക് പിഴകൂടാതെ 16 വരെയും 160 രൂപ പിഴയോടെ 20 വരെയും അപേക്ഷിക്കാം.
പുനര്മൂല്യനിര്ണയ ഫലം
എല്എല്ബി (ത്രിവത്സരം) ഒന്നാം സെമസ്റ്റര് ഏപ്രില് 2017 പരീക്ഷയുടെ പുനര്മൂല്യനിര്ണയ ഫലം വെബ്സൈറ്റില്