പിജി സ്പോട്ട് പ്രവേശനം
കണ്ണൂർ സർവകലാശാലയുട കീഴിലുള്ള ആർട്സ് ആൻഡ് സയൻസ് കോളജുകളിലെ പിജി പ്രോഗ്രാമിന് ഒഴിവ് വന്നിട്ടുള്ള എസ്സി, എസ്ടി സീറ്റുകളിലേക്ക് അതത് കോളജുകളിൽ വച്ച് 10ന് സ്പോട്ട് അഡ്മിഷൻ നടത്തും. താത്പര്യമുള്ളവർ അന്നേദിവസം രാവിലെ 11ന് മുന്പായി കോളജുകളിൽ ആവശ്യമായ രേഖകൾ സഹിതം ഹാജരാകണം. എസ്സി, എസ്ടി വിഭാഗക്കാരുടെ അഭാവത്തിൽ ഒഇസി വിഭാഗങ്ങളെ പരിഗണിക്കും. ഓണ്ലൈൻ രജിസ്റ്റർ ചെയ്തവരുടെ അഭാവത്തിൽ രജിസ്റ്റർ ചെയ്യാത്തവരെയും സ്പോട്ട് അഡ്മിഷനിൽ പരിഗണിക്കും.
എംസിഎ സ്പോട്ട് അഡ്മിഷൻ
കണ്ണൂർ സർവകലാശാലയുടെ പാലയാട് കാന്പസിൽ പ്രവർത്തിക്കുന്ന ഐടിഎഡ്യൂക്കേഷൻ സെന്ററിൽ എംസിഎ(റഗുലർ ത്രിവത്സര) കോഴ്സിൽ ഒഴിവുള്ള സീറ്റുകളിലേക്കുള്ള സ്പോട്ട് അഡ്മിഷൻ നടത്തുന്നു. പത്തിന് രാവിലെ 11ന് തലശേരി കാന്പസിലുള്ള ഐടി സെന്ററിലാണ് സ്പോട്ട് അഡ്മിഷൻ. ഫോണ് 9895891080, 04902345045.
പിജിഡിഎൽഡി പരീക്ഷാഫലം
മേയിൽ നടന്ന രണ്ടാം സെമസ്റ്റർ പിജിഡിഎൽ ഡി പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. ഗ്രേഡ് കാർഡുകൾ അതത് കോളജുകൾ മുഖേന പിന്നീട് വിതരണം ചെയ്യും. പുനർമൂല്യനിർണയം, സൂക്ഷ്മപരിശോധന, ഫോട്ടോകോപ്പി എന്നിവയ്ക്ക് 20 വരെ അപേക്ഷിക്കാം.
വോട്ടർപട്ടിക പ്രസിദ്ധീകരണം മാറ്റിവച്ചു
കണ്ണൂർ സർവകലാശാല 201819 വർഷത്തേക്കുള്ള കോളജ്/കാന്പസ് യൂണിയൻ തെരഞ്ഞെടുപ്പ് പ്രഖ്യാപിച്ചതിനാൽ 16ന് പ്രസിദ്ധീകരിക്കാൻ തീരുമാനിച്ചിരുന്ന സെനറ്റ് ജനറൽ കൗൺസിൽ മണ്ഡലത്തിന്റെ വോട്ടർപട്ടിക പ്രസിദ്ധീകരണം മാറ്റിവച്ചു. 201819 വർഷത്തേക്കുള്ള യൂണിവേഴ്സിറ്റി യൂണിയൻ കൗൺസിലർമാരെ ഉൾപ്പെടുത്തിയിട്ടുള്ള വോട്ടർപട്ടിക പിന്നീട് പ്രസിദ്ധീകരിക്കും.
വാക്ക് ഇൻ ഇന്റർവ്യൂ
കണ്ണൂർ സർവകലാശാലയുടെ ടീച്ചർ എഡ്യുക്കേഷൻ സെന്റർ കാസർഗോഡ് കാന്പസിൽ അസിസ്റ്റന്റ് പ്രഫസർമാരുടെ (സോഷ്യൽ സയൻസ്) തസ്തികയിലേക്ക് കരാറടിസ്ഥാനത്തിൽ അസിസ്റ്റന്റ് പ്രഫസറെ നിയമിക്കുന്നതിനായി 13 ന് ഉച്ചകഴിഞ്ഞ് മൂന്നിന് താവക്കര ആസ്ഥാനത്ത് നടത്തും. നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാഫീസിനത്തിൽ 210 രൂപ സർവകലാശാല ഫണ്ടിൽ അടച്ച ചലാൻ രസീതുമായി അന്നേദിവസം കൃത്യം ഉച്ചയ്ക്കു 12 ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭ്യമാണ്.
വാക്ക് ഇൻ ഇന്റർവ്യൂ 13ന്
കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഡിപ്പാർട്ട്മെന്റ് ഓഫ് എൻവയേണ്മെന്റൽ സ്റ്റഡീസിലേക്ക് കരാറടിസ്ഥാനത്തിൽ അസി. പ്രഫസർമാരെ നിയമിക്കുന്നു. വാക്ക് ഇൻ ഇന്റർവ്യൂ വഴിയാണ് നിയമനം. ഇന്റർവ്യു 13ന് ഉച്ചകഴിഞ്ഞ് രണ്ടിന് താവക്കരയിലെ സർവകലാശാല ആസ്ഥാനത്ത് നടക്കും. താത്പര്യമുള്ള നെറ്റ്, പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാഫീസിനത്തിൽ 210 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം രാവിലെ 11ന് ഹാജരാകണം. വിശദ വിവരങ്ങൾ സർവകലാശാലയുടെ വെബ്സൈറ്റിൽ ((www.kannuruniversity.ac.in) ലഭിക്കും.