മാറ്റിവച്ച പരീക്ഷകളുടെ പുതുക്കിയ തീയതി
ഓഗസ്റ്റ് 9, 10 തീയതികളിൽ നടത്താൻ നിശ്ചയിച്ചിരുന്ന രണ്ടാം സെമസ്റ്റർ എംഎ, എംഎസ്സി, എംകോം, എംസിജെ, എംഎസ്ഡബ്ല്യു ആൻഡ് എംടിഎ (2017 അഡ്മിഷൻ റെഗുലർ, 2014, 2015 ആൻഡ് 2016 അഡ്മിഷൻ ഇംപ്രൂവ്മെന്റ്, സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ്) പരീക്ഷകൾ യഥാക്രമം 29, 31 തീയതികളിലും നാലാം സെമസ്റ്റർ എംബിഎ (2016 അഡ്മിഷൻ റെഗുലർ, 2013 2015 അഡ്മിഷൻ സപ്ലിമെന്ററി, 2012 അഡ്മിഷൻ ആദ്യ മേഴ്സി ചാൻസ്) പരീക്ഷകൾ യഥാക്രമം സെപ്റ്റംബർ 27, 28 തീയതികളിലും ഓഗസ്റ്റ് 10ന് നടത്താൻ നിശ്ചയിച്ചിരുന്ന അഫിലിയേറ്റഡ് കോളജുകളിലെ ഒന്നാം സെമസ്റ്റർ എൽഎൽബി. പരീക്ഷകൾ സെപ്റ്റംബർ ഏഴിനും ഓഗസ്റ്റ് 10ലെ രണ്ടാം സെമസ്റ്റർ (2017 അഡ്മിഷൻ റെഗുലർ, 2015 ആൻഡ് 2016 അഡ്മിഷൻ സപ്ലിമെന്ററി) ആൻഡ് നാലാം സെമസ്റ്റർ (2016 അഡ്മിഷൻ റെഗുലർ, 2015 അഡ്മിഷൻ സപ്ലിമെന്ററി) ബിടെക് (സീപാസ്) പരീക്ഷ സെപ്റ്റംബർ ഏഴിനും ഓഗസ്റ്റ് 10ലെ ഒന്നും രണ്ടും സെമസ്റ്റർ എംഎ, എംഎസ്സി, എംകോം (പ്രൈവറ്റ് രജിസ്ട്രേഷൻ 2017 അഡ്മിഷൻ റെഗുലർ) പരീക്ഷ സെപ്റ്റംബർ മൂന്നിനും നടത്താനായി പുതുക്കി നിശ്ചയിച്ചു. മറ്റു പരീക്ഷകളുടെ തീയതിക്കും സമയത്തിനും പരീക്ഷാകേന്ദ്രത്തിനും മാറ്റമില്ല.
ഡിഗ്രി: ഓപ്ഷനുകൾ ഇന്നു വൈകുന്നേരം വരെ
18ന് നടക്കുന്ന ഡിഗ്രി പ്രവേശനത്തിന്റെ രണ്ടാം സപ്ലിമെന്ററി അലോട്ട്മെന്റിനു പരിഗണിക്കപ്പെടാനായി ഓപ്ഷനുകൾ പുനഃക്രമീകരിക്കാൻ ഇന്നു വൈകുന്നേരം അഞ്ചു വരെ സൗകര്യം. അപേക്ഷകർക്ക് തങ്ങളുടെ ആപ്ലിക്കേഷൻ നന്പർ, പാസ്വേർഡ് ഇവ ഉപയോഗിച്ച് ലോഗിൻ ചെയ്ത് ഓപ്ഷനുകളിൽ ആവശ്യമായ പുനഃക്രമീകരണം നടത്താം. എന്നാൽ പുതുതായി കോളജുകളോ, പ്രോഗ്രാമുകളോ കൂടുതലായി കൂട്ടിച്ചേർക്കുവാൻ ഈ ഘട്ടത്തിൽ സാധിക്കില്ല. സ്ഥിരപ്രവേശം എടുത്ത വിദ്യാർഥികൾ ഹയർ ഓപ്ഷനുകൾ ഡിലീറ്റ് ചെയ്യേണ്ടതില്ല.
പിജി: ഓപ്ഷനുകൾ നാളെ വരെ
ഓഗസ്റ്റ് 10ന് നടക്കുന്ന ഡിഗ്രി പ്രവേശനത്തിന്റെ എസ്യസി, എസ്ടി വിഭാഗക്കാർക്കായുള്ള രണ്ടാം അലോട്ട്മെന്റിന് പരിഗണിക്കപ്പെടാൻ ഓപ്ഷൻ പുനഃക്രമീകരിക്കാൻ നാളെ വൈകുന്നേരം അഞ്ചു വരെ സൗകര്യമുണ്ടാകും.
ബിഎഡ് സ്പോട്ട് അഡ്മിഷൻ
അഫിലിയേറ്റഡ് ട്രെയിനിംഗ് കോളജുകളിൽ ഒന്നാം വർഷ ബിഎഡ് പ്രോഗ്രാമുകളിൽ ഒഴിവുള്ള സീറ്റുകളിൽ 29വരെ സ്പോട്ട് അഡ്മിഷൻ അനുവദിച്ചു. 31നു മുന്പ് പ്രവേശന നടപടി പൂർത്തിയാക്കണം.
പരീക്ഷാഫലം
2017 നവംബറിലെ മൂന്നാം വർഷ ബിഎസ്സി മെഡിക്കൽ ലബോറട്ടറി ടെക്നോളജി (എംഎൽടി)(റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീ കരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 23 വരെ അപേക്ഷിക്കാം.
2017 ഒക്ടോബറിലെ സിബിസിഎസ്എസ് മൂന്നാം സെമസ്റ്റർ ബിഎ മോഡൽ ഒന്ന്, രണ്ട്, മൂന്ന് (2013 നു മുന്പുള്ള അഡ്മിഷൻ ആർഎൽവി കോളജിലെ ബിഎ മ്യൂസിക് (വോക്കൽ) കോഴ്സ് ഒഴികെ) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.
പരീക്ഷാ പരിശീലനം
കേരള പബ്ലിക് സർവീസ് കമ്മീഷൻ നടത്തുന്ന സെക്രട്ടേറിയറ്റ് അസിസ്റ്റന്റ് മത്സരപരീക്ഷയ്ക്കുള്ള തീവ്രപരിശീലനം യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ. ഫോൺ: 0481 2731025.
തെരഞ്ഞെടുപ്പ് മാറ്റിവച്ചു
ഹൈക്കോടതി വിധിപ്രകാരം 16ന് ഇടുക്കി ജില്ലയിലെ എല്ലാ അഫിലിയേറ്റഡ് കോളജുകളിലും നടത്താൻ നിശ്ചയിച്ചിരുന്ന കോളജ് യൂണിയൻ തെരഞ്ഞെടുപ്പ് മാറ്റിവച്ചു. പുതുക്കിയ തീയതി പിന്നീട്.