അപ്രന്റീസ് നഴ്സ് കൂടിക്കാഴ്ച 17-ന്
കൊച്ചി:പട്ടികജാതി വികസന വകുപ്പിന്റെ നൂതന പദ്ധതിയായ അപ്രന്റീസ് നഴ്സ് പരിശീലന പദ്ധതിയിലേക്ക് തെരഞ്ഞെടുപ്പിനുള്ള കൂടിക്കാഴ്ച 17ന് രാവിലെ 10.30ന് നടക്കും. പദ്ധതിയിലേയ്ക്ക് അപേക്ഷ സമർപ്പിച്ചിട്ടുള്ള നിശ്ചിത യോഗ്യതയുള്ളവർ ജാതി, വരുമാനം, വിദ്യാഭ്യാസയോഗ്യത, സ്വഭാവം എന്നിവ തെളിയിക്കുന്ന സർട്ടിഫിക്കറ്റുകൾ, റസിഡൻഷ്യൽ സർട്ടിഫിക്കറ്റ്, രജിസ്ട്രേഷൻ സർട്ടിഫിക്കറ്റ് എന്നിവയുടെ അസൽ സഹിതം അന്നേ ദിവസം കാക്കനാട് കളക്ടറേറ്റിലുള്ള ജില്ലാ പട്ടികജാതി വികസന ഓഫീസിൽ ഹാജരാകേണ്ടതാണ്. വിശദ വിവരങ്ങൾക്ക് ജില്ലാ/ബ്ലോക്ക് പട്ടികജാതി വികസന ഓഫീസിൽ ബന്ധപ്പെടണം.ഫോൺ: 0484 2422256.