ഒന്നാം പാദ വാർഷിക പരീക്ഷകൾ മാറ്റി
തിരുവനന്തപുരം: ഈ മാസം 31 ന് ആരംഭിക്കേണ്ടിയിരുന്ന ഒന്നാം പാദ വാർഷിക പരീക്ഷ മാറ്റി വച്ചതായി പൊതുവിദ്യാഭ്യാസ ഡയറക്ടർ കെ.വി. മോഹൻകുമാർ അറിയിച്ചു. കനത്ത മഴയെ തുടർന്ന് നിരവധി സ്കൂളുകൾ ദുരിതാശ്വാസ ക്യാന്പുകൾ ആയി തുടരുന്ന പശ്ചാത്തലത്തിലാണ് പരീക്ഷകൾ മാറ്റിവച്ചത്. പതുക്കിയ തീയതി പിന്നീട് അറിയിക്കും.
31 ന് ആരംഭിക്കേണ്ട ഹയർസെക്കൻഡറി രണ്ടാം വർഷ പാദ വാർഷിക പരീക്ഷയും മാറ്റി. പുതുക്കിയ തീയതി പിന്നീട് അറിയിക്കുമെന്നു ഹയർസെക്കൻഡറി ജോയിന്റ് ഡയറക്ടർ എസ്.എസ്. വിവേകാനന്ദൻ അറിയിച്ചു.