Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Cinema |


ചില കോമഡി ചിന്തകൾ....
ബ്ലാക്ക് ആൻഡ് വൈറ്റ് തിരശീലയിൽ എസ്.പി. പിള്ളയും ഭാസിയും ബഹദൂറുമൊക്കെയൊരുക്കിയ ചിരിയുടെ രസച്ചരടിന്റെ ഇങ്ങേയറ്റത്ത് ഇന്നു പിടിച്ചിരിക്കുന്നത് അജുവർഗീസും സൗബിനും ധർമ്മജനും അടങ്ങുന്ന വലിയൊരു താരനിരയാണ്. ഭാസിയുടേയും ബഹദൂറിന്റെയുമൊക്കെ കോമഡികൾ കാണുമ്പോൾ ഇന്നു നമുക്കു ചിരിവരില്ലായിരിക്കാം. പക്ഷേ ഇന്നത്തെ കോമഡി എന്തു പുതുമയാണ് പ്രേക്ഷകർക്ക് നൽകുന്നത് എന്നു കൂടി ഓർക്കണം. കോപ്രായങ്ങളും കോമാളികളുമാണ് ആദ്യകാലത്തെ സിനിമാഹാസ്യമെന്ന് ഇപ്പോഴത്തെ പ്രേക്ഷകർക്ക് തോന്നാം. എന്നാൽ ഇന്നത്തെ കോമഡിയുടെ അടിസ്‌ഥാനം തന്നെ ദ്വയാർത്ഥ പ്രയോഗമാണ്. ദ്വയാർത്ഥത്തിൽ ഊന്നിയുള്ള ഹാസ്യമല്ലാതെ ഒന്നും തരാനില്ലാത്ത അവസ്‌ഥ.

ശ്രീനിവാസൻ മലയാളത്തിനു നൽകിയ സിറ്റുവേഷൻ കോമഡിയുടെ വികൃതാനുകരണം മാത്രമാണ് ഇന്നത്തെ സിനിമാഹാസ്യം. അടുത്ത കാലത്ത് വൻ വിജയം നേടിയ പ്രേതം എന്ന ചിത്രം തന്നെയെടുക്കാം. ആദ്യാവസാനം കോമഡിയിലൂന്നിയാണ് ചിത്രം മുന്നേറുന്നത്. പക്ഷേ മിക്ക ഹാസ്യരംഗങ്ങളും അശ്ലീലത ധ്വനിപ്പിക്കുന്നതും ദ്വയാർത്ഥ പ്രയോഗം നിറഞ്ഞതുമാണ്. കഴിഞ്ഞ വർഷം പുറത്തു വന്ന ചിത്രങ്ങളിൽ മഹേഷിന്റെ പ്രതികാരം മാത്രമാണ് ജനുവിനായ പുതുമയുള്ള ഹാസ്യം പകർന്നു നൽകിയത്. മലയാളസിനിമയിലെ കോമഡിയുടെ വഴികളിലൂടെ ഒന്നു സഞ്ചരിക്കാം..

ബ്ലാക്ക് ആൻഡ് വൈറ്റ് ഓർമകൾ

ഹോളിവുഡിൽ വിഖ്യാത നടൻ ചാർളി ചാപ്ലിൻ ഒരുക്കിയ ഹാസ്യത്തിന്റെ അലയൊലികൾ ലോകം മുഴുവൻ അലയടിച്ച കാലം. ചാപ്ലിന്റെ ചലനങ്ങളിൽ ഹാസ്യം മാത്രമേയുണ്ടായിരുന്നുള്ളൂ. സം സാരമില്ലാതെ മൂകാഭിനയത്തിലൂടെ ആ അപൂർവ പ്രതിഭ തീർത്ത കോമഡി രംഗങ്ങൾ ഇന്നും നമ്മൾ വിസ്മയത്തോടെ നോക്കിക്കാണുന്നു. മലയാളത്തിലാകട്ടെ എസ്.പി. പിള്ളയും ബഹദൂറുമൊക്കെ ചിരിയുടെ ബിംബങ്ങളായി ഉയർന്നു വന്ന അറുപതുകൾ. കേളടി നിന്നെ ഞാൻ കാണുന്ന നേരത്ത്.... എന്നു പാടിക്കൊണ്ട് എസ്.പി പിള്ളയും ഒരു രൂപാ നോട്ടു കൊടുത്താൽ ഒരു ലക്ഷം കൂടെ പോരും എന്നാലപിച്ച അടൂർഭാസിയുമെല്ലാം ചേർ ന്നു പ്രേക്ഷകർക്കു പകർന്നു നൽകിയ ഹാസ്യം അന്നത്തെ പ്രേക്ഷകരെ ഒട്ടൊന്നുമല്ല ആനന്ദിപ്പിച്ചത്.

അന്നത്തെ സാമൂഹിക പശ്ചാത്തലത്തിൽ ഭാസിയും ബഹദൂറുമൊക്കെ നൽകിയ ഹാസ്യത്തിനു പ്രസക്‌തി ഏറെയുണ്ടായിരുന്നു. മലയാളസിനിമ ശൈശവ ദശയിൽ നിന്നു വളരുന്ന സമയമായിരുന്നു അത്. തമിഴ് സിനിമയുടേയും നാടകങ്ങളുടേയും അനുകരണങ്ങളിൽ നിന്ന് നമ്മുടെ സിനിമ വഴിമാറി ചിന്തിക്കാൻ തുടങ്ങിയ സമയത്ത് ബഹദൂറും അടൂർഭാസിയുമെല്ലാം ചേർന്നൊരുക്കിയ ഹാസ്യചേരുവകൾ സിനിമയെന്ന കലാരൂപം ജനപ്രിയമാകുന്നതിൽ പ്രധാന പങ്കു വഹിച്ചു.



ശരീര ചലനങ്ങൾക്കൊണ്ടും സംഭാഷണങ്ങളിലെ പ്രത്യേകതകൊണ്ടുമൊക്കെയാണ് അന്നു കോമഡികൾ സൃഷ്ടിക്കപ്പെട്ടത്. അതാകട്ടെ നിഷ്ക്കളങ്ക ഹാസ്യത്തിലൂന്നിയായിരുന്നു താനും. പഴത്തൊലിയിൽ തെന്നിവീഴുന്നതും കുടവയർ കുലുക്കി ചിരിക്കുന്നതുമൊക്കെ ഇന്നത്തെ പ്രേക്ഷകർക്ക് ഹാസ്യമല്ലാതായി തോന്നുന്നത് സ്വാഭാവികം മാത്രം.

പപ്പു, മാള, ജഗതി

എഴുപതുകളുടെ അവസാനത്തോടെ ചിരിയുടെ പുത്തൻ നിറക്കൂട്ടുകളുമായ് ഒരുപറ്റം താരങ്ങൾ മലയാളസിനിമയിലെത്തി. ജഗതി ശ്രീകുമാർ, കുതിരവട്ടം പപ്പു, മാള അരവിന്ദൻ എന്നീ വലിയ കലാകാരന്മാരുടെ തേരോട്ടമായിരുന്നു നമ്മൾ കണ്ടത്. തികച്ചും വേറിട്ട ശൈലിയിലൂടെ ഈ മൂന്നുപേരും പ്രേക്ഷകരെ ചിരിയുടെ പുതിയ തലങ്ങളിലേക്കു കൊണ്ടുപോയി. തേന്മാവിൻ കൊമ്പത്തിലേയും വെള്ളാനകളുടെ നാട്ടിലേയുമൊക്കെ പപ്പുവിന്റെ ഹാസ്യരംഗങ്ങൾ തലമുറകളിലേക്ക് കൈമാറപ്പെടുകയാണ്. എത്രകാലം കഴിഞ്ഞാലും മടുക്കാത്ത ഹാസ്യം. ജഗതി ശ്രീകുമാറാകട്ടെ അപകടത്തെ തുടർന്ന് രംഗത്തു നിന്ന് മാറി നിൽക്കുന്നതുവരെ ഈ രംഗത്തെ മുടിചൂടാമന്നനായിരുന്നു. എൺപതുകളിലെ വിജയക്കൂട്ടിന്റെ പ്രധാന ഘടകം മാള അരവിന്ദനായിരുന്നു. ഈ മൂന്നു പ്രതിഭകൾ തെളിച്ച വഴിയിലൂടെയാണ് അന്നും ഇന്നും മലയാളസിനിമയിലെ കോമഡിയുടെ പോക്ക് എന്നു പറയാം.

പ്രിയദർശനും ശ്രീനിവാസനും

മലയാളത്തിലെ ഹാസ്യത്തിന്റെ ചേരുവകളിൽ പുത്തൻ ആശയങ്ങൾ കൊണ്ടുവന്നവരാണ് പ്രിയദർശനും ശ്രീനിവാസനും. എൺപതുകളുടെ തുടക്കം മുതൽ ഇവർ കൊണ്ടുവന്ന മാറ്റം പുതിയ സിനിമകളിലൂടെ ഇന്നും തുടരുന്നു. അതുവരെ കണ്ടു വന്ന ഹാസ്യത്തിന്റെ കൾച്ചർ തന്നെ മാറിയത് പ്രിയദർശനിലൂടെയായിരുന്നു. പൂച്ചയ്ക്കൊരു മുക്കുത്തി എന്ന പ്രിയദർശൻ ചിത്രം വൻ ഹിറ്റായതിനു പിന്നിൽ ഈ മാറ്റമായിരുന്നു. ചെറിയ ചെറിയ സിറ്റുവേഷനുകളിലൂടെ ജീവിതവുമായി ചേർന്നു നിൽക്കുന്ന തമാശകൾ സൃഷ്ടിക്കുന്നതിൽ പ്രിയദർശനോടൊപ്പം ശ്രീനിവാസനും പ്രധാന പങ്കുവഹിച്ചു. സത്യൻ അന്തിക്കാടാണ് ഈ രംഗത്ത് വിപ്ലവകരമായ മാറ്റം കുറിച്ച മറ്റൊരു സംവിധായകൻ. തറവാടിത്തമുള്ള ഹാസ്യം മലയാളത്തിനു നൽകിയത് സത്യന്റെ സിനിമകളായിരുന്നു. ഇന്നസെന്റ്, മാമുക്കോയ, കൊച്ചിൻ ഹനീഫ, ശങ്കരാടി, ഒടുവിൽ ഉണ്ണികൃഷ്ണൻ, ജഗദീഷ്, ഫിലോമിന, സുകുമാരി, കെ.പി.എ.സി.ലളിത തുടങ്ങിയവർ സൃഷ്ടിച്ച കോമഡി ജീവിതത്തോടു അടുത്തു നിൽക്കുന്നവയായിരുന്നു. അതെല്ലാം തന്നെ സന്ദോർഭിചിതമായ ഹാസ്യമായിരുന്നു. പ്രിയദർശനും സത്യൻ അന്തിക്കാടും ശ്രീനിവാസനുമൊക്കെ ചേർന്ന അക്കാലം കോമഡിയുടെ സുവർണയുഗം തന്നെയായിരുന്നു.

സിദ്ധിഖ്– ലാൽമാരുടെ വരവ്

എൺപതുകളിൽ പ്രിയദർശനും ശ്രീനിവാസനുമൊക്കെയാണ് മാറ്റത്തിന്റെ വിത്തു പാകിയതെങ്കിൽ തൊണ്ണൂറുകളിൽ സിദ്ധിഖ്–ലാൽ എന്ന ഇരട്ട സംവിധായകരിലൂടെയാണ് അതു നിർവഹിക്കപ്പെട്ടത്. റാംജിറാവ് സ്പീക്കിംഗ് എന്ന മെഗാഹിറ്റിലൂടെ ഹാസ്യത്തിന്റെ പുത്തൻ അനുഭവങ്ങൾ പ്രേക്ഷകർക്കു ലഭിച്ചു. റാംജിറാവിനുശേഷം ഈ സംവിധാകരുടെ ഒരു പിടി ഹിറ്റുകൾ ഒന്നിനു പിറകേ ഒന്നായി എത്തി. എല്ലാം ഹാസ്യത്തിനു പ്രാധാന്യമുള്ള സിനിമകൾ. പക്ഷേ അവയൊക്കെയും ജീവിതഗന്ധിയായി അവതരിപ്പിക്കാൻ സിദ്ധിഖ്– ലാലിനു കഴിഞ്ഞു. ഇതേ തുടർന്ന് ഈ ജനുസിൽ പെട്ട ചിത്രങ്ങളുടെ കുത്തൊഴുക്കായിരുന്നു. മിക്കതും സിദ്ധിഖ്– ലാൽ ചിത്രങ്ങളുടെ അനുകരണവും. അതുകൊണ്ടു തന്നെ തൊണ്ണൂറുകളുടെ അവസാനമായപ്പോഴേയ്ക്കും കോമഡി സിനിമകൾ പ്രേക്ഷകരെ വെറുപ്പിക്കാൻ തുടങ്ങി.

മിമിക്രിക്കാരുടെ വരവ്

മിമിക്രിക്കാർ കൂട്ടത്തോടെ സിനിമയിലെത്തിയതും തൊണ്ണൂറുകളിലായിരുന്നു. ഹാസ്യരംഗത്തും അതിന്റെ അവതരണത്തിലും കാര്യമായ മാറ്റമാണ് ഇതു വരുത്തിയത്. അനവധി പുതിയ കലാകാരന്മാർ സിനിമയിൽ പ്രശസ്തരായി. ജയറാം, ദിലീപ്, ഹരിശ്രീ അശോകൻ, സലിംകുമാർ, കോട്ടയം നസീർ തുടങ്ങി ഒട്ടേറെ കലാകാരന്മാരാണ് മിമിക്രി പശ്ചാത്തലത്തിൽ നിന്നും സിനിമയിലെത്തിയത്. അതുവരെ കണ്ട ഹാസ്യത്തിൽ നിന്നും വ്യതിചലിച്ചുള്ള കോമഡിയാണ് മിമിക്രിക്കാർ കൊണ്ടുവന്നത്. അതു പ്രേക്ഷകർ ഇരുകൈയ്യും നീട്ടി സ്വീകരിച്ചു. ഇന്നും ഈ രംഗത്തു നിന്നു പ്രതിഭകൾ സിനിമയിലെത്തുകയും വിജയം നേടുകയും ചെയ്യുന്നു. സുരാജ് വെഞ്ഞാറമ്മൂടിനെപ്പോലെ ചാനൽ ഹാസ്യരംഗത്തു നിന്ന് ഇപ്പോഴും താരങ്ങൾ ഉദയം ചെയ്യുന്നു.

ഇന്നത്തെ കോമഡി

ഇന്നത്തെ കോമഡി എന്നാൽ ‘കൗണ്ടർ’ ആണ്. ഒരാൾ പറയുന്നതിന്റെ കൗണ്ടർ മറ്റൊരാൾ പറയുക. ശ്രീനിവാസൻ പരിചയപ്പെടുത്തിയ സ്വിറ്റേഷൻ കോമഡിയുടെ വികൃതമായ അനുകരണം മാത്രമാണിത്. അശ്ലീലധ്വനിയിലൂടേയും ദ്വയാർത്ഥ പ്രയോഗങ്ങളിലൂടെയുമുള്ള ഈ ഹാസ്യം പരിതാപകരം എന്നു തന്നെ വിശേഷിപ്പിക്കാം. കുടുംബാംഗങ്ങൾക്കൊന്നിച്ച് ഹാസ്യം ആസ്വദിക്കാൻ വയ്യാത്ത സ്‌ഥിതി. സിനിമ പോലെ ജനകീയമായ ഒരു മാധ്യമത്തിലൂടെ പറയാൻ പാടില്ലാത്ത വാക്കുകൾ പറഞ്ഞാൽ അത് പുതുമയായും കോമഡിയായും കരുതുകയാണ് പുതുതലമുറയിലെ പല സംവിധായകരും. സൂപ്പർതാര സിനിമകളിൽപ്പോലും ഇത്തരം ഹാസ്യം തിരുകി കയറ്റുകയാണ്. പലപ്പോഴും ഇത് ഹാസ്യത്തേക്കാൾ അപഹാസ്യമാണ് സൃഷ്ടിക്കുക.

ജഗതിയുടെ അഭാവം

മലയാളിയുടെ ഹാസ്യബോധത്തിനുമേൽ കരിനിഴൽ വീഴ്ത്തിയത് ജഗതിയുടെ അഭാവമാണ്. ഏതു ട്രെൻഡിലും ഏതു ജനറേഷനിലും തനതു ശൈലിയിൽ കോമഡി പകർന്നു നൽകിയ ഈ കലാകാരന്റെ വിട്ടു നിൽക്കലാണ് ഇന്നത്തെ കോമഡി വെറും ദ്വയാർത്ഥ പ്രയോഗമായി മാറാൻ പ്രധാന കാരണം. അപകട സമയം വരെ തിരക്കുള്ള താരമായിരുന്ന ജഗതിശ്രീകുമാർ ഇന്നും സജീവമായി ഈ രംഗത്തു കാണേണ്ട താരമായിരുന്നു.ജഗതിക്കു പകരം വയ്ക്കാൻ മറ്റൊരുമില്ല താനും.

ചാനൽ ഹാസ്യം

ഇന്ന് ചാനലുകളിലെ ജനപ്രിയ പരിപാടികൾ ഹാസ്യത്തിലൂന്നിയുള്ളവയാണ്. സീരിയലുകൾക്കും സിനിമയ്ക്കും അപ്പുറമാണ് ചാനലുകളിലെ ഹാസ്യപരിപാടികളുടെ റേറ്റിംഗ്. ഒട്ടേറെ പുതിയ കലാകാരന്മാർ ഇതുവഴി രംഗത്തു വരുന്നുണ്ട്. ചിലരെങ്കിലും പുതുമയുള്ള ആശയങ്ങളും പ്രകടനങ്ങളും നൽകുന്നുണ്ട്. ഇവരുടെയെല്ലാം ലക്ഷ്യം സിനിമയാണ്. പലരും സിനിമയിൽ എത്തുകയും കഴിവു തെളിയിക്കുകയും ചെയ്യുന്നുണ്ട്. ഇവരിൽ നിന്ന് പുതിയ ജഗതിയും ഹരിശ്രീ അശോകനും സലിംകുമാറുമൊക്കെ ഉണ്ടാവുമോയെന്ന് കാത്തിരുന്നു കാണാം.

– ബിജോ ജോ തോമസ്

ലക്ഷ്യം
ജിത്തു ജോസഫ് എന്ന സംവിധായകൻ മികച്ച ഒരു തിരക്കഥാകൃത്തുകൂടിയാണ്. തന്റെ ചിത്രങ്ങളിൽ ഒരെണ്ണമൊഴിച്ചുള്ള
കെയർഫുൾ
ഒരു തികഞ്ഞ മർഡർ മിസ്റ്റററിയുമായി വി.കെ. പ്രകാശ് കടന്നുവരുന്നു. ചിത്രം കെയർഫുൾ. ഒരു ഇൻവെസ്റ്റിഗേഷൻ
ചില കോമഡി ചിന്തകൾ....
ബ്ലാക്ക് ആൻഡ് വൈറ്റ് തിരശീലയിൽ എസ്.പി. പിള്ളയും ഭാസിയും ബഹദൂറുമൊക്കെയൊരുക്കിയ
ബാഹുബലി –2
തിയറ്ററുകളിൽ വിജയ ചരിത്രം സൃഷ്ടിക്കാൻ ബാഹുബലി 2 ഏപ്രിൽ 28–ന് തിയറ്ററുകളിലെത്തുന്നു. 2015–ൽ മെഗാ വിജയം നേടിയ ചിത്രത്തിന്റെ രണ്ടാം ഭാഗത്തിനായുള്ള
രക്ഷാധികാരി ബൈജു ഒപ്പ്
ബൈജു എന്നു പറഞ്ഞാൽ ഏതു ബൈജു എന്നു ചോദിച്ചേക്കാം. പക്ഷേ, രക്ഷാധികാരി ബൈജു എന്നാണ് പറയുന്നതെങ്കിൽ ഒരു സംശയവുമില്ല. സുപരിചിതനാണ്. കുമ്പളം ഗ്രാമത്തിൽ
അച്ചായൻസ്
കൊച്ചിയിലെ അതിപുരാതനമായ തോട്ടത്തിൽ തറവാട്ടിൽ ഇപ്പോൾ പ്രധാനിയാണ് ടോണി വാവച്ചൻ. വർക്കി വാവച്ചന്റെയും ഏലിയാമ്മ വാവച്ചന്റെയും മകനായ ടോണിയുടെ ഇപ്പോഴത്തെ
റോൾ മോഡൽസ്
റാഫി തിരക്കഥ രചിച്ചു സംവിധാനംചെയ്യുന്ന റോൾ മോഡൽസിന്റെ ചിത്രീകരണം ഗോവയിൽ പുരോഗമിക്കുന്നു.
സിനിമാ സംസ്കാരം മാറുമ്പോൾ
കോടമ്പാക്കത്തെ ഉമാലോഡ്ജിൽ നിന്നുയർന്ന നെടുവീർപ്പുകൾ നഷ്ടസ്വപ്നങ്ങളുടേതായിരുന്നു. പൊട്ടിച്ചിരികളാകട്ടെ നേടിയവരുടേതും. അതൊരു വലിയ ഭൂമികയായിരുന്ന
കലൂർ ഡെന്നീസിന്റെ വികാര– വിചാരങ്ങൾ
പുതിയ കാലത്തിന്റെ സിനിമാ സങ്കൽപങ്ങളെയും പുത്തൻ ഭാഷ്യങ്ങളെയും എന്നും ഒരു കാരണവർ സ്‌ഥാനത്തു നിന്നുകൊണ്ട് നിരീക്ഷിക്കുകയും അഭിപ്രായം അറിയിക്കുകയും വിമർശിക്കുകയും
മഞ്ഞമന്ദാരമായ് ഗേളി
കാത്തിരിപ്പിന്റെ മടിത്തട്ടിൽ തലചായ്ച്ചുറങ്ങാനാണ് ആ കൊച്ചുമകൾ പറന്നെത്തിയത്. കളിയും ചിരിയും കുസൃതിയും പരത്തുന്ന ഒരു പൈങ്കിളി പോലെ ഒരു ഋതുകാലത്തിന്റെ ഇടവേളയിൽ ഗ...
നാട്ടാരുടെ ജോർജേട്ടൻ
ക്രിസ്ത്യൻ സമുദായത്തിൽ മാർത്തോമക്കാരനായ ഫാദർ മാത്യൂസ് വടക്കന് ജീവിതത്തിൽ ഒരു വലിയ മോഹമുണ്ടായിരുന്നു.
ബഷീറിന്റെ പ്രേമലേഖനം
പ്രണയത്തിനു പുതിയ ഭാഷ്യം രചിക്കുന്ന അനീഷ് അൻവർ സംവിധാനംചെയ്യുന്ന ബഷീറിന്റെ പ്രേമലേഖനം എന്ന ചിത്രത്തിന്റെ നിർമാണ പ്രവർത്തനങ്ങൾ പൂർത്തിയായിവരുന്നു.
വിഷ്ണു ശർമ
കഥയിലും ബജറ്റിലും സിനിമ എത്ര ലളിതമായിരുന്നാലും അവയിലെ ഫ്രെയിമുകൾക്ക് മനംമയക്കുന്ന ദൃശ്യഭംഗി സമ്മാനിക്കാൻ
ഞാൻ കീർത്തി സുരേഷ്
സിനിമാ കുടുംബത്തിലാണ് ഞാൻ ജനിച്ചതെന്ന് എല്ലാവർക്കുമറിയാമല്ലോ. സുരേഷ്കുമാറിന്റേയും മേനകയുടേയും മകളായി തിരുവനന്തപുരത്ത് ജനനം. അച്ഛൻ മലയാളിയും
പകരക്കാരനില്ലാത്ത പദ്മരാജൻ
സങ്കീർണമായ ജീവിത യാഥാർഥ്യങ്ങൾക്കുപോലും തന്റെ ചലച്ചിത്രങ്ങളിലൂടെ കാൽപനിക ചാരുത പകർന്ന സംവിധായകനും തിരകാവ്യ രചയിതാവുമായ
പുത്തൻ രസക്കൂട്ടുകളുമായ് ധർമ്മജൻ
തമാശയുടെ പുത്തൻ രസക്കൂട്ടുമായെത്തി കട്ടപ്പനയിലെ ഋത്വിക് റോഷനിലൂടെ പ്രേക്ഷക ഹൃദയം കീഴടക്കിയിരിക്കുകയാണ് ധർമ്മജൻ ബോൾഗാട്ടി. ചിത്രത്തിലെ ദാസപ്പൻ എന്ന കഥാപാത്രത്തെ
എസ്ര
മലയാള സിനിമാ ചരിത്രത്തിലെ ഏറ്റവും സത്യസന്ധമായ ഒരു ഹൊറർ ചിത്രം പ്രേക്ഷകരുടെ മുന്നിലെത്തുന്നു. മലയാളി പ്രേക്ഷകർക്കു മുൻപരിചയമില്ലാത്ത ഹൊറർ കാഴ്ചകളുമായി
വിശേഷങ്ങളുമായ് വിനു മോഹൻ
ലോഹിതദാസ് കണ്ടെത്തുന്ന പ്രതിഭകളെല്ലാം തന്നെ മലയാളസിനിമയിൽ മേൽവിലാസം നേടിയെടുത്തിട്ടുണ്ട്.
അയാൾ ജീവിച്ചിരിപ്പുണ്ട്
അതെ! ഇതുവരെ അറിയാത്ത സൗഹൃദത്തിന്റെ പുത്തൻ അനുഭവ മുഹൂർത്തങ്ങൾ തിരിച്ചറിയുകയാണ് അയാളിലൂടെ. ആരും പറയാതെ സംഭവിച്ച സൗഹൃദത്തിന്റെ കഥ.
പ്രേതമുണ്ട് സൂക്ഷിക്കുക
നൂറു ശതമാനവും നർമമുഹൂർത്തങ്ങളിലൂടെ അവതരിപ്പിക്കപ്പെടുന്ന ചിത്രമാണ് പ്രേതമുണ്ട് സൂക്ഷിക്കുക. ഈ ചിത്രം നവാഗതരായ മുഹമ്മദാലി, ഷഫീർഖാൻ എന്നിവർ തിരക്കഥ രചിച്ച് സംവിധാ...
വിനോദ് ഇല്ലംപള്ളി
സ്റ്റിൽ കാമറയിൽ വിനോദിന്റെ ചിത്രം പകർത്തുകയായിരുന്നു അമ്മ അംബികയുടെ വിനോദം. കുഞ്ഞായിരിക്കുമ്പോഴേ അനേകം ചിത്രങ്ങൾക്കു മോഡലായിട്ടുള്ള വിനോദിന്റെയുള്ളിൽ
ചിരിച്ചും ചിന്തിപ്പിച്ചും വീണ്ടും ജിബു ജേക്കബ്
വെള്ളിമൂങ്ങ എന്ന സൂപ്പർഹിറ്റു ചിത്രം മലയാളികൾക്കു സമ്മാനിച്ച സംവിധായകനാണ് ജിബു ജേക്കബ്.
തന്ത്രങ്ങളുമായി സത്യ
ജയറാമിൽനിന്നും ഏറെ വേറിട്ട ഒരു ചിത്രമൊരുങ്ങുന്നു.– സത്യ. ദീപൻ സംവിധാനംചെയ്യുന്ന ഈ ചിത്രത്തിന്റെ ചിത്രീകരണം പോണ്ടിച്ചേരി, പൊള്ളാച്ചി എന്നിവിടങ്ങളായി പൂർത്തിയാകുന...
2017 പ്രതീക്ഷകൾ
ക്രിസ്മസ് കാലയളവിൽ മലയാള സിനിമകൾ റിലീസിംഗിൽ നിന്നും മാറിനിന്നത് വാണിജ്യപരമായി ഈ മേഖലയെ പിന്നോട്ടടിച്ചു. തിയറ്റർ ഉടമകളും നിർമാതാക്കളും ഇരു ധ്രുവങ്ങളിലായപ്പോൾ
എബി
എബി. മരിയാപുരം ഗ്രാമത്തിൽ എബിയെന്നു പറഞ്ഞാൽ ഒരാളേയുള്ളു. തനി സാധാരണക്കാരനായ
ഹോളിവുഡ്: നിരാശപ്പെടുത്തി 2016, പ്രതീക്ഷ നൽകി 2017
ഡിസ്നി സ്റ്റുഡിയോയുടെ പോയ വർഷത്തെ ബിഗ് ബജറ്റ് പടമായിരുന്നു മാർവെൽ കോമിക്സ് സൂപ്പർഹീറോ പരമ്പരയിലെ ‘ക്യാപ്റ്റൻ അമേരിക്ക: സിവിൽ വാർ.’ ഇതു തന്നെയാണ് ഹോളിവുഡിലെ മികച...
തരംഗങ്ങളില്ലാതെ നായികമാർ
ഒരു നായികയ്ക്കും പ്രത്യേക തരംഗമൊന്നും സൃഷ്ടിക്കാൻ കഴിയാതെയാണ് 2016 കടന്നുപോകുന്നത്.
തമിഴ് സിനിമ –2016
പരീക്ഷണങ്ങൾക്കും വാണിജ്യഘടകങ്ങൾക്കും അവസരങ്ങൾ ഒരുങ്ങുന്നതാണ് കോളിവുഡ് സിനിമ ലോകത്തിൽ ഈ വർഷം കണ്ടത്.
തൃശിവപേരൂർ ക്ലിപ്തം
ആമ്മേൻ എന്ന ചിത്രത്തിനുശേഷം വൈറ്റ് ബാൻഡ്സ് മീഡിയാ ഹൗസിന്റെ ബാനറിൽ ഫരീദ്ഖാനും ഷലീൽ അസീസും ചേർന്നു നിർമിക്കുന്ന പുതിയ ചിത്രമാണ് തൃശിവപേരൂർ ക്ലിപ്തം.
സീനിയേഴ്സ്, ജൂണിയേഴ്സ് ക്ലിക്ഡ്
നായക നിരയിൽ സീനിയർ താരങ്ങളും യുവനിരയും പുതുമുഖങ്ങളുമെല്ലാം തിളങ്ങിയ വർഷമാണ് 2016.
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.