സബ് 4 മീറ്റർ എസ്യുവിയിൽനിന്ന് മഹീന്ദ്ര ആൻഡ് മഹീന്ദ്ര ഏറ്റവും പുതുതായി വിപണിയിലെത്തിച്ച പരിഷ്കരിച്ച മോഡലാണ് ടിയുവി 300 പ്ലസ്. കോംപാക്ട് എസ്യുവിയിൽനിന്ന് മൾട്ടി പർപസ് വാഹനം എന്ന നിലയിലാണ് ഇനി ടിയുവി 300 പ്ലസ്.
പ്ലസ് ഓണ് പവർ
1.5 ലിറ്റർ 3 സിലിണ്ടർ ഡീസൽ എൻജിനായിരുന്നു ടിയുവി 300ന്റെ കരുത്തെങ്കിൽ മഹീന്ദ്രയുടെ 2.2 ലിറ്റർ 4 സിലിണ്ടർ എംഹോക്ക് ഡി120 ഡീസൽ എൻജിനാണ് ടിയുവി 300 പ്ലസിന്റെ കരുത്ത്. ഈ എൻജിൻ 120 ബിഎച്ച്പി പവറിൽ 280 എൻഎം ടോർക്ക് ഉത്പാദിപ്പിക്കുന്നു. സ്കോർപിയോയിൽനിന്നു കടംകൊണ്ട എൻജിനാണിത്. മൈക്രോ ഹൈബ്രിഡ് സാങ്കേതികവിദ്യയും ബ്രേക്ക് എനർജി റീജെനറേഷനും പുതിയ മോഡലിൽ സമന്വയിപ്പിച്ചിട്ടുണ്ട്.
ഓട്ടോമാറ്റിക് ഇല്ല
ടിയുവി 300 5 സ്പീഡ് മാന്വൽ/എഎംടി (ഓട്ടോമാറ്റിക് മാന്വൽ ട്രാൻസ്മിഷൻ) എൻജിൻ ഓപ്ഷനുകളിൽ ഇറങ്ങിയിരുന്നെങ്കിൽ ടിയുവി 300 പ്ലസ് 6 സ്പീഡ് മാന്വൽ ട്രാൻസ്മിഷൻ മാത്രമേ നല്കുന്നുള്ളൂ.
ഇറ്റാലിയൻ കന്പനിയുടെ രൂപകല്പന
ഇറ്റാലിയൻ ഡിസൈൻ കന്പനിയായ പിനിൻഫരീനയാണ് ഈ വാഹനത്തിന്റെ ഇന്റീരിയർ ഡിസൈൻ ചെയ്തിരിക്കുന്നത്. പ്രീമിയം ഫീലിനായി ലെതർ സീറ്റുകളാണ് നല്കിയിരിക്കുന്നത്.
പ്ലസ് ഓണ് സ്പേസ്
കൂടുതൽ സ്പേസ്, കൂടുതൽ സൗകര്യം. 9 പേർക്ക് സുഖമായി യാത്ര ചെയ്യാവുന്ന തരത്തിലാണ് സീറ്റുകൾ ക്രമീകരിച്ചിരിക്കുന്നത്. മൂന്നാം നിരയിലെ രണ്ടു സീറ്റുകൾ മുഖാമുഖം ക്രമീകരിച്ചിരിക്കുന്നതിനാൽ ബൂട്ട് സ്പേസ് കൂടുതൽ വർധിപ്പിക്കാം.
പ്ലസ് ഓണ് സൈസ്
4,400 എംഎം നീളം, 1,835 എംഎം വീതി, 1,812 എംഎം ഉയരം. എസ്യുവി പരിവേഷം കൂടുതൽ ശ്രദ്ധേയമാക്കുന്ന ഫ്രണ്ട് ഗ്രിൽ, വലിയ അലോയ് വീലുകൾ (16 ഇഞ്ച്), റിയർ വീൽ ഡ്രൈവ് എന്നിവ പ്രത്യേകത.
സുഖകരമായ യാത്ര
കുഷ്യൻ സസ്പെൻഷൻ ടെക്നോളജി ഉപയോഗിച്ചിരിക്കുന്നതിനാൽ ഏതു തരം റോഡുകളിലൂടെയും സുഖമായി സഞ്ചരിക്കാം.
സൗകര്യങ്ങൾ
സ്റ്റിയറിംഗ് മൗണ്ടഡ് ഓഡിയോ-ഫോണ് കണ്ട്രോൾസ്, വാഷ് ആൻഡ് വൈപ്പിനോടുകൂടിയ റിയർ ഡിഫോഗർ, ഡ്രൈവർ സീറ്റ് ഹൈറ്റ് അഡ്ജസ്റ്റർ, മുൻ നിരയിൽ ആം റെസ്റ്റ്, ഡ്രൈവർ സീറ്റിന്റെ അടിയിൽ സ്റ്റോറേജ് സ്പേസ്.
ടെക്നോളജി
ജിപിഎസ് നാവിഗേഷനോടുകൂടിയ 17.8 സെന്റീ മീറ്റർ ടച്ച് സ്ക്രീൻ ഇൻഫോടെയ്ൻമെന്റ് സിസ്റ്റം. ബ്ലൂസെൻസ് ആപ്, എക്കോ മോഡ്, മൈക്രോ ഹൈബ്രിഡ് ടെക്നോളജി, ബ്രേക്ക് എനർജി റീജെനറേഷൻ ടെക്നോളജി, ഇന്റലിപാർക്ക് റിവേഴ്സ് അസിസ്റ്റ്, എസി എക്കോ മോഡ്, ഡ്രൈവർ ഇൻഫർമേഷൻ സിസ്റ്റം.
സുരക്ഷ
ഡുവൽ എയർ ബാഗ്, എബിഎസ്, ഇബിഡി.
വില: 9.47 ലക്ഷം രൂപ മുതൽ.