Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Movies   | Health
| Back To Sthreedhanam |


വീട്ടുജോലികളും പങ്കിടണ്ടേ?
പുലർച്ചെ ഉറക്കമുണർന്ന് ഭർത്താവിനും മക്കൾക്കും മറ്റു കുടുംബാംഗങ്ങൾക്കുമുള്ള ഭക്ഷണമുണ്ടാക്കി, വീട്ടിലെ ജോലികളെല്ലാം കൃത്യമായി ചെയ്യുന്നവരാണ് വീട്ടമ്മമാർ. വീട്ടമ്മയ്ക്കു ജോലി ഉണ്ടെങ്കിൽ വീട്ടുജോലിക്കൊപ്പം ഓഫീസ് ജോലിയുടെ തിരക്കും അവരെ വേട്ടയാടും. വീട്ടിലെ ജോലികൾ തീർത്ത് രാവിലെ ഓഫീസിലെത്തി ജോലിക്ഷീണവുമായി വൈകുന്നേരം വീട്ടിലെത്തുന്ന അവൾ വീട്ടുജോലികൾ ചെയ്തുതീർത്ത് ഉറങ്ങുമ്പോൾ സമയം ഏറെ വൈകിയിരിക്കും. ഇതിനിടയിൽ അസുഖം വന്നാൽപോലും അതൊക്കെ അവഗണിച്ച് അവൾ വീട്ടുജോലികൾ ചെയ്തു തീർക്കണം.

ഇരുവരും ജോലിക്കാരായ വീട്ടിലെ അവസ്‌ഥ ഒന്ന് ആലോചിച്ചു നോക്കൂ...രാവിലെ ഉറക്കമുണർന്നാൽ ചായയുമായി സോഫയിലിരുന്ന് പത്രം വായിച്ചു തീർക്കുന്ന ഭർത്താവ്. വൈകുന്നേരം ജോലി കഴിഞ്ഞു തിരിച്ചുവരുമ്പോഴും അവസ്‌ഥ ഇതുതന്നെയാണ്. ഭാര്യ അടുക്കളയിൽ കിടന്ന് കഷ്ടപ്പെടുന്നു. ടിവിക്കു മുന്നിലിരിക്കുന്ന ഭർത്താവിന് ചായ കൈയിൽ എടുത്തുകൊടുത്താൽ മാത്രമേ കുടിക്കൂ... അല്പം ചൂടു കൂടുതലാണെങ്കിൽ പിന്നെ അതു തണുപ്പിച്ചു കൊടുക്കണം. ചൂടുകുറഞ്ഞാലോ അതും പ്രശ്നം. വീട്ടമ്മമാരുടെ പരാതികൾ ഇങ്ങനെ പോകുന്നു... ഇതിനിടയിൽ മക്കളെ ഹോംവർക്ക് ചെയ്യിപ്പിക്കൽ, വസ്ത്രങ്ങൾ കഴുകി ഇസ്തിരിയിട്ടുവയ്ക്കൽ, കുട്ടിയുടെ സ്കൂളിൽ പോക്ക്, അസുഖം വന്നാൽ ആശുപത്രിയിൽ കൊണ്ടുപോക്ക്... എന്നുവേണ്ട സകലതും പെണ്ണിന്റെ ചുമതലയാണെന്ന് വിശ്വസിക്കുന്ന ഒരു പറ്റം പുരുഷന്മാർ ഇന്നും നമുക്കിടയിലുണ്ട്. ഒരു ഉദ്യോഗസ്‌ഥയെക്കാൾ എത്രയോ ഇരട്ടി ജോലിയാണ് വീട്ടമ്മയായ ഒരു വീട്ടമ്മ നിത്യവും ചെയ്തു തീർക്കുന്നത്. യാതൊരു പ്രതിഫലവും കൂടാതെ കുടുംബത്തിനുവേണ്ടി സന്തോഷത്തോടെ ജോലി ചെയ്യുന്ന ഈ സ്ത്രീകളെ കാണാതെ പോകരുത്.
എന്നാൽ സന്തോഷകരമായ ദാമ്പത്യജീവിതത്തിന് വീട്ടുജോലികൾ പങ്കിടുന്നത് അനിവാര്യമാണ്. അത് ഭാര്യയ്ക്ക് ചെയ്തുകൊടുക്കുന്ന ഔദാര്യമല്ലെന്ന് പുരുഷന്മാർ ഓർക്കണം. ഭാര്യയെ ചെറിയ ജോലികളിലൊക്കെ സഹായിക്കാൻ സന്മനസ് കാണിക്കുന്നതിൽ തെറ്റില്ലെന്നാണ് സ്ത്രീധനം നടത്തിയ ചർച്ചയിൽ പങ്കെടുത്തവരുടെ അഭിപ്രായം... ആ പ്രതികരണങ്ങളിലേക്ക്...

വീട്ടുജോലികൾ ചെയ്യുന്നതിൽ തെറ്റില്ല

ഉണ്ണി മുകുന്ദൻ
നടൻ

വീട്ടുജോലികൾ ചെയ്യുക എന്നത് സ്ത്രീകളുടെ മാത്രം ഉത്തരവാദിത്വമാണ് എന്നതിനോട് എനിക്ക് യോജിപ്പില്ല. വീട്ടുജോലികളിൽ സ്ത്രീകളെ സഹായിക്കുന്നതിൽ തെറ്റില്ല. എന്നാൽ സ്ത്രീകൾക്ക് മൾട്ടിടാസ്കിംഗ് കപ്പാസിറ്റിയാണുള്ളത്. എന്റെ അമ്മയെ കണ്ടാണ് ഞാൻ വളർന്നത്. അമ്മ ഒരു അധ്യാപികയായിരുന്നു. സ്കൂളിൽ പോകുമ്പോഴും എല്ലാ വീട്ടുജോലികളും വളരെ കൃത്യമായി ചെയ്ത് ഞങ്ങളുടെ കാര്യങ്ങളൊക്കെ ഭംഗിയായി നോക്കിയിട്ടാണ് പോയിരുന്നത്. ജോലി കഴിഞ്ഞു വരുന്ന അച്ഛൻ വീട്ടുജോലികളിൽ അമ്മയെ സഹായിച്ചിരുന്നുമില്ല. എങ്കിലും ഒരു വേലക്കാരി പോലും ഞങ്ങളുടെ വീട്ടിൽ ഉണ്ടായിട്ടില്ല. അമ്മ തന്നെയാണ് എല്ലാ കാര്യങ്ങളും നോക്കി നടത്തുന്നത്.

വീട്ടുജോലി ചെയ്യണമെന്നു പറഞ്ഞ് ഭർത്താക്കന്മാരെ നിർബന്ധിപ്പിച്ചിട്ടു കാര്യമില്ല. അവർ അറിഞ്ഞുകൊണ്ട് ഭാര്യയെ സഹായിക്കണം. ഇന്ന് ഞാൻ വീട്ടുജോലികൾ തീർത്തു നാളെ നിങ്ങൾ ചെയ്യണമെന്ന് ഭർത്താവിനോട് വാശി പിടിക്കരുത്. കാരണം അത് കുടുംബജീവിതത്തിന്റെ താളം തെറ്റിക്കും. വീടിന്റെ കാര്യത്തിൽ കണക്കു പറയേണ്ടതില്ല.

ഒരു കുടുംബത്തിന്റെ കാര്യമെടുത്താൽ സ്ത്രീതന്നെയാണ് അതിന്റെ നെടുംതൂൺ. എത്ര തിരക്കുണ്ടായാലും കുടുംബത്തിനുവേണ്ടി ഓരോ സ്ത്രീയും ചെയ്യുന്ന ജോലികൾ എത്ര വിലമതിച്ചാലും മതിയാവില്ല. അപ്പോൾ അവർക്കൊരു കൈതാങ്ങാകുന്നത് നല്ലതല്ലേ? ഓരോ കുടുംബത്തിലും സ്ത്രീയുടെ സ്‌ഥാനം വളരെ വലുതാണെന്ന് നാം തിരിച്ചറിയണം.



വീട്ടുജോലികൾ ചെയ്യാൻ മിക്കപുരുഷന്മാരും തയാറല്ല

ഡോ.സിന്ധു അജിത്
ക്ലിനിക്കൽ സൈക്കോളജിസ്റ്റ്, എറണാകുളം

കൂടുമ്പോൾ ഇമ്പമുണ്ടാകേണ്ട ഒന്നാണ് കുടുംബം എന്ന് ഭാവനാപൂർണേന നമ്മൾ അവകാശപ്പെടുമ്പോഴും എത്ര കുടുംബങ്ങളിൽ ഇന്ന് ഇമ്പവും ഈണവും സമന്വയിക്കുന്നുണ്ട്. അണുകുടുംബ വ്യവസ്‌ഥിതിയും നഗരങ്ങളിലേക്കുള്ള ചേക്കേറലും ദമ്പതികൾ രണ്ടുപേരും ഉദ്യോഗസ്‌ഥരാവുകയും ഒക്കെ ചേർന്നുള്ള സാമൂഹ്യമാറ്റങ്ങൾ ഗുണങ്ങളും വളരെയേറെ ദോഷങ്ങളും കുടുംബങ്ങളുടെ നാലുചുവരുകൾക്കുള്ളിൽ നിറക്കുന്നു.

ഭാര്യയും ഭർത്താവും പണിയെടുക്കുന്ന അഥവാ ഔദ്യോഗിക ജീവിതത്തിൽ ഏർപ്പെടുന്ന കുടുംബങ്ങളിലെ ഒരു നല്ല ശതമാനം കുടുംബിനികളും അനുഭവിക്കുന്ന മാനസികവ്യഥകളും തദ്വാരാ അത് കുടുംബജീവിതത്തിൽ ഉണ്ടാക്കുന്ന അപസ്വരങ്ങളും ഇത്തരത്തിൽ ശ്രദ്ധേയമാണ്.

പണ്ടു കാലത്ത് പുരുഷൻ പുറത്തുപോയി പണിയെടുത്ത് ജീവിതമാർഗം ഉണ്ടാക്കുകയും സ്ത്രീകൾ കുടുംബകാര്യങ്ങൾ നോക്കുകയും ചെയ്തിരുന്നു. സ്ത്രീകൾ പുറത്തുപോയി ജോലിയെടുക്കുന്ന ഈ നൂറ്റാണ്ടിലും പുരുഷന്റെ മനസ്‌ഥിതിയിൽ വലിയ മാറ്റങ്ങളില്ലെന്നതാണ് സത്യം. സ്ത്രീകൾക്ക് വീട്ടുഭരണത്തിൽ വിട്ടുവീഴ്ച അനുവദിക്കപ്പെടുന്നില്ല. പങ്കുവച്ച് വീട്ടുജോലികൾ ചെയ്യാൻ മിക്കപുരുഷന്മാരും തയാറല്ല. ഭർത്താവിന്റെയും കുട്ടികളുടെയും കാര്യങ്ങളൊക്കെ നോക്കി, പെടച്ചടിച്ച് ജോലിക്കു പോകുന്ന ഉദ്യോഗസ്‌ഥകളായ സ്ത്രീകൾ യഥാർത്ഥത്തിൽ ഉരുകുന്ന മെഴുകുതിരികൾ പോലെയാണ്. ഭർത്താവ് രാവിലെ വൈകിയേഴുന്നേൽക്കുകയും ചായ ചോദിക്കുകയും പിന്നീട് മണിക്കൂറുകളോളം പത്രങ്ങൾക്കു മുന്നിൽ തപസിരിക്കുകയും പലകുറി സഹായം ആവശ്യപ്പെട്ടിട്ടും നിരസിക്കപ്പെടുന്ന ഭാര്യ പരാതി പറഞ്ഞും സ്വന്തം വിധിയെ സഹിച്ചും കരഞ്ഞും പുലമ്പിയും കടുത്ത മാനസികവും ശാരീരികവുമായ ക്ഷീണാവസ്‌ഥയിൽ ജോലിസ്‌ഥലത്തേയ്ക്ക് എത്തിച്ചേരുന്ന അവസ്‌ഥയും അപൂർവ്വമല്ല. ജോലിസ്‌ഥലത്ത് സ്ത്രീ ആയതുകൊണ്ട് അവൾക്ക് ജോലികളിൽ പ്രത്യേകിച്ച് ഇളവുകൾ ഒന്നുമില്ല. എന്നുമാത്രമല്ല, സ്ത്രീസഹജമായ പെർഫക്ഷനിസം (എല്ലാം കൃത്യമായി ഇരിക്കണം എന്നുള്ള മാനസികാവസ്‌ഥ) ഔദ്യോഗിക സ്‌ഥലങ്ങളിലും സ്ത്രീയെ വിശ്രമമില്ലാത്ത അവസ്‌ഥയിലേയ്ക്ക് നയിക്കുന്നു. വൈകുന്നേരങ്ങളിൽ വീട്ടിലെത്തിയാലും കൂടുതൽ സമയവും അവൾക്ക് അടുക്കളയിലേക്ക് തന്നെ ഊളിയിടേണ്ടിവരും. സമൂഹമാധ്യമങ്ങൾ വളരെ പ്രചാരം നേടിയിരിക്കുന്ന ഈ കാലഘട്ടത്തിൽ അവൾ കുറച്ചുനേരം ഫേസ്ബുക്കോ, വാട്ട്സ് ആപ്പോ ട്വിറ്ററോ ഉപയോഗിച്ചാൽ നിനക്ക് അടുക്കളയിൽ പണിയൊന്നുമില്ലേയെന്നു പറഞ്ഞ് അവളെ പുറന്തള്ളിയിട്ട് മണിക്കൂറുകൾ ഇവയ്ക്ക് മുന്നിലും പിന്നീട് വാർത്ത ചാനലുകൾക്ക് മുന്നിലും തപസിരിക്കും ഭർത്താക്കന്മാർ.

കുടുംബത്തിൽ ആരുടെയും രോഗവും ക്ഷീണവും സ്ത്രീകൾ ഏറ്റെടുക്കും. പക്ഷേ അവൾക്ക് അവശത വന്നാൽ അതിനൊരു പരിഗണന വേണ്ടത്ര കിട്ടുന്നില്ല. സ്വയം ചികിത്സയും അസുഖങ്ങളെ വകവയ്ക്കാതിരിക്കുന്നതും കടുത്ത ശാരീരികരോഗങ്ങളിലേക്കും പ്രായമെത്തുന്നതിനു മുൻപ് വാർദ്ധക്യത്തിലേക്കും അവളെ തള്ളിവിടുന്നു. രാത്രി വൈകി ജോലിയെല്ലാം കഴിഞ്ഞു കിടപ്പറയിലെത്തുന്ന സ്ത്രീ സ്വാഭാവികമായും ലൈംഗികതയിൽ തണുത്ത പ്രതികരണമായിരിക്കും കാണിക്കുക. അതു അടുത്ത കുടുബകലഹത്തിലേക്കും അകൽച്ചയിലേക്കും നീങ്ങുന്നു. ഈ അടുത്തകാലത്ത് ഒരു ദേശസാൽകൃത ബാങ്കിൽ സ്ത്രീകളുടെ ഒരു ഗ്രൂപ്പിനുവേണ്ടി ക്ലാസെടുക്കുമ്പോൾ ഉന്നത വിദ്യാഭ്യാസമുള്ള ബാങ്കുദ്യോഗസ്‌ഥകൾ പറഞ്ഞത് ജോലിയും വീടും ചേർന്ന വിശ്രമമില്ലാത്ത ജീവിതം അവർക്ക് മടുക്കുന്നുവെന്നാണ്. അവരുടെ മാനസിക സന്തോഷത്തെയും ശാരീരിക ക്ഷമതയേയും കുറയ്ക്കുവെന്നാണ്. ഈ അവസ്‌ഥകൾക്ക് പരിഹാരം വേണമെങ്കിൽ പുരുഷന്മാരുടെ മനോഭാവത്തിൽ മാറ്റം വരണം. രണ്ടുപേരുടെയും റോളുകൾ പരസ്പര ബഹുമാനത്തിലും പരിഗണനയിലും എടുക്കേണ്ടതാണ്. ഭർത്താക്കന്മാർ ഒരൽപം വൈകിയാലും അടുക്കളയിലേക്ക് കടന്നുചെന്ന് പാചകത്തിലും മറ്റും ഭാര്യമാരെ സഹായിക്കാം. കുട്ടികളെ റെഡിയാക്കാനും ടിഫിൻബോക്സ് ഒരുക്കാനും സഹായിക്കാം. സമയലാഭവും സന്തോഷവും ഭാര്യയ്ക്കു കിട്ടുന്നതോടൊപ്പം ഒരു കൈത്താങ്ങാവുന്നതിന്റെ തൃപ്തി ഭർത്താവിനും ലഭിക്കും. വൈകുന്നേരങ്ങളിലും വീട്ടുജോലികൾ പങ്കിട്ടെടുക്കുകയാണെങ്കിൽ കുട്ടികളോടൊപ്പം സന്തോഷകരമായി ചിലവഴിക്കാൻ രണ്ടുപേർക്കും സമയം കിട്ടും. സന്തോഷവതിയായ ഭാര്യ കിടപ്പറയിലെത്തുമ്പോൾ അവിടെയും ആനന്ദമയമാകും. അമ്മമാർ ആൺകുട്ടികളെ കുട്ടിക്കാലം മുതൽക്കുതന്നെ അടുക്കളയിൽ ചെറിയ ജോലികൾ ചെയ്യാൻ പരിശീലിപ്പിക്കണം. അങ്ങനെ വളർത്തപ്പെടുന്ന ആൺകുട്ടികൾ ഭാവിയിൽ അടുക്കള തങ്ങൾക്കുള്ള സ്‌ഥലമല്ലെന്ന് പറഞ്ഞ് മാറി നിൽക്കുകയില്ല.

മോശമായി തോന്നിയിട്ടില്ല

അപർണ ബാലമുരളി
നടി

പുരുഷന്മാർ വീട്ടുജോലിയിൽ സ്ത്രീകളെ സഹായിക്കുന്നത് മോശമായി തോന്നിയിട്ടില്ല. ബോത്ത് ആർ യുണീക്. ഒഴിവു സമയങ്ങളിലൊക്കെ കുക്കിംഗിനും തുണി കഴുകാനുമൊക്കെ സഹായിക്കുന്നതിൽ തെറ്റില്ല. പക്ഷേ കൗതുകത്തോടെ സന്തോഷത്തോടെ ചെയ്യണമെന്നു മാത്രം. അതിനുവേണ്ടി ആരെയും നിർബന്ധിക്കേണ്ടതില്ല. പിന്നെ തലമുറകളായി നമ്മളുടെ മനസിൽ പതിഞ്ഞൊരു കാര്യമുണ്ട്. ഭർത്താവ് പുറത്തു ജോലിക്കു പോകുന്നു, ഭാര്യ വീട്ടുജോലികളൊക്കെ ചെയ്യുന്നുവെന്നത്. ഇങ്ങനെ ജോലിയൊക്കെ ചെയ്യുന്നത് സ്ത്രീയുടെ ഒരു യുണീക് ക്വാളിറ്റിയാണ്. അവർ ജോലി ചെയ്യുന്നത് ഒരു ബാധ്യതയായോ പ്രാരാബ്ദമായോ കരുതാറില്ല. എത്രയൊക്കെ വിഷമം ഉണ്ടായാലും ഓരോ സ്ത്രീയും അതൊന്നും പ്രകടിപ്പിക്കാതെ കുടുംബത്തിൽ തന്റെ കടമ ഭംഗിയായി നിർവഹിക്കുമെന്നതിൽ യാതൊരു സംശയവുമില്ല.




കുടുംബജീവിതം സന്തോഷകരമാകും

ഡോ. (കേണൽ)കാവുമ്പായി ജനാർദനൻ
കൺസൾട്ടന്റ് സൈക്കോളജിസ്റ്റ്, പൂനെ

ഒരു നല്ലകുടുംബത്തിന്റെ മഹിമ വർധിക്കുന്നത് എല്ലാ കുടുംബാംഗങ്ങളും വീട്ടിലെ ജോലികൾ പങ്കിടുമ്പോഴാണ്. ഇന്ത്യൻ ആർമിയിൽ ഉന്നത ഓഫീസർമാരായിരുന്ന എനിക്കും, ഭാര്യഡോക്ടർ (മേജർ) നളിനി ജനാർദനനും ഔദ്യോഗിക ജോലിത്തിരക്കുകൾ വളരെ കൂടുതലായിരുന്നു. വേലക്കാരുള്ളതിനാൽ പലപ്പോഴും വീട്ടിലെ മറ്റു ജോലികൾ ഞങ്ങൾ പങ്കിടും. ഭാര്യയ്ക്ക് സ്‌ഥലം മാറ്റം കിട്ടിയപ്പോൾ മക്കളുടെ കാര്യങ്ങളൊക്കെ ഞാൻ തന്നെയാണ് നോക്കിയിരുന്നത്. സർവീസിൽ നിന്ന് വിരമിച്ച ശേഷം മുംബൈയിൽ സ്‌ഥിരതാമസമാക്കിയപ്പോൾ ഞങ്ങൾ വീട്ടുജോലിയിൽ പരസ്പരം സഹായിക്കും.

നമ്മുടെ ജീവിതത്തിലെ ഏറ്റവും മഹത്തായ കാര്യം സുഖദുഃഖങ്ങൾ പങ്കിടുക എന്നതാണ്. സ്നേഹമുള്ള ഒരു ഭർത്താവും വീട്ടുജോലികൾ, ഭാര്യയെ ഒറ്റയ്ക്കു ചെയ്യാൻ അനുവദിക്കില്ല. വീട്ടുജോലിയിൽ ഭാര്യയെ സഹായിക്കുന്ന ഭർത്താവിന് കൂടുതൽ സ്നേഹവും പരിചരണവും ലഭിക്കും. വീട്ടുപണിയും കുട്ടികളെ വളർത്തലും സ്ത്രീയുടെ ജോലി, എന്ന ചിന്ത വലിച്ചെറിഞ്ഞ്, അതിൽ തുല്യ പങ്കാളിയാവാൻ പുരുഷനു സാധിച്ചാൽ കുടുംബജീവിതം സന്തോഷത്തിന്റെയും സമാധാനത്തിന്റേയും പറുദീസയായി മാറും.

പരസ്പര സഹകരണം ദാമ്പത്യബന്ധം ദൃഢമാക്കും

ഡോ. തോമസ്.പി.മാത്യു
റിട്ട. ജുവനൈൽ കോർട്ട് പ്രൊബേഷൻ മാനേജർ
അമേരിക്ക

കാലം മാറുന്നതിന് അനുസരിച്ച് ചിന്താഗതിയും മാറാത്തതുകൊണ്ടുള്ള ഒരു ചോദ്യമാണ് ഇത്. പണ്ടുകാലത്ത് നമ്മുടെ അപ്പന്മാർ വീടിന് പുറത്തു ജോലി ചെയ്യുകയും അമ്മമാർ വീടിന് അകത്തുള്ള പണികളും ചെയ്തിരുന്നു. എന്നാൽ ഇന്ന് സ്‌ഥിതി അതല്ല, മിക്കവാറും എല്ലാ വീടുകളിലും അപ്പനും അമ്മയും വീടിന് പുറത്തുപോയി ജോലി ചെയ്താണ് ജീവിക്കുന്നത്. ഇങ്ങനെ രണ്ടുപേരും വീടിന് പുറത്തുപോയി ജോലി ചെയ്യുമ്പോൾ, വീടിന് അകത്തെ ജോലികളും രണ്ടുപേരും കൂടി ചെയ്താലേ, കാര്യങ്ങൾ സന്തോഷമായി നടക്കുകയുള്ളു.

ഉദ്ദേശം 20 കൊല്ലങ്ങൾക്ക് മുൻപേ ഞങ്ങൾ അവധിക്ക് അമേരിക്കയിൽ നിന്നും കേരളത്തിൽ വന്നപ്പോൾ, ഒരിക്കൽ എന്റെ ഭാര്യ കിണറ്റിൽ നിന്നും വെള്ളം കോരി തുണി കഴുകുന്നത് കണ്ടു. ഉടനെ തന്നെ ഞാൻ ചെന്ന് കിണറ്റിൽ നിന്നും വെള്ളം കോരി കൊടുത്തു. ഉടനെ അകത്തു നിന്നു അനിയന്റെ ഭാര്യ അനിയനോട് പറയുന്നു : കണ്ടു പഠിക്കാൻ, ഞങ്ങൾക്ക് എല്ലാവർക്കും ചിരിക്കാൻ ഒരു അവസരം കിട്ടി. ഭാര്യയും ഭർത്താവും പരസ്പരം സഹായിക്കണം. പരസ്പരം സഹായിച്ചില്ലെങ്കിൽ, വേറെ ആരു സഹായിക്കും ? ഇതു ദാമ്പത്യബന്ധത്തേയും ബലപ്പെടുത്തും. ഭർത്താവിന് പാചകത്തിൽ പരിചയം ഉണ്ടെങ്കിൽ അങ്ങനെ സഹായിക്കുക, ഇല്ലെങ്കിൽ വീടു വൃത്തിയാക്കാനും, തുണിയും പാത്രങ്ങളും കഴുകാനും സഹായിക്കുക. മക്കളുടെ പഠിത്തകാര്യത്തിലും, അവരുടെ ദൈനംദിന കാര്യങ്ങളിലും വേണ്ട സഹായങ്ങൾ ഒരുപോലെ ചെയ്യുക. ഇങ്ങനെ പരസ്പരം സഹായിച്ചാൽ വീട്ടുകാര്യങ്ങൾ ഭംഗിയായി നടക്കുകയും, വീട്ടിൽ കൂടുതൽ സന്തോഷവും സമാധാനവും ഉണ്ടാകുകയും ചെയ്യും. ഭാര്യയും ഭർത്താവും രണ്ടുപേരും പുറത്തു ജോലി ചെയ്യുന്നവരാണെങ്കിലും അല്ലെങ്കിലും പരസ്പരം സഹായിക്കേണ്ടത്, രണ്ടുപേരുടെയും കടമയാണ്. ഇങ്ങനെ പരസ്പരം സഹായിച്ചാൽ, കുടുംബബന്ധവും ഭാര്യാഭർതൃബന്ധവും ബലപ്പെടുകയും ചെയ്യും.

വീട്ടു ജോലികളിൽ സഹായിക്കണം

കലാഭവൻ സുധി, മിമിക്രി ആർട്ടിസ്റ്റ്

വീട്ടുജോലികളിൽ ഭാര്യയെ സഹായിക്കുന്നതിൽ ബുദ്ധിമുട്ട് കാണിക്കേണ്ട ആവശ്യമില്ല. ഇതിനോട് എനിക്കു നൂറു ശതമാനം യോജിപ്പാണ് ഉള്ളത്. പുരുഷൻ പുറത്തു പോയി ചെയ്യുന്ന ജോലിയുടെ നൂറിരട്ടി അധ്വാനമാണ് ഓരോ സ്ത്രീയും വീട്ടിൽ ചെയ്യുന്നത്. അവരുടെ കഷ്ടപാടിൽ ഭർത്താവ് ഒരു കൈത്താങ്ങ് ആകുമ്പോൾ അവർക്കും സന്തോഷമാകും. ഈശ്വരാനുഗ്രഹം കിട്ടുന്ന കാര്യമാണത്.

പരസ്പര സഹകരണം അനിവാര്യം

ശരത്കുമാർ ടി.എസ്
സീനിയർ എക്സിക്യൂട്ടീവ്– ബിസിനസ് ഡവലപ്മെന്റ് ആസ്റ്റർ മെഡ്സിറ്റി, എറണാകുളം

വിവാഹമോചന വാർത്തകൾ വർധിച്ചുവരുന്ന ഈ ന്യൂജനറേഷൻ കാലത്ത് വീട്ടുജോലികൾ പങ്കുവെയ്ക്കേ ണ്ടതുണ്ടോ എന്ന ചോദ്യം ഏറെ പ്രസക്‌തമാണ്. കെട്ടുറപ്പുള്ള കുടുംബജീവിതത്തിന്റെ ആണിക്കല്ല് തന്നെ ദമ്പതിമാരുടെ പരസ്പര വിശ്വാസവും, സുഖ ദു:ഖങ്ങളുടെ പങ്കിടലുമാണ് . വീട്ടുജോലികൾ ഭാര്യയുടെ ഉത്തരവാദിത്തമാണെന്ന് ചിന്തിക്കുന്ന ഭർത്താക്കൻമാരും കുറവല്ല. ജോലിയില്ലാത്ത വീട്ടമ്മമാരുടെ കാര്യത്തിൽ ഒരു പരിധി വരെ ശരിയാണെന്നും കരുതാം. എന്നാൽ പകൽ മുഴുവൻ ജോലിസ്‌ഥലത്തെ അധ്വാന ഭാരവും, പിരിമുറക്കവും അനുഭവിച്ച് വീട്ടിൽ വന്നു കഴിഞ്ഞും വീട്ടുജോലികൾ ചെയ്തു തീർക്കുന്ന സ്ത്രീക്ക് അവളുടെ പുരുഷന്റെ ഭാഗത്തു നിന്നു ലഭിക്കുന്ന ചെറിയ പരിഗണന പോലും വലിയ ആശ്വാസമാകും. വീട്ടുജോലികളിൽ പരസ്പര സഹകരണം ആവശ്യമാണെന്ന നിലപാടാണ് എന്റേത്. തന്റേതിനൊപ്പം ഭാര്യയുടെയും മക്കളുടെയും വസ്ത്രങ്ങൾ കഴുകുന്നതിൽ ഭർത്താക്കൻമാർ ലജ്‌ജിക്കേണ്ടതില്ല. തന്നാലാകുന്ന ചെറിയ ചെറിയ സഹായങ്ങൾ വീട്ടുജോലികളിൽ നൽകുന്ന ഭർത്താവിന് ഭാര്യ നൽകുന്ന സ്‌ഥാനം വലുതായിരിക്കും. മറ്റുള്ളവരോട് തന്റെ ഭർത്താവ് തന്നെ എല്ലാക്കാര്യങ്ങളിലും സഹായിക്കാറുണ്ടെന്ന് അഭിമാനത്തോടെ അവൾക്ക് പറയാനാകണം. സുഖമില്ലാത്ത അവസരങ്ങളിൽ ഭാര്യയ്ക്ക് വിശ്രമം നൽകി കുടുംബകാര്യങ്ങൾ ചെയ്യാൻ ഭർത്താവ് സന്നദ്ധനാകണം. ഭാര്യ പാചക ജോലികളുമായി മല്ലിടുമ്പോൾ അടുക്കളയിലെത്തി പാത്രം വൃത്തിയാക്കുക, കറിയുണ്ടാക്കാൻ സഹായിക്കുക എന്നിവ ചെയ്യുന്ന ഭർത്താക്കൻമാരോട് ഭാര്യമാർക്ക് മാനസികമായ ഇഴയടുപ്പം കൂടുതലായിരിക്കും. കുടുംബപ്രശ്നങ്ങളിൽ മാത്രമല്ല, നിത്യജീവിതത്തിൽ നേരിടേണ്ടി വരുന്ന കാര്യങ്ങളിലും ധൈര്യപൂർവ്വം ശക്‌തമായ നിലപാട് സ്വീകരിക്കാൻ ഭാര്യയ്ക്ക് കഴിയുന്നുണ്ടെങ്കിൽ അതിനുള്ള പ്രധാന കാരണം അവളുടെ ഭർത്താവ് നൽകുന്ന മാനസിക പിന്തുണയാണ്.. അതു തന്നെയാണ് അവളുടെ ആത്മവിശ്വാസവും.

ഭാര്യയെ സഹായിക്കുന്നതിൽ തെറ്റില്ല

ഗിരീഷ് സി.കെ
കണ്ടക്ടർ, എം.പി ട്രാവൽസ്, വൈക്കം.

വീട്ടുജോലിയിൽ ഭാര്യയെ സഹായിക്കുന്നതിൽ തെറ്റില്ലെന്നാണ് എന്റെ അഭിപ്രായം. കൂടുമ്പോൾ ഇമ്പമുള്ളതാണ് കുടുംബം. കുടുംബജീവിതം സന്തോഷകരമായി മുന്നോട്ടു കൊണ്ടു പോകണമെങ്കിൽ വിട്ടുവീഴ്ചയും പരസ്പര സഹകരണവും അത്യാവശ്യമാണ്. കുടുംബത്തിൽ ഓരോ സ്ത്രീയും ചെയ്യുന്ന ജോലിയുടെ മൂല്യം നാം മനസിലാക്കണം. അത് അറിഞ്ഞ് അവരെ സഹായിക്കാനുള്ള മനസ് പുരുഷന്മാർക്ക് ഉണ്ടാകണം.ഒരാൾ ഒറ്റയ്ക്ക് കഷ്ടപ്പെടുമ്പോൾ അത് കണ്ടില്ലെന്ന് നടിക്കാൻ നല്ലൊരു ഭർത്താവിന് സാധിക്കില്ല.

വീട്ടുജോലികൾ പങ്കുവയ്ക്കണം

ശ്രുതി ശ്രീധരൻ
തൃപ്പൂണിത്തുറ

ഇന്നത്തെ കാലഘട്ടത്തിൽ വീട്ടുജോലികൾ ഭാര്യയും ഭർത്താവും പങ്കുവെക്കേണ്ടത് അത്യാവശ്യമാണ്. പണ്ടൊക്കെ ഭർത്താവ് ജോലി ചെയ്യാൻ പുറത്തുപോകുന്നതും ഭാര്യ വീട്ടിലെ കാര്യങ്ങൾ നോക്കുന്നതുമായിരുന്നു പതിവ്. എന്നാൽ ഇന്നങ്ങനെയല്ല. രണ്ട് പേരും ഒരു പോലെ ജോലിക്ക് പോകുന്നു, സമ്പാദിക്കുന്നു. അപ്പോഴും വീട്ടുജോലി സ്ത്രീയുടെ മാത്രം ഉത്തരവാദിത്വമാണെന്ന കാഴ്ചപാടിൽ മാത്രം മാറ്റം വന്നിട്ടില്ല. ഓഫീസ് ജോലി കഴിഞ്ഞ് ക്ഷീണിച്ചെത്തുന്ന ഭർത്താവിന്റെ അതേ ക്ഷീണവും മാനസിക ശാരീരിക പിരിമുറുക്കങ്ങളും ഭാര്യയും അനുഭവിക്കുന്നുണ്ടെന്ന് ഓരോ പുരുഷനും ഓർമ്മിക്കേണ്ടതാണ്. മിക്കവീടുകളിലും സ്ത്രീകൾക്ക് അമിതഭാരമാണ് അനുഭവിക്കേണ്ടിവരുന്നത്.

ഉത്തരവാദിത്വങ്ങൾ ഒരുപോലെ പങ്കുവയ്ക്കണം

വിപിൻദാസ്, നീണ്ടകര

ഇന്നത്തെ തിരക്കുപിടിച്ച ദാമ്പത്യ ജീവിതത്തിൽ സ്ത്രീയും പുരുഷനും ഉത്തരവാദിത്വങ്ങൾ ഒരുപോലെ പങ്കുവയ്ക്കണം. വീട്ടുജോലി സ്ത്രീയുടെ മാത്രം ഉത്തരവാദിത്വമാണെന്ന ആ പഴയ കാഴ്ചപ്പാടിന് ഇന്ന് ഒരുപാട് മാറ്റം വന്നിരിക്കുന്നു. ഇന്നത്തെ വിദ്യാസമ്പന്നരായ സ്ത്രീകൾ അടുക്കളയിൽ മാത്രം ഒതുങ്ങുന്നവരല്ല. ഓഫീസിൽ നിന്നും വീട്ടിലെത്തുന്ന സ്ത്രീ കുട്ടികളെ പഠിക്കുക, അവർക്കിഷ്ടപ്പെട്ട ഭക്ഷണമുണ്ടാക്കുക, അവരുടെ വസ്ത്രങ്ങൾ തയാറാക്കി അവരെ സ്കൂളിലേക്ക് അയയ്ക്കുക തുടങ്ങിയ ഉത്തരവാദിത്വങ്ങളെല്ലാം സ്ത്രീയുടെ ചുമലിലാണ്. സ്ത്രീയും പുരുഷനും ഉത്തരവാദിത്വങ്ങൾ ഒരുപോലെ പങ്കിടണം. വീട്ടുജോലി സ്ത്രീയുടെ ചുമതല മാത്രമാണെന്ന് ധരിക്കരുത്. അതും തുല്യപങ്കാളിതത്തോടെ ചെയ്യുമ്പോഴാണ് ദാമ്പത്യം ആനന്ദകരമാകുന്നത്.

വീട്ടുജോലികൾ പങ്കിടണം

വിൻസി ബൈജു
മാനേജർ, ന്യൂ അലൈഡ് ടൂർസ് ആൻഡ് ട്രാവൽസ്, എറണാകുളം

പണ്ടുമുതലേ പുരുഷൻ പുറം ജോലിയും സ്ത്രീകൾ വീട്ടുജോലിയും ചെയ്തു പോന്നിരുന്നു. എന്നാൽ സ്ത്രീ പുരുഷ സമത്വം, സ്ത്രീ ശാക്‌തീകരണം എന്നിവ സമൂഹത്തിന്റെ ഭാഗമായപ്പോൾ സ്ത്രീയും പുരുഷനും പുറത്തുപോയി ജോലി എടുക്കുകയും സമ്പാദിക്കുകയും ചെയ്തു തുടങ്ങി. ആയതിനാൽ വീട്ടുജോലികൾ ഭാര്യാഭർത്താക്കന്മാർ പങ്കിടുന്നതാണ് നല്ലത്. ഇത് ദമ്പതികൾ തമ്മിലുള്ള ഐക്യത്തിനും കുടുംബത്തിന്റെ സമാധാനത്തിനും വഴിയൊരുക്കും.

സീമ മോഹൻലാൽ

ഉദാഹരണം അനശ്വര
ഉദാഹരണം സുജാത എന്ന സിനിമ കണ്ടിറങ്ങുന്പോൾ കൈയടിക്കുകയും കണ്ണ് തുടയ്ക്കുകയും ചെയ്യാത്തവരുണ്ടാവില്ല. അത്രമാത്രം നമ്മൾ സുജാതയേയും ആതിരയേയും ഇഷ്ടപ്പെട്ടുപോകും. സുജാത എന്ന അമ്മയുടെ വേദനകളും ആവലാതികളും മഞ്ജു വാര്യർ എന്ന മലയാളത്തിെ...
ഗർഭാശയഗള കാൻസറിനെ അറിയാം
ഗർഭാശയഗളത്തെ ബാധിക്കുന്ന അർബുദമാണ് ഗർഭാശയഗള അർബുദം അഥവാ സെർവിക്കൽ കാൻസർ. യോനിയിൽനിന്നു ഗർഭാശയത്തിലേക്കുള്ള പ്രവേശനമാർഗമാണ് ഗർഭാശയഗളം അഥവാ സെർവിക്സ് (Cervix). ആഗോളതലത്തിൽ സ്ത്രീകളെ ബാധിക്കുന്ന അർബുദങ്ങളിൽ രണ്ടാംസ്ഥാനമാണ് ഗർഭ...
ഫേസ്ബുക്കിൽ രചിച്ച വിജയഗാഥ
തൃശൂർ ജില്ലയിലെ ഇരിങ്ങാലക്കുടയ്ക്കടുത്താണ് മാപ്രാണം എന്ന ഗ്രാമം. ഇവിടെ ഉമ വിനേഷിെൻറ വീണ്ടുമുറ്റത്തെത്തുന്പോൾത്തന്നെ ആരുടേയും നാവിൽ കൊതിയൂറും. അടുപ്പിൽ തയാറാകുന്ന അച്ചാറിെൻറയും, തേങ്ങ വറുത്തുണ്ടാക്കുന്ന ചമ്മന്തിപ്പൊടിയുടേയു...
കാൻസറിനെ അറിയാം
കാൻസർ -മനുഷ്യനെ ഇത്രയധികം വിഹ്വലപ്പെടുത്തുന്ന വേറെ വാക്ക് വിരളമാണ്. ആരും ഓർക്കാനിഷ്ടപ്പെടാത്ത, മരണം എന്ന സത്യത്തെപ്പറ്റിയും ജീവിതത്തിെൻറ മൂല്യത്തെപ്പറ്റിയും നമ്മെ ഒരുനിമിഷം ഓർമപ്പെടുത്തുന്നതാണ് കാൻസർ എന്ന രോഗനിർണയം. ജീവിതശൈ...
ഒവേറിയൻ കാൻസർ: തുടക്കത്തിൽത്തന്നെ ചികിത്സിക്കണം
ഇന്നത്തെക്കാലത്ത് മാറിയ ജീവിത ശൈലിയും, അനാരോഗ്യകരമായ ഭക്ഷണരീതികളുമെല്ലാം പലരുടെയും ആരോഗ്യസ്ഥിതിയെ കാര്യമായിത്തന്നെ ബാധിച്ചിട്ടുണ്ട്. ആരോഗ്യം ശ്രദ്ധിക്കാത്തവരുടെ കാര്യമെടുത്താൽ സ്ത്രീകൾ അല്ലെങ്കിൽ വീട്ടമ്മമാർ ആയിരിക്കും മുൻ...
60+ സ്ത്രീകളുടെ ഭക്ഷണം
കാലം കടന്നുപോകുന്നതിനനുസരിച്ച് ഓരോരുത്തരിലും വാർധക്യം സംഭവിക്കുന്നു. എന്നാൽ പുരുഷ·ാരെ അപേക്ഷിച്ച് സ്ത്രീകളിൽ വാർധക്യത്തിലെ ശാരീരികമാറ്റങ്ങൾ നേരത്തെ നടക്കും. പോഷകസമൃദ്ധമായ ആഹാരക്രമം വാർധക്യാരിഷ്ടതകളെ ഒരു പരിധിവരെ ചെറുത്തുന...
സംഗീതമയം
സംഗീത ശ്രീകാന്ത് തിരക്കിലാണ്. കാരണം സംഗീതം ആസ്പദമാക്കിയുള്ള ഏതു സംഗീത പരിപാടിയുടെയും ആങ്കറിംഗ് ചെയ്യുന്നത് സംഗീതയാണ്. യുവസംവിധായകരായ രാഹുൽരാജ്, അലക്സ് പോൾ, ബിജിപാൽ, എം. ജയചന്ദ്രൻ എന്നിവർ ഈ ഗായികയുടെ കഴിവുകൾ തിരിച്ചറിഞ്ഞ് അ...
മാനസികാരോഗ്യം: ഗർഭകാലത്തും പ്രസവശേഷവും
ഗർഭാവസ്ഥയിലും ശേഷവും ശരീരത്തിേൻറതുപോലെ മനസിെൻറയും ആരോഗ്യം പ്രധാനമാണ്. മിക്ക സ്ത്രീകളും പൂർണ മാനസികാരോഗ്യത്തോടെ ഇവ തരണം ചെയ്യാറുണ്ട്. ഗർഭാവസ്ഥയിലും ശേഷവും സ്ത്രീകളിൽ കാണുന്ന സന്തോഷവും സന്തുഷ്ടിയും ഇതിനു തെളിവാണല്ലൊ.
...
ആർത്തവവിരാമവും അനുബന്ധപ്രശ്നങ്ങളും
മാസമുറയ്ക്കു മുന്പ് വരുന്ന ശാരീരികവും വൈകാരികവുമായ മാറ്റങ്ങളെക്കുറിച്ച് സ്ത്രീകൾ ബോധവതികളാണ്. ഇതിനെക്കുറിച്ച് അനേകം ലേഖനങ്ങളും ആരോഗ്യചർച്ചകളുമുണ്ടായിട്ടുണ്ട്. എന്നാൽ പോസ്റ്റ്മെൻസ്ട്രൽ സിൻഡ്രമിനെക്കുറിച്ച് അധികമൊന്നും പറഞ്...
തന്പുരുവിലെ ഗായിക
സുഭരഞ്ജിനിയെന്ന രഞ്ജിനി രഞ്ജിത്തിന് പാട്ടുകളോട് കുട്ടിക്കാലം മുതലെ പ്രണയമായിരുന്നു. ഏതു പാട്ടുകേട്ടാലും അതു മന:പാഠമാക്കി പാടാൻ ശ്രമിക്കുമായിരുന്ന രഞ്ജിനി വളർന്നു വലുതായി ബാങ്കുദ്യോഗസ്ഥയായപ്പോഴും സംഗീതത്തെ കൂടെക്കൂട്ടി. ഇന്...
കൗമാരക്കാരിയുടെ പ്രശ്നങ്ങളും പരിഹാരമാർഗങ്ങളും
ബെല്ല 15 വയസുള്ള പ്ലസ് വണ്‍ വിദ്യാർഥിനിയാണ്. കർഷകകുടുംബമാണ് അവളുടേത്. ബെല്ലയുടെ ഐ.ക്യു ആവറേജിനു മുകളിലാണ് (118). പത്താംക്ലാസിലെ പരീക്ഷയ്ക്ക് 89 ശതമാനം മാർക്കുണ്ടായിരുന്നു. എന്നാൽ പ്ലസ്വ ണിൽ ആയപ്പോഴേക്കും പല വിഷയങ്ങൾക്കും തോ...
66-ലും അമ്മിണിചേച്ചി സൂപ്പറാ...
പ്രായം ഇത്രയുമൊക്കെയായില്ലെ ഈ അമ്മയ്ക്ക് ഇനിയെങ്കിലും അടങ്ങിയൊതുങ്ങി എവിടെയെങ്കിലും ഇരുന്നൂടെ... എന്നുള്ള മക്കളുടെ ചോദ്യത്തിന് ഉത്തരം നൽകാൻ പോലും അങ്കമാലി പീച്ചാനിക്കാട് പൈനാടത്ത് അയ്യംപിള്ളി അമ്മിണി പൗലോസിനു നേരമില്ല. ക...
വായനക്കാരുടെ പാചകത്തിലേക്ക് വിഭവങ്ങൾ അയയ്ക്കൂ.....
സ്വാദിഷ്ടമായ വിഭവങ്ങൾ ഉണ്ടാക്കി വിളന്പുന്നത് ഒരു കലയാണ്. നിങ്ങൾക്ക് ഏറ്റവും പ്രിയപ്പെട്ട ഒരു വിഭവത്തിെൻറ പാചകക്കുറിപ്പ് സ്ത്രീധനം മാസികയിലൂടെ പങ്കുവെയ്ക്കാം. പുരുഷ·ാർക്കും പങ്കെടുക്കാം. മലയാളത്തിലെഴുതിയ ഒരു പാചകക്കുറിപ്പിനൊപ...
ഒരു പെണ്‍ വിജയഗാഥ
ബുള്ളറ്റിൽ ഒറ്റയ്ക്ക് ഇന്ത്യയുടെ ഒരറ്റം മുതൽ മറ്റേ അറ്റംവരെ സഞ്ചരിക്കുക. പുരുഷന്മാർപോലും ധൈര്യപ്പെടാത്ത കാര്യമാണ്. എന്നാൽ 12,000കിലോമീറ്റർ ബുള്ളറ്റിൽ ഒറ്റയ്ക്കു യാത്ര ചെയ്തതിെൻറ ആ വേശത്തിലാണ് ഷൈനി രാജ്കുമാർ. ഷൈനി രാജ്കു...
കിഡ്നി സ്റ്റോണ്‍ ഒഴിവാക്കാം: ഭക്ഷണത്തിൽ ശ്രദ്ധിച്ചാൽ
പ്രതിവർഷം അഞ്ചുകോടി ആളുകളാണ് വൃക്കയിൽ കല്ല് (കിഡ്നി സ്റ്റോണ്‍) എന്ന പ്രശ്നവുമായി ചികിത്സ തേടുന്നത്. വൃക്കയിൽ കല്ലുണ്ടാക്കുന്നത് മൂത്രത്തിലെ രാസപദാർഥങ്ങളിൽനിന്നും രൂപപ്പെടുന്ന കട്ടിയായ ഖരവസ്തുക്കളാണ്. ചിലരിൽ കല്ലുണ്ടാകുന്നത...
പ്രതിരോധ കുത്തിവയ്പ് മറക്കല്ലേ
കുഞ്ഞുങ്ങളുടെ ആരോഗ്യകരമായ വളർച്ചയ്ക്കും രോഗപ്രതിരോധശേഷിക്കും പ്രതിരോധ കുത്തിവയ്പുകൾ ആവശ്യമാണ്. കുഞ്ഞിെൻറ ഒന്നാം ജ·ദിനത്തിനു മുൻപ് അഞ്ച് പ്രതിരോധ കുത്തിവയ്പുകൾ നിർബന്ധമായും എടുക്കണം. കേരളത്തിൽ 17 ശതമാനം കുട്ടികൾക്കും ആദ്...
തൊണ്ടിമുതലിലെ യഥാർഥ പോലീസ്
തൊണ്ടിമുതലും ദൃക്സാക്ഷിയും എന്ന സിനിമയിലെ എസ്ഐ സാജൻ മാത്യുവായി പ്രേക്ഷകരുടെ കൈയടി നേടിയ സിബി തോമസ് കാസർഗോഡ് ആദൂർ സ്റ്റേഷനിലെ സിഐ ആണ്. കുട്ടിക്കാലം മുതൽ സിനിമ മോഹവുമായി നടന്ന സിബി തോമസ് തെൻറ ആദ്യ സിനിമയിൽ എത്തുന്നതു പോല...
എൻഡോമെട്രിയോസിസിനെ അറിയാം
സ്ത്രീകളിൽ കണ്ടുവരുന്ന ആർത്തവസംബന്ധിയായ ഒരു രോഗമാണ് എൻഡോമെട്രിയോസിസ് ((ENDOMETRIOSIS))). ആഗോളതലത്തിൽ 10 മുതൽ 25 ശതമാനം വരെ സ്ത്രീകളിൽ ഈ രോഗം കാണാറുണ്ട്. അവയിൽ കൂടുതലും 20നും 40നും ഇടയ്ക്ക് പ്രായമുള്ള സ്ത്രീകളിലാണ്. ആർത്...
ഗർഭധാരണം 35നു ശേഷമാകുന്പോൾ
കാലം മാറി. പണ്ടത്തെപ്പോലെ 20 ൽ കല്യാണം കഴിക്കാനൊന്നും ന്യൂജെൻ പെണ്‍പിള്ളേർ തയ്യാറല്ല. ഉപരിപഠനത്തിനു ശേഷം ആഗ്രഹിച്ച ജോലിയും നേടി, ബാച്ച്ലർ ലൈഫ് ആസ്വദിച്ചതിനുശേഷം മതി കല്യാണമെന്നു ചിന്തിക്കുന്ന പെണ്‍കുട്ടികളുടെ എണ്ണം കൂടിയി...
കുരുന്നുകളെ കുടുക്കും വീഡിയോ ഗെയിം
നാലു വയസുകാരനായ കുക്കുവിന് ഭക്ഷണം കഴിക്കാൻ വലിയ മടിയാണ്. ഭക്ഷണം കാണുന്പോൾ തന്നെ അവൻ കരയാൻ തുടങ്ങും. ആ കരച്ചിൽ മാറുന്നത് കൈയിൽ മൊബൈൽ ഫോണ്‍ കിട്ടികഴിഞ്ഞാലാണ്. മൊബൈൽ ഫോണിൽ എത്രനേരം വേണമെങ്കിൽ ഗെയിം കളിക്കാൻ കുക്കുവിന് മടിയി...
സ്ത്രീകൾക്ക് ഹൃദയപൂർവം
ചികിത്സയും ശുശ്രൂഷയും ലഭിക്കുന്നതിൽ പുരുഷ·ാരെ അപേക്ഷിച്ച് സ്ത്രീകൾ അവഗണിക്കപ്പെടുന്നു എന്നു പറഞ്ഞാൽ അത്ഭുതപ്പെടേണ്ടതില്ല. നിസാരമായ അസ്വാസ്ഥ്യങ്ങൾക്കുപോലും പുരുഷ·ാർ വൈദ്യസഹായം തേടുന്പോൾ മാരകമായ രോഗങ്ങൾക്കടിമപ്പെട്ട് സ്ത്രീക...
സ്പെയിനിലെ മലയാളി തിളക്കം
ഏതൊരു പുരുഷെൻറയും വിജയത്തിനു പിന്നിൽ ഒരു സ്ത്രീയുണ്ടാകും എന്നു പറയുന്നതുപോലെ ഏതൊരു സ്ത്രീയുടെ വിജയത്തിനു പിന്നിലും ഒരു പുരുഷനുണ്ടായിരിക്കും. അവളിൽ മാത്രം വിശ്വാസമർപ്പിച്ചു കൂടെ നിന്നൊരാൾ അച്ഛൻ! തിരുവനന്തപുരം സ്വദേശിയായ ...
സ്നേഹസംഗീതം പകർന്ന് റോസ്
സാംസ്കാരിക നഗരത്തിലെ സംഗീത പാരന്പര്യമുള്ള കുടുംബത്തിൽ ജനിച്ച റോസ് ഹാൻസ് പിതാവ് റപ്പായി പകർന്ന് നൽകിയ സംഗീതം രുചിച്ചാണ് പിച്ചവച്ച് തുടങ്ങിയത്. 1995ലാണ് റോസും ഭർത്താവ് ഹാൻസ് ജോർജും വയനാടൻ ചുരം കയറുന്നത്. ഇരുപത്തിരണ്ടു വർഷം മ...
ചർമത്തിനും വേണം സംരക്ഷണം
മനുഷ്യശരീരത്തിലെ ഏറ്റവും വലിയ അവയവമാണ് ചർമം. അന്തരീക്ഷത്തിലെ മാലിന്യങ്ങളിൽനിന്നും മനുഷ്യശരീരത്തെ രക്ഷിക്കുന്ന കാവൽക്കാരൻകൂടിയാണ് ചർമം. വിവിധ രാസപദാർഥങ്ങൾക്കും അണുക്കൾക്കുമെതിരേ പൊരുതുന്ന ചുമതലയും ചർമം വഹിക്കുന്നു. അതുകൊണ്ട...
കുഞ്ഞിന് മുലപ്പാൽ നൽകാം
ദീർഘകാലത്തെ ആരോഗ്യത്തിന് ആദ്യവർഷങ്ങളിലെ പോഷകങ്ങൾക്ക് ഏറെ പ്രാധാന്യമുണ്ടെന്നാണ് ലോകാരോഗ്യസംഘടന പറയുന്നത്. ശൈശവത്തിൽ മുലപ്പാലിനോളം വലിയ സമ്മാനം കുട്ടികൾക്ക് ലഭിക്കാനില്ല. എന്നാൽ, ആദ്യത്തെ ആറുമാസം മുലപ്പാൽ മാത്രം ലഭിക്കുന്ന...
തിരുവോണ സദ്യയൊരുക്കാം
അത്തപ്പൂക്കളവും മാവേലിയും ഓണസദ്യയുമെല്ലാം മലയാളിക്ക് ഒഴിച്ചുകൂടാനാവാത്തതാണ്. എവിടെയാണെങ്കിലും തിരുവോണത്തിന് സദ്യയുണ്ണാനായി മലയാളികൾ സ്വന്തം വീട്ടിലേക്ക് ഓടിയെത്തും. തൂശനിലയിൽ വിളന്പുന്ന ഓണസദ്യക്ക് മറ്റൊരിടത്തും ലഭിക്കാത്ത ...
ഓണമധുരത്തിന് 10 തരം പായസം
പായസത്തിെൻറ മധുരമില്ലാതെ ഒരു ഓണസദ്യയും പൂർണമാകുന്നില്ല. തൂശനിലയിൽ പപ്പടവും പഴവും ചേർത്ത് പായസം കഴിക്കുന്പോൾ സദ്യക്ക് ഇരി മധുരമേറുന്നു. ഒന്നാം ഓണമായ ഉത്രാടം മുതൽ നാലാം ഓണമായ ചതയം വരെ പായസം വയ്ക്കുന്പോൾ മടുപ്പില്ലാതിരിക്കാൻ ര...
സ്വഭാവ വൈകല്യം തിരിച്ചറിയാം
ടോം നാലാം ക്ലാസ് വിദ്യാർഥിയാണ്. ഏതെങ്കിലും തരത്തിൽ അവന് അസ്വസ്ഥതയുണ്ടായാൽ ബെഡിൽ കിടന്ന് തല ശക്തിയായി മുട്ടിക്കും. ചിലപ്പോൾ ഭിത്തിയിൽ മുട്ടി തല മുഴയ്ക്കുകയും ചെയ്യും. അടുത്ത കാലത്ത് ഒരു ദിവസം തലയിൽ നിന്ന് രക്തം വന്നു. ഡോക്ട...
ഓൾ റൗണ്ടർ ദിവ്യ
ദിവ്യ ഒരു ഓൾ റൗണ്ടറാണ്. നല്ലൊരു അഭിനേത്രി, ഡബ്ബിങ്ങ് ആർട്ടിസ്റ്റ്, ആങ്കർ ഒക്കെയായി ആളാകെ ബിസിയാണ്. സീരിയലിെൻറ ഷൂട്ടിനിടെ തൊടുപുഴയിൽ വച്ചാണ് എറണാകുളം പള്ളുരുത്തി സ്വദേശിയായ ദിവ്യയെ കണ്ടത്. ദിവ്യയുടെ വിശേഷങ്ങളിലേക്ക്...
...
അറിഞ്ഞു ചികിത്സിക്കണം, അലർജി
പ്രായഭേദമെന്യേ പലരെയും ബുദ്ധിമുട്ടിക്കുന്ന അസുഖമാണ് അലർജി. ചൊറിച്ചിൽ, തുമ്മൽ, ശരീരമാസകലം ചുവന്നുതടിക്കൽ, നീറ്റൽ തുടങ്ങിയവയൊക്കെയാണ് അലർജിയുടെ ലക്ഷണങ്ങൾ. അലർജിക്ക് കാരണമാവുന്നത് എന്തുതരം വസ്തുവാണെന്ന് തിരിച്ചറിയാൻ ശ്രമിക്കാത...
LATEST NEWS
റവന്യൂമന്ത്രി മന്ത്രിസഭയിൽ തുടരണോ എന്ന് അദ്ദേഹം തീരുമാനിക്കണമെന്ന് ചെന്നിത്തല
തിരുവനന്തപുരത്ത് ലോറിയിടിച്ച് ബൈക്ക് യാത്രികൻ മരിച്ചു
നടിയെ ആക്രമിച്ച കേസ്: മാധ്യമ ചർച്ചകൾ വിലക്കണമെന്ന് പോലീസ്
ഹാദിയ ഇന്ന് ഡൽഹിക്ക്; താമസം കേരള ഹൗസിൽ
ഒറ്റയാനായി സ്മിത്ത്: ഓസീസിന് ലീഡ്
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.