Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Sthreedhanam |


സന്ധിവാതത്തോടു ബൈ പറയാം
സന്ധിവാതം എന്നത് ഇന്ന് സർവസാധാരണമായി കേൾക്കുന്ന ഒരു വാക്കായി മാറിക്കഴിഞ്ഞു. ലോകാരോഗ്യ സംഘടനയുടെ കണക്കു പ്രകാരം 60 വയസിനു മുകളിലുള്ള വരിൽ 80 ശതമാനം പേരും ലോക ജനസംഖ്യയുടെ മൂന്നിലൊ ന്നോളം ആളുകളും സന്ധിവേദന സംബന്ധമായ വിഷമതകൾ അനുഭവിക്കുന്നവരാണ് . നിർഭാഗ്യവശാൽ സന്ധി സംബന്ധമായ വേദനകളും മറ്റു പ്രശ്നങ്ങളും ഇന്നും നമ്മൾ വളരെ ലാഘവ ത്തോടെയാണ് കാണുന്നത്. വേദന വരുമ്പോൾ അടുത്തുള്ള മെഡിക്കൽ സ്റ്റോറുകളിൽ നിന്നു മരുന്നു വാങ്ങിക്കഴിക്കാറാണ് പലരുടെയും ശീലം. എന്നാൽ ഈ ശീലം നന്നല്ല.

വേൾഡ് ആർത്രൈറ്റിസ് ഫൗണ്ടേഷൻ എല്ലാ വർഷവും ഒക്ടോബർ 12 ലോക ആർത്രൈറ്റിസ് ദിനമായി ആചരിക്കുന്നു. ‘അത് നിങ്ങളുടെ കയ്യിലാണ്, വച്ച് താമസിപ്പിക്കരുത്’ എന്നതാണ് ഇത്തവണത്തെ സന്ദേശം. ഈ ദിനാചരണത്തിന്റെ പ്രാഥമികമായ ലക്ഷ്യം അസ്‌ഥികളുടെയും സന്ധികളുടെയും ആരോഗ്യം കാത്തു സൂക്ഷിക്കേണ്ടതിന്റെ ആവശ്യകത ജനങ്ങളെ ബോധ്യപ്പെടുത്തുക എന്നതാണ്.

കരുതൽ വേണം

സന്ധിവാതം ഒരു പ്രധാന ആരോഗ്യ പ്രശ്നമായി ഇനിയും ആളുകൾ കണക്കാക്കിത്തുടങ്ങിയിട്ടില്ല. രോഗത്തെക്കുറിച്ചുള്ള ധാരണക്കുറവ് തന്നെയാണ് പ്രധാന കാരണം. ഈ അജ്‌ഞത മുതലെടുത്ത് ജീവിക്കുന്ന മുറിവൈദ്യന്മാരും ലാട, മർമാണി വിദഗ്ധരും അദ്ഭുത മരുന്നുകളുടെ പ്രായോജകരും ഇതിനു കൂടുതലായി വളം വച്ച് കൊടുക്കുന്നു.

എന്നാൽ ലോക വ്യാപകമായി ഇന്ന് ശാരീരിക വൈകല്യത്തിന്റെയും തൊഴിൽക്ഷമതയില്ലായ്മയുടെയും സർവോപരി മാനസിക വിഷമത്തിന്റെയും പ്രധാന കാരണമായി കണക്കാക്കപ്പെടുന്നത് സന്ധിവേദനയും അനുബന്ധ അസുഖങ്ങളുമാണ്. മറ്റൊരു പ്രധാന സവിശേഷത ഇത്തരം അസുഖങ്ങൾ പ്രധാനമായും ബാധിക്കുന്നതു സ്ത്രീകളെ ആണെന്നതാണ്. ഇത് കുടുംബ ബന്ധങ്ങളുടെയും സാമൂഹ്യ ബന്ധങ്ങളുടെയും ഭദ്രതയ്ക്കും കോട്ടം തട്ടിക്കുന്നുണ്ട്.

എന്താണ് സന്ധിവാതം

ആർത്രോസ് എന്നാൽ സന്ധി എന്നാണർഥം. ഐറ്റിസ് എന്നാൽ നീർക്കെട്ട് എന്നും. അപ്പോൾ സന്ധികളിൽ നീർക്കെട്ടും വേദനയും ഉണ്ടാക്കുന്ന എല്ലാ അസുഖങ്ങളെയും ഈ ഗണത്തിൽ പെടുത്താം. എന്നാൽ പ്രായമാകുമ്പോൾ സന്ധികൾക്കു വരുന്ന തേയ്മാനത്തെയും പലപ്പോഴും സന്ധിവേദന എന്നാണ് വിശേഷിപ്പിക്കാറുള്ളത്. ഇത് പലപ്പോഴും തെറ്റിദ്ധാരണകൾക്കും കാരണമാകാറുണ്ട് . തന്മൂലം ദീർഘകാലം ചികിത്സ വേണ്ടി വരുന്ന ചില തരം ആർത്രൈറ്റിസ് രോഗങ്ങൾ പലരും തൽക്കാല ശമനം തരുന്ന പ്രതിവിധികൾ ഉപയോഗിച്ച് ചികിൽസിക്കുകയും ഒടുവിൽ ചികിത്സ കൊണ്ട് പ്രയോജനമില്ലാത്ത അവസ്‌ഥയിൽ എത്തിച്ചേരുകയും ചെയ്യാറുണ്ട്.

സന്ധിവാതം എന്നാൽ പ്രായം കൊണ്ടുണ്ടാകുന്ന തേയ്മാനമോ സന്ധികൾക്കു വരുന്ന നീർക്കെട്ടും വേദനയോ അല്ല, മറിച്ച് ഏതാണ്ട് 200 ലധികം വരുന്ന പലവിധം അസുഖങ്ങൾക്കുള്ള ഒരു പൊതുവായ പേരാണ്. അതിൽ വളരെ സാധാരണമായതും ശാരീരികവും മാനസികവുമായി നമ്മെ ഒരുപാട് ബുദ്ധിമുട്ടിക്കാൻ സാധ്യതയുള്ളതുമായ ചിലയിനങ്ങൾ താഴെ കൊടുത്തിരിക്കുന്നവയാണ്.

1 . ഓസ്റ്റിയോ ആർത്രൈറ്റിസ്

ഏറ്റവും സാധാരണമായി കാണപ്പെടുന്നതും മുട്ടിന്റെയും ഇടുപ്പിന്റെയും തേയ്മാനത്തിനു കരണമാവുന്നതും ഇതാണ്. പ്രായം കൊണ്ട് വരുന്ന തേയ്മാനം തന്നെയാണ് ഇതിനു പ്രധാന കാരണം. എന്നാൽ സന്ധികൾക്ക് സംഭവിക്കുന്ന ഒടിവുകളും ചതവുകളും, അണുബാധ, ചില ജനന വൈകല്യങ്ങൾ, വളർച്ചയിലുണ്ടാകുന്ന പ്രശ്നങ്ങൾ തുടങ്ങിയവയും ഇതിനു കാരണമാകാം. ഇതിനൊക്കെ പുറമെ അമിതമായ ശരീരഭാരം, വ്യായാമമില്ലായ്മ എന്നിവ വളരെ വേഗം നമ്മെ സന്ധി തേയ്മാനത്തിലേക്കു എത്തിക്കും. ഇതിനൊക്കെ പുറമെ ആധുനിക ജീവിതത്തിൽ നാം നേരിടുന്ന പിരിമുറുക്കങ്ങളും പുകവലി, മദ്യപാനം തുടങ്ങിയ ശീലങ്ങളും സന്ധികളുടെ ആരോഗ്യത്തെ കാർന്നു തിന്നുന്നവയാണ്.

2. റുമാറ്റോയിഡ് ആർത്രൈറ്റിസ്

മറ്റൊരു പ്രധാന ഗ്രൂപ്പ് ആണിത്. ആയുർവ്വേദം ഇതിനെ ആമവാതം എന്നാണ് വിശേഷിപ്പിക്കുന്നത്. ശരീരത്തിലെ മിക്ക സന്ധികളെയും ബാധിക്കുന്ന ഈ രോഗം ശരിയായി ചികിൽസിച്ചില്ലെങ്കിൽ സന്ധികളെ പൂർണമായി തകർത്തു രോഗം ബാധിച്ച വ്യക്‌തിയെ ശയ്യാവലംബിയാക്കിത്തീർക്കാൻ കെല്പുള്ളതാണ്. രോഗം ബാധിച്ചു ആദ്യത്തെ രണ്ടു വർഷത്തിനുള്ളിലാണ് തകരാറു സംഭവിക്കാനുള്ള സാധ്യത. അതുകൊണ്ടു ഈ രോഗം എത്രയും നേരത്തെ കണ്ടു പിടിക്കുകയും ചികിൽസിക്കുകയും ചെയ്യുക എന്നുള്ളത് പരമപ്രധാനമാണ്’

3. സന്ധികൾക്കു തകരാറുണ്ടാക്കുന്ന മറ്റൊരു പ്രധാന വില്ലൻ ഒടിവ് ചതവുളും അണുബാധ മൂലമുണ്ടാകുന്ന തകരാറുകളുമാണ്. അസ്‌ഥികൾക്കും സന്ധികൾക്കും ഉണ്ടാകുന്ന ഒടിവുകളും ചതവുകളും വേണ്ടവിധം ചികിൽസിച്ചു ഭേദപ്പെടുത്തിയില്ലെങ്കിൽ ഭാവിയിൽ തേയ്മാനം വരാനുള്ള സാധ്യത വളരെയേറെയാണ്.

നമ്മുടെ നാട്ടിൽ വളരെ സാധാരണമായ ടിബി രോഗാണു ബാധ സന്ധികളെയും ബാധിക്കാറുണ്ട്. ഇതും ആരംഭദിശയിൽ തന്നെ ചികിൽസിച്ചില്ലായെങ്കിൽ സന്ധികൾക്കു ഗുരുതരമായ തകരാറുണ്ടാക്കും.

4. ചില ജനിതക വൈകല്യങ്ങൾ, ക്രമക്കേടുകൾ, SLE ഗൗട്ട് തുടങ്ങിയ മെറ്റബോളിക് അസുഖങ്ങൾ തുടങ്ങിയവയാണ് സന്ധികളുടെ ആരോഗ്യത്തെ ബാധിക്കുന്ന മറ്റു ചില പ്രധാന അസുഖങ്ങൾ.

ചികിത്സയ്ക്കു കുറക്കുവഴി വേണ്ട

കുറുക്കുവഴികളും എളുപ്പ വഴികളും സന്ധിവാത ചികിത്സയിൽ എല്ലായ്പോഴും തന്നെ ഗുണത്തേക്കാളേറെ ദോഷമാണ് ചെയ്യുന്നത്. പക്ഷേ അത് തിരിച്ചറിയുമ്പോഴേക്കും സാരമായ കേടുപാടുകൾ അസ്‌ഥികൾക്കും സന്ധികൾക്കും സംഭവിച്ചു കഴിഞ്ഞിരിക്കും. മാത്രവുമല്ല കുറച്ചു പൈസ ലാഭിക്കാൻ വേണ്ടി സ്വീകരിക്കുന്ന ഇത്തരം ചികിത്സകൾ ഭാവിയിൽ വൻ പണച്ചെലവുണ്ടാക്കുന്ന ചികിത്സകൾ വേണ്ടി വരുന്ന അവസ്‌ഥയിലേക്കാണ് പലപ്പോഴും രോഗിയെ നയിക്കുക.

മറ്റു രോഗാവസ്‌ഥകളെ അപേക്ഷിച്ചു അസ്‌ഥികളെയും സന്ധികളെയും ബാധിക്കുന്ന രോഗങ്ങളുടെ ലക്ഷണങ്ങൾ പുറമേക്ക് വളരെ പ്രകടമായിരിക്കും. കാരണം പ്രധാനമായും അത് ആ വ്യക്‌ത്തിയുടെ ചലനശേഷിയെയും ചലനരീതിയെയും മാറ്റിമറിക്കുന്നു എന്നത് തന്നെയാണ്. ഇത് വളരെയധികം ഉപദേശങ്ങൾ സൗജന്യമായി ആ വ്യക്‌തിക്കു ലഭിക്കാനിടയാക്കും. ഇതിൽ നിന്ന് ശാസ്ത്രീയമായതും പ്രസ്തുത വിഷയത്തിൽ വിദഗ്ധരായ ആളുകൾ നൽകുന്നതുമായ ഉപദേശങ്ങൾ മാത്രം സ്വീകരിക്കുന്നതാകും അഭികാമ്യം. ഇന്ന് സമൂഹത്തിൽ നിലനിൽക്കുന്ന മറ്റൊരു പ്രധാന തെറ്റിധാരണ കാലാവസ്‌ഥയും ചില പ്രത്യേക ആഹാരപദാർഥങ്ങളുമായും സന്ധി രോഗങ്ങൾക്കുള്ള ബന്ധത്തെക്കുറിച്ചാണ്. ഗൗട്ട് മുതലായ ചില അസുഖങ്ങൾ ഉണ്ടാകാൻ ചില പ്രത്യേക ആഹാര പദാർഥങ്ങൾ കാരണമാവാമെന്നിരിക്കിലും മുഖ്യമായി കാണപ്പെടുന്ന സന്ധിരോഗങ്ങൾ ഒന്നും തന്നെ ഏതെങ്കിലും ആഹാരവുമായോ ഏതെങ്കിലും പ്രത്യേക കാലാവസ്‌ഥയുമായോ നേരിട്ട് ബന്ധമുള്ളതല്ല. അതെ സമയം ശരീരഭാരം, ദൈനംദിന ജീവിതചര്യകളും വ്യായാമവും എന്നിവയെല്ലാം ഈ രോഗാവസ്‌ഥകളുമായി ബന്ധപ്പെട്ടിരിക്കുന്നു. മാത്രമല്ല ശ്രദ്ധാപൂർവം തെരഞ്ഞെടുക്കപ്പെട്ട പ്രത്യേക വ്യായാമമുറകൾ ഇന്ന് അസ്‌ഥി സന്ധിരോഗങ്ങളുടെ ചികിത്സയിൽ വളരെ പ്രാധാന്യം വഹിക്കുന്നുമുണ്ട്.

രോഗനിർണയം

സന്ധിവാത രോഗങ്ങളുടെ രോഗനിർണ്ണയം പ്രധാനമായും ക്ലിനിക്കൽ പരിശോധനയിലൂടെയാണ് നടത്തുന്നത്. ഒപ്പം ചില എക്സ്റേ പരിശോധനകളും വേണ്ടി വരും. ചില രോഗങ്ങൾക്ക് ലളിതമായ ചില രക്‌തപരിശോധനകളും ആവശ്യമായി വന്നേക്കാം. വളരെ അപൂർവമായേ ചെലവേറിയ പരിശോധന കളും MRI Scan പോലുള്ളവയും ആവശ്യമായി വരാറുള്ളൂ.

കഴിഞ്ഞ രണ്ടു ദശകങ്ങളായി സന്ധിവാത രോഗനിർണയത്തിലും ചികിത്സയിലും അദ്ഭുതാവഹമായ പുരോഗതിയുണ്ട്. മോളിക്യൂലാർ ലെവലിൽ രോഗത്തെക്കുറിച്ചു നടന്ന പഠനങ്ങൾ പ്രസ്തുത രോഗത്തെക്കുറിച്ചു അടിസ്‌ഥാനപരമായ പുതിയ അറിവുകളും സമ്മാനിച്ചിട്ടുണ്ട്. ഇതേത്തുടർന്ന് സന്ധിവാത രോഗ ചികിത്സയ്ക്ക് സമഗ്രമായ പദ്ധതികൾ തന്നെ ഇന്ന് നിലവിലുണ്ട്. തികച്ചും നൂതനവും സുരക്ഷിതവുമായ മരുന്നുകളുടെ ഒരു നിര തന്നെ ഇന്ന് ലഭ്യമാണ്.

സന്ധിമാറ്റിവയ്ക്കൽ ശസ്ത്രക്രിയ

എന്നാൽ സന്ധിക്കു സംഭവിക്കുന്ന തകരാറുകൾ ഒരു പരിധിയിലപ്പുറം കടന്നാൽ ശസ്ത്രക്രിയ തന്നെ വേണ്ടിവരും. സന്ധി മാറ്റിവയ്ക്കൽ ശസ്ത്രക്രിയാ രംഗത്തും വിപ്ലവകരമായ മാറ്റങ്ങൾ ആണ് ഇന്ന് വന്നിട്ടുള്ളത്. അഞ്ചോ പത്തോ വർഷങ്ങൾ മാത്രം നിലനിൽക്കുമായിരുന്ന പഴയ തരം കൃത്രിമ സന്ധികൾ ഇന്നില്ല. ആധുനിക ഡിസൈനുകളും ടെക്നോളജിയിൽ വന്ന വലിയ മാറ്റങ്ങളും സന്ധിമാറ്റി വയ്ക്കൽ ശസ്ത്രക്രിയയെ ജീവിതത്തിൽ ഒരിക്കൽ മാത്രം ചെയ്യേണ്ടി വരുന്ന ഒന്നാക്കി മാറ്റിയിട്ടുണ്ട്. പരിചയ സമ്പന്നനായ ഒരു സന്ധിമാറ്റിവയ്ക്കൽ ശസ്ത്രക്രിയ വിദഗ്ധന്റെ കയ്യിൽ ഇത് ആധുനിക അസ്‌ഥിരോഗ ശാസ്ത്രത്തിലെ ഏറ്റവും വിജയകരമായ ഒരു ചികിത്സാവിധിയായാണ് ഇന്ന് കരുതപ്പെടുന്നത്.

ഡോ.എസ്.വിജയമോഹൻ
ലീഡ് കൺസൾട്ടന്റ് ആൻഡ് ജോയിന്റ് റീപ്ലേസ്മെന്റ് സർജൻ, ആസ്റ്റർ മെഡ്സിറ്റി, എറണാകുളം.

ഈഗോ എന്ന വില്ലൻ
ബീനയും സോമുവും വിവാഹിതരായിട്ട് അഞ്ചുവർഷമായി.എംഫിലും നെറ്റും പാസായ ബീന അന്നുമുതൽ ജോലിക്ക്ശ്രമിച്ചുകൊണ്ടിരുന്നു.
ഇലക്കറികൾ പോഷകങ്ങളുടെ കലവറ
ഭക്ഷണത്തിൽ ഇലക്കറികൾ ഉൾപ്പെടുത്തേണ്ടത് അത്യാവശ്യമാണ്. ഇലക്കറികളുടെ പ്രാധാന്യത്തെക്കുറിച്ച് അറിയാം...
മേഘല ഡബിൾ ബെൽ അടിക്കുന്നു; ശുഭപ്രതീക്ഷയോടെ
സമയം രാവിലെ 10.15. കോട്ടയം ചേർത്തല റൂട്ടിൽ ഓടുന്ന വേന്പനാട് ബസ് കോട്ടയം നാഗന്പടം ബസ് സ്റ്റാൻഡിൽ എത്തി
പെയ്തിറങ്ങുന്ന രോഗങ്ങൾ
ഇപ്പോൾ ജൂണ്‍മാസമെത്തുന്നതു രോഗങ്ങളുമായാണ്. ഓരോ മഴക്കാലത്തും പുതിയ പുതിയ രോഗങ്ങൾ.
ട്രെൻഡി ഹെയർസ്റ്റൈൽസ്
വെച്ചെണ്ണയുടെ സുഗന്ധമുള്ള തുന്പുകെട്ടിയ മുടിയിൽ തുളസിക്കതിർ ചൂടി നടന്നിരുന്ന പെണ്ണ് ഇന്ന് കവിതകളിൽ
കുട്ടിഭക്ഷണം സ്വാദോടെ
ഭക്ഷണം കഴിക്കാൻ കുട്ടികൾ പൊതുവേ വാശികാണിക്കും. പ്രത്യേകിച്ച് അഞ്ചു വയസിനു താഴെയുള്ള കുട്ടികൾ
സ്ത്രീ സുരക്ഷാ പാഠങ്ങൾ
അഞ്ചു വയസുകാരിയെ മധ്യവയസ്കൻ പീഡിപ്പിച്ചു, ബസ് യാത്രക്കാരിയെ ശല്യം ചെയ്തയാൾ
സ്വപ്ന സുരഭിലം
സംസ്ഥാന സ്കൂൾ കലോത്സവം നടക്കുന്ന സമയം. അച്ഛെൻറ മരണശേഷം സാന്പത്തികമായി
എന്‍റെ കരളേ...
കരൾ രോഗങ്ങൾ പലതരത്തിലുണ്ട്. ഫാറ്റി ലിവർ, ആൽക്കഹോളിക് ഹെപ്പറ്റൈറ്റിസ്, കരളിനുണ്ടാകുന്ന കാൻസർ ഇങ്ങനെ പോകുന്നു കരൾ രോഗങ്ങൾ..
ബ്രസൽസ് നീ എത്ര മനോഹരീ...
തണുത്തകാലാവസ്ഥ, പച്ചപ്പാണ് എവിടെയും. മാനെകിൻ പിസ് പ്രതിമ (Manneken pis statue) സെൻറ് മൈക്കിൾസ് പള്ളി
കാക്കാം കുരുന്നുകളെ; സൈബർ വലയിൽ കുരുങ്ങാതെ
വിരൽത്തുന്പിൽ വിരിയുന്ന സൗകര്യങ്ങളുടെ നീണ്ടനിരയാണ് വിവരസാങ്കേതികവിദ്യ സാധ്യമാക്കിയത്.
നടുവേദനയെ പേടിക്കേണ്ട?
വളരെ സാധാരണയായി കണ്ടുവരുന്ന ഒരു അസുഖമാണ് നടുവേദന അഥവാ ലോ ബാക്ക് പെയ്ൻ.
നിർമല വിജയം
ജീവിതത്തെ നാലു ദിശകളിൽ നിന്നും നോക്കിക്കാണുന്ന എഴുത്തുകാരി, വർണങ്ങൾ കൊണ്ടൊരു മായാപ്രപഞ്ചം
കരൾ സംരക്ഷണം ആയുർവേദത്തിൽ
ശരീരത്തിന് ഉൗർജവും സ്വസ്ഥതയും ലഭിക്കുന്നതിന് കരളിെൻറ ആരോഗ്യം അനിവാര്യമാണ്
ഈ പെണ്‍കുട്ടികൾ എങ്ങോട്ടു പോകുന്നു ?
രണ്ടാഴ്ച മുന്പാണ് പതിനാലുകാരിയുമായി മാതാപിതാക്കൾ മനോരോഗവിദഗ്ധെൻറ അടുത്തെത്തിയത്.
കരളിനെ കാക്കാം
കരൾ നമ്മുടെ ശരീരത്തിൽ ഒരുപാടു പ്രവർത്തനങ്ങളുടെ ചുക്കാൻ പിടിക്കുന്നു. അവയിൽ പ്രധാനപ്രവർത്തനങ്ങൾ
മാറ്റിവച്ച കരൾ പിണങ്ങാതിരിക്കാൻ
ജീവിതം ദുരിതപൂർണമാക്കുന്ന ശാരീരികബുദ്ധിമുട്ടുകളിൽ നിന്നുള്ള സ്ഥായിയായ മോചനമാണ് കരൾമാറ്റ
ബേത് ലഹേമിലെ മാലാഖ
എപ്പോഴും നിർത്താതെ ചിലക്കുന്ന എെൻറ ഫോണ്‍ അന്നും പതിവു പോലെ ചിലച്ചു. ന്ധമേരിയമ്മെ ഞങ്ങൾ
ഈസ്റ്റർ വിരുന്നൊരുക്കാം
ഏറെ നാളത്തെ നോന്പിനുശേഷമാണ് ക്രൈസ്തവരുടെ പ്രധാന ആഘോഷമായ ഈസ്റ്റർ അഥവാ ഉയിർപ്പു പെരുന്നാൾ
വേനൽക്കാല ഭക്ഷണം
വർഷത്തിൽ ഏറ്റവുമധികം ചൂട് അനുഭവപ്പെടുന്ന കാലാവസ്ഥയാണ് വേനൽക്കാലം. വേനൽക്കാലത്ത്
സബർമതി ഒഴുകുകയാണ്...
മനസിന് ഉണർവു നൽകാൻ യാത്രകൾക്കു കഴിയും. പുതിയ കാഴ്ചകൾകണ്ട് കുടുംബാംഗങ്ങൾ
കുന്പളങ്ങ വിഭവങ്ങൾ
കുന്പളങ്ങ ഉപയോഗിച്ച് ഉണ്ടാക്കാവുന്ന ഏതാനും വിഭവങ്ങളാണ് ഇത്തവണത്തെ രുചിക്കൂട്ടിലുള്ളത്.
പഠിച്ചുരസിക്കാൻ അവധിക്കാലം
പഠനത്തിെൻറ കർശനചിട്ടകളിൽ നിന്നു മാറി മനസും ശരീരവും സ്വതന്ത്രമാകുന്ന ഒരു അവധിക്കാലം കൂടി.
ബജറ്റിലും കമ്മി
രാജ്യത്തെ ജനസംഖ്യയിൽ പകുതിയോളം സ്ത്രീകളാണ്. പക്ഷേ, പലപ്പോഴും ബജറ്റ് അവതരിപ്പിക്കുന്പോൾ
ചില ഡിജിറ്റൽ ബാങ്കിംഗ് അനുഭവങ്ങൾ
കേന്ദ്രസർക്കാരിെൻറ കറൻസി റദ്ദാക്കൽ പ്രഖ്യാപനത്തിന് ശേഷം രാജ്യത്ത് ഡിജിറ്റൽ ഇടപാടുകൾ വർധിച്ചിരിക്കുകയാണ്.
സ്കൂൾ പ്രോജക്ടുകൾ എളുപ്പത്തിൽ തയാറാക്കാം
കുട്ടികളെ അന്വേഷണങ്ങൾക്കു പ്രേരിപ്പിക്കുകയും പ്രചോദിപ്പിക്കുകയും ചെയ്യുക എന്നതും അതിലൂടെ
ജിലുമോൾ കാലുകളിൽ മെനഞ്ഞത് ജീവിതവിജയം
രണ്ടു കൈകളുമില്ലാതെ ജനിച്ച ജിലുമോൾ മരിയറ്റ് തോമസ് ജീവിതത്തിൽ ഉയരങ്ങൾ കീഴടക്കുകയാണ്.
ഡോ. സിംഗർ
ആതുരസേവനരംഗത്തും സംഗീതലോകത്തും ഒരുപോലെ തിളങ്ങുന്ന വ്യക്തിയാണ് ഡോ.(മേജർ)
60+ ഭക്ഷണം
അറുപതു വയസിനു ശേഷം വാർധക്യത്തിെൻറ ആലസ്യം ബാധിച്ചു തുടങ്ങും. ഈ പ്രായത്തിൽ സ്ത്രീകളിൽ
ക്ഷയരോഗികളിലെ പ്രമേഹ സാധ്യതകൾ
ക്ഷയരോഗവും പ്രമേഹവും രണ്ടു വ്യത്യസ്ത രോഗങ്ങളാണിവ. ക്ഷയരോഗം പകരും എന്നാൽ പ്രമേഹം പകരില്ല.
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.