Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Business |


പലിശ കുറയുമ്പോൾ എഫ്ഡിക്കു പകരം ഡെറ്റ് ഫണ്ട്
ജനുവരിക്കുശേഷം റിസർവ് ബാങ്ക് ഓഫ് ഇന്ത്യ ഇതുവരെ അടിസ്‌ഥാന പലിശനിരക്കിൽ 1.75 ശതമാനത്തിന്റെ വെട്ടിക്കുറവു വരുത്തി. ഇതു സ്‌ഥിരനിക്ഷേപത്തിന്റെ പലിശനിരക്കിലും വലിയ കുറവുണ്ടാക്കി. പല പ്രധാന ബാങ്കുകളുടേയും ഒരു വർഷത്തെ സ്‌ഥിരനിക്ഷേപത്തിന്റെ പലിശനിരക്കിൽ 1.2–1.40 ശതമാനംവരെ കുറവുണ്ടായിട്ടുണ്ട്. പണപ്പെരുപ്പം കുറയുന്ന സാഹചര്യത്തിൽ റിസർവ് ബാങ്കിൽനിന്നു റീപോ നിരക്കിൽ ഇനിയും വെട്ടിക്കുറവു പ്രതീക്ഷിക്കാം. അതിനർത്ഥം ഡിപ്പോസിറ്റ് നിരക്ക് ഇനിയും താഴുമെന്നാണ്.

പണപ്പെരുപ്പം കുറയുന്നുവെന്നു പറയുമ്പോഴും ശരിക്കും ജീവിതത്തിൽ അനുഭവപ്പെടുന്നത് കണക്കുകളേക്കാൾ ഉയർന്ന വിലക്കയറ്റമാണ്. പണപ്പെരുപ്പവുമായി താരതമ്യപ്പെടുത്തുമ്പോൾ നിക്ഷേപത്തിൽനിന്നു കിട്ടുന്ന വരുമാനം അതിനോട് ചേർന്നുപോകുന്നതല്ല.

ഈ സാഹചര്യത്തിൽ നിക്ഷേപകർക്ക് എന്തു ചെയ്യാൻ സാധിക്കും? പ്രത്യേകിച്ചും ഡിപ്പോസിറ്റിൽ മാത്രം ആശ്രയിച്ചു കഴിയുന്ന വലിയൊരു പങ്ക് ജനങ്ങൾക്കു ബാങ്ക് ഡിപ്പോസിറ്റിനേക്കാൾ മെച്ചപ്പെട്ട വരുമാനം ലഭിക്കുവാൻ വഴിയുണ്ടോ?

ഡെറ്റു ഫണ്ടുകൾ

പലിശ നിരക്കു കുറയുന്നതും നികുതിഘടകവും കൂടി കണക്കിലെടുക്കുമ്പോൾ ഡെറ്റ് ഫണ്ടുകൾ തീർച്ചയായും ഇത്തരത്തിലുള്ളവർക്കു മറ്റൊരു നിക്ഷേപ വഴിയാണ്.

വൈവിധ്യമാർന്ന നിക്ഷേപ ഉത്പന്നങ്ങൾ ഇക്വിറ്റി ഫണ്ടുകളിലുള്ളതുപോലെ തന്നെ ഡെറ്റ് വിഭാഗത്തിലും വളരെ വൈവിധ്യമാർന്ന നിരവധി ഫണ്ടുകൾ നിക്ഷേപത്തിനു ലഭ്യമാണ്. വിവിധ ഡെറ്റ് ഉപകരണങ്ങളെ അടിസ്‌ഥാനമാക്കി രൂപകൽപ്പന ചെയ്തിട്ടുള്ള ഫണ്ടുകളാണിത്.

ഓഹരി വിപണിയുടെ വന്യമായ വ്യതിയാനങ്ങൾ താങ്ങുവാൻ സാധിക്കാത്ത, എന്നാൽ ബാങ്ക് ഡിപ്പോസിറ്റിനേക്കാൾ മെച്ചപ്പെട്ട റിട്ടേൺ ആഗ്രഹിക്കുന്ന യാഥാസ്‌ഥിതികരായ നിക്ഷേപകർക്ക് പരിഗണിക്കാവുന്ന നിക്ഷേപ പദ്ധതികളാണ് ഡെറ്റ് മ്യൂച്വൽ ഫണ്ടുകൾ.

റിസ്ക് പൂർണമായും ഇല്ലായെന്നു പറയാനാകില്ലെങ്കിലും ഇക്വിറ്റി ഫണ്ടു പദ്ധതികളുടെ റിസ്കിനേക്കാൾ വളരെ കുറവാണ് ഇവയ്ക്ക്.

മൂന്നുവർഷത്തിലധികം കാലം കൈവശം വയ്ക്കുന്ന ഡെറ്റ് ഫണ്ട് പദ്ധതികളുടെ റിട്ടേണിന് ഇൻഡെക്സേഷനോടുകൂടി 20 ശതമാനം നികുതി നൽകിയാൽ മതി. ഇതു തീർച്ചയായും ബാങ്ക് ഡിപ്പോസിറ്റുകളേക്കാൾ കുറഞ്ഞ നികുതി ബാധ്യതയേ വരുത്തുകയുള്ളു. ഡെറ്റ് ഫണ്ടുകൾ ഏതൊക്കെയെന്നു പരിശോധിക്കാം.



ലിക്വിഡ് ഫണ്ട്:

ചെറിയ കാലാവധിയിൽ നിക്ഷേപം ഉദ്ദേശിക്കുന്നവർക്കുള്ള ഫണ്ടാണിത്. വളരെ ചെറിയ സമയത്തിനുള്ളിൽ ഇതു റിഡീം ചെയ്തു പണമാക്കി മാറ്റാം. എക്സിറ്റ് ലോഡുമില്ല. സേവിംഗ്സ് ഡിപ്പോസിറ്റ് എന്നപോലെ ഇതിനെ കണക്കാക്കാം. സേവിംഗസ് ഡിപ്പോസിറ്റിന് നാലു ശതമാനം പലിശയാണുള്ളത്.
മെച്ചപ്പെട്ട റിട്ടേണിന് സേവിംഗ്സ് ബാങ്ക് അക്കൗണ്ടിലുള്ള തുക ലിക്വിഡ് ഫണ്ടിലേക്ക് മാറ്റുക. മുപ്പതു ദിവസ കാലയളവുവരെയുള്ള തുക ഇത്തരത്തിൽ നിക്ഷേപത്തിന് ഉപയോഗിക്കാം.
അൾട്ര ഷോർട്ട് ടേം ഡെറ്റ് ഫണ്ട്:

ലിക്വിഡ് ഫണ്ടിനേക്കാൾ ഉയർന്ന കാലാവധിയിൽ നിക്ഷേപം നടത്തുവാൻ സാധിക്കുന്ന ഫണ്ടാണിത്. ആറുമാസം മുതൽ ഒരു വർഷം വരെയുള്ള കാലയളവാണ് സാധാരണഗതിയിൽ അൾട്ര ഷോർട്ട് ടേം ഫണ്ട് നിക്ഷേപത്തിനായി തെരഞ്ഞെടുക്കുന്നത്. ഉടനേ ആവശ്യമില്ലാത്തതും എന്നാൽ താമസിയാതെ ആവശ്യമുള്ളതുമായ പണം നിക്ഷേപിക്കുവാനുള്ള ഉപകരണമാണിത്.

ഷോർട്ട് ടേം ഡെറ്റ് ഫണ്ട്:

അൾട്ര ഷോർട്ട് ടേം ഡെറ്റ് ഫണ്ടിനേക്കാൾ ദീർഘകാലയളവിലുള്ള നിക്ഷേപത്തിനു യോജിച്ച ഫണ്ടാണിത്. ഈ ഫണ്ടുകൾ കൂടുതലും നിക്ഷേപിക്കുന്നത് കമ്പനി ബോണ്ടുകളിലും ഗവൺമെന്റ് സെക്യൂരിറ്റികൾ, ബാങ്ക് ഡിപ്പോസിറ്റ്, കൊമേഴ്സ്യൽ പേപ്പപ്ഡ തുടങ്ങിയവയിലാണ്. ഏതാനും ദിവസം മുതൽ ഒരു വർഷം വരെ കാലാവധിയുള്ള സെക്യൂരിറ്റികളിൽ ഫണ്ട് നിക്ഷേപം നടത്തുന്നു.
എങ്കിലും ഈ ഫണ്ടിന്റെ നിക്ഷേപശേഖരത്തിന്റെ ശരാശരി മച്യൂരിറ്റി കാലയളവ് സാധാരണ 2–3 വർഷമാണ്. അതുകൊണ്ടുതന്നെ രണ്ട്– മൂന്നു വർഷം ഫിക്സഡ് ഡിപ്പോസിറ്റിനു പകരമായി നിക്ഷേപത്തിനു പരിഗണിക്കാം.

ലോംഗ് ടേം ബോണ്ട് ഫണ്ട്:

ഇത്തരം ഫണ്ടുകൾ ദീർഘകാലത്തിലുള്ള ഗവൺമെന്റ് സെക്യൂരിറ്റികൾ, മറ്റു ഡെറ്റ് ഉപകരണങ്ങൾ തുടങ്ങിയവയിൽ നിക്ഷേപം നടത്തുന്നവയാണ്. ഒരു വർഷം മുതൽ 10 വർഷം വരെ കാലാവധിയുള്ള ഡെറ്റുകളിലാണ് നിക്ഷേപം.

ഗിൽറ്റ് ഫണ്ട്:

ഡെറ്റ് ഫണ്ടുകളിൽ ഏറ്റവും സുരക്ഷിതത്വമുളള പദ്ധതികളാണ് ഗിൽറ്റ് ഫണ്ടുകൾ. നിക്ഷേപത്തിന് തെരഞ്ഞെടുക്കുന്ന കടപ്പത്രങ്ങളുടെ പ്രത്യേകതയാണ് അതിനു കാരണം. ഗവൺമെന്റ് പുറപ്പെടുവിക്കുന്ന കടപ്പത്രങ്ങൾ, ബോണ്ടുകൾ തുടങ്ങിയവയിൽ മാത്രമാണ് ഇവയുടെ നിക്ഷേപം. കേന്ദ്ര, സംസ്‌ഥാന ഗവണ്മെന്റുകളുടെ കടപ്പത്രങ്ങൾ ( ഗിൽറ്റ്– ഒരു വർഷത്തിൽ കൂടുതൽ കാലാവധിയുളള കടപ്പത്രങ്ങൾ), ട്രഷറി ബില്ലുകൾ ( 1 വർഷത്തിൽ കുറഞ്ഞ കാലാവധിയുളള കടം ഉപകരണങ്ങൾ) തുടങ്ങിയവയിലാണ് നിക്ഷേപം. ഗവണ്മെന്റ് ഗാരന്റിയുളളതിനാൽ 100 ശതമാനം സുരക്ഷിതമാണ്.

എന്നാൽ കോർപറേറ്റ് ബോണ്ടുകളേക്കാൾ പലിശ കുറവായിരിക്കും. പലിശനിരക്ക്, മറ്റ് സാമ്പത്തികഘടകങ്ങൾ തുടങ്ങിയവയെ ആധാരമാക്കി എൻ എ വിയിൽ മാറ്റമുണ്ടാകാം. ഒരുവർഷത്തിനു മുകളിലുളള നിക്ഷേപങ്ങൾക്കാണ് മെച്ചപ്പെട്ട റിട്ടേൺ ലഭിക്കുക. ദീർഘകാല, ഹ്രസ്വകാല ഗിൽറ്റ് ഫണ്ടുകൾ നിക്ഷേപത്തിന് ലഭ്യമാണ്. അതേപോലെ ഡിവിഡൻഡ്, ഗ്രോത്ത് ഓപ്ഷനുകളും ലഭ്യമാണ്.

ഫിക്സഡ് മച്യുരിറ്റി പ്ലാൻ (എഫ്എംപി):

നിശ്ചിത കാലാവധിയുളള ക്ളോസ്ഡ് എൻഡ് മ്യൂച്വൽ ഫണ്ടുകളാണ്. നിശ്ചിത കാലയളവിനുളളിൽ സ്‌ഥിരതയാർന്ന റിട്ടേണും വിപണിയിലെ വ്യതിയാനങ്ങളിൽ നിന്ന് നിക്ഷേപകർക്ക് സംരക്ഷണവും ഈ പദ്ധതികൾ ലക്ഷ്യമിടുന്നു. മുപ്പതു ദിവസം മുതൽ അഞ്ചുവർഷം വരെ കാലവധിയുളള എഫ്എംപികളുണ്ട്.

എഫ്ഡിക്കു പകരമായി ഉയർന്നുവന്നിട്ടുള്ള മ്യൂച്വൽ ഫണ്ട് പദ്ധതിയായണിത്.
നിക്ഷേപകന്റെ ഹ്രസ്വ. മധ്യ, ദീർഘകാലാവശ്യങ്ങൾക്കനുസരിച്ച് ഇതിൽ നിക്ഷേപം നടത്താം. എങ്കിലും ഒരു വർഷത്തിൽ താഴെയുളള എഫ്എംപികളാണ് കൂടുതലും. ഡെറ്റ് ഒറിയന്റഡ് പദ്ധതികളാണിവ. കാലാവധിക്കു മുമ്പേ പദ്ധതിയിൽനിന്ന് മാറുവാൻ സാധിക്കുകയില്ല.

ഫണ്ടിന്റെ കാലാവധിയേക്കാൾ കുറഞ്ഞ കാലാവധിയിലുളള ഡെറ്റ്, പണവിപണി ഉപകരണങ്ങൾ, ഗവണ്മെന്റ് സെക്യൂരിറ്റി തുടങ്ങിയവയിലാണ് നിക്ഷേപം നടത്തുന്നത്. ഓഹരികളിൽ ചെറുതായി നിക്ഷേപിക്കുന്ന എഫ്എംപികളുമുണ്ട്. അധികം റിസ്ക് എടുക്കാൻ ആഗ്രഹമില്ലാത്തവർക്കും നികുതി ആനുകൂല്യം ലക്ഷ്യമിടുന്നവർക്കുമെല്ലാം തെരഞ്ഞെടുക്കാവുന്ന മാർഗമാണ് എഫ്എംപികൾ.

സ്‌ഥിരനിക്ഷേപങ്ങളെ അപേക്ഷിച്ച് കൂടുതൽ നികുതിക്ഷമമാണ് എഫ്എംപികൾ. പണം എപ്പോൾ വേണമെന്നതു കണക്കുകൂട്ടി നിക്ഷേപകന് അനുയോജ്യമായ കാലാവധികൾ തെരഞ്ഞെടുക്കാം.

മംത്ലി ഇൻകം പ്ലാൻ (എംഐപി)

സ്‌ഥിരനിക്ഷേപത്തിന് ബദലായുളള മറ്റൊരു ഡെറ്റ് അധിഷ്ഠിത മ്യൂച്വൽ ഫണ്ട് പദ്ധതിയാണിത്. പ്രധാനമായും ഡെറ്റ്, പണവിപണി ഉപകരണങ്ങൾ തുടങ്ങിയവയിൽ നിക്ഷേപം (75–80 ശതമാനം) നടത്തി സ്‌ഥിരമായ വരുമാനം ലഭ്യമാക്കുവാൻ ഉദ്ദേശിക്കുന്നു. ഇതോടൊപ്പം ദീർഘകാലത്തിൽ മൂലധന വളർച്ചയും ലക്ഷ്യമിടുന്നു. ഇതിനായി ചെറിയൊരു ഭാഗം ഇക്വിറ്റി, ഇക്വിറ്റി അനുബന്ധ ഉപകരണങ്ങളിലും നിക്ഷേപിക്കും.

ഗ്രോത്ത്, ഡിവിഡൻഡ് ഓപ്ഷനുകൾ ലഭ്യമാണ്. പ്രതിമാസമോ ത്രൈമാസമോ ആയി ഡിവിഡൻഡ് ലഭിക്കും. ഡിവിഡൻഡ് നല്കണമെന്ന് നിർബന്ധമില്ല. അത് ഫണ്ടിന്റെ വിവേചനമാണ്. ആവശ്യക്കാർക്ക് ഡിവിഡൻഡ് പുനർനിക്ഷേപം നടത്തുവാനും സാധിക്കും.

ഡെറ്റിലെ നിക്ഷേപം സ്‌ഥിരത നല്കുമ്പോൾ ഇക്വിറ്റിയിലെ നിക്ഷേപം റിട്ടേൺ സാധ്യത വർധിപ്പിക്കുന്നു. ഇതിന്റെ സങ്കരം സ്‌ഥിര ഡിപ്പോസിറ്റിനേക്കാൾ മെച്ചപ്പെട്ട റിട്ടേണിന് വഴിയൊരുക്കുന്നു. ഇക്വിറ്റി നിക്ഷേപം മൂലം എംഐപികൾ വിപണിയുമായി ബന്ധിക്കപ്പെട്ടിരിക്കുന്നു. പിലശനിരക്കിലെ മാറ്റം, ഇക്വിറ്റിയിലെ വ്യതിയാനം, സമ്പദ്ഘടനയുടെ തളർച്ച തുടങ്ങിയവയെല്ലാം റിസ്ക് ഘടകങ്ങളാണ്. പിലശനിരക്ക് താഴുമ്പോൾ എംഐപിയുടെ എൻഎവി ഉയരുന്നു. മറിച്ച് പലിശനിരക്ക് ഉയരുമ്പോൾ എൻഎവി കുറയുന്നു. ആ സമയം ഇക്വിറ്റി വിഭാഗം സ്‌ഥിരതയാർന്ന റിട്ടേണിന് കളമൊരുക്കുന്നു. ഇക്വിറ്റിയുടെ റിസ്ക് എടുക്കുവാൻ സാധിക്കുന്നവർക്ക് ഈ എംഐപി തെരഞ്ഞെടുക്കാം. 2–3 വർഷക്കാലത്ത് എംഐ പിയിൽനിന്ന് 12–13 ശതമാനം റിട്ടേൺ പ്രതീക്ഷിക്കാം.

എംഐപിയിൽ നിക്ഷേപകന് ലഭിക്കുന്ന ഡിവിഡൻഡിന് നികുതി നൽകേണ്ടതില്ല. എന്നാൽ അസറ്റ് മാനേജ്മെന്റ് കമ്പനികൾ ലാഭവിതരണ നികുതി നൽകണം.

ഇൻകം ഫണ്ട്

ഡെറ്റ് ഫണ്ടുകളിൽ ഏറ്റവും പ്രശസ്തമാണ് ഇൻകം ഫണ്ടുകൾ. സുരക്ഷിതത്വം, റിട്ടേൺ, ലിക്വിഡിറ്റി ഇവ മൂന്നും സംയോജിപ്പിച്ചുകൊണ്ട് തയാറാക്കിയിട്ടുളള ഇത്തരം പദ്ധതികൾ, ഗുണനിലവാരവും സ്‌ഥിരവരുമാനവും ലഭിക്കുന്ന കടം ഉപകരണങ്ങളിലെ നിക്ഷേപം വഴി മധ്യ, ദീർഘകാലത്തിൽ മാക്സിമം റിട്ടേൺ നേടുക്കൊടുക്കുവാൻ ലക്ഷ്യമിടുന്നു.

വൈവിധ്യമാർന്ന ബോണ്ടുകളും കടപ്പത്രങ്ങളുമാണ് ഇവയുടെ നിക്ഷേപശശേഖരത്തിലുളളത്. മൂലധന വളർച്ച ഇത്തരം പദ്ധതികളിൽ കുറവാണ്. ഡിവിഡൻഡ്, ഗ്രോത്ത് ഓപ്ഷനുകൾ ഇവയിൽ ലഭ്യമാണ്. രണ്ടോ മൂന്നോ വർഷത്തെ ഡിപ്പോസിറ്റ് ഉദ്ദേശിക്കുന്നവർക്കു അതിനു പകരമായി ഇതു യോജിച്ചതാണ്.

സ്‌ഥിരമായ വരുമാനവും സുരക്ഷിതത്വവും ഉദ്ദേശിക്കുന്ന റിട്ടയർ ചെയ്തയാളുകൾക്ക് സ്‌ഥിര ഡിപ്പോസിറ്റിനേക്കാൾ മെച്ചപ്പെട്ട റിട്ടേൺ നേടുവാൻ ഇവയിലെ നിക്ഷേപം സഹായിക്കുന്നു. ഹ്രസ്വ, ദീർഘകാല ഇൻകം ഫണ്ടുകൾ ലഭ്യമാണ്.

റിയൽ എസ്റ്റേറ്റ് മേഖലയെ നിക്ഷേപത്തിനു ശ്രദ്ധിക്കാം
റിയൽ എസ്റ്റേറ്റ് മേഖലക്ക് ഇത് ശുദ്ധീകരണത്തിന്റെ നാളുകളാണെന്ന് പറയാം. റിയൽ എസ്റ്റേറ്റ് റെഗുലേറ്ററി നിയമം കൊണ്ടു
ഒന്നിൽ കൂടുതൽ ബാങ്ക് അക്കൗണ്ടുകൾ; ഗുണവും ദോഷവും
ഓരോ ബാങ്ക് അക്കൗണ്ടുകൾക്കും എടിഎംൽ നിന്നും പണം പിൻവലിക്കുന്നതിന് പരിധികൾ വച്ചിട്ടുണ്ട്.
നിറം മങ്ങുന്ന എഫ്ഡി
ആയിരത്തിന്റെയും അഞ്ഞൂറിന്റെയും നോട്ടുകൾ അസാധുവാക്കിയതോടെ വലിയ തുകയുടെ നിക്ഷേപങ്ങൾ
പുതുവത്സര പ്രതിജ്‌ഞകൾ
വീണ്ടും മറ്റൊരു പുതുവത്സരത്തിൽ എത്തിയിരിക്കുകയാണ് നമ്മൾ. ജനുവരിയുടെ തുടക്കത്തിൽ എല്ലാവരുടെയും ആഗ്രഹം
പലിശ കുറയുന്നു; ഇനി എന്ത് ?
മോദി ഗവൺമെന്റ് 500 രൂപ, 1000 രൂപ നോട്ടുകൾ പിൻവലിച്ചതിനെത്തുടർന്നു കുമിഞ്ഞു കൂടിയ നിക്ഷേപം വായ്പയായി നൽകാൻ ബാങ്കുകൾക്കു കഴിയാത്തതാണ് പലിശ നിരക്കിനെ
ചക്ക ഷുഗർ കുറയാനും വയർ നിറയാനും
പ്രമേഹ രോഗികളുടെ തലസ്‌ഥാനം ഏതെന്നു ചോദിച്ചാൽ കേരളം എന്നായിരിക്കും ഉത്തരം. കാരണം അത്രക്കുണ്ട് കേരളത്തിലെ പ്രമേഹ രോഗികളുടെ എണ്ണം. മരുന്ന് വ്യായാമം, ഡയറ്റ്
വിശ്വസിക്കാം, ലാർജ് കാപ് ഫണ്ടുകളെ
കഴിഞ്ഞ രണ്ടു വർഷമായി ഓഹരി വിപണിയിൽ വന്യമായ വ്യതിയാനമാണ് സംഭവിച്ചു പോരുന്നത്. 2015–ൽ പ്രതീക്ഷയുടെ വെളിച്ചത്തിലായിരുന്നുവെങ്കിൽ 2016–ൽ മുൻകരുതൽ എന്നതിന്റെ
ബാങ്കിംഗ് ചാർജുകൾ
ധനകാര്യമേഖലയിലാണ് ഏറ്റവും കൂടുതൽ ഫീസുകൾ നിലനില്ക്കുന്നത്. പ്രത്യേകിച്ചും ബാങ്കിംഗിൽ. ചില ബാങ്കുകളുടെ ശാഖയിൽ പ്രവേശിച്ചാൽ പോലും ചാർജ് നല്കേണ്ട അവസ്‌ഥയാണ്!
പലിശ കുറയുമ്പോൾ എഫ്ഡിക്കു പകരം ഡെറ്റ് ഫണ്ട്
ജനുവരിക്കുശേഷം റിസർവ് ബാങ്ക് ഓഫ് ഇന്ത്യ ഇതുവരെ അടിസ്‌ഥാന പലിശനിരക്കിൽ 1.75 ശതമാനത്തിന്റെ വെട്ടിക്കുറവു വരുത്തി. ഇതു സ്‌ഥിരനിക്ഷേപത്തിന്റെ പലിശനിരക്കിലും വലിയ ക...
ദേഷ്യം എന്ന മനുഷ്യ ബോംബ്
എന്താണ് തെറ്റ് എന്താണ് ശരി എന്ന് തിരിച്ചറിയാനാകാത്തവിധം ജീവിതത്തിൽ നിങ്ങൾ സ്‌ഥിരമായി ദേഷ്യപ്പെടാറുണ്ടോ? ആരോടോ അല്ലെങ്കിൽ എന്തിനോടോ ഉള്ള കടുത്ത ദേഷ്യത്തിൽ കാരണം...
ബിസിനസ് ഇന്റലിജൻസ് വിജയ രഹസ്യങ്ങളുടെ കലവറ
ബിസിനസ് ട്രാൻസാക്ഷനുകളെ ടെക്നോളജിയുടെ സഹായത്തോടെ രേഖപ്പെടുത്തുകയും അത്തരം പ്രാഥമിക ഡേറ്റയിൽ നിന്നും ബിസിനസ് നടത്തിപ്പിനും വികസനത്തിനും ആവശ്യമായ
ഓൺലൈൻ ബാങ്കിംഗ്: ജാഗ്രത പുലർത്താം
ആതിര ജോലിക്കാരിയാണ്. മൊബൈൽ ഫോൺ ഒരു അവയവംപോലെ കൊണ്ടുനടക്കുന്നവൾ. മൊബൈൽ ഫോൺ ഉപയോഗിച്ച് എന്തെല്ലാം ചെയ്യാമോ അതിൽ സമർത്ഥയാണ്.
ലളിതമായ ബാങ്കിംഗ് ഇടപാടുകൾക്ക് യുപിഐ
അഞ്ഞൂറിന്റെയും ആയിരത്തിന്റെയും നോട്ടുകൾ പിൻവലിച്ചപ്പോൾ ജനം നൂറിന്റെ നോട്ടിനായി നെട്ടോട്ടമോടുകയായിരുന്നു. കടലാസു പണത്തെ ആശ്രയിക്കുന്നതു കൊണ്ടല്ലേ
കള്ളപ്പണത്തിനെതിരേ മോദിയുടെ മിന്നലാക്രമണം
പ്രധാനമന്ത്രി നരേന്ദ്ര മോദിയുടെ രണ്ടാമത്തെ മിന്നലാക്രമണം. ഇത്തവണ ആയിരത്തിന്റെയും അഞ്ഞൂറിന്റെയും കറൻസി നോട്ടുകൾ പിൻവലിച്ചുകൊണ്ടാണ്. രാജ്യത്തേയും
കൊച്ചിയെ രാജ്യാന്തര ബിസിനസിനൊരുക്കി വേൾഡ് ട്രേഡ് സെന്റർ
വിനോദസഞ്ചാരത്തിനപ്പുറത്ത് ബിസിനസ് ചെയ്യാൻ പറ്റിയ സ്‌ഥലമായി കൊച്ചിയും തിരുവനന്തപുരവും സ്‌ഥാനം പിടിക്കുകയാണ്. വേൾഡ് ട്രേഡ് സെന്ററിന്റെ (ഡബ്ള്യുടിസി) കൈയൊപ്പ്
സമ്പാദ്യശീലം തുടങ്ങാം ബാല്യം മുതൽ
ആറാം തമ്പുരാൻ എന്ന സിനിമയിൽ മജ്ജു വാര്യർ കുടുക്ക പൊട്ടിക്കുന്ന ഒരു രംഗമുണ്ട്. വിറ്റുപോയ ഹാർമോണിയം തിരിച്ചുവാങ്ങുന്നതിനുവേണ്ടിയായിരുന്നു വളരെ നാളത്തെ സമ്പാദ്യമെട...
നിക്ഷേപിക്കാനിതാ പലതരം മ്യൂച്വൽ ഫണ്ടുകൾ
മ്യൂച്വൽ ഫണ്ടുകളുടെ ലോകം വിശാലമാണ്. ഉയർന്ന റിസ്കുള്ള ഇക്വിറ്റി ഫണ്ടുകൾ മുതൽ റിസ്ക് കുറഞ്ഞ ഗിൽറ്റ് ഫണ്ടുകൾ വരെ വൈവിധ്യമാർന്ന പദ്ധതികളാണ് മ്യൂച്വൽ ഫണ്ട് അസറ്റ്
ആദ്യം സമ്പാദ്യം പിന്നെ ചെലവാക്കൽ
സമ്പാദ്യത്തിന്റെ കാര്യം വരുമ്പോൾ മിക്കവരും ചോദിക്കുന്ന ചോദ്യമിതായിരിക്കും. ‘‘ഇത്ര തുച്ഛമായ ശമ്പളത്തിൽ നിന്നു ഞാനെങ്ങനെ മിച്ചം വെക്കാനാണ്. എല്ലാ ചെലവുകളും നടത്തേ...
ധനകാര്യ ലക്ഷ്യങ്ങളിലൂടെ സമ്പത്ത് സൃഷ്ടി
സമ്പത്ത് ഉണ്ടാക്കുന്നതും സമ്പന്നനാകുന്നതും സ്വപ്നം കാണത്തവർ ആരുമില്ല. ഏതൊരാളുടേയും ആഗ്രഹവുമതാണ്. പക്ഷേ, നല്ലൊരു പങ്കും അതിൽ വിജയിക്കുന്നില്ല. സമ്പത്തുണ്ടാക്കുന...
കേക്കിനുമുണ്ടൊരു ബൊട്ടീക്ക് ഇൻക്രെഡിബിൾ ആർട്ട്
പഠിക്കുന്ന കാലത്തൊക്കെ ആഗ്രഹങ്ങൾ പലതരത്തിലായിരിക്കും. പക്ഷേ, വളർന്നു വരുമ്പോൾ ആ ആഗ്രഹങ്ങളൊക്കെ വിട്ട് ഏതെങ്കിലും മൾട്ടി നാഷണൽ കമ്പനിയിലോ മറ്റോ ഒരു ജോലി വാങ്ങി
വീട്ടിലെ രുചി ആവശ്യക്കാരേറെ
ഹോംലി ഫുഡ് എന്ന് എവിടെ എഴുതിയിരിക്കുന്നുവോ അവിടെയെല്ലാം നീണ്ട ക്യൂ കാണാം. വിപണി സാധ്യത ഏറെയുള്ള മേഖലയാണ് ഭക്ഷണം. രുചികരമായ ഭക്ഷണം എവിടെ
വർച്വലാകുന്ന ബാങ്കിംഗ്
പേരോ ബാങ്ക് അക്കൗണ്ട് നമ്പറോ ഐഎഫ്എസ്സി കോഡോ ഒന്നും വേണ്ട. വാട്സാപ്പിൽ മെസേജ് അയയ്ക്കുന്ന ലാഘവത്തോടെ പണം അയയ്ക്കാം.
അർധനഗരങ്ങളിൽ വേരുറപ്പിച്ച് സെൻട്രൽ ബാങ്ക് ഓഫ് ഇന്ത്യ
പേരുപോലെ തന്നെയാണ് കേരളത്തിലെ അവരുടെ പ്രവർത്തനപാതയും. പൊതുമേഖല ബാങ്കായ സെൻട്രൽ ബാങ്ക് ഓഫ് ഇന്ത്യ ഗ്രാമത്തിനും നഗരത്തിനുമിടയിൽ ശക്‌തമായി വേരുറപ്പിച്ചു
പുതുമ നേടുന്ന ബിസിനസ് രംഗം
വീട്ടിലെ ഭക്ഷണമെന്നു കേട്ടാൽ ഓടിയെത്തുന്നവരുടെ എണ്ണം നിരവധിയായിരിക്കുമെന്ന് ഞങ്ങൾക്കറിയാമായിരുന്നു. നല്ല രുചിയോടെ വീട്ടിൽ ഭക്ഷണം ഉണ്ടാക്കി ഒരു ചെറിയ കടയിലൂടെ
കേരളത്തിൽ സ്റ്റാർട്ടപ് വിപ്ലവം
പഠനകാലത്തെ സംരംഭകരാകാൻ ഇറങ്ങിത്തിരിച്ച കുറച്ചു യുവാക്കളുണ്ട്. പക്ഷേ, അവരെന്താണ് ചെയ്യുന്നതെന്നു ചോദിച്ചാൽ അറിയില്ല, പലർക്കും. മൾട്ടി നാഷണൽ കമ്പനികളിലെ
ഭവന വായ്പ അനുവദിക്കാൻ ബാങ്കുകൾ പരിശോധിക്കുന്നത്
സ്വപ്ന വീട് വാങ്ങുകയെന്നതു മിക്കവരുടേയും ജീവിതകാലത്തെ അഭിലാഷമാണ്. അതു പ്രാവർത്തികമാക്കുവാൻ വളരെയേറെ ശ്രമിക്കുകയും ചെയ്യുന്നു. സമയവും ഊർജവും ഏറ്റവും പ്രധാനമായി...
സൗത്ത് ഇന്ത്യൻ ബാങ്ക് റീട്ടെയിൽ തന്ത്രം കരുത്താകുന്നു
സാധാരണക്കാരായ ആളുകൾക്കു ബാങ്കിംഗ് സേവനം നൽകുകയെന്ന സ്‌ഥാപിത ലക്ഷ്യത്തിലേക്കുള്ള തിരിച്ചുപോക്കും അതിൽ ശ്രദ്ധ കേന്ദ്രീകരിക്കുവാനുള്ള തീരുമാനവും നവതിയിലേ....
വിപണിയിലെ വിശ്വാസപ്രമാണങ്ങൾ
ഓഹരി വിപണിയിൽ എപ്പോഴും കേൾക്കുന്ന രണ്ടു വാക്കുകളാണ് ബുൾ, ബെയർ (കാളകളും കരടികളും). മുന്നോട്ട് കുതിച്ചുപായുന്ന നീക്കങ്ങൾക്ക് കൊമ്പിൽ ഉയർത്തുന്ന കാളയുടെ രൂപവും,
ബ്രൂക്ലിൻ ബ്രിഡ്ജ് ആത്മചോദനയുടെ സ്മാരകം
പത്തൊൻപതാം നൂറ്റാണ്ടിന്റെ അവസാനം. ഒരു നദിക്കു കുറുകെ അര കിലോമീറ്റർ നീളത്തിൽ ഒരു പാലം പണിയാൻ എത്ര നാൾ വേണ്ടി വരും എന്ന് ഒരു ചോദ്യം ആരെങ്കിലും ചോദിച്ചാൽ
സ്റ്റാർട്ടപ്: പടുത്തുയർത്താം ഭാവി
ഹയർസെക്കന്ററി വിദ്യാഭ്യാസം കഴിഞ്ഞാലുടൻ എൻജിനീയറിംഗ് ഉപരിപഠനത്തിനായി തെരഞ്ഞെടുക്കുന്നവരാണ് മലയാളികളിൽ ഏറിയ പങ്കും. പെട്ടെന്ന് നല്ല ശമ്പളത്തോടെ ഒരു ജോലി
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
tech@deepika
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.