Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Sthreedhanam |


മന്ത്രകോടിയിൽ തിളങ്ങാം
വിവാഹം എന്നത് ജീവിതത്തിലെ ഏറ്റവും മഹനീയവും ആഹ്ലാദകരവുമായ ഒരു അനുഭവമാണ്. അതിനാൽ വിവാഹത്തിനു ഏറ്റവും മനോഹരമായി അണിഞ്ഞൊരുങ്ങുക എന്നത് ഏതൊരു പെൺകുട്ടിയുടെയും സ്വപ്നമാണ്. ഓരോ മതവിഭാഗക്കാരുടെയും വിവാഹസാരിയിലെ പുതിയ ട്രെൻഡിനെക്കുറിച്ച് അറിയാം...

പട്ടുസാരിയിൽ തിളങ്ങി ഹിന്ദു വധു

കസവു കുറഞ്ഞ ലൈറ്റ് വെയ്റ്റ് പട്ടുസാരികളാണ് ഹിന്ദു വധുവിന്റെ ലേറ്റസ്റ്റ് വിവാഹ വസ്ത്രം. നിറയെ കസവുള്ള കാഞ്ചിപുരം, ബനാറസ് സാരികൾ ഇന്ന് ഔട്ടായി.

ലൈറ്റ് വെയ്റ്റായ, റീയൂസ് സാരികളോടാണ് ന്യൂജെൻ പെൺകുട്ടികൾക്കു താൽപര്യം. ഭാരം കുറഞ്ഞ വമ്പൻ വിലയില്ലാത്ത ഡിസൈനർ കാഞ്ചിപുരം – ബനാറസ് സിൽക് സാരികൾ ഇന്നു വിപണിയിൽ ലഭ്യമാണ്.

പാർട്ലി പല്ലു, ടെമ്പിൾ ബോർഡർ, ബാവൻജി ബോർഡർ, ബ്രോക്കേഡ് തുടങ്ങി വിവിധ രൂപമാതൃകയിലുള്ള സാരികളും കല്യാണ മണ്ഡപത്തിലെ പെൺസൗന്ദര്യം കൂട്ടുന്നു. അധികം കസവും വർക്കും ഇല്ലാത്ത രണ്ടോ മൂന്നോ കോൺട്രാസ്റ്റ് നിറങ്ങളുള്ള കാഞ്ചീപുരം സിൽക് സാരികൾ വാങ്ങി, ഹെവി വർക്കുള്ള ബ്ലൗസും അണിഞ്ഞ് വ്യത്യസ്തയായ നവവധു ആകുന്ന ട്രെൻഡും നിലവിലുണ്ട്.

1500 മുതൽ തുടങ്ങുന്ന വിലയിൽ ഈടും ഭംഗിയുമുള്ള കാഞ്ചിപുരം സിൽക് സാരി ലഭിക്കും. മഞ്ഞ – മജന്ത, ഓറഞ്ച് – പിങ്ക് അല്ലെങ്കിൽ മഞ്ഞ – ഓഫ് വൈറ്റ് – മജന്ത, മജന്ത – പച്ച– മസ്റ്റർഡ് കളർ അങ്ങനെ രണ്ടോ മൂന്നോ വ്യത്യസ്തങ്ങളായ കളർ കോമ്പിനേഷനുകളാണ് ഇപ്പോഴത്തെ ട്രെൻഡ്. ധാരാളം വർക്കുകൾ ചെയ്ത ബ്ലൗസുകളാണ് പല നവവധുക്കളും തെരഞ്ഞെടുക്കുന്നത്. വിവിധ ഡിസൈനുകളിലുള്ള പട്ടുതുണികൾ ബ്ലൗസിനായി തെരഞ്ഞെടുക്കുന്നുണ്ട്. ബ്ലൗസിനുള്ള അലങ്കാര മെറ്റീരിയലുകൾ ലഭിക്കും. സ്റ്റോൺ വർക്ക്, ഫ്ളോറൽ മെറ്റീരിയൽ, ബീഡ്സ്, ത്രെഡ് വർക്ക് അങ്ങനെ വർണക്കല്ലും ലേസും പുഷ്പമാതൃകകളും മുത്തുകളും സ്വന്തം അഭിരുചിക്കും നവവധുവിന്റെ രൂപത്തിനും വിവാഹ വസ്ത്രത്തിനും അനുസരിച്ച് തെരഞ്ഞെടുക്കാം. ബ്ലൗസിന്റെ കൈയിലും കഴുത്തിലും പിന്നിലും ഇഷ്‌ടാനുസരണം മുത്തോ, കല്ലോ, ഫ്ളവർ പാറ്റേണോ വച്ചു തുന്നുന്ന രീതി വൻ പ്രചാരത്തിലായിക്കഴിഞ്ഞു. (എംബ്രോയിഡറി, സെർദോസി തുടങ്ങിയ വർക്കുകളും ചെയ്യുന്നവരുണ്ട്.).

കൈയിറക്കമുള്ള ബ്ലൗസുകൾ, താഴ്ത്തി വെട്ടിയ ബ്ലൗസുകൾ, ബാക്ക് ഓപ്പൺ ബ്ലൗസുകൾ എന്നിവ സ്വന്തം ശരീരപ്രകൃതി അനുസരിച്ച് തെരഞ്ഞെടുക്കാം. പിന്നിൽ കെട്ടുവച്ച ബ്ലൗസുകളാണ് ട്രെൻഡ്. കെട്ടിൽ പല വർണങ്ങളിലുള്ള കുഞ്ചലവും ചേർത്തു വയ്ക്കുന്നു. പുതിയ ഫാഷൻ ഡിസൈൻ അറിയാത്തവർക്കു റെഡിമെയ്ഡ് കട്ട് ഔട്ട് വർക്ക് വാങ്ങി ബ്ലൗസിൽ തുന്നിച്ചേർക്കാം.

സ്റ്റോൺ വർക്ക്, ബീഡ് വർക്ക് ചെയ്ത റെഡിമെയ്ഡ് ബ്ലൗസുകൾ ലഭ്യമാണ്. കല്ല്യാണ ബ്ലൗസ് തുന്നുമ്പോൾ ഈ കട്ട്ഔട്ടും ഒപ്പം ചേർത്താണ് തുന്നുന്നത്. (ബ്ലൗസ് തയ്ക്കുവാൻ കൊടുക്കുന്ന സമയത്ത് വർക്കും നൽകണം).

നവവധുവിന്റെ നിറം, ശരീര പ്രകൃതി, ഫാഷൻ സെൻസ് തുടങ്ങിയവനുസരിച്ച് ബ്ലൗസ് തുന്നിയെടുക്കാവുന്നതാണ്. വളരെ ഫാഷനബിൾ ആകുവാൻ താല്പര്യമുള്ളവർ ബ്ലൗസിൽ ട്രാൻസ്പരന്റ് സ്ലീവ്, ഹോൾ സ്ലീവ് തുടങ്ങിയവയും വയ്ക്കുന്നു.



ക്രിസ്ത്യൻ വധുക്കൾ അണിയുന്ന ഗോൾഡൺ ബ്രോക്കേഡ് സാരികൾ തന്നെ വ്യത്യസ്തതയ്ക്കുവേണ്ടി തെരഞ്ഞെടുക്കുന്ന ഹിന്ദു പെൺകുട്ടികളുമുണ്ട്. പച്ച, മജന്ത തുടങ്ങിയ കോൺട്രാസ്റ്റ് ബ്ലൗസുകൾ സുവർണ സാരിക്കൊപ്പം അവർ അണിയുന്നു. പച്ച ബ്ലൗസാണെങ്കിൽ പച്ച കല്ല് പതിപ്പിച്ച മാലകൾ അണിഞ്ഞ് സുന്ദരിയാകാം.

വിവാഹ ദിവസം മുണ്ടും നേര്യതിനുമൊപ്പം മുൻകാലത്തെ പെൺകുട്ടികൾ അണിഞ്ഞിരുന്ന കോടി നിറത്തിലെ ബ്ലൗസ് ഔട്ട് ഡേറ്റഡ് ആയി. പച്ചയും ചുവപ്പും വയലറ്റും നിറങ്ങളിലെ പകിട്ടേറിയ ഡിസൈൻ ബ്ലൗസുകളാണ് ലേറ്റസ്റ്റ് ട്രെൻഡ്. മുണ്ടും നേര്യതിന്റെ ബ്ലൗസിലും പലവിധം അലങ്കാരങ്ങൾ വച്ചു പിടിപ്പിക്കുന്നുണ്ട്.

സുവർണ സാരിയിലെ മണവാട്ടി

പഴയ കാലത്ത് ക്രിസ്ത്യൻ വധു വെള്ള സാരി (ഓഫ് വൈറ്റ് നിറവും ഉൾപ്പെടും)യാണ് വിവാഹസമയത്ത് അണിഞ്ഞിരുന്നത്. ഭക്‌തിയും പരിശുദ്ധിയും നിറയുന്ന അൾത്താരയ്ക്ക് മുന്നിൽ വളരെ ലളിതമായ വിവാഹവസ്ത്രം ധരിച്ചു നിൽക്കുന്ന നവവധുവായിരുന്നു പതിവുകാഴ്ച. എന്നാൽ കാലം മാറിയതോടെ ക്രിസ്ത്യൻ വധുവിന്റെ വിവാഹ വസ്ത്രങ്ങൾക്കും മാറ്റം സംഭവിച്ചുതുടങ്ങി. വെള്ളയിൽ ചെറിയ പ്രിന്റുകളും ഡിസൈനുകളുമൊക്കെയായി തുടങ്ങിയ മാറ്റം ഇന്നു ബഹുദൂരം പിന്നിട്ടു. ഗോൾഡൺ നിറമുള്ള പകിട്ടാർന്ന വിവാഹ സാരികൾക്ക് ഇന്നു വലിയ പ്രചാരമുണ്ട്.

കാഞ്ചിപുരം, ബനാറസ്, ഡിസൈനർ പട്ടു സാരികൾ വലിയൊരു വിഭാഗം ക്രിസ്ത്യൻ പെൺകുട്ടികളും വിവാഹ വസ്ത്രമായി തെഞ്ഞെടുക്കുന്നു. ഗോൾഡൺ ബ്രോക്കേഡ് സാരികൾക്കും വലിയ ഡിമാന്റുണ്ട്. ബനാറസ് ജ്യൂട്ട്നൈറ്റ്, ഖടി ജോർജറ്റ് എന്നിവയിൽ അതിമനോഹരങ്ങളായ ക്രിസ്ത്യൻ വിവാഹ വസ്ത്രങ്ങൾ ലഭ്യമാണെന്നു സെറീന റൊയാൽ (വെഡിംഗ് കളക്ഷൻ ഉടമയും പ്രശസ്ത ഫാഷൻ ഡിസൈനറുമായ ഷീല ജെയിംസ് പറയുന്നു. ക്രീം, പീച്ച്, ബെയ്ജ് (ബിസ്കറ്റിന്റെ ഇളം നിറം) എന്നീ നിറങ്ങളിലെ സാരികളും പുതിയ തലമുറയിലെ ക്രിസ്ത്യൻ വധുക്കൾ തെരഞ്ഞെടുക്കുന്നുണ്ട്.

ഡിസൈനർ കാഞ്ചിപുരം, ബനാറസ് സാരികൾ വാങ്ങിയശേഷം അതിൽ ഹെവിവർക്ക് ചെയ്ത് വിവാഹസാരികൾ വളരെ വ്യത്യസ്തമാക്കുന്ന ട്രെൻഡും ഇന്നു നിലവിലുണ്ട്. (പഴയ കാലത്തിൽ നിന്നു വ്യത്യസ്തമായി വളരെ വർണപ്പകിട്ടുള്ള മന്ത്രികോടികളും വരന്റെ വീട്ടുകാർ തെരഞ്ഞെടുക്കുന്നു). റിച്ച് ബ്ലൗസ്(അലങ്കാരങ്ങളുള്ള ബ്ലൗസുകൾ) ക്രിസ്ത്യൻ വധുവിന് വളരെ പ്രിയപ്പെട്ടതാണ്.

പാശ്ചാത്യരുടെ വിവാഹ വസ്ത്രമായ വൈറ്റ് ഗൗൺ ഇടക്കാലത്ത് കേരളത്തിലെ ക്രിസ്ത്യൻ ബ്രൈഡുകളുടെ ഇഷ്‌ട വസ്ത്രമായിരുന്നു. വളരെ അലങ്കാര വർക്കുള്ള ഗൗണുകളുടെ സൗന്ദര്യവും പകിട്ടും പലരെയും ഇതിലേക്കു ആകർഷിച്ചു.

ഇന്നും ഗൗൺ ധരിക്കുന്ന ക്രിസ്ത്യൻ നവവധുക്കൾ ഉണ്ടെങ്കിലും സാരിയിലേക്കു വീണ്ടും ചുവടുറപ്പിക്കുന്ന ഒരു പ്രവണതയാണ് കൂടുതലും. വിവാഹ ഗൗണിന്റെ വിലക്കൂടുതലും ഒരിക്കൽ മാത്രമേ ധരിക്കുവാൻ കഴിയൂ എന്നതും സാരിയിലേക്കു മടങ്ങുവാൻ പലരെയും പ്രേരിപ്പിക്കുന്നു.

അതുപോലെ പഴയ കാലത്ത് കല്യാണപ്പെണ്ണുങ്ങൾ തലയിൽ ചെറിയ വെള്ള നെറ്റാണ് ധരിച്ചിരുന്നത്. ഇന്നു നിലംതൊടുന്ന രീതിയിലുള്ള നീളമുള്ള നെറ്റുകൾ, അലങ്കാര നെറ്റുകൾ, രണ്ടോ മൂന്നോ ലെയറുകൾ ഉള്ള നെറ്റുകൾ എന്നിവയാണ് ഫാഷൻ. നെറ്റ് പിടിക്കുവാൻ ചെറിയ കുട്ടികൾ അണിനിരക്കുന്ന പതിവുമുണ്ട്.

അറേബ്യൻ ലാച്ചയിൽ മുസ്ലീം വധു

ചന്ദനനിറവും അതുപോലുള്ള ഇളം നിറവുമാണ് ഒരു കാലത്ത് മുസ്ലീം മണവാട്ടിമാർ നിക്കാഹിനു അണിഞ്ഞിരുന്നത്. പിന്നീട് മറൂൺ, പച്ച, നീല തുടങ്ങിയ കടും നിറങ്ങളിലെ കസവു നിറഞ്ഞ ബനാറസ് – കാഞ്ചീപുരം തുടങ്ങിയ സാരികളായി.

കുറച്ചുകാലം മുൻപു വരെ ലാച്ച, ലഹംഗ, ഗാഗ്ര, ചോളി, ഗൗൺ എന്നിവ മുസ്ലീം പെൺകൊടിമാരുടെ ഇഷ്‌ടവിവാഹ വേഷമായിരുന്നെങ്കിൽ ഇന്ന് അറേബ്യൻ ലാച്ചയ്ക്കാണ് ആരാധകർ ഏറെയും. മണലാരണ്യത്തിൽ നിന്നും തുടക്കം കുറിച്ച അറേബ്യൻ ലാച്ച മുൻപു മലപ്പുറം പ്രദേശത്തെ മാത്രം വിവാഹവേഷമായിരുന്നു. ഇന്നാകട്ടെ തെക്കൻ കേരളം ഉൾപ്പെടെയുള്ള പ്രദേശങ്ങളിലെ നവവധുക്കൾ ചോളിയും കോട്ടും ഒക്കെ ചേരുന്ന അറേബ്യൻ ലാച്ച തന്നെ തെരഞ്ഞെടുക്കുന്നു.

മനോഹരവും വർണാഭവുമായ ലാച്ച 15,000 മുതൽ തുടങ്ങുന്ന വിലയിൽ ലഭ്യമാണ്. വില കൂടുന്നതനുസരിച്ച് വർക്കുകളും സൗന്ദര്യവും കൂടും. ചുവപ്പ് – ക്രീം കോമ്പിനേഷൻ, ഗോൾഡൺ, ക്രീം തുടങ്ങിയ നിറങ്ങളിലെ അറേബ്യൻ ലാച്ചകളാണ് പലർക്കും പ്രിയം. നിക്കാഹിനു പൊതുവേ ഇളം നിറങ്ങളാണ് പെൺകുട്ടികളും രക്ഷിതാക്കളും താൽപര്യപ്പെടുന്നത്. (വിവാഹനിശ്ചയത്തിനു കടും നിറങ്ങളും ലെഹംഗ, ഗാഗ്ര ചോളി തുടങ്ങിയവയും അണിയും). തലയിൽ സ്കാർഫ് കെട്ടി അതിനു മുകളിൽ ലാച്ചയ്ക്കൊപ്പം ലഭിക്കുന്ന ഷാൾ (ദുപ്പട്ട) ഇടുന്നതാണ് പുതിയ രീതി (മുൻകാലത്ത് ക്രീം, ഗോൾഡൺ, വെള്ള നെറ്റുകൾ ഉപയോഗിച്ചിരുന്നു). ഈ ഷാളിൽ തന്നെ വിവിധ അലങ്കാരങ്ങൾ പ്രത്യേകം വച്ചുപിടിപ്പിച്ചാണ് ഉപയോഗിക്കുന്നത്. ലാച്ച പിന്നീട് റീയൂസ് ചെയ്യാവുന്നതാണ്. ഹെവി വർക്കുള്ള ഷാൾ മാറ്റാം.

നിക്കാഹിനു പഴയ രീതിയിൽ സാരി തന്നെ അണിയുന്ന നവവധുക്കളുമുണ്ട്. എന്നാൽ പുതിയ ട്രെൻഡിലെ ഡിസൈൻ സാരികളും ബ്ലൗസുമാണ് ന്യൂജെൻ വധുക്കൾ കൂടുതലും താൽപര്യപ്പെടുന്നത്.



എസ്. മഞ്ജുളാദേവി

ഓർക്കിഡ് വസന്തം
അരാൻഡ സലയാ റെഡ്, നിസാർ പിങ്ക്, വൈറ്റ് കെ ഓറഞ്ച്... കല്ലറയ്ക്കൽ വീടിന്റെ കവാടത്തിനു മുന്നിൽ പരിശുദ്ധ കന്യകാമാതാവിന്റെ
കൗമാരപ്രായക്കാരിലെ സിനിമാ അനുകരണം
ഒരു വ്യക്‌തിയുടെ ജീവിതകാലഘട്ടങ്ങളിലെ ഏറ്റവും വർണഭരിതവും അതോടൊപ്പം തന്നെ സംഘർഷഭരിതവുമായ ഒരു കാലഘട്ടമാണ് കൗമാരകാലഘട്ടം. ശൈശവത്തിൽ നിന്ന് യൗവനത്തിലേക്കുള്ള
മുടി കൊഴിച്ചിൽ
സ്ത്രീകളെ അലട്ടുന്ന പ്രധാന പ്രശ്നങ്ങളിൽ ഒന്നാണ് മുടികൊഴിച്ചിൽ. പരസ്യങ്ങളിൽ കാണുന്ന എണ്ണകൾ മാറിമാറി പരീക്ഷിച്ചിട്ടും
കൗമാരക്കാരോട് സ്നേഹപൂർവം പെരുമാറാം
മിക്ക മാതാപിതാക്കൾക്കും തങ്ങളുടെ മക്കളോട് അവരുടെ ബാല്യത്തിൽ നല്ല ബന്ധമാണ് ഉള്ളത്.
അഭിനയം ഭർത്താവിന്റെ ആത്മശാന്തിക്കായി
അണിഞ്ഞൊരുങ്ങി നടക്കുന്ന പെൺകുട്ടികളെ കണ്ടാൽ, ‘വലിയ സുന്ദരി വന്നിരിക്കുന്നു, കെ.ആർ വിജയയാണെന്നാ പെണ്ണിന്റെ ഭാവം’ എന്ന് ജനം കുശുമ്പുപറഞ്ഞൊരു കാലമുണ്ടായിരുന്നു.
മിന്നിത്തിളങ്ങാൻ മൃദുല
രാഗ്ദേശിലൂടെ ഹിന്ദി സിനിമാരംഗത്തേക്ക് പ്രവേശിക്കുകയാണ് മൃദുല മുരളി. ഡാൻസും മോഡലിംഗും ആങ്കറിങ്ങുമെല്ലാം മുതൽക്കൂട്ടായിട്ട് ഉണ്ടെങ്കിലും അഭിനയത്തിനു തന്നെയാണ്
ഭക്ഷണത്തിലും വേണം ശ്രദ്ധ
ബാല്യത്തിന്റെ നിഷ്കളങ്കതയും കൗമാരത്തിന്റെ കുതൂഹലവും കഴിഞ്ഞു ഉത്തരവാദിത്വമേറുന്ന യൗവനം. മുൻപിൽ പഠനത്തിന്റെ മൂർധന്യത, ജോലി കിട്ടാനുള്ള വെപ്രാളം,
യുവതിയും യുവാവും ഭാര്യയും ഭർത്താവുമാകുമ്പോൾ
വ്യക്‌തിബന്ധങ്ങളാണു സാമൂഹിക ജീവിതത്തിന്റെ അടിസ്‌ഥാന ശിലകൾ. വ്യക്‌തിബന്ധങ്ങൾ കുടുംബജീവിതത്തിൽ നിന്ന് രൂപം കൊള്ളുകയും കുടുംബങ്ങളിലൂടെ വളരുകയും ചെയ്യുന്നു.
കുട്ടികളിലെ പോഷകാഹാരക്കുറവ് തടയാം
കേരളത്തിൽ അഞ്ചു വയസിൽ താഴെയുള്ള കുട്ടികളിൽ 18.5 ശതമാനത്തിന് തൂക്കക്കുറവും 19.4 ശതമാനത്തിന് വളർച്ചാ മുരടിപ്പും ഉണ്ട്. ഗർഭധാരണം മുതലുള്ള ആദ്യ 1000 ദിവസങ്ങളിലാണ...
യാത്ര കുടുംബസമേതം
നിങ്ങൾക്കു സ്നേഹമില്ലാത്ത ഒരാൾക്കൊപ്പം ഒരിക്കലും യാത്രയ്ക്കായി ഇറങ്ങിത്തിരിക്കരുത് എന്നു പറഞ്ഞത് ഏണസ്റ്റ് ഹെമിംഗ് വേ. സമ്മതിച്ചു.
മനസ് തുറക്കാം
ഏതു ബന്ധവും വളരണമെങ്കിൽ ശരിയായ ആശയവിനിമയം ആവശ്യമാണ്. ഇതു കുടുംബജീവിതത്തിലും വിവാഹബന്ധത്തിലും അത്യന്താപേക്ഷിതമാണ്.
കാമറയ്ക്കുള്ളിലെ വധൂവരന്മാർ
മാതാപിതാക്കൾ ആലോചിച്ച് ഉറപ്പിച്ച വിവാഹം. പെണ്ണുംചെറുക്കനും വിദേശത്ത് ആയതുകൊണ്ട് നേരിൽ കണ്ടിട്ടില്ല. സ്കൈപ്പിലൂടെ ഇരുവരും കണ്ടു ഇഷ്‌ടപ്പെട്ടു വിവാഹം ഉറപ്പിച്ചു.
ക്രിസ്മസ് രുചി
തൂമഞ്ഞിൻ തണുപ്പു പൊഴിയുന്ന ഡിസംബർ രുചിയുടെ കാലം കൂടിയാണ്. നക്ഷത്ര വിളക്കും പുൽക്കൂടും ദേവാലയ ശുശ്രൂഷകളും വിരുന്നെത്തുന്ന അതിഥികളും സുഹൃത്തുക്കളും ചേർന്നു
ക്രിസ്മസ് പാചകം– എഗ് ലെസ് കേക്ക്
മഞ്ഞു പൊഴിച്ചും നക്ഷത്രവിളക്കുകൾ തെളിച്ചും പള്ളിമണികൾ ആരാധനാപൂർവം മുഴക്കിയുമാണ് ക്രിസ്മസ് വിരുന്നെത്തുന്നത്. ഇതോടൊപ്പം നാവിൽ അലിഞ്ഞു ചേരുന്ന കേക്കിന്റെ മധുരം കൂ...
സുന്ദരി നീയും സുന്ദരൻ ഞാനും
ജീവിതത്തിലെ ഏറ്റവും പ്രധാനപ്പെട്ട ദിവസം സൗന്ദര്യത്തോടെ ഇരിക്കാൻ പുരുഷനും ആഗ്രഹിക്കും. സാധാരണ എല്ലാ കണ്ണുകളും വധുവിലാണ് തങ്ങിനിൽക്കുക. അൽപമൊന്നു ശ്രമിച്ചാൽ വരനും...
അശാന്തിയുടെ തീരത്ത്...
ഇരുപത്തിയെട്ടു വർഷം മുമ്പ് വിവാഹിതരായവരാണ് സാമും സുജയും. സർക്കാർ ഉദ്യോഗസ്‌ഥനായ സാം ജോലിയിൽ നിന്ന് വിരമിച്ചിട്ട് ഒരുവർഷമായി. മകൾ എൻജിനിയറിംഗ്
മന്ത്രകോടിയിൽ തിളങ്ങാം
വിവാഹം എന്നത് ജീവിതത്തിലെ ഏറ്റവും മഹനീയവും ആഹ്ലാദകരവുമായ ഒരു അനുഭവമാണ്. അതിനാൽ വിവാഹത്തിനു ഏറ്റവും മനോഹരമായി അണിഞ്ഞൊരുങ്ങുക എന്നത്
കുടുംബജീവിതം മനോഹരമാക്കാം
വിവാഹം അവിവാഹിതരെ ഏറെ മോഹിപ്പിക്കുകയും വിവാഹിതരെ കുറേയേറെ നിരാശരാക്കുകയും ചെയ്യുന്ന പ്രതിഭാസമാണെന്ന് ഹാസ്യരൂപേണ പറയാറുണ്ട്. തമാശയാണെങ്കിലും
തയാറെടുക്കാം, വിവാഹത്തിനായി
വിവാഹമെന്നത് പവിത്രമായ ഒരു ബന്ധമാണ്. ഇത് രണ്ട് വൃക്‌തികളെ ഒന്നാക്കുന്നു. ജീവിതത്തിന്റെ ഓരോ പടവുകളിലും താങ്ങായി ഞാൻ നിന്നോടൊപ്പമുണ്ട് എന്ന ഓർമപ്പെടുത്തൽ
രുചിയോടെ ചായകൾ
ലോകമെമ്പാടും ഇഷ്ടപ്പെടുന്ന ഒരു പാനീയമാണു ചായ. കാരണം മനസിനും ശരീരത്തിനും ഒരുപോലെ ഉണർവു പകരാൻ ചായയ്ക്കു കഴിയും. എല്ലാ നാട്ടിലും ചായ ഉപയോഗിക്കുന്നുണ്ടെങ്കിലും
തൈറോയ്ഡ് കാൻസറിനെ അറിയാം
തൈറോയ്ഡിസ് എന്ന ഗ്രീക്ക് പദത്തിൽ നിന്നാണ് തൈറോയ്ഡ് എന്ന വാക്ക് ഉണ്ടായത്. കവചരൂപത്തിലുള്ള ഗ്രന്ഥി എന്നാണ് ഇതിനർഥം. മുൻകഴുത്തിൽ മധ്യഭാഗത്തിനു താഴെയാണ്
ഗർഭാശയഗള കാൻസറിനെ കരുതിയിരിക്കാം
ഇന്ത്യയിൽ സ്ത്രീകളിലെ കാൻസറുകളിൽ ഒന്നാം സ്‌ഥാനത്താണ് ഗർഭാശയഗള കാൻസർ. കേരളത്തിൽ രണ്ടാം സ്‌ഥാനത്തും. ഗർഭാശയഗള കാൻസറിന്റെ കാരണം ഹ്യൂമൻ പാപ്പിലോമ വൈറസ്
കൊഞ്ചിക്കാം, കുഞ്ഞുവാവയെ
കുഞ്ഞുങ്ങളെ കൊഞ്ചിക്കാൻ എല്ലാവർക്കും ഇഷ്ടമാണ്. കുഞ്ഞുമായി കളിക്കുകയും കുഞ്ഞുങ്ങളെ ലാളിക്കുകയും പാട്ടുപാടുകയും കഥ പറയുകയുമൊക്കെ ചെയ്യുമ്പോൾ അവരുടെ....
ആർത്തവ വിരാമ കാലത്തെ ഭക്ഷണം
സ്ത്രീകളെ സംബന്ധിച്ചു ഋതുമതിയാകുന്നതുപോലെ തന്നെ പ്രധാനപ്പെട്ട ഘട്ടമാണ് ആർത്തവവും. സാധാരണയായി 51 വയസിനു മുകളിലുള്ള സ്ത്രീകളിൽ ക്രമേണ ആർത്തവം നിലയ്ക്കുന്ന
സ്ത്രീകളിലെ പ്രമേഹം
പ്രമേഹരോഗികളായ സ്ത്രീകളുടെ എണ്ണം ഇന്ന് കൂടിവരുകയാണ്. ജീവിതശൈലീ രോഗമുള്ള പുരുഷനേക്കാൾ സ്ത്രീക്ക് സമ്മർദം ഏറെയാണ്. അത് അവരെ പ്രമേഹത്തിലേക്കു നയിക്കാം.
അമിതവണ്ണം കുറയ്ക്കാം
അമിതവണ്ണക്കാരിൽ ജീവിതാവസാനം വരെ അതൊരു ശാപമായി തുടരുന്നു. ജീവിത സാഹചര്യങ്ങളടക്കം പല ഘടകങ്ങളും ഒരു വ്യക്‌തിയെ പൊണ്ണത്തടിയുടെയും കുടവയറിന്റെയും
ആർത്തവ വിരാമം; പേടി വേണ്ട
ഒരു സ്ത്രീയുടെ ജീവിതത്തിലെ ഏറ്റവും വലിയ നാഴികക്കല്ലുകളിലൊന്നാണ് ആർത്തവവിരാമം. ഈ സമയത്ത് അവളിൽ ധാരാളം ശാരീരികവും മാനസികവുമായ മാറ്റങ്ങൾ സംഭവിക്കുന്നു.
ജീവിതശൈലീ രോഗങ്ങളെ പുറത്താക്കാം
മാറിവരുന്ന ജീവിതശൈലിയും വ്യായാമക്കുറവും ഇന്ന് സ്ത്രീകളെ ജീവിതശൈലീ രോഗങ്ങളുടെ ഉടമകളാക്കിയിരിക്കുകയാണ്. പ്രമേഹം, ബി.പി, കൊളസ്ട്രോൾ തുടങ്ങിയ ജീവിതശൈലീ......
സന്ധിവാതത്തോടു ബൈ പറയാം
സന്ധിവാതം എന്നത് ഇന്ന് സർവസാധാരണമായി കേൾക്കുന്ന ഒരു വാക്കായി മാറിക്കഴിഞ്ഞു. ലോകാരോഗ്യ സംഘടനയുടെ കണക്കു പ്രകാരം 60 വയസിനു മുകളിലുള്ള വരിൽ
വിഷമിപ്പിക്കുന്ന വെള്ളപോക്ക്
സ്ത്രീകൾ പൊതുവേ പുറത്തുപറയുവാൻ മടിക്കുന്നതും എന്നാൽ അവരിൽ സാധാരണയായി കണ്ടുവരുന്നതുമായ ഒരു പ്രശ്നമാണ് വെള്ളപോക്ക്. അസ്‌ഥിയുരുക്കം എന്നും അസ്‌ഥിസ്രാവം
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
tech@deepika
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.