Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back To Business |


പുതിയ മേഖലകൾ, പുത്തൻ ആശയങ്ങൾ
നോട്ടു പിൻവലിക്കലിനെത്തുടർന്നു ഗവൺമെന്റ് ഡിജിറ്റൽ ഇന്ത്യയ്ക്ക് ഊന്നൽ നൽകുന്നത് നവംസംരംഭങ്ങൾക്കു വഴിയൊരുക്കുകയാണ്. സാധാരണ കട മുതൽ ശതകോടി കമ്പനികൾ വരെ ഡിജിറ്റൽ യുഗത്തിലേക്ക് മാറുവാൻ നിർബന്ധിതമാവുകയാണ്. ഇവയുടെ ഡിജിറ്റൽ ഉപയോഗത്തിൽ ഏറ്റക്കുറച്ചിലുകൾ ഉണ്ടെന്നേയുള്ളു.

ഈ സഹാചര്യത്തിൽ പുതിയ ആശയവും പുതിയ ഉത്പന്നങ്ങളുമായി ഇന്ത്യയിൽ നിരവധി സ്റ്റാർട്ടപ്പുകൾ എത്തിത്തുടങ്ങിയിട്ടുണ്ട്. എല്ലാ മേഖലകളിലും ഇതിന്റെ അലയടികൾ ഉയരുകയും ചെയ്യുന്നു. സ്റ്റാർട്ടപ്പുകളുടെ എണ്ണത്തിൽ മൂന്നാം സ്‌ഥാനത്താണ് ഇന്ത്യ. ഒന്നാം സ്‌ഥാനത്ത് അമേരിക്കയും രണ്ടാം സ്‌ഥാനത്ത് ബ്രിട്ടനും.

രാജ്യത്തെ സ്റ്റാർട്ടപ്പുകൾ വഴി 80,000–85,000 തൊഴിലവസരങ്ങളാണ് സൃഷ്‌ടിക്കപ്പെട്ടത്. ഇന്ത്യൻ സ്റ്റാർട്ടപ്പ് മേഖലയിൽ 2020 ഓടെ രണ്ടു ലക്ഷം തൊഴിലവസരങ്ങൾ സൃഷ്‌ടിക്കപ്പെടുമെന്ന് നാസ്കോം–സിത്തോവ് പഠന റിപ്പോർട്ടുകൾ വ്യക്‌തമാക്കുന്നു. 2016 ൽ ഇന്ത്യൻ സ്റ്റാർട്ടപ്പ് മേഖല 2.2 ഇരട്ടി വാർഷിക വളർച്ച കൈവരിച്ചിട്ടുണ്ട്. 2020 ആകുമ്പോഴേക്കും ഇന്ത്യയിൽ 10,500 സ്റ്റാർട്ടപ്പുകളുണ്ടാകുമെന്ന് കണക്കുകൾ വ്യക്‌തമാക്കുന്നു. 2015ൽ 350 ഓളം സ്റ്റാർട്ടപ്പുകൾ കാമ്പസുകളിൽ നിന്നു തന്നെ രൂപപ്പെട്ടു. ടെക്നോളജി സ്റ്റാർട്ടപ്പുകളാണ് കൂടുതലായി രൂപപ്പെടുന്നത്. സാമ്പത്തിക, വിദ്യാഭ്യാസ മേഖലയുമായി ബന്ധപ്പെട്ട് യഥാക്രമം ഫിൻടെക്, എഡ്യൂടെക് (എശി ലേരവ., ഋറൗ ലേരവ) എന്നിവയിൽ വരും വർഷങ്ങളിൽ വൻ വളർച്ചയാണ് പ്രതീക്ഷിക്കുന്നത്. മറ്റൊരു മേഖല ആരോഗ്യ–മെഡിക്കൽ മേഖലയാണ്.

രാജ്യത്തെ 65 ശതമാനത്തിലധികം സ്റ്റാർട്ടപ്പുകളും മുബൈ, ബാംഗ്ലൂർ കേന്ദ്രീകരിച്ചാണ് പ്രവർത്തിക്കുന്നത്.

ഫിൻടെക്

ഇന്ത്യയിൽ ഏറ്റവും കൂടുതൽ സ്റ്റാർട്ടപ്പ് നിക്ഷേപങ്ങൾ നടക്കുന്നത് ഫിൻടെക് മേഖലയിലാണ്. ഇപ്പോൾ ചെയ്തുവരുന്ന ബിസിനസ് രീതിയിൽ പുനർനിർവചനം നടത്തുകയാണ് ഫിൻടെക് സ്റ്റാർട്ടപ്പുകൾ. ഈ മേഖല ആരംഭിച്ചിട്ടേയുള്ളുവെന്നാണ് വിലയിരുത്തുന്നത്. ആഗോള തലത്തിൽത്തന്നെ ഫിൻടെക് ഇടത്തിലേക്ക് പണം ഒഴുകുകയാണ്. ഇന്ത്യൻ ഫിൻടെക് കമ്പനികൾ തുടങ്ങിയിട്ടേയുള്ളു.

നോട്ട് പിൻവലിക്കലും ധനകാര്യ ഉൾപ്പെടുത്തലും ഈ മേഖലയിൽ വൻ വളർച്ചയുടെ വാതിലുകളാണ് തുറന്നിട്ടുള്ളത്. ഇന്ത്യയിൽ നാനൂറിലധികം ഫിൻടെക് കമ്പനികൾ പ്രവർത്തിക്കുന്നുണ്ടെന്നാണ് നാസ്കോം വിലയിരുത്തുന്നത്. 2020–ഓടെ ഇന്ത്യൻ ഫിൻടെക് സോഫ്റ്റ്വേർ വിപണി 245 കോടി ഡോളറാകുമെന്നും നാസ്കോം വിലയിരുത്തുന്നു.

കാഷ്ലെസ് ഇക്കോണമിയായി ഇന്ത്യയെ മാറ്റാനുള്ള കേന്ദ്ര സർക്കാരിന്റെ തീരുമാനത്തോടെ ഡിജിറ്റൽ ട്രാൻസാക്ഷൻ മേഖലയിൽ പുതിയ സ്റ്റാർട്ടപ്പുകൾക്കും ഊർജം പകരുകയാണ്. പേടിഎമ്മും ഫ്രീചാർജുമൊക്കെ അരങ്ങുവാഴുന്നുണ്ടെങ്കിലും ഈ മേഖലയിൽ വലിയ സാധ്യതകളാണ് പുതിയ സംരംഭകരെയും കാത്തിരിക്കുന്നത്. ഗൂഗിൾ–ബോസ്റ്റൺ കൺസൾട്ടൻസി ഗ്രൂപ്പിന്റെ കണക്ക് പ്രകാരം അടുത്ത നാല് വർഷത്തിനുള്ളിൽ ഇന്ത്യയിൽ 500 ബില്യൺ ഡോളറിന്റെ ഇടപാടുകൾ ഡിജിറ്റൽ പേമെന്റിലൂടെ നടക്കുമെന്നാണ് പ്രതീക്ഷിക്കുന്നത്. 2023 ഓടെ കറൻസിയെ പിന്തള്ളി ഡിജിറ്റൽ ഇടപാടുകൾ മുൻപന്തിയിലെത്തും. 2025 ആകുമ്പോഴേക്കും ഇത് 59 ശതമാനത്തിൽ എത്തും.

നിലവിലുള്ള ഫിൻടെക് സ്റ്റാർട്ടപ്പുകളിൽ കൂടുതലും റീട്ടെയിൽ മേഖലയിലാണ് ശ്രദ്ധകേന്ദ്രീകരിച്ചിരിക്കുന്നത്. അടുത്ത അഞ്ച് വർഷത്തോടെ ഫിൻടെക് മേഖലയിൽ 1,000 സ്റ്റാർട്ടപ്പുകൾ ഉണ്ടാകുമെന്നാണ് പ്രതീക്ഷിക്കുന്നത്. 4ജിയുടെയും ഗ്രാമങ്ങളിൽ ബ്രോഡ്ബാൻഡിന്റയും വളർച്ച വർധിക്കുന്നതോടെ ഡിജിറ്റൽ ഇടപാടുകൾ വർധിക്കുക തന്നെ ചെയ്യും. നിലവിൽ ലോകത്തിലെ തന്നെ ഏറ്റവു കൂടുതൽ വളർച്ചപ്രാപിക്കുന്ന ഇന്റർനെറ്റ് ഇക്കോണമിയാണ് ഇന്ത്യയുടേത്.

കണക്ടിവിറ്റി രംഗത്തെ വളർച്ച സ്റ്റാർട്ടപ്പുകൾക്ക് ഏറെ പ്രയോജനപ്പെടും. 2020 ഓടെ ഇന്ത്യയിൽ ഒരു ബില്ല്യൻ മൊബൈൽ ഉപയോക്‌താക്കളുണ്ടാകുമെന്നാണ് ജിഎസ്എംഎയുടെ പഠനം വ്യക്‌തമാക്കുന്നത്. ആഗോളതലത്തിൽ ഇന്ത്യയ്ക്ക് മൊബൈൽ ഉപയോക്‌താക്കളുടെ എണ്ണത്തിൽ രണ്ടാം സ്‌ഥാനമാണുള്ളത്. മൊബൈൽ സമ്പദ് വ്യവസ്‌ഥ–2016 പഠനറിപ്പോർട്ടിൽ ജനസംഖ്യയിൽ പകുതിപേരും മൊബൈൽ സേവനം ഉപയോഗിക്കുന്നതായി കണ്ടെത്തിയിട്ടുണ്ട്. 2020 ഓടെ 350 ദശലക്ഷം പുതിയ ഉപയോക്‌താക്കളെയാണ് പ്രതീക്ഷിക്കുന്നത്. ഇത് 2015 ലെ 47 ശതമാനത്തിൽ നിന്നും 68 ശതമാനത്തിലെത്തും. 3ജി, 4ജി കണക്ഷൻ എടുക്കുന്നവരുടെ എണ്ണം 2020 ഓടെ 670 ദശലക്ഷത്തിലെത്തുമെന്നാണ് കണക്ക്.

ആധാർ, യുപിഐ, 4ജി നെറ്റവർക്ക് എന്നിവയുടെ സംയോജനത്തോടെ ഉപഭോക്‌താക്കളിൽ ഒരു ഏകീകരണം ഉണ്ടാകും. ഇത് ഫിൻടെക് സ്റ്റാർട്ടപ്പുകളിലെ വളർച്ചയും വേഗത്തിലാകും.

ഡിജിറ്റൽ പേമെന്റിലേക്ക് മാറുന്നതിന് ചെറുകിട ഇടത്തരം ബിസിനസുകൾക്ക് ബജറ്റിൽ ആനുകൂല്യങ്ങൾ പ്രഖ്യാപിക്കുവാൻ ഒരുങ്ങുകയാണ് ഗവൺമെന്റ്. എങ്ങനേയും ഏതാനും വർഷങ്ങൾക്കുള്ളിൽ കാഷിന്റെ മുന്നിൽ ഡിജിറ്റൽ പേമെന്റിനെ എത്തിക്കുന്നതിനു ഗവൺമെന്റ് എല്ലാ ശ്രമവും നടത്തുകയാണ്.

ഇതു പുതിയ ബിസനസുകൾക്ക് അവസരമൊരുക്കുന്നു. ഡെലിവറി മെച്ചപ്പെടുത്തുന്നതിനുള്ള സാങ്കേതിക വിദ്യയും സ്‌ഥാപനങ്ങളും ഏറ്റവും അവശ്യമാണ്. പണമിടപാടായതിനാൽ അതിന്റെ സുരക്ഷയും പ്രധാനമാണ്. ചെറുതും വലുതുമായ കോടിക്കണക്കിനു സ്‌ഥാപനങ്ങൾ ഉള്ളതിനാൽ നിരവധി സ്‌ഥാപനങ്ങൾക്ക് ഈ മേഖലകളിൽ സാധ്യതയുണ്ട്.

എടിഎം, ഡെബിറ്റ്, ക്രെഡിറ്റ് കാർഡുകൾ, വാലറ്റുകൾ, മറ്റു കാർഡുകൾ തുടങ്ങിയവയ്ക്കു പകരമുള്ള ഡെലിവറി സംവിധാനവും അതിന്റെ സുരക്ഷയും ഉയർന്നുവരുന്ന മേഖലയാണ്.ധനകാര്യമേഖലയിൽ തന്നെ നിക്ഷേപം, വായ്പ എന്നിവയിൽ നിരവധി സാധ്യതകളാണ് നിലനിൽക്കുന്നത്.

ലോജിസ്റ്റിക്

ചരക്ക് സേവനരംഗത്ത് 2016 ലെ കണക്കുകൾ പ്രകാരം വിവിധ സ്റ്റാർട്ടപ്പുകളിൽ 119 മില്യൺ ഡോളറിന്റെ നിക്ഷേപമാണ് ഉണ്ടായത്. കഴിഞ്ഞ വർഷം പക്ഷേ ഈ രംഗത്ത് അത്ര അനുകൂലമായിരുന്നില്ല. പുതിയ രീതിയിലുള്ള ഇന്നവേഷനും ഏകീകരണവും വേണ്ട മേഖലയായതുകൊണ്ടു തന്നെ വരും നാളുകളിൽ പുതിയ സാധ്യതകൾ ഇവിടെയുമുണ്ടാകും. 30 മുതൽ 40 ദിവസത്തെ ക്രെഡിറ്റിലാണ് ചരക്ക് സേവനരംഗം പ്രവർത്തിക്കുന്നത് എന്നതുതന്നെയാണ് സ്റ്റാർട്ടപ്പുകൾക്കും പ്രശ്നമായി നിൽക്കുന്നത്. മാത്രമല്ല ചരക്ക് സേവനമേഖല വിവിധ ഭാഗങ്ങളിലായി ചിതറിക്കിടക്കുന്നതിനാൽ ഇവ തമ്മിലുള്ള ഏകീകരണവും ബുദ്ധിമുട്ടുണ്ടാക്കുന്നു.

എന്നാൽ കേന്ദ്രസർക്കാരിന്റെ ചരക്ക് സേവന നികുതിയും കാഷ്ലെസ് പദ്ധതിയും ഇതിൽ മാറ്റമുണ്ടാകും. ധനഇടപാടുകൾ വേഗത്തിലാകുന്നതോടെ കൂടുതൽ നിക്ഷേപങ്ങളും ടെക്നോളജിയും മേഖലയിലേക്കെത്തും. 2020 ഓടെ 307 ബില്യൺ ഡോളറിന്റെ നിക്ഷേപമാണ് ലോജിസ്റ്റിക് മേഖലയിൽ പ്രതീക്ഷിക്കുന്നത്.

എഡ്യൂടെക്

കണ്ണൂർ അഴിക്കോട് സ്വദേശിയായ ബൈജു രവീന്ദ്രൻ തയാറാക്കിയ എഡ്യുടെക് സ്റ്റാർട്ടപ്പായ ബൈജൂസ് ആപ്പ് ഇന്ന് 3,500 കോടി മൂല്യമുള്ള സ്റ്റാർട്ടപ്പ് കമ്പനിയാണ്. കഴിഞ്ഞ വർഷം അവസാനത്തോടെ ഫേസ്ബുക്ക് സ്‌ഥാപകൻ മാർക് സുക്കർബർഗിന്റെയും ഭാര്യ ചാൻ സുക്കർബർഗിന്റെയും ഉടമസ്‌ഥതയിലുള്ള സിഎസ്ഐ ഇനിഷ്യേറ്റീവ് ബൈജൂസ് ആപ്പിൽ നിക്ഷേപിച്ചത് 332 കോടി രൂപയാണ്. ആറാം ക്ലാസ് മുതൽ പ്ലസ് ടു വരെയുള്ള കുട്ടികൾക്ക് ഗണിതം, ശാസ്ത്രം എന്നീ വിഷയങ്ങളിൽ മൊബൈൽ ആപ്പിന്റെ സഹായത്തോടെ പഠനം എളുപ്പമാക്കുന്ന സംരംഭമാണ് ബൈജൂസ് ലേണിംഗ് ആപ്പ്. ഇതിനോടകം തന്നെ ആപ്ലിക്കേഷൻ 5.5 ദശലക്ഷം പേർ ഡൗൺലോഡ് ചെയ്തു. 250,000 വാർഷിക പെയ്ഡ് ഉപഭോക്‌താക്കളുണ്ട്.

ഇന്ത്യയിൽ മുഴുവൻ 1.4 ദശലക്ഷം വിദ്യാഭ്യാസ സ്‌ഥാപനങ്ങളിലായി 227 ദശലക്ഷം വിദ്യാർഥികൾ ഉണ്ടെന്നാണ് കണക്കാക്കുന്നത്. ഇവർക്കായി ഇപ്പോൾ ഉള്ളത് 270 എഡ്യുടെക് സ്റ്റാർട്ടപ്പുകളും. മിക്ക സ്റ്റാർട്ടപ്പുകളും മികച്ച വിദ്യാഭ്യസ രീതി രൂപികരിക്കുന്നതിന്റെ പരീക്ഷണത്തിലുമാണ്.

പതിയെ മാത്രം വളർച്ച പ്രകടമാക്കുന്ന സ്റ്റാർട്ടപ്പ് മേഖലയാണ് എഡ്യൂടെക് എന്നു വിളിക്കുന്ന വിദ്യാഭ്യാസ രംഗം. ഉപയോഗിക്കുന്നവരിൽ വിശ്വാസ്യത ഉണ്ടാക്കിയെടുക്കുന്നതിനായി കൂടുതൽ കഠിനാധ്വാനം വേണ്ടിവരികയും ചെയ്യും. സൗജന്യമായ നിരവധി സങ്കേതങ്ങൾ ഉള്ളതുകൊണ്ടു തന്നെ പെയ്മെന്റ് നൽകിയുള്ള സ്റ്റാർട്ടപ്പുകൾ അതിനു തക്കവിധത്തിലുള്ള സേവനം നൽകിയെങ്കിൽ മാത്രമേ പിടിച്ചു നിൽക്കാനാകൂ.

ഉന്നത വിദ്യാഭ്യാസത്തിന് ചെലവേറുന്ന കാലഘട്ടമാണ് വരുന്നത്. അതുകൊണ്ടു തന്നെ ചെലവു കുറഞ്ഞ സൗകര്യപ്രദമായ പുതിയ പാഠ്യരീതിയിലേക്ക് സമൂഹവും മാറിത്തുടങ്ങുകയാണ്. ഈ സാധ്യത തന്നെയാണ് എഡ്യൂടെക് സ്റ്റാർട്ടപ്പുകളെയും കാത്തിരിക്കുന്നത്.

വേദാന്ത്, ബൈജൂസ് ലേണിംഗ്, സൂപ്പർപ്രോഫ്സ്, സിംപ്ലീ ലേൺ, നയീ ദിശ, എംബൈബ്, സ്കൂൾ ഗുരു, ടെസ്റ്റ് ബുക്ക് തുടങ്ങിയ സ്റ്റാർട്ടപ്പുകൾ ഈ വിഭാഗത്തിൽ മുൻ നിരയിൽ നിൽക്കുന്നവയാണ്. മുൻ വർഷങ്ങളെവച്ചു നോക്കിയാൽ എഡ്യുടെക് മേഖലയിൽ ഏറ്റവും കൂടതൽ നിക്ഷേപമുണ്ടായത് 2015 ലാണ്. 115.7 മില്യൺ ഡോളറിന്റെ നിക്ഷേപമാണ് ആ വർഷം നടന്നത്. 2016 ൽ ഇത് 77.6 മില്യൺ ഡോളറിലേക്ക് ഒതുങ്ങി.

ആരോഗ്യം, മെഡിക്കൽ

വിദ്യാഭ്യാസംപോലെ തന്നെ പുതിയ സംരംഭങ്ങൾക്കു വളരെ സാധ്യതയുള്ള മേഖലയാണ് ആരോഗ്യം, മെഡിക്കൽ മേഖല. ടെലിമെഡിസിൻ മുതൽ മെഡിക്കൽ ഡിജിറ്റൽ ഡേറ്റ വരെയുള്ള സംരംഭങ്ങൾക്കു സാധ്യതയേറെയാണ്. മെഡിക്കൽ റിക്കാർഡുകൾ ഡിജിറ്റലായി സൂക്ഷിക്കുന്ന എച്ച് ക്യൂ അടുത്തകാലത്ത് ആരംഭിച്ച് അതിവേഗം വളരുന്ന സംരംഭമാണ്. പോർത്തിയ മെഡിക്കൽ, മെഡ്ജെനോം, ലൈബ്രേറ്റ്, മെഡ്വെൽ വെൻച്വർ തുടങ്ങി നിരവധി കമ്പനികൾ ഈ മേഖലയിൽ അടുത്തകാലത്ത് പ്രവേശിക്കുകയും വളർന്നുകൊണ്ടിരിക്കുകയും ചെയ്യുന്നവയാണ്.

ഈ മേഖലയിൽ ഡേറ്റ മൈനിംഗിനും വലിയ സാധ്യതയാണ്. മരുന്നുത്പാദനം, ആരോഗ്യ സംരക്ഷണം, ഹെൽത്ത് മാനേജ്മെന്റ്, ഡോക്ടർ നെറ്റ്വർക്കിംഗ് ആൻഡ് എൻഗേജ്മെന്റ്, ഇ–കൊമേഴ്സ് ഫാർമസി, പേഷ്യൻ എഡ്യൂക്കേഷൻ നെറ്റ്വർക്ക്, ലൈഫ് സ്റ്റൈൽ സർവീസസ്, ഹെഡ്ത്ത് ഡിവൈസസ് തുടങ്ങിയവയിൽ നിരവധി സാധ്യതകളാണുള്ളത്. ഇന്ത്യൻ ജനസംഖ്യതന്നെയാണ് ഈ മേഖലയിലെ സംരംഭക സാധ്യതകൾ തുറന്നു തരുന്നത്.

സൈബർ സെക്യൂരിറ്റി

പുതിയ കാലഘട്ടത്തിൽ എല്ലാം ഇന്റർനെറ്റ് അധിഷ്ഠിതമായതോടെ സൈബർ സുരക്ഷാ മേഖലയുടെ പുതിയ വാതിലുകൾ സ്റ്റാർട്ടപ്പുകൾക്കായി തുറന്നിരിക്കുകയാണ്. സൈബർ സെക്യൂരിറ്റി മേഖലഏതാണ്ടുതന്നെ വിദേശരാജ്യങ്ങൾക്ക് കയ്യടക്കി വച്ചിരിക്കുന്നിടത്തേക്കാണ് നൂതന ആശയങ്ങളുമായി ഇന്ത്യൻ സ്റ്റാർട്ടപ്പുകൾ എത്തുന്നത്.

കാഷ്ലെസ് ഇന്ത്യയുടെ ഭാഗമായി ഡിജിറ്റൽ ഇടപാടുകൾ കൂടുതൽ വർധിച്ചതോടെ കൂടുതൽ സൈബർ സുരക്ഷയും ആവശ്യമായി വന്നിരിക്കുന്നു. അതുകൊണ്ടു തന്നെ സൈബർ സെക്യൂരിറ്റി സ്റ്റാർട്ടപ്പുകൾക്ക് അനുകൂലമായ അന്തരീക്ഷമാണ് ഇപ്പോഴുള്ളത്. രാജ്യത്തെ 120–ലധികം സ്റ്റാർട്ടപ്പുകളിലായി 286 മില്യൺ ഡോളറിന്റെ നിക്ഷേപമാണ് ഇതുവരെ ഉണ്ടായിരിക്കുന്നത്. 2014ൽ മൊത്തം 29 കമ്പനികളാണ് ഉണ്ടായിരുന്നതെങ്കിൽ 2015ൽ മാത്രം പുതുതായി 27 കമ്പനികളാണ് രൂപംകൊണ്ടത്.

ഡേറ്റ സെക്യൂരിറ്റി കൗൺസിൽ ഓഫ് ഇന്ത്യയുടെ കണക്കുകൾ പ്രകാരം നിലവിൽ 400 കോടി ഡോളർ വിലയുള്ളതാണ് ഇന്ത്യയിലെ സൈബർ സെക്യൂരിറ്റി മാർക്കറ്റ്.

2025 ആകുമ്പോഴേക്കും ഇത് 3500 കോടി ഡോളറിലേക്ക് വളർച്ചപ്രാപിക്കുമെന്നാണ് പ്രതീക്ഷിക്കുന്നത്. വലിയ മാറ്റങ്ങൾക്കു വിധേയമായിക്കൊണ്ടിരിക്കുന്നതിനാൽ ഡിജിറ്റൽ സൈബർ സെക്യൂരിറ്റി മേഖയിൽ ഗവൺമെന്റും കൃത്യമായൊരു റിപ്പോർട്ടു തയാറാക്കുന്നതേയുള്ളു. ഇതും പുതിയ സ്റ്റാർട്ടപ്പുകൾക്ക്് പുത്തൻ പരീക്ഷണത്തിന് വഴികൾ തുറന്നു തരുന്നു. ലോകമൊട്ടാകെ സൈബർ സെക്യൂരിറ്റി മേഖലയിൽ നിരവധി സ്റ്റാർട്ടപ്പുകൾ ഉയർന്നുവരുകയാണ്.

മനീഷ് മാത്യു

വരും നാളുകൾ അഗ്രിബിസിനസിന്‍റേത്
കാർഷികോത്പന്നങ്ങൾക്ക് മൂല്യവർധനവിലൂടെ മെച്ചപ്പെട്ട വരുമാനം ലഭ്യമാക്കുന്നതിനുള്ള ശ്രമത്തിലാണ്
"ആധാര'മാകുന്ന ആധാർ
ഭാവിയിൽ സാന്പത്തിക ഇടപാടുകൾ, സർക്കാർ സേവനങ്ങൾ അങ്ങനെ ഒരു പൗരനുമായി ബന്ധപ്പെട്ട
ഭവന വായ്പയുടെ നികുതിയിളവുകൾ
ഭവന വായ്പ എടുക്കുന്പോൾ ലഭിക്കുന്ന നികുതി ഇളവുകളാണ് ഏറ്റവും പ്രധാനം. മൂന്നു വകുപ്പുകളിലാണ് വീടിന്‍റെ
വീടിലൂടെ സന്പത്ത്
നെയ്യപ്പം തിന്നാൽ രണ്ടുണ്ട് ഗുണം... എന്ന ചൊല്ലുപോലെയാണ് വായ്പ എടുത്തു രണ്ടാമതൊരു വീടു വാങ്ങിയാ
സാം വാൾട്ടണ്‍: റീട്ടെയിൽ ബിസിനസിന്‍റെ കുലപതി
കച്ചവടത്തിൽ അഭിരുചിയുള്ള ഒരാൾക്ക് എത്തിപ്പെടാവുന്ന ഏറ്റവും ഉയർന്ന നിലയിൽ എത്തിയ ആൾ ആരെന്ന
മികവിന്‍റെ തിളക്കത്തിൽ പ്രിസ് ട്രേഡിംഗ് കന്പനി
ബിസിനസിൽ പുതുമകൾക്കു വലിയ സാധ്യതകളാണുള്ളത്
ഗ്രാൻഡ്മാസ് @ ഗ്രാൻഡ് സക്സസ്
മാതൃമനസിന്‍റെ മഹത്വമറിയുന്നവരെല്ലാം ഗ്രാൻഡ്മാസ് എന്ന നാമത്തോടു വിശുദ്ധമായൊരു ബന്ധം ഹൃദയത്തിൽ
ആതിഥ്യത്തിലെ ഉദയസൂര്യൻ
നാട്ടിൽ വന്നു കാറിൽ തിരിച്ചുപോകുന്പോഴാണ് താൻ പഠിച്ചിരുന്ന സ്കൂളിനു മുന്പിൽ ചെറിയൊരു ആൾക്കൂട്ടത്തെ കണ്ടത്.
സംതൃപ്തരായ ഉപഭോക്താക്കളുമായി ഉയർന്നു പറക്കാൻ സിൽക്ക് എയർ
സിംഗപ്പൂർ എയർലൈൻസിന്‍റെ റീജണൽ വിംഗായ സിൽക്ക് എയർ ഇന്ത്യ 27 വർഷത്തെ പ്രവർത്തന മികവുമായാണ്
റിയൽ എസ്റ്റേറ്റിലെ ‘പെർഫെക്ഷനിസ്റ്റ്’
പിഎൻസി മേനോൻ എന്നു പരക്കേ അറിയപ്പെടുന്ന പുത്തൻ നെടുവക്കാണ് ചെന്താമരാക്ഷ മേനോനെക്കുറിച്ചു
അടിസ്‌ഥാന സൗകര്യ മേഖലയാണ് താരം
വ്യക്‌തിഗത നികുതിദായകന് നികുതി നൽകേണ്ട വരുമാന പരിധി പുതുക്കിയത്, അടിസ്‌ഥാന സൗകര്യമേഖലയിൽ ചെലവഴിക്കൽ ഉയർത്താനുള്ള തീരുമാനം, ഇന്ത്യയെ ഡിജിറ്റൽ ഇക്കണോമിയിലേക്ക്
റീട്ടെയിലിംഗിന് ഊന്നൽ നൽകി പിഎൻബി ബാങ്ക്
തിരുവനന്തപുരം മുതൽ തൃശൂർ വരെ എട്ടു ജില്ലകളിലായി 77 ശാഖകളും 92 എടിഎുകളുമാണ് എറണാകുളം സർക്കിളിെൻറ കീഴിലുള്ളത്. നടപ്പുവർഷം 810 ശാഖകൾ തുറക്കുവാൻ ഉദ്ദേശിക്കുന്നതായി...
പലിശ കുറയ്ക്കലിന്‍റെ കാലം അവസാനിക്കുന്നു
റിസർവ് ബാങ്കിന്‍റെ പണനയ കമ്മിറ്റി റീപോ നിരക്കിൽ മാറ്റം വരുത്തിയില്ല. ഭൂരിപക്ഷം സാമ്പത്തിക വിദഗ്ധരും
കേരളീയർക്കിഷ്ടം സ്വർണപ്പണയ വായ്പ
കേരളീയർക്കിഷ്ടം സ്വർണം ഈടുവച്ച് വായ്പ എടുക്കുന്നതാണ്. സംസ്‌ഥാനത്തു നൽകിയിുള്ള റീട്ടെയിൽ വായ്പകളിൽ 35 ശതമാനവും സ്വർണപ്പണയത്തിന്മേലുള്ള വായ്പകളാണ്
മുൻഗണനാ മേഖലകളിൽ താങ്ങായി യൂണിയൻ ബാങ്ക്
രണ്ടു വർഷമായി ‘റാം’ യൂണിയൻ ബാങ്കിെൻറ സംസ്‌ഥാനത്തെ പ്രവർത്തനത്തിന് കരുത്തു പകരുന്നു.
കുട്ടികളുടെ വിദ്യാഭ്യാസത്തിനു തുക കണ്ടെത്താൻ മ്യൂച്വൽ ഫണ്ട്
ലളിതം, സുന്ദരം, സുതാര്യം! ഇക്വിറ്റി മ്യൂച്വൽ ഫണ്ടുകളെ അങ്ങനെ വിശേഷിപ്പിക്കുന്നതിൽ തെറ്റില്ല. ദീർഘകാലത്തിൽ സമ്പത്തു സൃഷ്ടിക്കാൻ
സാമ്പത്തിക മാന്ദ്യം നല്ലതോ?
എനിക്ക് ഉറപ്പാണ.് ഈ തലക്ക്െ വായിച്ച് നിങ്ങളെല്ലാം ഞെട്ടിയിരിക്കും. എഴുത്തുകാരന് ഭ്രാന്ത്പിടിച്ചോ എന്നായിരിക്കും നിങ്ങളെല്ലാം ചിന്തിക്കുന്നത്. നിഗമനങ്ങളിലേക്ക് ...
നോട്ട് പിൻവലിക്കൽ: പോസിറ്റീവ് ഡിസ്റപ്ഷൻ
നോട്ടു പിൻവലിക്കലിനെത്തുടർന്ന് സമ്പദ്ഘടനയിൽ, ധനകാര്യമേഖലയിൽ ഒരു പൊളിച്ചെഴുത്ത് നടക്കുകയാണ്.
പോളിസി എടുക്കാം, ജീവിതം സുരക്ഷിതമാക്കാം
എല്ലാ വർഷത്തിേൻറയും തുടക്കത്തിൽ ചില പ്രതിജ്‌ഞകളൊക്കെ നാം എടുക്കാറുണ്ട്. പ്രത്യേകിച്ചും സാമ്പത്തിക സുരക്ഷിതത്വം ലക്ഷ്യം വച്ചുകൊണ്ട്. വരവിൽ ചെലവ് ഒതുക്കി നിർത്തു...
പുതിയ മേഖലകൾ, പുത്തൻ ആശയങ്ങൾ
നോട്ടു പിൻവലിക്കലിനെത്തുടർന്നു ഗവൺമെന്റ് ഡിജിറ്റൽ ഇന്ത്യയ്ക്ക് ഊന്നൽ നൽകുന്നത് നവംസംരംഭങ്ങൾക്കു
ഡിജിറ്റൽ ഇടപാട്: ചാർജുകളുടെ പെരുമഴക്കാലമോ?
രാജ്യത്തു നടക്കുന്ന എല്ലാ പണമിടപാടുകൾക്കും കൃത്യമായി സർക്കാരിലേക്ക് നികുതി എത്തിക്കുക എന്നതുതന്നെയാണു പണരഹിത സമ്പദ്ഘടനകൊണ്ടു കേന്ദ്രസർക്കാർ ലക്ഷ്യമിടുന്നത്.
റിയൽ എസ്റ്റേറ്റ് മേഖലയെ നിക്ഷേപത്തിനു ശ്രദ്ധിക്കാം
റിയൽ എസ്റ്റേറ്റ് മേഖലക്ക് ഇത് ശുദ്ധീകരണത്തിന്റെ നാളുകളാണെന്ന് പറയാം. റിയൽ എസ്റ്റേറ്റ് റെഗുലേറ്ററി നിയമം കൊണ്ടു
ഒന്നിൽ കൂടുതൽ ബാങ്ക് അക്കൗണ്ടുകൾ; ഗുണവും ദോഷവും
ഓരോ ബാങ്ക് അക്കൗണ്ടുകൾക്കും എടിഎംൽ നിന്നും പണം പിൻവലിക്കുന്നതിന് പരിധികൾ വച്ചിട്ടുണ്ട്.
നിറം മങ്ങുന്ന എഫ്ഡി
ആയിരത്തിന്റെയും അഞ്ഞൂറിന്റെയും നോട്ടുകൾ അസാധുവാക്കിയതോടെ വലിയ തുകയുടെ നിക്ഷേപങ്ങൾ
പുതുവത്സര പ്രതിജ്‌ഞകൾ
വീണ്ടും മറ്റൊരു പുതുവത്സരത്തിൽ എത്തിയിരിക്കുകയാണ് നമ്മൾ. ജനുവരിയുടെ തുടക്കത്തിൽ എല്ലാവരുടെയും ആഗ്രഹം
പലിശ കുറയുന്നു; ഇനി എന്ത് ?
മോദി ഗവൺമെന്റ് 500 രൂപ, 1000 രൂപ നോട്ടുകൾ പിൻവലിച്ചതിനെത്തുടർന്നു കുമിഞ്ഞു കൂടിയ നിക്ഷേപം വായ്പയായി നൽകാൻ ബാങ്കുകൾക്കു കഴിയാത്തതാണ് പലിശ നിരക്കിനെ
ചക്ക ഷുഗർ കുറയാനും വയർ നിറയാനും
പ്രമേഹ രോഗികളുടെ തലസ്‌ഥാനം ഏതെന്നു ചോദിച്ചാൽ കേരളം എന്നായിരിക്കും ഉത്തരം. കാരണം അത്രക്കുണ്ട് കേരളത്തിലെ പ്രമേഹ രോഗികളുടെ എണ്ണം. മരുന്ന് വ്യായാമം, ഡയറ്റ്
വിശ്വസിക്കാം, ലാർജ് കാപ് ഫണ്ടുകളെ
കഴിഞ്ഞ രണ്ടു വർഷമായി ഓഹരി വിപണിയിൽ വന്യമായ വ്യതിയാനമാണ് സംഭവിച്ചു പോരുന്നത്. 2015–ൽ പ്രതീക്ഷയുടെ വെളിച്ചത്തിലായിരുന്നുവെങ്കിൽ 2016–ൽ മുൻകരുതൽ എന്നതിന്റെ
ബാങ്കിംഗ് ചാർജുകൾ
ധനകാര്യമേഖലയിലാണ് ഏറ്റവും കൂടുതൽ ഫീസുകൾ നിലനില്ക്കുന്നത്. പ്രത്യേകിച്ചും ബാങ്കിംഗിൽ. ചില ബാങ്കുകളുടെ ശാഖയിൽ പ്രവേശിച്ചാൽ പോലും ചാർജ് നല്കേണ്ട അവസ്‌ഥയാണ്!
പലിശ കുറയുമ്പോൾ എഫ്ഡിക്കു പകരം ഡെറ്റ് ഫണ്ട്
ജനുവരിക്കുശേഷം റിസർവ് ബാങ്ക് ഓഫ് ഇന്ത്യ ഇതുവരെ അടിസ്‌ഥാന പലിശനിരക്കിൽ 1.75 ശതമാനത്തിന്റെ വെട്ടിക്കുറവു വരുത്തി. ഇതു സ്‌ഥിരനിക്ഷേപത്തിന്റെ പലിശനിരക്കിലും വലിയ ക...
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.