ടാറ്റ പ്രീമിയം എസ്യുവി- ഹെക്സ
വലുപ്പം കൂടിയ യൂട്ടിലിറ്റി വാഹനങ്ങൾ നിർമിക്കുന്നത് ടാറ്റയ്ക്ക് പുതുമയല്ല. തൊണ്ണൂറുകളിൽ പുറത്തിറക്കിയ സിയറയിൽ തുടങ്ങുന്നു ആ പാരന്പര്യം. എസ്റ്റേറ്റ് , സഫാരി, ആരിയ എന്നീ മോഡലുകളും കന്പനി പുറത്തിറക്കി. ഇതിൽ ഏറ്റവും വിജയം നേടിയത് സഫാരി ആയിരുന്നു. വൻ പരാജയമായത് ആരിയയും. ഒടുവിൽ സംഭവിച്ച ആ തോൽവിയിൽ നിന്നും പാഠങ്ങൾ ഉൾക്കൊണ്ട് പുതിയൊരു എസ്യുവി പുറത്തിറക്കിയിരിക്കുകയാണ് ടാറ്റ. പേര് ഹെക്സ.

രൂപകൽപ്പന

ടാറ്റ മോോഴ്സ് പുതുതായി സ്വീകരിച്ച ഇംപാക്ട് ഡിസൈൻ ശൈലിയാണ് ഹെക്സയ്ക്ക് ഉപയോഗിക്കുന്നത്. ഇതേ ശൈലിയിൽ രൂപപ്പെടുത്തിയ ആദ്യ മോഡൽ ഹാച്ച്ബാക്ക് തിയാഗോയാണ്. ടാറ്റ നിർമിച്ചതിൽ വച്ചേറ്റവും നവീനമായ രൂപകൽപ്പനയുള്ള കാറായിരുന്നല്ലോ തിയാഗോ. ആരിയയ്ക്ക് എംപിവി ലുക്ക് ആയിരുന്നെങ്കിൽ ഹെക്സ തനി എസ്യുവി സ്റ്റൈലിലാണ്. വഴി മാറിക്കൊടുക്കാൻ മറ്റുള്ളവർക്ക് തോന്നിക്കും വിധമുള്ള ഗാംഭീര്യം നിറഞ്ഞ മുൻഭാഗം. പരന്ന ബോണറ്റ്, വലിയ മെഷ് ഗ്രിൽ, പ്രൊജക്ടർ ഹെഡ്ലാംപുകൾ എന്നിവയെല്ലാം ഹെക്സയ്ക്ക് നല്ല റോഡ് പ്രസൻസ് സാനിക്കുന്നു. ഈടുറ്റ നിർമിതിയാണ് ബോഡിയുടേത്. ഡബിൾ ബാരൽ ഹെഡ്ലാംപ് കാണാൻ നല്ല ഭംഗിയുണ്ട്.

ആരിയയ്ക്കും സഫാരി സ്റ്റോമിനും ഉപയോഗിച്ച എക്സ് 2 പ്ലാറ്റ്ഫോമിലാണ് ഹെക്സയും നിർമിച്ചിരിക്കുന്നത്. അതുകൊണ്ടുതന്നെ ആരിയയ്ക്ക് സമാനമാണ് വീൽബേസും (2850 മില്ലിമീറ്റർ) ഗ്രൗണ്ട് ക്ലിയറൻസും (200മില്ലി മീറ്റർ). എന്നാൽ നീളവും വീതിയും ഉയരവും ഹെക്സയ്ക്ക് അധികമുണ്ട്. എക്സ്യുവി 500, ഇന്നോവ ക്രിസ്റ്റ മോഡലുകളുമായി താരതമ്യപ്പെടുത്തുന്പോഴും നീളവും വീതിയും വീൽബേസും കൂടുതലാണ്.

വശങ്ങളിൽ നിന്നുള്ള കാഴ്ചയിൽ ആരിയയുടെ ഛായ നിലനിൽക്കുന്നു. ഡോറുകളും റൂഫുമെല്ലാം ആരിയയുടെ പോലെ തന്നെ. ആരിയയ്ക്ക് 18 ഇഞ്ച് വീലുകളാണെങ്കിൽ ഹെക്സയ്ക്ക് 19 ഇഞ്ച് വീലുകളാണ്. ബോഡി ക്ലാഡിംഗും വലുപ്പം കൂടിയ വീലുകളും വാഹനത്തിന് അധിക ഗാംഭീര്യം നൽകുന്നു. പിന്നിൽ നിന്ന് നോക്കുന്പോൾ ഫോഡ് എൻഡേവറിനോട് സാമ്യം തോന്നും. ടെയിൽലാംപുകളുടെ ആകൃതിയും അവ ഉറപ്പിച്ചിരിക്കുന്ന രീതിയുമെല്ലാമാണ് ആ സാദൃശ്യത്തിനു പിന്നിൽ. തിളക്കത്തോട് പ്രത്യേക ഇഷ്ടമുള്ള ഇന്ത്യക്കാരെ തൃപ്തിപ്പെടുത്താൻ ക്രോം കൊണ്ടുള്ള അലങ്കാരങ്ങൾ ഡിക്കി ഡോറിലും ഡ്യുവൽ എക്സോസ്റ്റ് പൈപ്പിലും റിയർ ബന്പറിെൻറ മേൽഭാഗത്തുമെല്ലാം നൽകിയിട്ടുണ്ട്. എന്തൊക്കെയായാലും പിൻഭാഗം ഏറെ ആകർഷകം തന്നെ. സ്റ്റെപ്പിനിയും അലോയ് വീലാണ്. ഇത് ബോഡിയുടെ അടിയിൽ ഉറപ്പിച്ചിരിക്കുന്നു.

വളരെ വിശാലമാണ് ഇൻറീരിയർ. പരമാവധി സ്ഥലം ലാഭിച്ചുകൊണ്ടുള്ള രൂപകൽപ്പനയാണ് ഡാഷ്ബോർഡിന്. കറുപ്പ് നിറത്തിലായതിനാൽ പെന്നെു മുഷിയില്ലെന്ന മെച്ചമുണ്ട്. ടാറ്റ ബ്രാൻഡിലിറങ്ങുന്ന ഏതൊരു മോഡലിനെക്കാളും മെച്ചമാണ് ഡാഷ്ബോർഡിെൻറ പ്ലാസ്റ്റിക് നിലവാരം. സമാനവിലയുള്ള വാഹനങ്ങൾക്കൊപ്പം നിൽക്കും ഇത്. ചെറു സ്പർശം കൊണ്ട് പ്രവർത്തിപ്പിക്കാവുന്ന നിലവാരമുള്ള ബട്ടനും സ്വിച്ചുകളുമൊക്കെ അനായാസം കൈകാര്യം ചെയ്യാവുന്ന വിധം ഡാഷ്ബോർഡിൽ ക്രമീകരിച്ചിരിക്കുന്നു. സ്പീഡോ, ടാക്കോ മീറ്ററുകൾക്കിടയിലെ മൂന്നര ഇഞ്ച് മൾട്ടി ഇൻഫർമേഷൻ ഡിസ്പ്ലേയിൽ ഫ്യുവൽ ഗേജ്, ടെംപറേച്ചർ ഗേജ്, രണ്ട് ട്രിപ്പ് മീറ്ററുകൾ , ശരാശരി തത്സമയ ഇന്ധനക്ഷമത, ടാങ്കിൽ അവശേഷിക്കുന്ന ഇന്ധനം ഉപയോഗിച്ച് ഓടാവുന്ന ദൂരം, അന്തരീക്ഷ താപനില, ഡോർ തുറന്നുകിടക്കുന്നതിെൻറ മുന്നറിയിപ്പ്, ക്ലോക്ക് എന്നിവ തെളിയും. ക്ലൈമറ്റ് കണ്‍ട്രോൾ നോബുകൾ ഉറപ്പിച്ചിരിക്കുന്നത് വളരെ താഴ്ത്തിയാണ്. ഉപയോഗിച്ച് ശീലമാകും വരെ ഇത് വേഗത്തിൽ കൈകാര്യം ചെയ്യാൻ ബുദ്ധിമുാണ്. ഡ്രൈവർ സീറ്റിലിരുന്ന് എസി ഡിസ്പ്ലേ ശരിയായി കാണാനും കഴിയില്ല. ഉചിതമായ ഉയരമുള്ള സീറ്റുകളും വിശാലമായി തുറക്കുന്ന ഡോറുകളും വണ്ടിയിലേയ്ക്ക് കയറുന്നതും ഇറങ്ങുന്നതും എളുപ്പമാക്കുന്നു.

20 ലക്ഷം രൂപയിൽ താഴെ വിലയുള്ള മറ്റൊരു വാഹനത്തിനും അവകാശപ്പെടാനാകാത്ത മികവുള്ള സൗണ്ട് സിസ്റ്റമാണ് ഹെക്സയുടേത്. പത്തു സ്പീക്കറുകളുള്ള ജെബിഎൽ സിസ്റ്റം യാത്രകളെ ഉല്ലാസപൂർണ്ണമാക്കും. സ്മാർ്ഫോണ്‍ കണക്ടിവിറ്റിയുള്ള ടച്ച് സ്ക്രീൻ ഇൻഫോടെയ്ൻമെൻറ് സിസ്റ്റത്തിൽ നാവിഗേഷൻ കൂടാതെ ഡിജിറ്റൽ വെഹിക്കിൾ മാന്വൽ, സർവീസ് ആപ്പ് എന്നിവയുമുണ്ട്. വാഹനത്തിെൻറ സർവീസ് ഇടവേള, സർവീസ് ചെലവ്, വർക്ക്ഷോപ്പ് എന്നിവയെപ്പറ്റിയെല്ലാം സർവീസ് ആപ്പിലൂടെ അറിയാം. ഓക്സിലറി ഇൻപുട്ട്, യുഎസ്ബി പോർ്, എസ്ഡി കാർഡ് സ്ലോട്ട് എന്നിവ ഇതിനുണ്ട്. ആപ്പിൾ കാർ പ്ലേ, ആൻഡ്രോയ്ഡ് ഓോ ഫീച്ചറുകളില്ലെന്നത് ന്യൂനത.

ആകെ മൂന്ന് 12 വോൾ് ഒൗട്ട്ലെറ്റുകളും രണ്ട് യുഎസ്ബി പോർട്ടുകളും നൽകിയിുട്ടണ്ട്. ഡിക്കി സ്പേസിൽ ഉറപ്പിച്ച 12 വോൾ് ഒൗ്ലെറ്റ് മൂന്നാം നിര സീറ്റിലുള്ളവർക്ക് ഉപയോഗിക്കാം.

ആറ്, ഏഴ് സീറ്റ് ഓപ്ഷനുകളിൽ ഹെക്സ ലഭ്യമാണ്. രണ്ടാം നിരയിൽ രണ്ട് ക്യാപ്റ്റൻ സീറ്റുകളാണ് ആറ് സീറ്റർ വകഭേദത്തിന്. ഏഴ് സീറ്ററിന് ആ സ്ഥാനത്ത് 60: 40 അനുപാതത്തിൽ വേർതിരിവുള്ള ബഞ്ച് സീറ്റാണ്. രണ്ടു തരം സീറ്റുകൾക്കും മുന്നിലേയ്ക്കും പിന്നിലേയ്ക്കും നീക്കി ലെഗ് സ്പേസ് ക്രമീകരിക്കാനുള്ള സംവിധാനമുണ്ട്. ബാക്ക് റെസ്റ്റ് പിന്നിലേയ്ക്ക് ചെരിക്കാനുമാകും. ആറ് സീറ്ററാണ് കൂടുതൽ നല്ലത്. രണ്ടാം നിരയിലെ ക്യാപ്റ്റൻ സീറ്റുകൾക്കിടയിലൂടെ അനായാസം പിന്നിലെ സീറ്റിലേയ്ക്ക് കയറിപ്പറ്റാം. ഏഴ് സീറ്ററിൽ രണ്ടാം നിരയിലെ സീറ്റ് മടക്കി വേണം മൂന്നാം നിരയിലേയ്ക്ക് കയറാൻ .


വണ്ണം കൂടിയ യാത്രക്കാരെയും തൃപ്തിപ്പെടുത്താനും മാത്രം വലുപ്പമുണ്ട് സീറ്റുകൾക്ക്. മുൻസീറ്റുകൾക്കിടയിൽ ഉറപ്പിച്ച എസി വെൻറുകൾ കൂടാതെ ബി, സി പില്ലറുകളിലും എസി വെൻറ് നൽകിയിരിക്കുന്നു. വലുപ്പമേറിയ ഇൻറീരിയർ വേഗത്തിൽ തണുപ്പള്ളതാക്കാൻ ഇവയ്ക്ക് കഴിയുന്നു. സണ്‍ഫിലിമിന് നിരോധനമുള്ള സാഹചര്യത്തിൽ പിന്നിലെ വിൻഡോകൾക്ക് ഉയർത്തി വയ്ക്കാവുന്ന സണ്‍ ബ്ലൈൻഡുകൾ നൽകിയിരിക്കുന്നത് നല്ല കാര്യം.

ഉപയോഗപ്രദമാണ് മൂന്നാം നിര സീറ്റും

ആറടിയിൽ താഴെ ഉയരമുള്ളവർക്ക് മൂന്നാം നിരസീറ്റിൽ സുഖമായി ഇരിക്കാം. വിശാലമായ ഗ്ലാസ് ഏരിയ ഇള്ളതിനാൽ മൂന്നാം നിരയിൽ ഇരിക്കുന്പോൾ വീർപ്പുമുൽ ഉണ്ടാകില്ല. ആരിയയിലേതുപോലെ റൂഫിൽ അനാവശ്യമായ സ്റ്റോറേജ് ബോക്സുകൾ നൽകാത്തത് ഭാഗ്യം. ആകെയുള്ള സണ്‍ ഗ്ലാസ് ഹോൾഡർ ഡ്രൈവർ സീറ്റിനു മുകളിൽ വലതുവശത്തായാണ്.

മൂന്നു നിര സീറ്റുള്ള മറ്റു വാഹനങ്ങളെപ്പോലെതന്നെ ലഗേജ് സ്പേസ് കാര്യമായില്ല. എല്ലാ സീറ്റുകളും നിവർത്തി വച്ചിരിക്കുന്പോൾ 128 ലീറ്ററാണ് ലഗേജ് സ്പേസ്. എക്സ്യുവി 500 യുമായി താരതമ്യം ചെയ്യുന്പോൾ ഇതു വലിയ കാര്യം തന്നെ.

രണ്ട് എയർബാഗുകൾ, എബിഎസ്, ഇബിഡി എന്നിവ സ്റ്റാൻഡേർഡ് ഫിറ്റിംഗാണ്. ആറ് എയർബാഗുകൾ, ഇഎസ്പി ട്രാക്ഷൻ കണ്‍ട്രോൾ, ഹിൽ ഹോൾഡ് അസിസ്റ്റ്. ഹിൽ ഡിസൻറ് കണ്‍ട്രോൾ എന്നിങ്ങനെയുള്ള സുരക്ഷാസംവിധാനങ്ങൾ മുന്തിയ വകഭേദത്തിലുണ്ട്. സണ്‍ റൂഫ്, പുഷ് ബട്ടൻ സ്റ്റാർട്ട് എന്നീ ഫീച്ചറുകൾ കൂടി നൽകേണ്ടതായിരുന്നു.

എൻജിൻ ഡ്രൈവ്

സഫാരി സ്റ്റോമിലേതുപോലെ 2.2 ലിറ്റർ, നാല് സിലിണ്ടർ, ടർബോ ചാർജ്ഡ്, കോമണ്‍ റയിൽ ഡീസൽ എൻജിനാണ് ഹെക്സയ്ക്കും. 154 ബിഎച്ച്പി 400 എൻഎം ആണ് എൻജിൻ ശേഷി. മാന്വൽ ഗീയർബോക്സ് റിയർ വീൽ ്രെഡെവിലും ഫോർ വീൽ ഡ്രൈവിലും ലഭിക്കും. എന്നാൽ ഓട്ടോമാറ്റിക് റിയർ വീൽ ്രെഡെവ് ഹെക്സയിൽ മാത്രമാണ് ലഭ്യം. ഫോർ വീൽ ്രെഡെവിനൊപ്പം ഓോമാറ്റിക് ഗീയർബോക്സ് നൽകുന്നത് വാഹനത്തിെൻറ ഭാരം വർധിപ്പിക്കും. വിലയേറിയതുമാക്കും.

ഉയരത്തിലുള്ള ഡ്രൈവിംഗ് സീറ്റ് മുന്നിലെ റോഡിെൻറ വിശാലമായ കാഴ്ചയാണ് നൽകുന്നത്. ഹാച്ച്ബാക്കുകളും സെഡാനുകളുമൊക്കെ ചെറുതെന്നു തോന്നും. ്രെഡെവർ സീറ്റും സ്റ്റിയറ്റിംഗ് വീലും തമ്മിലുള്ള അകലം കൂടുതലാണെന്നത് പോരായ്മയാണ്.

പാസഞ്ചർ കാബിനിലേയ്ക്ക് എൻജിൻ ശബ്ദം കടന്നുവരാത്തവിധം മെച്ചപ്പെ ഇൻസുലേഷൻ നൽകിയിട്ടുണ്ട്. അൽപ്പം നീട്ടി തള്ളി ഇടേണ്ട ഗീയറുകളാണ് ഹെക്സയുടേത്. ക്ലച്ചിന് വലിയ കട്ടി കുറവായതിനാൽ ഗീയർ മാറ്റം ആയാസകരമല്ല. മടുപ്പിക്കുന്ന ടർബോ ലാഗില്ല. എൻജിൻ ആർപിഎം 1700 കടക്കുന്പോൾ മികച്ച പെർഫോമൻസ് ലഭിച്ചുതുടങ്ങും. മൂന്നാം ഗീയറിൽ 40 കിലോമീറ്റർ വേഗത്തിൽ ഓടിച്ചുപോകാം. സിറ്റി ഡ്രൈവിംഗിൽ ഇത് ഗുണം ചെയ്യും.

ഹെക്സയുടെ 2280 കിലോ ഗ്രാം ഭാരം പരിഗണിക്കുന്പോൾ എൻജിൻ പിക്ക് അപ്പ് മോശമല്ല. ടാറ്റയുടെ കാറുകളിൽ യാത്രാസുഖം കുറവാണെന്ന് ആരും പരാതി പറയാനിടയില്ല. ഹെക്സയുടെ കാര്യത്തിലും അങ്ങനെ തന്നെ. ലോംഗ് ട്രിപ്പിൽ പോലും വിരസതയോ ക്ഷീണമോ ഉണ്ടാക്കുന്നില്ല ഹെക്സയിലെ യാത്ര. റോഡിലെ കുഴികളുടെ ആഘാതം ഉള്ളിലിരിക്കുന്നവരെ അറിയാതെ നോക്കാൻ സസ്പെൻഷനു കഴിയുന്നു. നാല് ചക്രങ്ങൾക്കും ഡിസ്ക് ബ്രേക്ക് ഉപയോഗിക്കുന്ന ഹെക്സ, ബ്രേക്ക് അമർത്തുന്പോൾ ഏറെ അനുസരണയോടെ പെരുമാറുന്നു.ഹൈവേയിൽ ലിറ്ററിന് 14 കിലോ മീറ്റർ മൈലേജ് പ്രതീക്ഷിക്കാം.

മാന്വൽ ഗീയർബോക്സുള്ള ഫോർ വീൽ ഡ്രൈവ് ഹെക്സയ്ക്ക് സൂപ്പർ ്രെഡെവ് മോഡുകൾ ( ഓട്ടോ, കംഫർട്ട്, ഡൈനാമിക്, റഫ്) നൽകിയിട്ടുണ്ട്. റോഡ് , ഡ്രൈവിംഗ് സാഹചര്യങ്ങൾക്കനുസരിച്ച് സെൻറർ കണ്‍സോളിലെ പ്രത്യേക ഡയൽ തിരിച്ച് ഇഷ്ടാനുസരണം മോഡ് തിരഞ്ഞെടുക്കാം. ഓോ മോഡിൽ സാഹചര്യങ്ങൾക്കനുസരിച്ച് വാഹനം സ്വയം എൻജിൻ , ട്രാൻസ്മിഷൻ പ്രവർത്തനങ്ങൾ ക്രമീകരിക്കും. ആവശ്യം വന്നാൽ ഫോർ വീൽ ഡ്രൈവിലേയ്ക്ക് സ്വയം മാറും. കംഫർട്ട് മോഡിൽ റിയർ വീൽ ഡ്രൈവാണ്. സാധാരണ റോഡുകളിലൂടെയുള്ള യാത്രയിൽ പരമാവധി ഇന്ധനക്ഷമതയോടെ ഓടിക്കാനുള്ളതാണ് ഈ മോഡ്. ഡൈനാമിക് മോഡിലും റിയർ വീൽ ഡ്രൈവാണ്. പക്ഷേ, പരമാവധി എൻജിൻ കരുത്ത് ലഭ്യമാക്കി പെന്നെുള്ള വേഗമെടുക്കൽ സാധ്യമാക്കും. ഹൈവേ റൈഡിംഗിന് ഇത് കൊള്ളാം. പക്ഷേ, മൈലേജ് കുറവായിരിക്കും.

200 മില്ലി മീറ്റർ ഗ്രൗണ്ട് ക്ലിയറൻസും ഫോർ വീൽ ഡ്രൈവും ഓഫ് റോഡ് യാത്രകൾക്ക് ഹെക്സ യോജിച്ചതാക്കുന്നു. ഹിൽ ഡിസൻറ് കണ്‍ട്രോളും ഇതിനു അനുഗുണമാണ്. ചെങ്കുത്തായ ഇറക്കങ്ങളിൽ ഇത് പ്രവർത്തിപ്പിച്ചാൽ വാഹനത്തിെൻറ വേഗം മണിക്കൂറിൽ എ് കിലോമീറ്ററായി പരിമിതപ്പെടും. ്രെഡെവർ സ്റ്റിയറിംഗ് മാത്രം കൈകാര്യം ചെയ്താൽ മതി. ഇന്നോവ ക്രിസ്റ്റ, എക്സ്യുവി 500 മോഡലുകളെക്കാൾ ടേണിംഗ് റേഡിയസ് കൂടുതലാണെന്നതാണ് ഹെക്സയുടെ പ്രധാന പോരായ്മ. 5.75 മീറ്റർ ടേണിംഗ് റേഡിയസ് ഇടുങ്ങിയ സ്ഥലത്തെ പാർക്കിങ്ങും യൂടേണുമൊക്കെ ആയാസകരമാക്കുന്നു.

കൊച്ചിയിലെ എക്സ്ഷോറൂം വില

എക്സ്ഇ 12.29 ലക്ഷം രൂപ
എക്സ്എം 14.04 ലക്ഷം രൂപ
എക്സ്എംഎ 14.99 ലക്ഷം രൂപ
എക്സ്ടി 16.58 ലക്ഷം രൂപ
എക്സ്ടി ഫോർ വീൽ ഡ്രൈവ് 17.88 ലക്ഷം രൂപ
എക്സ്ടി ഓട്ടോമാറ്റിക് 17.79 ലക്ഷം രൂപ

ഐപ്പ് കുര്യൻ