Tech
അ​ലെ​ക്സ "ഹിം​ഗ്ലീ​ഷ് ' പ​ഠി​ക്കു​ന്നു
അ​ലെ​ക്സ "ഹിം​ഗ്ലീ​ഷ് ' പ​ഠി​ക്കു​ന്നു
Thursday, November 2, 2017 1:42 AM IST
ചോ​ദ്യ​ങ്ങ​ൾ​ക്കെ​ല്ലാം ഉ​ത്ത​ര​മു​ണ്ട് വ​ർ​ച്വ​ൽ അ​സി​സ്റ്റ​ന്‍റാ​യ അ​ലെ​ക്സ​യ്ക്ക്. എ​ന്നാ​ൽ സ്വാ​ത​ന്ത്ര്യ​ദി​നം എ​ന്നാ​ണെ​ന്നു ചോ​ദി​ച്ചാ​ൽ ഓ​ഗ​സ്റ്റ് 15 ആ​ണെ​ന്നാ​വി​ല്ല, ജൂ​ലൈ നാ​ല് എ​ന്നാ​വും പ​റ​യു​ക. ന​മു​ക്ക് ജൂ​ലൈ നാ​ല് വെ​റു​മൊ​രു സി​നി​മാ​പ്പേ​രാ​ണ്. അ​ലെ​ക്സ​യ്ക്ക് അ​ത​റി​യി​ല്ല, പ​ക്ഷേ ജൂ​ലൈ നാ​ല് അ​മേ​രി​ക്ക​ൻ സ്വാ​ത​ന്ത്ര്യ​ദി​ന​മാ​ണെ​ന്ന് അ​റി​യു​ക​യും ചെ​യ്യാം. പ​ഠി​ച്ച​തേ പാ​ടൂ എ​ന്നാ​ണ​ല്ലോ. അ​പ്പോ​ൾ അ​ലെ​ക്സ ഇ​ന്ത്യ​യി​ലേ​ക്കു വ​രു​ന്പോ​ൾ പു​തി​യ​തു പ​ല​തും പ​ഠി​ക്കേ​ണ്ട​തു​ണ്ട്.

ആ​മ​സോ​ണ്‍ അ​ലെ​ക്സ അ​ട​ക്ക​മു​ള്ള സ്പീ​ക്ക​റാ​യ എ​ക്കോ ഇ​ന്ത്യ​യി​ലേ​ക്കു കൊ​ണ്ടു​വ​രി​ക​യാ​ണ്. ഇ​ന്ത്യ​ക്കാ​ർ ചോ​ദി​ക്കു​ന്ന​തി​ന് കൃ​ത്യ​മാ​യ ഉ​ത്ത​രം പ​റ​യാ​ൻ അ​ലെ​ക്സ​യെ പ​ഠി​പ്പി​ക്കു​ക​യാ​ണ് ആ​മ​സോ​ണ്‍ ഇ​പ്പോ​ൾ. അ​തെ, അ​ലെ​ക്സ ഹിം​ഗ്ലീ​ഷ് പ​ഠി​ച്ചു​തു​ട​ങ്ങി!

കൃ​ത്യ​മാ​യ ഇ​ന്ത്യ​ൻ ഉ​ച്ചാ​ര​ണ​വും സാ​ഹ​ച​ര്യ​ങ്ങ​ളും തി​രി​ച്ച​റി​ഞ്ഞ് മ​റു​പ​ടി പ​റ​യാ​ൻ ശേ​ഷി​യു​ള്ള​താ​യി​രി​ക്കും ഇ​വി​ടെ​യെ​ത്തു​ന്ന അ​ലെ​ക്സ. ഇ​ന്ത്യ​ക്കാ​രോ​ടു ഹാ​പ്പി ദീ​വാ​ലി പ​റ​യാ​നും അ​വ​രു​ടെ ഷോ​പ്പിം​ഗ് ലി​സ്റ്റി​ൽ ഹ​ൽ​ദി​യും (മ​ഞ്ഞ​ൾ), ആ​ട്ട​യും ചേ​ർ​ക്കാ​നും അ​ലെ​ക്സ​യ്ക്കു ക​ഴി​യും. സ്വാ​ത​ന്ത്ര്യ​ദി​നം ജൂ​ലൈ നാ​ല് അ​ല്ലെ​ന്നും അ​റി​യും.

പ​റ​ച്ചി​ലും പ്ര​വൃ​ത്തി​യും ത​നി ഇ​ന്ത്യ​ക്കാ​രെ​പ്പോ​ലെ ആ​ക​ണം ത​ങ്ങ​ളു​ടെ ഉ​പ​ക​ര​ണ​ത്തിനെന്ന് നി​ർ​ബ​ന്ധ​മു​ണ്ടാ​യി​രു​ന്ന​താ​യി ആ​മ​സോ​ണി​ന്‍റെ ഇ​ന്ത്യ​യി​ലെ പ്രോ​ഡ​ക്ട് മാ​നേ​ജ്മെ​ന്‍റ് വി​ഭാ​ഗം മേ​ധാ​വി​യാ​യ പ​രാ​ഗ് ഗു​പ്ത പ​റ​ഞ്ഞു.


വ​ർ​ച്വ​ൽ അ​സി​സ്റ്റ​ന്‍റി​നെ ഹിം​ഗ്ലീ​ഷ് പ​ഠി​പ്പി​ക്കു​ന്ന കാ​ര്യ​ത്തി​ൽ ആ​മ​സോ​ണ്‍ ഒ​റ്റ​യ്ക്ക​ല്ല. ആ​പ്പി​ളും ഗൂ​ഗി​ളും ഈ ​രം​ഗ​ത്ത് ഉ​ഷാ​റാ​യി രം​ഗ​ത്തു​ണ്ട്. അ​മേ​രി​ക്ക​ൻ, ബ്രി​ട്ടീ​ഷ് ഉ​ച്ചാ​ര​ണ രീ​തി​ക​ൾ ഇ​ന്ത്യ​ക്കാ​ർ​ക്ക് പ​രി​ചി​ത​മാ​ണെ​ങ്കി​ലും, നാ​ട്ടു​കാ​ർ പ​റ​യു​ന്ന ഭാ​ഷ വ​ർ​ച്വ​ൽ അ​സി​സ്റ്റ​ന്‍റും പ​റ​യു​ന്ന​താ​വും കൂ​ടു​ത​ൽ ഇ​ഷ്ടം. ഇ​ന്ത്യ​യി​ലാ​ണെ​ങ്കി​ൽ മ​ഹാ​രാ​ഷ്‌‌ട്രക്കാ​ർ പ​റ​യു​ന്ന ഇം​ഗ്ലീ​ഷ​ല്ല ഗു​ജ​റാ​ത്തി​ൽ..., ആ​ന്ധ്ര​യി​ലേ​ത് ത​മി​ഴ്നാ​ട്ടി​ലേ​തു പോ​ലെ​യു​മ​ല്ല. അ​തു​കൊ​ണ്ടു​ത​ന്നെ അ​ലെ​ക്സ​യു​ടെ​യും സി​രി​യു​ടെ​യും ട്യൂ​ഷ​ൻ ടീ​ച്ച​ർ​മാ​ർ അ​ല്പം കൂ​ടു​ത​ൽ ക​ഷ്ട​പ്പെ​ടേ​ണ്ടി​വ​രും.

ഇം​ഗ്ലീ​ഷി​ന്‍റെ​യും ഹി​ന്ദി​യു​ടെ​യും ഭാ​ഗ​ങ്ങ​ൾ ഭാ​ഷാ പ്ര​യോ​ഗ​ത്തി​ൽ വ​രു​ന്ന​തി​നാ​ലാ​ണ് ഹിം​ഗ്ലീ​ഷ് എ​ന്ന വാ​ക്ക് പ്ര​ചാ​ര​ത്തി​ലാ​യ​ത്. ഒ​രു ഹി​ന്ദി വാ​ക്കും ഇം​ഗ്ലീ​ഷ് വാ​ക്കും ചേ​ർ​ത്ത് ര​ണ്ടി​ന്‍റെ​യും അ​ർ​ഥ​മ​ല്ലാ​ത്ത മ​റ്റൊ​രു വാ​ക്കു​ണ്ടാ​ക്കു​ന്ന​തും ഇ​ന്ത്യ​ക്കാ​ർ​ക്ക് ശീ​ല​മാ​ണ്. മി​ക്സ്ച​റു​ണ്ടാ​ക്കു​ന്ന​ത് എ​ന്തി​നാ​ണെ​ന്ന് വ​ർ​ച്വ​ൽ അ​സി​സ്റ്റ​ന്‍റ് തി​രി​ച്ച​റി​യു​ന്നി​ല്ലെ​ങ്കി​ൽ സം​ഗ​തി പൊ​ളി​യും. ഇ​തു ഗൗ​ര​വ​ത്തി​ലെ​ടു​ത്തു​ത​ന്നെ​യാ​ണ് ടെ​ക് വ​ന്പന്മാ​ർ പ്ര​വ​ർ​ത്തി​ക്കു​ന്ന​തും.

ഇ​ന്ത്യ​ൻ വി​പ​ണി ല​ക്ഷ്യ​മി​ട്ട് ക​ന്പ​നി​ക​ൾ വി​ല​ക​ൾ താ​ഴ്ത്തി​യാ​ണ് ഇ​ത്ത​രം ഉ​പ​ക​ര​ണ​ങ്ങ​ൾ അ​വ​ത​രി​പ്പി​ക്കു​ന്ന​ത്. ആ​മ​സോ​ണ്‍ ഏ​താ​ണ്ട് 30 ശ​ത​മാ​നം വി​ല​ക്കു​റ​വാ​ണ് ന​ൽ​കു​ന്ന​തെ​ന്ന് റി​പ്പോ​ർ​ട്ടു​ക​ൾ പ​റ​യു​ന്നു.

- വി.ആർ.
Copyright @ 2022 , Rashtra Deepika Ltd.