പ്രമേഹബാധിതരിലെ ചർമ വരൾച്ച
? ചോ​ദ്യം: ഞാ​നൊ​രു പ്ര​മേ​ഹ ബാ​ധി​ത​നാ​ണ്. എ​ന്‍റെ ര​ണ്ടു​ കാ​ൽമു​ട്ടു​ക​ൾ​ക്കു താ​ഴെ​യും അ​സ​ഹ​നീ​യ​മാ​യ ചൊ​റി​ച്ചി​ലും വ​ര​ൾ​ച്ച​യും അ​നു​ഭ​വ​പ്പെ​ടു​ന്നു. കൂ​ടാ​തെ അ​ടു​ത്ത​കാ​ല​ത്താ​യി മൊ​രി​പോ​ലെ കാ​ണു​ന്നു​മു​ണ്ട്. ഇ​തെ​ന്താ​ണ്?

താ​ങ്ക​ൾ​ക്കു പ്ര​മേ​ഹ​ബാ​ധി​ത​രി​ൽ സാ​ധാ​ര​ണ​യാ​യി കാ​ണാ​റു​ള്ള അ​സ്റ്റി​യ​റ്റോ​ട്ടി​ക് എ​ക്സി​മ എ​ന്ന രോ​ഗ​മാ​ണ്. പ്ര​മേ​ഹ​ബാ​ധി​ത​രു​ടെ നാ​ഡി​ക​ൾ പ്ര​വ​ർ​ത്ത​ന​ര​ഹി​ത​മാ​വു​ന്ന​തു​കൊ​ണ്ടു ച​ർ​മ​ത്തി​ലെ സ്വേ​ദ​ഗ്ര​ന്ഥി​ക​ൾ പ്ര​വ​ർ​ത്ത​ന​ര​ഹി​ത​മാ​വു​ന്നു. ഇ​തു ച​ർ​മം വ​ര​ളാ​ൻ കാ​ര​ണ​മാ​വു​ന്നു. ഇ​തു ശ​ക്ത​മാ​യ ചൊ​റി​ച്ചി​ലി​ലേ​ക്കാ​ണു ന​യി​ക്കു​ന്നു. അ​വി​ടെ ച​ർ​മം ക​ട്ടി​കൂ​ടു​ന്ന​തി​നും കാ​ര​ണാ​വു​ന്നു. ച​ർ​മം ഇ​ട​യ്ക്കി​ടെ തു​ണി​കൊ​ണ്ടു തു​ട​യ്ക്കു​ക, ഒ​രു ച​ർ​മ​രോ​ഗ​വി​ദ​ഗ്ധ​നെ സ​മീ​പി​ക്കു​ക.

? ചോ​ദ്യം: ദീ​ർ​ഘ​കാ​ല​മാ​യി ഗ​ൾ​ഫി​ൽ കു​ടും​ബ​സ​മേ​തം താ​മ​സി​ച്ചി​രു​ന്ന ു യു​വാ​വാ​ണ് ഞാ​ൻ. ര​ണ്ടു​മാ​സം മു​ന്പ് ഗ​ൾ​ഫ് ജീ​വി​തം അ​വ​സാ​നി​പ്പി​ച്ച് നാ​ട്ടി​ലേ​ക്കു മ​ട​ങ്ങി. നാ​ട്ടി​ൽ വ​ന്ന​ശേ​ഷം എ​ന്‍റെ മൂ​ന്നു​വ​യ​സു​ള്ള മ​ക​ന് കൊ​തു​ക് അ​ല്ലെ​ങ്കി​ൽ മ​റ്റേ​തെ​ങ്കി​ലും ചെ​റു​പ്രാ​ണി​ക​ൾ ക​ടി​ച്ചാ​ൽ ക​ടി​ച്ച​ഭാ​ഗം ചൊ​റി​ഞ്ഞു​ത​ടി​ക്കു​ക പ​തി​വാ​ണ്. ശ​രീ​രം മു​ഴു​വ​ൻ ഇ​ത്ത​ര​ത്തി​ലു​ള്ള പാ​ടു​ക​ളു​ണ്ട്. ചി​ല​തി​ലൊ​ക്കെ പ​ഴു​പ്പു​മു​ണ്ട്.
ഇ​തു ഭേ​ദ​മാ​വു​മോ?
ന​ജീ​ബ്, എ​റ​ണാ​കു​ളം

താ​ങ്ക​ളു​ടെ മ​ക​ന് ’പാ​പ്പു​ലാ​ർ അ​ർ​ട്ടി​ക്കേ​റി​യ’ എ​ന്ന രോ​ഗ​മാ​ണ്. സാ​ധാ​ര​ണ​യാ​യി കൊ​തു​ക്, മൂ​ട്ട, മ​റ്റു ചെ​റു പ്രാ​ണി​ക​ൾ ഇ​വ വ​ള​രെ കു​റ​വ് അ​ല്ലെ​ങ്കി​ൽ തീ​രെ ഇ​ല്ലാ​ത്ത സ്ഥ​ല​ത്തു​നി​ന്നും ഇ​ത്ത​രം ജീ​വി​ക​ളു​ടെ സാ​ന്ദ്ര​ത വ​ള​രെ കൂ​ടി​യ വേ​റൊ​രു സ്ഥ​ല​ത്തേ​ക്ക് പെ​ട്ടെ​ന്നു താ​മ​സം മാ​റു​ന്പോ​ഴാ​ണ് ഈ ​അ​സു​ഖം ഉ​ണ്ടാ​വു​ന്ന​ത്.


സാ​ധാ​ര​ണ​യാ​യി ര​ണ്ടു​വ​യ​സു മു​ത​ൽ​ക്കാ​ണ് ഇ​ത്ത​രം രോ​ഗം കാ​ണു​ന്ന​ത്. കൊ​തു​ക് ക​ടി​ക്കു​ന്പോ​ൾ അ​തി​ന്‍റെ അ​ന്‍റി​ജ​ൻ ച​ർ​മ​ത്തി​ൽ എ​ത്തു​ന്നു. ഈ ​ആ​ന്‍റി​ജ​നെ​തി​രേ ന​മ്മു​ടെ ശ​രീ​രം പ്ര​തി​ക​രി​ക്കു​ന്നു. അ​പ്പോ​ഴാ​ണു ചൊ​റി​ച്ചി​ലും ത​ടി​പ്പു​മു​ണ്ടാ​കു​ന്ന​ത്. ഹി​സ്റ്റ​മി​ൻ പോ​ലു​ള്ള രാ​സ​പ​ദാ​ർ​ഥ​ങ്ങ​ൾ ഈ ​കാ​ര്യ​ത്തി​ൽ പ്ര​ധാ​ന​മാ​യ പ​ങ്കു​വ​ഹി​ക്കു​ന്നു​ണ്ട്. ഇ​ത്ത​രം ചൊ​റി​ച്ചി​ലും ത​ടി​പ്പും എ​ല്ലാ​ത്ത​രം ആ​ളുകളിലും സം​ഭ​വി​ക്കു​ന്നു​ണ്ട്. എ​ന്നാ​ൽ ചി​ല​രു​ടെ ശ​രീ​രം അ​മി​ത​മാ​യി പ്ര​തി​ക​രി​ക്കു​ന്നു. തന്മൂലം ശ​രീ​രം അ​മി​ത​മാ​യി ചൊ​റി​യു​ക​യും ത​ടി​ക്കു​ക​യും ചെ​യ്യു​ന്നു. ചൊ​റി​യു​ന്ന​തു​മൂ​ലം ച​ർ​മ​ത്തി​ൽ പൊ​ട്ട​ലു​ക​ൾ ഉ​ണ്ടാ​വു​ക​യും അ​തി​ൽ അ​ണു​ബാ​ധ വ​രി​ക​യും ചെ​യ്യു​ന്നു. തി​ണ​ർ​പ്പു​ണ്ടാ​യ ഭാ​ഗം പ​ഴു​ക്കു​ക​യും ചെ​യ്യും. താ​ങ്ക​ൽ കു​ഞ്ഞി​നെ ന​ല്ലൊ​രു ച​ർ​മ​രോ​ഗ​വി​ദ​ഗ്ധ​നെ കാ​ണി​ക്കു​ക. ര​ക്ത​പ​രി​ശോ​ധ​ന ആ​വ​ശ്യ​മാ​യി വ​രും. കു​റ​ച്ചു​കാ​ലം ചി​കി​ത്സ വേ​ണ്ടി​വ​രും. ഡോ​ക്ട​ർ നി​ർ​ദേ​ശി​ക്കു​ന്ന കാ​ല​മ​ത്ര​യും ചി​കി​ത്സ സ്വീ​ക​രി​ക്കു​ക.

ഡോ. ​ജ​യേ​ഷ് പി. ​
സ്കി​ൻ സ്പെ​ഷ​ലി​സ്റ്റ്, മേ​ലേ​ചൊവ്വ,ക​ണ്ണൂ​ർ
ഫോ​ണ്‍: 04972 727828