വി​ഷാ​ദ​മൊ​രു രോ​ഗ​മാ​വാം
ജീ​വി​ത​ത്തി​ലൊ​രി​ക്ക​ലെ​ങ്കി​ലും വി​ഷാ​ദ​ശ​ര​മേ​ല്ക്കാ​ത്ത​വ​രു​ണ്ടാ​വി​ല്ല. അ​വ ജീ​വി​ത​ത്തി​ൽ സാ​ധാ​ര​ണ​മാ​ണ്. അ​വ​യ്ക്കു ചി​കി​ൽ​സ​യൊ​ന്നും വേ​ണ്ടെന്നു ന​മു​ക്ക​റി​യാം. എ​ന്നാ​ൽ ന​മ്മ​ളെ പെ​ട്ടെന്നൊന്നും വി​ട്ടു​പി​രി​യാ​ത്ത, നീ​രാ​ളി​യെ​പ്പോ​ലെ ന​മ്മെ അ​ഗാ​ധ ഗ​ർ​ത്ത​ത്തി​ലേ​ക്ക് വ​ലി​ച്ചുകൊ​ണ്ടു​പോ​കു​ന്ന ശ​ക്ത​മാ​യ വി​ഷാ​ദാ​വ​സ്ഥ​ക​ളു​ണ്ട്.

ലോ​ക​ത്തി​ലെ ഏ​റ്റ​വും പ്ര​തി​ഫ​ലം പ​റ്റു​ന്ന യു​ ട്യൂബ് സ്റ്റാ​റു​ക​ളി​ൽ ഒ​രാ​ളാ​യ ലി​ല്ലി സിം​ഗ് ഒ​രി​ക്ക​ൽ പ​റ​ഞ്ഞ​ത് ‘വി​ഷാ​ദ​ത്തി​ന്‍റെ ഏ​റ്റ​വും വ​ലി​യ പ്ര​ശ്ന​മെ​ന്നു​ള്ള​ത് ഉ​ള്ളി​ല​നു​ഭ​വ​പ്പെ​ടു​ന്ന ക​ടു​ത്ത ഏ​ക​ാന്ത​ത​യാ​ണ്. ഒ​രാ​യി​രം ആ​ൾ​ക്കാ​ർ ന​മ്മു​ടെ മു​റി​യിലു​ണ്ടാ​യി​രു​ന്നാ​ലും ന​മു​ക്ക് ഒ​റ്റ​പ്പെ​ട​ൽ അ​നു​ഭ​വ​പ്പെ​ടു​ന്ന അ​വ​സ്ഥ​യാ​ണ​ത്.’’

ഇ​തു​ത​ന്നെ​യാ​ണ് എ​ത്ര​യോ കാ​ലം മു​ന്പ് മ​ല​യാ​ള​ത്തി​ന്‍റെ മു​ടി​ചൂ​ടാ​മ​ന്ന​നാ​യ എ​ഴു​ത്തു​കാ​ര​ൻ എം.​ടി. വാ​സു​ദേ​വ​ൻ നാ​യ​ർ ഒ​റ്റ വാ​ക്കി​ൽ ത​ന്‍റെ പു​സ്ത​ക​ത്തി​ന്‍റെ ത​ല​ക്കെ​ട്ടാ​ക്കി​യ​ത്
‘ആ​ൾ​ക്കൂ​ട്ട​ത്തി​ൽ ത​നി​യെ’’. ഭീ​തി​ദ​മാ​യ അ​വ​സ്ഥ​യാ​ണ​ത്. ആ​രും ത​ന്നെ മ​ന​സി​ലാ​ക്കുന്നി​ല്ല, തി​രി​ച്ച​റി​യു​ന്നി​ല്ല. ആ​രോ​ടും ഒ​ന്നും പ​റ​ഞ്ഞി​ട്ടും കാ​ര്യ​മി​ല്ല എ​ന്ന തോ​ന്ന​ൽ ഇവ​രി​ൽ കൂ​ടു​ത​ലാ​യു​ണ്ടാ​കും. അ​തി​നാ​ൽ ത​ന്നി​ലേ​ക്ക് ഒ​തു​ങ്ങും. ചി​ല​രി​ൽ ആ​ത്മ​ഹ​ത്യാ ചി​ന്ത ഉ​ട​ലെ​ടു​ക്കും. ഇ​ത് രോ​ഗി​ക​ളു​ടെ ഉ​റ​ക്ക​ത്തെ​യും ഭ​ക്ഷ​ണ ശീ​ല​ത്തെ​യും ജോ​ലി​യേ​യു​മൊ​ക്കെ ബാ​ധി​ക്കാം.

പ്ര​ധാ​ന ല​ക്ഷ​ണ​ങ്ങ​ൾ:

സ്ഥി​ര​മാ​യ വി​ഷാ​ദ ഭാ​വം, നി​രാ​ശ, പ്ര​തീ​ക്ഷ​ക​ൾ ഇ​ല്ലാ​തി​രി​ക്കു​ക. മോ​ശ​മാ​യ​തേ ത​നി​ക്ക് ഭ​വി​ക്കു എ​ന്നു​റ​പ്പി​ക്കു​ക, താ​നെ​ന്തോ മ​ഹാ​പ​രാ​ധം ചെ​യ്തുവെ​ന്നു​റ​ച്ചു വി​ശ്വ​സി​ക്കു​ക. തനി​ക്കി​ഷ്ട​മാ​യി​രു​ന്ന ഒ​രു കാ​ര്യ​ത്തി​ലും താ​ത്പ​ര്യ​മി​ല്ല​ാതി​രി​ക്കു​ക. ക​ഠി​ന​മാ​യ ക്ഷീ​ണം, എ​ന്നാ​ൽ അ​സ്വ​സ്ഥ​ത​കൊ​ണ്ടു സ​മാ​ധാ​ന​മാ​യി​രി​ക്കു​വാ​നു​മാ​കു​ന്നി​ല്ല, ശ്ര​ദ്ധ​യും ഏ​കാ​ഗ്ര​ത​യും ഓ​ർ​മ്മ​യും കു​റ​യു​ക, ഉ​റ​ക്ക​ത്തി​ന്‍റെ ക്ര​മം തെ​റ്റു​ക. ഭ​ക്ഷ​ണം ശ​രി​യാ​കാ​ത്ത​തു​കൊ​ണ്ടു ഭാ​രം കു​റ​യു​ക മ​ര​ണ ചി​ന്ത​ക​ൾ( ചി​ല​ർ ശ്ര​മി​ച്ചും നോ​ക്കും). ശ​രീ​ര​മാ​കെ വേ​ദ​ന, വി​സ​ർ​ജ​ന​ത്തി​ലും ലൈ​ം ഗി​ക​ത​യി​ലും ത​ക​ര​ാറു​ക​ൾ... അ​ങ്ങ​നെ ധാ​രാ​ളം ല​ക്ഷ​ണ​ങ്ങ​ൾ കാ​ണാം. ഇ​തെ​ല്ലാം ഒ​രാ​ളി​ൽ കാ​ണ​ണ​മെ​ന്നി​ല്ല. ഇ​തി​ൽ ചി​ല​തൊ​ക്കെ നി​ങ്ങ​ൾ​ക്കു​ണ്ടെ​ന്ന് ക​രു​തി നി​ങ്ങ​ൾ രോ​ഗി​യു​മ​ല്ല.

പാ​ര​ന്പ​ര്യം, ജീ​വി​ത സാ​ഹ​ച​ര്യ​ങ്ങ​ൾ, അ​ന്ത​രീ​ക്ഷ മാ​റ്റം, മ​യ​ക്കു മ​രു​ന്നു​ക​ൾ, ഹോ​ർ​മോ​ണ്‍ വ്യ​തി​യാ​ന​ങ്ങ​ൾ എ​ന്നി​ങ്ങ​നെ പ​ല​കാ​ര​ണ​ങ്ങ​ൾ കൊ​ണ്ടും വി​ഷാ​ദം ന​മ്മ​ളെ ബാ​ധി​ക്കാം.
ഡി​പ്ര​ഷ​ൻ പ​ല ത​ര​ത്തി​ലു​ണ്ട്

1) പ​ഴ്സി​സ്റ്റ​ന്‍റ് ഡി​പ്ര​സീ​വ് ഡി​സോ​ഡ​ർ (തു​ട​ർ വി​ഷാ​ദം)--​ചെ​റി​യ ഏ​റ്റക്കു​റ​ച്ചി​ലോ​ടെ ര​ണ്ടു​വ​ർ​ഷ​ത്തി​ൽ കൂ​ടു​ത​ൽ നീ​ണ്ടു നി​ല്ക്കു​ന്ന വി​ഷാ​ദ​മാ​ണി​ത്.

2) പോ​സ്റ്റ്പാ​ർ​ട്ടം ഡി​പ്ര​ഷ​ൻ (‌പ്ര​സ​വാ​ന​ന്ത​ര വി​ഷാ​ദം) പ്ര​സ​വ​ശേ​ഷം മി​ക്ക സ്ത്രീ​ക​ളി​ലും ചെ​റി​യ വി​ഷാ​ദം ഉ​ണ്ടാ​കാം ഇ​ത് ര​ണ്ടാ​ഴ്ചയേ നീ​ണ്ടുനി​ല്ക്കൂ. ഇ​തി​നെ ബേ​ബി ബ്ളൂ​സ് , പോ​സ്റ്റ് പാ​ർ​ട്ടം ബ്ളൂ​സ് എ​ന്നൊ​ക്കെ പ​റ​യാ​റു​ണ്ട്. ഇ​തു വ​ലി​യ പ്ര​ശ്ന​മൊ​ന്നു​മ​ല്ല. ശ​രീ​ര​ത്തി​ലെ ഹോ​ർ​മോ​ണി​ന്‍റെ നി​ല​യി​ൽ പ്ര​സ​വാ​ന​ന്ത​രം പെ​ട്ടെ​ന്നു​ണ്ടാ​കു​ന്ന കു​റ​വു കൊ​ണ്ടും, കു​ഞ്ഞു ജ​നി​ച്ച ശേ​ഷം ഉ​റ​ക്ക​ത്തി​ൽ വ​രു​ന്ന വ​ലി​യ വ്യ​തി​യാ​നം കൊ​ണ്ടു​മാ​ണ്. ഇ​തു മി​ക്ക​വാ​റും ചി​കി​ൽ​സ​യൊ​ന്നു​മി​ല്ലാ​തെ ത​ന്നെ മാ​റും.


എ​ന്നാ​ൽ ഇ​വി​ടെ​പ​റ​യു​ന്ന പോ​സ്റ്റ് പാ​ർ​ട്ടം ഡി​പ്ര​ഷ​ൻ അ​ത്ര നി​സാ​ര​ക്കാ​ര​ന​ല്ല അ​മി​ത​മാ​യ ദു:​ഖ​വും ഉത്ക​ണ്ഠ​യും അ​വ​ശ​ത​യും കൂ​ടി വ​രും. സ്വ​ന്തം കു​ഞ്ഞി​നെ ബ​ന്ധു​ക്ക​ൾ എ​ടു​ക്കു​ന്ന​തു​പോ​ലും ത​ട​യു​ന്ന​വ​രു​ണ്ട്. കു​ഞ്ഞു മ​രി​ച്ചു​പോ​കു​മെ​ന്ന ഭീ​തി​യും, കു​ഞ്ഞി​നു ത​ക​രാ​റു​ണ്ടെ​ന്ന തോ​ന്ന​ലു​മൊ​ക്കെ ക​ല​ശ​ലാ​യി​രി​ക്കും. മാ​സ​ങ്ങ​ൾ നീ​ണ്ടു നി​ല്ക്കു​ക​യും ചെ​യ്യും.

3) സൈ​ക്കോ​ട്ടി​ക് ഡി​പ്ര​ഷ​ൻ : ഇ​ത് ഇ​ത്തി​രി ഭീ​ക​ര​നാ​ണ്. മി​ഥ്യാ​ഭ്ര​മ​ങ്ങ​ളും മി​ഥ്യാ​ദ​ർ​ശ​ന​ങ്ങ​ളു​മൊ​ക്കെ അ​നു​ഭ​വി​ക്കു​ന്ന സൈ​ക്കോ​സി​സി​ന്‍റെ കൂ​ടെ ശ​ക്ത​മായ വി​ഷാ​ദ​വും കൂ​ടെക്കൂ​ടും.

4) കാ​ലാ​നു​സ​ര​ണ വി​ഷാ​ദ രോ​ഗം: മ​ഞ്ഞുകാ​ല​ത്തും ക​ഠി​ന മ​ഴ​ക്കാ​ല​ത്തും സൂ​ര്യപ്ര​കാ​ശം കു​റ​യു​ന്പോ​ൾ ഇ​ത്ത​ര​ക്കാ​രി​ൽ ഒ​രു ത​രം വി​ഷാ​ദം ക​ട​ന്നെ​ത്തു​ന്നു. സ​മൂ​ഹ​ത്തി​ൽ നി​ന്നൊ​ക്കെ അ​ക​ന്ന് വീ​ട്ടി​ൽ കി​ട​ന്നു​റ​ങ്ങു​ം. അ​ങ്ങ​നെ ത​ടി​യൊ​ക്ക ഒ​ന്നു കൂ​ടും. വെ​യി​ലു തെ​ളി​യു​ന്ന കാ​ലം വ​രു​ന്പോ​ൾ ഇ​തു നോ​ർ​മ​ലാ​വു​ക​യും ചെ​യ്യും. വ​ലി​യ ചി​കി​ൽ​സ​യൊ​ന്നും വേ​ണ്ട​ങ്കി​ലും ഇ​ങ്ങ​നെ ഒ​രു രോ​ഗാ​വ​സ്ഥ ത​നി​ക്കു​ണ്ടെ​ന്നു സ്വ​യ​വും ബ​ന്ധു​ക്ക​ളും മ​ന​സി​ലാ​ക്കി ചെ​യ്യേ​ണ്ട ജോ​ലി​ക​ളൊ​ക്കെ നേ​ര​ത്തെ ചെ​യ്തുവ​ച്ചാ​ൽ മ​തി.

5) ബൈ ​പോ​ളാ​ർ ഡി​സോ​ഡ​റി​നോ​ടൊ​പ്പ​മു​ള്ള വി​ഷാ​ദം: ഇ​തൊ​രു ഭീ​ക​ര വി​ഷാ​ദം ആ​ണ്. ഇ​തി​നു തൊ​ട്ടുപി​ന്നാ​ലെ അ​മി​ത സ​ന്തോ​ഷ​വും പ്ര​വ​ർ​ത്ത​ന​ങ്ങ​ളും കൂ​ടു​ന്ന മാ​ന​സി​ക​രോ​ഗാ​വ​സ്ഥ​യും മാ​റി മാ​റി വ​രും. ശ​ക്ത​മാ​യ മ​രു​ന്നു​ക​ൾ ഇ​ത്ത​രം ചി​കി​ൽ​സ​യി​ൽ വേ​ണ്ടി​വ​രും. ഈ ​ര​ണ്ട​വ​സ്ഥ​ക​ളും മാ​റി​മാ​റി വ​ന്നു കൊ​ണ്ടി​രി​ക്കും

ചി​കി​ൽ​സ

വി​ഷാ​ദ രോ​ഗാ​വ​സ്ഥ​യ്ക്കു മ​രു​ന്നും മ​ന:​ശാ​സ്ത്ര ചി​കി​ൽ​സ​യും വേ​ണ്ടി​വ​രും. രോ​ഗം വീ​ണ്ടും വ​രു​ത്തു​ന്ന​തും തു​ട​രാ​ൻ പ്രേ​രി​പ്പി​ക്കു​ന്ന​തു​മാ​യ സാ​ഹ​ച​ര്യ​ങ്ങ​ളെ ക​ണ്ടെ​ത്തി അ​വ​യെ ഒ​ഴി​വാ​ക്കു​ക എ​ന്ന​തു പ്ര​ധാ​ന​മാ​ണ്. അ​തി​നു ചു​റ്റു​മു​ള്ള​വ​രു​ടെ കൂ​ടെ സ​ഹാ​യ​മാ​വ​ശ്യ​മാ​ണ്.
ഹോ​മി​യോ​പ്പ​തി ചി​കി​ൽ​സ ഈ ​രോ​ഗാ​വ​സ്ഥ​യ്ക്ക് വ​ള​രെ ഫ​ല​പ്ര​ദ​മാ​ണ്. മ​നു​ഷ്യ​ന്‍റെ ചി​ന്ത​ക​ൾ​ക്കും വി​കാ​ര വി​ചാ​ര​ങ്ങ​ൾ​ക്കും സ്വ​പ്ന​ങ്ങ​ൾ​ക്കും വ്യ​ക്തി​ത്വ​മു​ണ്ട്. അ​വ ഓ​രോ​രു​ത്ത​രി​ലും വ്യ​ത്യ​സ്തമാ​ണ്. ഇ​വ​യെ​യെ​ല്ലാം പ​രി​ഗ​ണി​ച്ച് മ​നു​ഷ്യ​ന്‍റെ വ്യ​ക്തി​ത്വം അ​നു​സ​രി​ച്ചു​ള്ള ചി​കി​ൽ​സ​യാ​ണു ഹോ​മി​യോ​പ്പ​തി. അ​തു​കൊ​ണ്ടാ​ണു ഹോ​മി​യോ​പ്പ​തി​യി​ൽ രോ​ഗ​ത്തി​ന​ല്ല രോ​ഗി​ക്കാ​ണു ചി​കി​ൽ​സ എ​ന്നു പ​റ​യു​ന്ന​ത്. രോ​ഗി​ക്കു പ​റ​യാ​നു​ള്ള​ത് കേ​ട്ടി​രി​ക്കാ​ൻ മ​ന:​സാ​ന്നി​ദ്ധ്യ​മു​ള്ള ഡോ​ക്ട​റെ​യാ​ണു രോ​ഗി​ക്കാ​വ​ശ്യം. ആ ​പ​രി​ഗ​ണ​ന മി​ക്ക​പ്പോ​ഴും ന​ല്കാ​ൻ സ​മാ​ന്ത​ര​ചി​കി​ൽ​സാ ശാ​സ്ത്ര​ത്തി​ലെ ഡോ​ക്ട​ർ​മാ​ർ​ക്കാ​കു​ന്നു​ണ്ട്. വി​ഷാ​ദ രോ​ഗാ​വ​സ്ഥ​യി​ൽ നി​ന്നു മോ​ച​നം ല​ഭി​ക്കാ​നും അ​വ വീ​ണ്ടും വ​രാ​തി​രി​ക്കു​വാ​നോ, വി​ഷാ​ദം വ​രു​ന്ന ഇ​ട​വേ​ള കൂ​ട്ടു​വാ​നോ ഹോ​മി​യോ​പ്പ​തി മ​രു​ന്നു​ക​ൾ​ക്കാ​വും.

ഡോ:​റ്റി.​ജി. മ​നോ​ജ് കു​മാ​ർ
മെ​ഡി​ക്ക​ൽ ഓ​ഫീ​സ​ർ, ഹോ​മി​യോ​പ്പ​തി വ​കു​പ്പ്
ക​ണ്ണൂ​ർ മൊ​ബൈ​ൽ 9447689239 :
drmanoj.1973@yahoo.com