സോറിയാസിസിനു പിന്നിൽ മാനസികസമ്മർദം, ജനിതക തകരാറുകൾ...
Thursday, July 12, 2018 4:13 PM IST
ലോ​ക​ത്തി​ലെ ആ​കെ ജ​ന​സം​ഖ്യ​യു​ടെ ര​ണ്ടു​ശ​ത​മാ​നം​പേ​രെ ബാ​ധി​ക്കു​ന്ന രോ​ഗ​മാ​ണ് സോ​റി​യാ​സി​സ്. സോ​റ എ​ന്ന ഗ്രീ​ക്ക് പ​ദ​ത്തി​ൽ​നി​ന്നാ​ണ് സോ​റി​യാ​സി​സ് എ​ന്ന വാ​ക്ക് ഉ​ണ്ടാ​യ​ത്. പു​രാ​ത​ന​കാ​ലം മു​ത​ൽ​ക്കു​ത​ന്നെ ഭൂ​മു​ഖ​ത്ത് ഈ ​രോ​ഗം ഉ​ണ്ടാ​യി​രു​ന്നു​വ​ത്രേ.

കെ​രാ​റ്റി​നൈ​സേ​ഷ​ൻ

ച​ർ​മ​ത്തി​ൽ ന​ട​ക്കു​ന്ന കെ​രാ​റ്റി​നൈ​സേ​ഷ​ൻ എ​ന്ന പ്ര​ക്രി​യ​യി​ൽ സം​ഭ​വി​ക്കു​ന്ന ചി​ല വ്യ​തി​യാ​ന​ങ്ങ​ളാ​ണ് സോ​റി​യാ​സി​സി​നു കാ​ര​ണം. ച​ർ​മ​ത്തിന്‍റെ ഏ​റ്റ​വും ഉ​പ​രി​ത​ല​ത്തി​ൽ കാ​ണു​ന്ന കു​റ​ച്ച് പാ​തി​കോ​ശ​ങ്ങ​ൾ മൃ​താ​വ​സ്ഥ​യി​ലാ​ണു​ള്ള​ത്. ഇ​തി​നെ സ്ട്രാ​റ്റം കോ​ർ​ണി​യം എ​ന്നു വി​ളി​ക്കു​ന്നു. എ​പ്പി​ഡെ​ർ​മി​സിന്‍റെഏ​റ്റ​വും താ​ഴെ സ്ഥി​തി​ചെ​യ്യു​ന്ന വ​ള​രെ വേ​ഗം വി​ഭ​ജി​ക്കു​ന്ന കോ​ശ​ങ്ങ​ൾ​ക്ക് ചി​ല രൂ​പ​മാ​റ്റ​ങ്ങ​ൾ സം​ഭ​വി​ച്ചാ​ണ് ഈ ​മൃ​ത​കോ​ശ​ങ്ങ​ൾ ഉ​ണ്ടാ​കു​ന്ന​ത്. ഇ​തൊ​രു സ​ങ്കീ​ർ​ണ​മാ​യ പ്ര​ക്രി​യ​യാ​ണ്.

ഈ ​പ്ര​ക്രി​യ​യി​ൽ നമ്മുടെ ച​ർ​മ​ത്തി​ലെ പ്ര​ധാ​ന മാം​സ്യ​ങ്ങ​ളി​ലൊ​ന്നാ​യ കെ​രാ​റ്റി​ൻ ഉ​ത്പാ​ദി​പ്പി​ക്ക​പ്പെ​ടു​ന്നു. അ​തു​കൊ​ണ്ടാ​ണ് ഇ​തി​നെ കെ​രാ​റ്റി​നൈ​സേ​ഷ​ൻ എ​ന്നു വി​ളി​ക്കു​ന്ന​ത്. സാ​ധാ​ര​ണ​യാ​യി ഇ​തി​ന് ര​ണ്ടാ​ഴ്ച സ​മ​യ​മെ​ടു​ക്കും. എ​ന്നാ​ൽ സോ​റി​യാ​സി​സ് ഉ​ള്ള​വ​രി​ൽ ചു​രു​ങ്ങി​യ ദി​വ​സ​ങ്ങ​ൾ​ക്ക​കം ഈ ​പ്ര​ക്രി​യ പൂ​ർ​ണ​മാ​കു​ന്നു. ത​ത്ഫ​ല​മാ​യി ച​ർ​മോ​പ​രി​ത​ല​ത്തി​ൽ മൃ​ത​കോ​ശ​ങ്ങ​ൾ കട്ടി പി​ടി​ച്ചു കി​ട​ക്കു​ന്നു. ഇ​ത് ച​ർ​മോ​പ​രി​ത​ല​ത്തി​ൽ ശ​ൽ​ക്ക​ങ്ങ​ളാ​യി കാ​ണ​പ്പെ​ടു​ന്നു.
ച​ർ​മ​ത്തി​ലു​ള്ള ര​ക്ത​ക്കു​ഴ​ലു​ക​ൾ വി​ക​സി​ക്കു​ക​യും ന്യൂ​ട്രോ​ഫി​ല്ലു​ക​ൾ ച​ർ​മ​ത്തി​ൽ അ​ടി​ഞ്ഞു​കൂ​ടു​ക​യും ചെ​യ്യു​ന്നു. ശ​രീ​ര​ത്തി​ൽ രോ​ഗ​പ്ര​തി​രോ​ധ​ത്തി​ന് പ്ര​ധാ​ന പ​ങ്കു​വ​ഹി​ക്കു​ന്ന കോ​ശ​ങ്ങ​ളാ​ണ് ടി ​ലിം​ഫോ​സൈ​മു​ക​ൾ. ഇ​വ ര​ക്ത​ക്കു​ഴ​ലി​ൽ​നി​ന്നു ച​ർ​മ​ത്തി​ൽ പ്ര​വേ​ശി​ക്കു​ക​യും അ​വ​യ്ക്ക് ഉ​ത്തേ​ജ​നം സം​ഭ​വി​ക്കു​ക​യും ചെ​യ്യു​ന്നു. ഇ​വ ചി​ല പ്ര​ത്യേ​ക​ത​രം രാ​സ​പ​ദാ​ർ​ഥ​ങ്ങ​ൾ ഉ​ത്പാ​ദി​പ്പി​ക്കു​ന്നു. ഇ​വ​യാ​ണ് സോ​റി​യാ​സി​സ് രോ​ഗം ഉ​ണ്ടാ​ക്കു​ന്ന​തി​ൽ പ്ര​ധാ​ന പ​ങ്കു​വ​ഹി​ക്കു​ന്ന​ത്.

ജ​നി​ത​ക കാ​ര​ണ​ങ്ങ​ൾ

ജ​നി​ത​ക​പ​ര​മാ​യ കാ​ര​ണ​ങ്ങ​ൾ​കൊ​ണ്ട് ഈ ​രോ​ഗം ഉ​ണ്ടാ​കാം. അ​ച്ഛ​നോ അ​മ്മയ്ക്കോ ഈ ​രോ​ഗം ഉ​ണ്ടാ​യാ​ൽ മ​ക്ക​ൾ​ക്കും രോ​ഗ​മു​ണ്ടാ​കാ​നു​ള്ള സാ​ധ്യ​ത 14 ശ​ത​മാ​നം വ​രും. എ​ന്നാ​ൽ ര​ണ്ടു​പേ​ർ​ക്കും രോ​ഗ​മു​ണ്ടാ​യാ​ൽ മ​ക്ക​ളി​ൽ രോ​ഗം വ​രാ​നു​ള്ള സാ​ധ്യ​ത 40 ശ​ത​മാ​ന​ത്തോ​ള​മാ​ണ്. മ​നു​ഷ്യ​രി​ൽ മാ​ത്ര​മ​ല്ല മൃ​ഗ​ങ്ങ​ളി​ലും ഈ ​രോ​ഗം വ​രാം. നേ​ര​ത്തേ സൂ​ചി​പ്പി​ച്ച ഉ​ത്തേ​ജി​പ്പി​ക്ക​പ്പെ ടി ​ലിം​ഫോ​സൈ​റ്റു​ക​ൾ മൃ​ഗ​ങ്ങ​ളി​ൽ കു​ത്തി​വ​ച്ചാ​ൽ അ​വ​രി​ൽ ഈ ​രോ​ഗം കൃ​ത്രി​മ​മാ​യി സൃ​ഷ്ടി​ക്കാ​ൻ ക​ഴി​യു​മെ​ന്നു പ​ഠ​ന​ങ്ങ​ൾ സൂ​ചി​പ്പി​ക്കു​ന്നു.

മാ​ന​സി​ക സമ്മ​ർ​ദം

രോ​ഗം വ​രാ​നു​ള്ള മ​റ്റൊ​രു പ്ര​ധാ​ന കാ​ര​ണം പ​ല ത​ര​ത്തി​ലു​ള്ള മാ​ന​സി​ക സ​മ്മർ​ദ​മാ​ണ്. അ​ത് വ്യ​ക്തി​പ​ര​മോ കു​ടും​ബ​പ​ര​മോ സാ​മൂ​ഹി​ക​പ​ര​മോ ആ​യ വി​ഷ​യ​ങ്ങ​ളാ​വാം. മാ​ന​സി​ക​സമ്മ​ർ​ദം ഉ​ണ്ടാ​കു​ന്പോ​ൾ രോ​ഗം പ്ര​ത്യ​ക്ഷ​പ്പെ​ടു​ക​യോ അ​ധി​ക​രി​ക്കു​ക​യോ ചെ​യ്യാം. സ​മ്മർ​ദം ല​ഘൂ​ക​രി​ക്ക​പ്പെട്ടാ​ൽ അ​സു​ഖം ഭേ​ദ​മാ​വു​ക​യോ ല​ക്ഷ​ണ​ങ്ങ​ൾ കു​റ​യു​ക​യോ ചെ​യ്യാം.

ചി​കി​ത്സാപിഴ​വ​ല്ല...

ചി​ല ഒൗ​ഷ​ധ​ങ്ങ​ൾ (വേ​ദ​ന​സം​ഹാ​രി​ക​ൾ, വി​ഷാ​ദ​രോ​ഗ​ത്തി​ന് ഉ​പ​യോ​ഗി​ക്കു​ന്ന മ​രു​ന്നു​ക​ൾ, ര​ക്ത​സമ്മ​ർ​ദം നി​യ​ന്ത്രി​ക്കാ​നു​പ​യോ​ഗി​ക്കു​ന്ന​വ, മ​ലേ​റി​യയ്ക്കെ​തി​രേ ഉ​പ​യോ​ഗി​ക്കു​ന്ന​വ) സോ​റി​യാ​സി​സ് ആ​ദ്യ​മാ​യി പ്ര​ത്യ​ക്ഷ​പ്പെ​ടാ​നോ വ​ർ​ധി​പ്പി​ക്കാ​നോ കാ​ര​ണ​മാ​കു​ന്നു. ഈ ​മ​രു​ന്നു​ക​ൾ ഞാ​ൻ നേ​ര​ത്തേ സൂ​ചി​പ്പി​ച്ച പ്ര​ക്രി​യ​യ്ക്ക് ആ​ക്കം ​കൂട്ടുന്ന​തു​കൊ​ണ്ടാ​ണ് ഇ​ങ്ങ​നെ സം​ഭ​വി​ക്കു​ന്ന​ത്. അ​ല്ലാ​തെ ഡോ​ക്ട​റു​ടെ ചി​കി​ത്സാപി​ഴ​വു മൂ​ല​മ​ല്ല രോ​ഗം വ​ന്ന​ത് എ​ന്നോ​ർ​ക്കു​ക.
ശ​രീ​ര​ത്തി​ലു​ണ്ടാ​കു​ന്ന മു​റി​വു​ക​ൾ, ശ​സ്ത്ര​ക്രി​യ​യു​ടെ ക​ല​ക​ൾ, കൊ​തു​കു​ക​ടി​യേ​റ്റ ഭാ​ഗം, കു​ത്തി​വ​യ്ക്കു​ന്ന ഭാ​ഗം എ​ന്നി​വ​യി​ൽ സോ​റി​യാ​യി​സ് വ​രാം. അ​തു​പോ​ലെ ഉ​ള്ള രോ​ഗം അ​ധി​ക​രി​ക്കാ​നും ഇ​വ കാ​ര​ണ​മാ​കാം. മു​റി​വി​നു സ​മാ​ന്ത​ര​മാ​യി പാ​ടു​ക​ൾ പി​ന്നീ​ട് പ്ര​ത്യ​ക്ഷ​പ്പെ​ടാം. ഇ​തും ചി​ല​പ്പോ​ൾ ചി​കി​ത്സാ​പ്പി​ഴ​വാ​യി വ്യാ​ഖ്യാ​നി​ക്ക​പ്പെ​ടാം.


ഗ​ർ​ഭ​കാ​ല​ത്ത് ആ​ദ്യ​മാ​യി രോ​ഗം പ്ര​ത്യ​ക്ഷ​പ്പെ​ട്ടേക്കാം. സോ​റി​യാ​സി​സ് ഉ​ള്ള രോ​ഗി ഗ​ർ​ഭി​ണി​യാ​കു​ന്പോ​ൾ രോ​ഗം അ​ധി​ക​മാ​വാ​നും സാ​ധ്യ​ത​യു​ണ്ട്. മ​ദ്യ​പാ​ന​വും പു​ക​വ​ലി​യും​ ഉ​ള്ള​വ​രി​ൽ സോ​റി​യാ​സി​സ് സാ​ധ്യ​ത കൂ​ടു​ത​ലാ​ണ്. സോ​റി​യാ​സി​സ് ഉ​ള്ള​വ​ർ മ​ദ്യ​പി​ക്കു​ക​യും പു​ക​വ​ലി​ക്കു​ക​യും ചെ​യ്താ​ൽ രോ​ഗം തീ​വ്ര​മാ​കും.

പ​ര​സ്യ​ങ്ങ​ളി​ൽ വീ​ഴ​രു​ത്

ചി​ല​രി​ൽ ച​ർ​മ​ത്തി​ലു​ള്ള സോറിയാസിസ് സ​ന്ധി​ക​ളെ​യും ബാ​ധി​ക്കാ​റു​ണ്ട്. പ​ത്തു​ശ​ത​മാ​നം രോ​ഗി​ക​ളെ​യാ​ണ് ഇ​ത്ത​ര​ത്തി​ൽ സോ​റി​യാ​റ്റി​ക് ആ​ർ​ത്രോ​പ്പ​തി ബാ​ധി​ക്കു​ന്ന​ത്. സ​ന്ധി​ക​ളി​ൽ വേ​ദ​ന​യും നീ​ർ​വീ​ക്ക​വു​മാ​ണ് ല​ക്ഷ​ണ​ങ്ങ​ൾ. പി​ന്നീ​ട് അ​വ ച​ല​ന​ത്തെ ബാ​ധി​ക്കു​ന്നു. ചി​കി​ത്സ സ്വീ​ക​രി​ക്കാ​തി​രു​ന്നാ​ൽ സ്ഥി​ര​മാ​യ വൈ​ക​ല്യ​ങ്ങ​ൾ​ക്കു കാ​ര​ണ​മാ​കു​ന്നു. അ​പൂ​ർ​വം വ്യ​ക്തി​ക​ൾ ന​ട്ടെല്ലിനെ ബാ​ധി​ക്കു​ക​വ​ഴി ശ​യ്യാ​വ​ലം​ബി​യാ​യി പോ​കാ​റു​ണ്ട്.

ചി​കി​ത്സ

1. സോ​റി​യാ​സി​സ് മാ​റ്റി​ത്ത​രാ​മെ​ന്ന വാ​ഗ്ദാ​ന​വു​മാ​യി പ​ല മാ​ധ്യ​മ​ങ്ങ​ളി​ലും പ​ല അ​വ​കാ​ശ​വാ​ദ​ങ്ങ​ളു​മാ​യി പ​ല​രും പ്ര​ത്യ​ക്ഷ​പ്പെ​ടാ​റു​ണ്ട്. അ​സു​ഖം​മൂ​ലം നി​സ​ഹാ​യ​രാ​യ​വ​ർ പ​ല​രും ഇ​വ​ർ​ക്ക് ത​ല​വ​ച്ചു​കൊ​ടു​ക്കാ​റു​മു​ണ്ട്. ഒ​രു വ്യ​ക്തി ഏ​തു​ത​രം ചി​കി​ത്സ സ്വീ​ക​രി​ക്ക​ണ​മെ​ന്നത് ആ ​വ്യ​ക്തി​യു​ടെ പൂ​ർ​ണ സ്വാ​ത​ന്ത്ര്യ​മാ​ണ്. എ​ങ്കി​ലും പ​റ​യട്ടെ, ഇ​ത്ത​രം അ​തി​വി​ദ​ഗ്ധ ചി​കി​ത്സ​ക​ർ ന​ൽ​കു​ന്ന പ​ല ലേ​പ​ന​ങ്ങ​ളും പു​രട്ടി, ഞാ​ൻ നേ​ര​ത്തേ സൂ​ചി​പ്പി​ച്ച എ​റി​ത്രോ​ഡെ​ർ​മാ​ക്, പ​സ്റ്റ്യു​ലാ​ർ സോ​റി​യാ​സി​സ് ആ​യി വ​രു​ന്ന പ​ല​രെ​യും ഈ ലേ​ഖ​ക​ൻ ക​ണ്ടിട്ടുണ്ട്.
2. സ്വ​യം​ചി​കി​ത്സ​യ്ക്ക് മു​തി​രാ​തി​രി​ക്കു​ക. ഒ​രു ച​ർ​മ​രോ​ഗ വി​ദ​ഗ്ധന്‍റെ വ്യ​ക്ത​മാ​യ രോ​ഗ​നി​ർ​ണ​യ​ത്തി​നും ചി​കി​ത്സ​യ്ക്കും മാ​ത്രം വി​ധേ​യ​നാ​വു​ക. സ്വ​യം ചി​കി​ത്സ പ​ല​പ്പോ​ഴും രോ​ഗ​ല​ക്ഷ​ണ​ങ്ങ​ൾ പ്ര​ത്യ​ക്ഷ​ത്തി​ൽ​നി​ന്നു മാ​റ്റാ​നും പ​ല​പ്പോ​ഴും രോ​ഗ​നി​ർ​ണ​യം വൈ​കി​ക്കാ​നും ഇ​ട​വ​രു​ത്താ​റു​ണ്ട്.
3. ചി​കി​ത്സ​ക​നെ ഇ​ട​യ്ക്കി​ടെ മാ​റ്റാ​തെ ഒ​ന്നി​ൽ​ത​ന്നെ ഉ​റ​ച്ചു​നി​ൽ​ക്കു​ക. ഒ​ന്നോ ര​ണ്ടോ ആ​ഴ്ച ചി​കി​ത്സ​യെ​ടു​ത്ത​ശേ​ഷം വേ​റൊ​രാ​ളെ തേ​ടി​പ്പോ​കു​ന്ന പ്ര​വ​ണ​ത മ​ല​യാ​ളി​യു​ടെ ഒ​രു സ്വ​ഭാ​വ​മാ​യ​തു​കൊ​ണ്ട് കു​റി​ക്കു​ന്ന​താ​ണി​ത്.

ശ്രദ്ധിക്കുക

* ധാ​രാ​ളം മ​രു​ന്നു​ക​ൾ സോ​റി​യാ​സിസ് ചി​കി​ത്സ​യ്ക്കാ​യി വി​പ​ണി​യി​ലു​ണ്ട്. രോ​ഗാ​വ​സ്ഥ പൂ​ർ​ണ​മാ​യും മ​ന​സി​ലാ​ക്കി​വേ​ണം ചി​കി​ത്സി​ക്കാ​ൻ. രോ​ഗ​ത്തിന്‍റെ പ്രാ​രം​ഭ​ഘ​ത്തി​ൽ ഡോ​ക്സി​സൈ​ക്ലി​ൻ, അ​സി​ത്രോ​മൈ​സി​ൻ പോ​ലു​ള്ള ആ​ൻ​റി​ബ​യോട്ടി​ക്കു​ക​ൾ​ക്ക് വ്യ​ക്ത​മാ​യ പ​ങ്കു​ണ്ട്. ഞാ​ൻ നേ​ര​ത്തേ സൂ​ചി​പ്പി​ച്ച ന്യൂ​ട്രോ​ഫി​ലു​ക​ളെ ച​ർ​മ​ത്തി​ലെ​ത്താ​തെ പ്ര​തി​രോ​ധി​ക്കു​ന്ന​തു​കൊ​ണ്ടാ​ണ് ഇ​വ​യ്ക്ക് സോ​റി​യാ​സി​സ് ചി​കി​ത്സ​യി​ൽ പ്രാ​ധാ​ന്യം ക​ൽ​പി​ക്കു​ന്ന​ത്.
* മ​ദ്യ​പാ​ന​വും പു​ക​വ​ലി​യും പൂ​ർ​ണ​മാ​യി നി​ർ​ത്തു​ക എ​ന്ന കാ​ര്യ​ത്തി​ൽ വേ​റൊ​ര​ഭി​പ്രാ​യം തേ​ടേ​ണ്ട​തി​ല്ല.
* മാ​ന​സി​ക​സ​മ്മർദം കു​റ​യ്ക്കാ​ൻ യോ​ഗ​പോ​ലെയുള്ള മാ​ർ​ഗം തേ​ടു​ന്ന​തി​ൽ തെ​റ്റി​ല്ല.
* സോ​റി​യാ​സി​സ് വ​ർ​ധി​പ്പി​ക്കു​ന്ന ഏ​തെ​ങ്കി​ലും ത​ര​ത്തി​ലു​ള്ള മ​രു​ന്നു​ക​ളു​ണ്ടെ​ങ്കി​ൽ പൂ​ർ​ണ​മാ​യും ഒ​ഴി​വാ​ക്ക​ണം. ചി​കി​ത്സി​ക്കു​ന്ന ഡോ​ക്ട​റോ​ട് ക​ഴി​ക്കു​ന്ന മ​രു​ന്നു​ക​ൾ പൂ​ർ​ണ​മാ​യും വെ​ളി​പ്പെ​ടു​ത്തു​ക.
* ഏ​തെ​ങ്കി​ലും ത​ര​ത്തി​ലു​ള്ള അ​ണു​ബാ​ധ ശ​രീ​ര​ത്തിലുണ്ടെങ്കിൽ അ​ത് ചി​കി​ത്സി​ച്ചു ഭേ​ദ​മാ​ക്ക​ണം. കു​ളി​ക്കാ​ൻ പ്ര​ത്യേ​ക സോ​പ്പു​ക​ൾ (ആ​വ​ശ്യ​മെ​ങ്കി​ൽ മാ​ത്രം) വേ​ണ്ടി​വ​രും.


വിവരങ്ങൾ
ഡോ. ​ജ​യേ​ഷ് പി.
​സ്കി​ൻ സ്പെ​ഷ​ലി​സ്റ്റ്, മേ​ലേ​ചൊവ്വ, ക​ണ്ണൂ​ർ
ഫോ​ണ്‍: 04972 727828

Copyright @ 2022 , Rashtra Deepika Ltd.