Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health


നൗഷാദിന്റെ മണ്ടത്തരങ്ങൾ!
ടീച്ചർ ഇങ്ങോട്ടു വന്നോട്ടെ, ഇപ്പം കിട്ടിക്കോളും.. ടീച്ചറില്ലാത്തപ്പോൾ ക്ലാസിൽ വർത്തമാനം പറയരുതെന്ന് എത്ര പ്രാവശ്യം പറഞ്ഞിട്ടുള്ളതാ... വർത്തമാനം പറഞ്ഞ സതീശന്റെയും ബൽറാമിന്റെയുമൊക്കെ പേരു ക്ലാസ് ലീഡർ എഴുതിവച്ചിട്ടുണ്ട്. വെറുതെ വർത്തമാനം പറഞ്ഞതാണോ? ടീച്ചർ പഠിപ്പിച്ചിരുന്നതൊക്കെ ശരിയല്ലെന്നും വെറും ശശിയാണെന്നും പറഞ്ഞുകളഞ്ഞില്ലേ പിള്ളേര്. പുതിയ പ്രിൻസിപ്പൽ ശംഖുമുഖം വരെ പോയ സമയം നോക്കി ഈ പിള്ളേർ ബെഞ്ചിനു മുകളിൽ കയറിനിന്നു ടീച്ചറെ കുറ്റംപറയുമെന്ന് ആരു കരുതി.

ടീച്ചറാണെങ്കിൽ മലയാളക്കരയ്ക്കു മുതൽക്കൂട്ടാകുന്ന വലിയൊരു ഗവേഷണത്തിന്റെ തിരക്കിലായിരുന്നു. മാൻഹോളിൽ അകപ്പെട്ടവരെ പുഷ്പംപോലെ രക്ഷിക്കാൻ കഴിയുന്ന കുറുക്കുവഴികളെക്കുറിച്ചുള്ള ഈ പ്രബന്ധം ഇതിനകം അങ്ങ് ചൊവ്വാ ഗ്രഹത്തിൽ വരെ ചർച്ചയായിക്കഴിഞ്ഞത്രേ. കോഴിക്കോട്ടു മാൻഹോളിൽ കുടുങ്ങിയ രണ്ടു തൊഴിലാളികളെ രക്ഷിക്കാൻ നൗഷാദ് എന്ന ചെറുപ്പക്കാരൻ ജീവൻ വെടിയേണ്ടി വന്നതു കണ്ടിട്ടാണു ടീച്ചറിലെ ഗവേഷക ചാടിപ്പിടിച്ച് എഴുന്നേറ്റത്.

നൗഷാദ് മാൻഹോളിൽ ഇറങ്ങിയതു മണ്ടത്തരമായെന്നാണ് ടീച്ചറുടെ കണ്ടുപിടിത്തം. അതായത്, സിലബസിൽ ഇല്ലാത്ത കാര്യങ്ങളാണ് നൗഷാദ് ചെയ്തതത്രേ. എന്നാൽ, നൗഷാദ് മാൻഹോളിലേക്കു ചാടിയിറങ്ങി മണ്ടത്തരം കാണിച്ചതല്ലെന്നും കാലുകൾ ഹോളിന്റെ വക്കിൽ ഉടക്കിവച്ചിട്ട് കമിഴ്ന്ന്, അപകടത്തിൽപ്പെട്ടവരെ ജീവൻ പണയപ്പെടുത്തി വലിച്ചുകയറ്റാൻ ശ്രമിച്ചപ്പോൾ ഭാരം മൂലം പിടിവിട്ടു വീഴുകയായിരുന്നെന്നും പറഞ്ഞു ടീച്ചർക്കു ക്ലാസ് എടുത്തേക്കാമെന്നു കരുതിയാൽ തെറ്റി. അതിനു മറുപടി ഇങ്ങനെ കിട്ടും: അതുകൊണ്ടാണ് പറഞ്ഞത്, ഇതു നൗഷാദിന്റെ ത്യാഗമല്ല, ന്യൂട്ടന്റെ ഗുരുത്വാകർഷണബല സിദ്ധാന്ത പ്രകാരം സംഭവിച്ച പ്രതിഭാസം മാത്രമാണ്! അതായത്, ടീച്ചറുടെ തിയറിപ്രകാരം ക്രെഡിറ്റ് ഐസക് ന്യൂട്ടൻ കൊണ്ടുപോയി! ന്യൂട്ടന്റെ പക്ഷം ന്യൂനമായതിനാൽ ആ പേരു പറയുന്നില്ലെന്നു മാത്രം.

മാൻഹോൾ അപകടമുണ്ടാകുമ്പോൾ ഇലയ്ക്കും മുള്ളിനും കേടില്ലാതെ ആളിനെ പുറത്തിറക്കാൻ പ്രത്യേക വിദ്യകൾക്കും ടീച്ചർ രൂപംകൊടുത്തിട്ടുണ്ട്. കയറും മുണ്ടും ഉപയോഗിച്ചുള്ള പ്രകൃതിദത്തമായ രക്ഷാപ്രവർത്തനമാണ് ഇതിൽ പ്രധാനം. നാഷണൽ ഹൈവേയിൽ വരെ വളരെ ലളിതമായി ചെയ്യാവുന്ന ഈ വിദ്യ വൈകാതെ ആഗോളതലത്തിൽ പ്രചാരം നേടിയേക്കും.

ടീച്ചറിന്റെ തീയറിപ്രകാരം മാൻഹോളിലോ മറ്റോ ആരെങ്കിലും ശ്വാസംകിട്ടാതെ അകപ്പെട്ടാൽ ഉടൻ അപകടം നടന്നിടത്തേക്ക് ഓടുകയല്ല വേണ്ടത്, അടുത്തെവിടെയാണ് നല്ല ചന്തയും കയറുകടയുമുള്ളതെന്നു അന്വേഷിച്ച് അങ്ങോട്ടുവച്ചു പിടിക്കണം. കൊള്ളാവുന്ന മുപ്പിരി കയറുതന്നെ നോക്കി വാങ്ങണം. ഇനി അതിനു സമയമില്ലെങ്കിൽ ആമസോണിലോ ഫ്ളിപ്കാർട്ടിലോ രജിസ്റ്റർ ചെയ്യൂ, അവർ കയർ കൊറിയറായി അപകടസ്‌ഥലത്തേക്ക് അയച്ചുതരും. ഇങ്ങനെ സംഘടിപ്പിക്കുന്ന കയർ ഉപയോഗിച്ചു വേണം രക്ഷാപ്രവർത്തനം നടത്താൻ. അല്പംകൂടി നിലവാരത്തിൽ രക്ഷാപ്രവർത്തനം വേണമെന്നുണ്ടെങ്കിൽ മലയാളിയുടെ ദേശീയ വേഷമായ മുണ്ട് ഉപയോഗിക്കാം. മുണ്ടാണ് സെലക്ട് ചെയ്യുന്നതെങ്കിൽ കയറുകടയ്ക്കു പകരം തുണിക്കടയിലേക്ക് ഓടണമെന്നു മാത്രം. നല്ല കരയുള്ള ഡബിൾ മുണ്ടാണു കൂടുതൽ നല്ലത്. പച്ചക്കര അത്ര പിടിക്കില്ല.

ഇപ്പോൾ ഒരു സംശയം തോന്നുന്നുണ്ടാവും, ഇത്രയും ആലോചനയും കച്ചവടവുമൊക്കെ നടത്തി കയറും മുണ്ടുമായെത്തുമ്പോൾ മാൻഹോളിൽപ്പെട്ടവരുടെ സ്‌ഥിതി എന്താകും? ഇതിന് ഒറ്റ ഉത്തരം മാത്രമേയുള്ളൂ, തിയറിയിൽ ചോദ്യമില്ല, മൈക്കും പ്രസംഗവും മാത്രമേയുള്ളൂ! ഇപ്പോ തോന്നുന്നില്ലേ, ഈ നാടു നന്നാവാൻ കീഹോൾ സർജറി പോരാ, മാൻഹോൾ സർജറി തന്നെ വേണമെന്ന്!

ഒരിടത്ത് ഒരു തത്തയുണ്ടായിരുന്നു!
ഒരിക്കൽ ഒരിടത്ത് ഒരു തത്തയുണ്ടായിരുന്നു. ഏറെക്കാലം അതിന്റെ വാസം ഏതോ കാട്ടുപ്രദേശത്ത് ആയിരുന്നു. നാട്ടുകാർ അതിനെ പുറത്തുകണ്ടിട്ടേയില്ല. അങ്ങനെയിരിക്കെ തത്ത നാട്ട...
ഏവർക്കും ലഡു ദിനാശംസകൾ!
തച്ചങ്കരിയെന്നു കേട്ടാൽ മതി നമ്മുടെ മാധ്യമങ്ങളുടെ മനസിൽ ലഡുപൊട്ടും. കാരണം ഒരു ദിവസത്തെ കാര്യം കുശാലായല്ലോ. കാസറ്റും സിഡിയും ആയിട്ടും ഹെൽമറ്റും പെട്രോളുമായിട്ടുമ...
സായിപ്പും മദാമ്മയും കണ്ട സോമാലിയ!
<യ>ജോൺസൺ പൂവന്തുരുത്ത്

രാവിലെ ഉണർന്ന സായിപ്പ് കോഫി കപ്പുമായി ആലോചനയിൽ മുഴുകിയിരിക്കുന്നതു കണ്ടാണ് സ്വന്തം വൈഫൈ അടുത്തേക്കു ചെന്നത്. എന്താണ് ഇത്ര ആലോച...
ഫ്ളാറ്റിനു മുകളിലെ മരങ്ങൾ!
’ഹോ.. ഇതിൽ കൂടിയ ചൂടു ഞാനെന്റെ വീട്ടിലെ അടുക്കളയിൽ മാത്രമേ കണ്ടിട്ടുള്ളൂ...’’ തച്ചോളി ഒതേനൻ ഉറുമി ചുഴറ്റി വരുന്നതുപോലെ കൈയിലുണ്ടായിരുന്ന തോർത്തു തലയ്ക്കു മുകളിൽ...
ഇങ്ങനെ സഹകരിക്കുമെന്നു കരുതിയില്ല!
വീട്ടിലെ അരിയും സാധനങ്ങളും തീർന്നെന്ന് ഇന്നലെ മുതൽ പറയാൻ തുടങ്ങിയതാ... പക്ഷേ, വീട്ടുകാരന് ഒരു കുലുക്കവുമില്ല. ടൂവീലർ പഞ്ചറായി ഇരിക്കാൻ തുടങ്ങിയിട്ടു മൂന്നു ദിവസ...
ആദ്യം ഡിവോഴ്സ്, പിന്നെ കല്യാണം!
ഈ പ്രേമത്തിനു കണ്ണില്ലെന്ന് അന്നേ ആരോ പറഞ്ഞതാ, അപ്പോൾ ചെറുക്കന്റെയും പെണ്ണിന്റെയും വീട്ടുകാർ പറഞ്ഞു ഈ നാട്ടുകാർക്കു കണ്ണുകടിയാണെന്ന്. കണിച്ചുകുളങ്ങരക്കാരൻ പയ്യന...
പേരില്ലാ യാത്രയുടെ പൊല്ലാപ്പുകൾ!
ഒരു പേരിൽ എന്തിരിക്കുന്നു എന്ന ചോദ്യം ഇതിനകം പലവട്ടം കേട്ടിട്ടുണ്ട്. എന്തെങ്കിലും ഇരുന്നാലും ഇല്ലെങ്കിലും പേരുമൂലം ചിലർക്ക് ഇപ്പോൾ ഇരിക്കപ്പൊറുതി ഇല്ലാതായിരിക്ക...
കാള കിടക്കും സർക്കാരോടും !
കാള കിടക്കും കയറോടുമെന്നതായിരുന്നു ഇതുവരെയുള്ള കടംകഥ. ഉത്തരം മത്തങ്ങയാണെന്നു പറയാൻ ഏതു മത്തങ്ങത്തലയനും രണ്ടാമതൊന്ന് ആലോചിക്കേണ്ടി വന്നിരുന്നില്ല. ഇത്തവണയും കാള ...
ബോംബ് പൊട്ടിയില്ലെങ്കിലും ഭൂകമ്പം!
ഒരു വെടിയും പുകയും കുലുക്കവും മാത്രമേയുണ്ടായിരുന്നുള്ളൂ, കണ്ണു തുറന്നപ്പോഴാ മനസിലായത് ഉത്തര കൊറിയക്കാരൻ പയ്യൻ കിം ബോംബ് ഒരെണ്ണം പൊട്ടിച്ചിരിക്കുന്നു. എന്നു മാത്...
ഫുട്പാത്തിൽ കിടക്കാൻ അവകാശമുള്ളവർ!
ഫുട്പാത്തിലൂടെ തിരക്കിട്ടു നടക്കുകയായിരുന്ന വാസുവേട്ടൻ വഴിയോരത്തെ ഒരു കെട്ടിടം കണ്ടതും ഡിസ്ക് ബ്രേക്ക് ഇട്ടതുപോലെ നിന്നു. എന്നിട്ട് സുഖകരമായതെന്തോ പ്രതീക്ഷിച്ചത...
ചാനൽവണ്ടികൾ ചീറിപ്പായുമ്പോൾ !
പൊടിപറത്തി ആദ്യം കടന്നുപോയത് ഒരു പോലീസ് വണ്ടി ആയിരുന്നു. നിമിഷങ്ങൾ കഴിഞ്ഞപ്പോൾ ഒരു ചാനൽ വണ്ടി, പിന്നാലെ മറ്റൊന്ന്.. പിന്നെയും ചാനൽ വണ്ടികൾ... കുമാരേട്ടന്റെ ചായക...
നൗഷാദിന്റെ മണ്ടത്തരങ്ങൾ!
ടീച്ചർ ഇങ്ങോട്ടു വന്നോട്ടെ, ഇപ്പം കിട്ടിക്കോളും.. ടീച്ചറില്ലാത്തപ്പോൾ ക്ലാസിൽ വർത്തമാനം പറയരുതെന്ന് എത്ര പ്രാവശ്യം പറഞ്ഞിട്ടുള്ളതാ... വർത്തമാനം പറഞ്ഞ സതീശന്റെയു...
പോത്തിന്റെ തല വാങ്ങാൻ മറക്കരുത്!
ഔട്ട് ഓഫ് റേഞ്ച് / ജോൺസൺ പൂവന്തുരുത്ത്

നേരം പുലരുന്നതേയുള്ളൂ, ലക്ഷ്മണേട്ടന്റെ വീട്ടിലെ പെൻഷൻ പറ്റാറായ പൂവൻകോഴി നീട്ടിക്കൂവി. ഏതാനും വർഷങ്ങളായി വീട...
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
tech@deepika
4Wheel
Tax News
Video News
Samskarikam
University News
Letters
Rashtra Deepika LTD
Copyright @ 2017 , Rashtra Deepika Ltd.