Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health


ഫുട്പാത്തിൽ കിടക്കാൻ അവകാശമുള്ളവർ!
ഫുട്പാത്തിലൂടെ തിരക്കിട്ടു നടക്കുകയായിരുന്ന വാസുവേട്ടൻ വഴിയോരത്തെ ഒരു കെട്ടിടം കണ്ടതും ഡിസ്ക് ബ്രേക്ക് ഇട്ടതുപോലെ നിന്നു. എന്നിട്ട് സുഖകരമായതെന്തോ പ്രതീക്ഷിച്ചതു പോലെ ആഞ്ഞൊന്നു ശ്വാസംവലിച്ചു. എന്നാൽ, ശ്വാസം ഉള്ളിലേക്കു വലിച്ച വാസുച്ചേട്ടന്റെ മുഖം സർക്കാർ ഫയലുപോലെ ചുളിഞ്ഞു, കണ്ണുകൾ മിഴിഞ്ഞു. അറിയാതെ മൂക്കുപൊത്തി. എന്നിട്ടു ചുറ്റുപാടുമൊന്നു നോക്കി. തൊട്ടുമുന്നിലെ ഓടയുടെ സ്ലാബ് നടുവൊടിഞ്ഞു കിടക്കുന്നു. അവിടെനിന്ന് ഉത്പാദിപ്പിച്ചു വിതരണം ചെയ്തുകൊണ്ടിരുന്ന സൗരഭ്യമാണ് പാവം വാസുവേട്ടൻ ആഞ്ഞുവലിച്ചു മൂക്കിൽ കയറ്റിയത്.

പഴയ ഓർമകൾ കെട്ടുംപൊട്ടിച്ചു വന്നതോടെ വാസുവേട്ടൻ ആ കെട്ടിടത്തിന്റെ വരാന്തയിലേക്കു കയറി കണ്ണോടിച്ചു. പെയിന്റ് മങ്ങിയ കെട്ടിടത്തിന്റെ ഭിത്തിയിൽ ഇനിയും മായാൻ മനസില്ലാതെ പൊടിപിടിച്ച അക്ഷരങ്ങൾ... ബാർ...

എത്രയോ പ്രഗല്ഭർ വാളുവച്ച മണ്ണാണ് ഇപ്പോൾ ആളനക്കമില്ലാതെ കിടക്കുന്നത്. ഒച്ചപ്പാടും ബഹളവുമായി ഒരുകാലത്തു നിയമസഭയേക്കാൾ സജീവമായിരുന്ന മന്ദിരം പുതിയ പട്ടയം അനുവദിച്ചു കിട്ടിയ മട്ടിൽ ചിലന്തികൾ കൈയടക്കിയിരിക്കുന്നു. പറന്നുവരുന്ന ടൂറിസ്റ്റുകൾക്കായി അവർ കെട്ടിപ്പൊക്കിയ റിസോർട്ട് നെറ്റ്വർക്കുകളാണ് കെട്ടിടം മുഴുവൻ.

സബ്മിഷനും ഇറങ്ങിപ്പോക്കിനും കുത്തിയിരിപ്പിനും എത്രയോ തവണ ഇവിടം വേദിയായിരിക്കുന്നു. ഇടയ്ക്കിടെയുള്ള

‘അടി’യന്തര പ്രമേയങ്ങൾ ഫുട്പാത്തിലേക്കും നടുറോഡിലേക്കും നീണ്ട കഥകൾ നിരവധി. ഇവിടെ അവതരിപ്പിച്ച കനത്ത ബില്ലുകളിലുള്ള ചർച്ച അർധരാത്രിയിലും അവസാനിക്കാതെ വരുമ്പോൾ സ്വന്തം സീറ്റിൽത്തന്നെ തളർന്നുറങ്ങുന്ന എത്രയോ പേരെ വാച്ച് ആൻഡ് വാർഡ് അവസാനം പുറത്തിറക്കി ഇരുത്തിയിരിക്കുന്നു. ശിവൻകുട്ടി അരങ്ങേറ്റം കുറിക്കുന്നതിനു മുമ്പുതന്നെ മേശനൃത്തത്തിൽ മികവു തെളിയിച്ചിട്ടുള്ള നിരവധി കലാകാരൻമാരുടെ പ്രകടനങ്ങളുടെ കഥകൾ ഈ ചുവരുകൾ വിളിച്ചുപറയുന്നില്ലേ... ഇവിടെനിന്നു നാട്ടുഭാഷയുടെ ഒഴുക്കും ഗ്രാമീണഭാഷയുടെ വഴക്കവും കേട്ടു നാട്ടുകാർ എത്രയോ തവണ കുളിരോടെ ചെവി പൊത്തിയിരിക്കുന്നു.

ഒരു വർഷം മുമ്പത്തെ ഓണക്കാലത്തു വാവാ സുരേഷ് ഇതുവഴിയെങ്ങാനും വന്നിരുന്നെങ്കിൽ ഓണംബംബർ അടിച്ചതുപോലെ തുള്ളിച്ചാടിയേനെ. കാരണം പാമ്പുകൾ ഒന്നും രണ്ടുമല്ലായിരുന്നല്ലോ ഈ മുറികളിലൂടെ ഇഴഞ്ഞും തുഴഞ്ഞും നീങ്ങിയിരുന്നത്. ഇനിയൊരിക്കലും ഇവിടേക്ക് ഇല്ലെന്നു കൂട്ടുകാരന്റെ തലയിൽ കൈവച്ചു സത്യം ചെയ്തിട്ട് ഇറങ്ങിപ്പോക്കു നടത്തിയ മെംബർമാർ പ്രതിപക്ഷ വാക്കൗട്ടിനേക്കാൾ വേഗത്തിൽ തിരിച്ചെത്തിയിരുന്നതും പതിവു കാഴ്ചയായിരുന്നു.

ആഗോളതാപനം മുതൽ പെട്രോളിയം വിലയിടിവു വരെ, അടുക്കളക്കാര്യം മുതൽ അങ്ങാടിക്കഥകൾ വരെ... വൈവിധ്യമാർന്ന വിഷയങ്ങൾ ഇടതടവില്ലാതെ ചർച്ച ചെയ്യപ്പെട്ടിരുന്ന മിനി സർവകലാശാല തന്നെയായിരുന്നു ഇത്. ഇവിടെനിന്നു കോഴ്സ് പൂർത്തിയാക്കി പുറത്തേക്ക് ഇറങ്ങുന്നവർക്കു ചില പ്രത്യേക അവകാശങ്ങൾ പോലും നാടുവാഴികൾ കല്പിച്ചു നൽകിയിരുന്നത്രേ. ഫുട്പാത്തിൽ കിടന്നുറങ്ങാനുള്ള അവകാശമായിരുന്നു ഇതിൽ പ്രധാനം. ഇത്തിരികൂടി സ്വൈരം വേണമെന്ന് ആഗ്രഹിക്കുന്നവർക്ക് ആരെയും പേടിക്കാതെ ഓടയിലും തല ചായ്ക്കാമായിരുന്നു.

ഇങ്ങനെ ചരിത്രത്തെ കാലുറയ്ക്കാതെ നയിച്ചുകൊണ്ടിരുന്ന ഒരു കലാക്ഷേത്രമാണിപ്പോൾ മണ്ടയില്ലാത്ത തെങ്ങുപോലെ നിൽക്കുന്നത്. അതിന്റെ ചുവട് ബാറുടമകളും രാഷ്ട്രീയക്കാരുമെല്ലാം ചേർന്നു കിളച്ചു സിഡിയും ബാർ കോഴയും ഭീഷണിയുമൊക്കെ സമം ചേർത്തു വളമിട്ടെങ്കിലും വീണ്ടും കിളിർക്കുന്ന ലക്ഷണമില്ല. സുപ്രീംകോടതിയുടെ ഇടിമിന്നൽകൂടി ഏറ്റതോടെ സർവം ശുഭം. ഇനിയിപ്പോൾ വാസുവേട്ടനെപ്പോലുള്ള പൂർവവിദ്യാർഥികൾക്കു ചെയ്യാവുന്നത്... ഈ സ്മൃതിമണ്ഡപത്തിനു മുന്നിൽനിന്ന് ആടാതെനിന്ന് ഒരോ സെൽഫി എടുക്കാം, അതു ഫേസ്ബുക്കിലും വാട്സ് ആപ്പിലും തട്ടി ലൈക്ക് അടിപ്പിക്കാം!

മിസ്ഡ് കോൾ

കാശിനു കമന്റും ലൈക്കും ഇടുന്ന സൈബർ ക്വട്ടേഷൻ സംഘങ്ങൾ സജീവമെന്നു ഡിജിപി.
– വാർത്ത
അങ്ങനെ കമന്റും കള്ളൻകൊണ്ടുപോയി!

ഒരിടത്ത് ഒരു തത്തയുണ്ടായിരുന്നു!
ഒരിക്കൽ ഒരിടത്ത് ഒരു തത്തയുണ്ടായിരുന്നു. ഏറെക്കാലം അതിന്റെ വാസം ഏതോ കാട്ടുപ്രദേശത്ത് ആയിരുന്നു. നാട്ടുകാർ അതിനെ പുറത്തുകണ്ടിട്ടേയില്ല. അങ്ങനെയിരിക്കെ തത്ത നാട്ട...
ഏവർക്കും ലഡു ദിനാശംസകൾ!
തച്ചങ്കരിയെന്നു കേട്ടാൽ മതി നമ്മുടെ മാധ്യമങ്ങളുടെ മനസിൽ ലഡുപൊട്ടും. കാരണം ഒരു ദിവസത്തെ കാര്യം കുശാലായല്ലോ. കാസറ്റും സിഡിയും ആയിട്ടും ഹെൽമറ്റും പെട്രോളുമായിട്ടുമ...
സായിപ്പും മദാമ്മയും കണ്ട സോമാലിയ!
<യ>ജോൺസൺ പൂവന്തുരുത്ത്

രാവിലെ ഉണർന്ന സായിപ്പ് കോഫി കപ്പുമായി ആലോചനയിൽ മുഴുകിയിരിക്കുന്നതു കണ്ടാണ് സ്വന്തം വൈഫൈ അടുത്തേക്കു ചെന്നത്. എന്താണ് ഇത്ര ആലോച...
ഫ്ളാറ്റിനു മുകളിലെ മരങ്ങൾ!
’ഹോ.. ഇതിൽ കൂടിയ ചൂടു ഞാനെന്റെ വീട്ടിലെ അടുക്കളയിൽ മാത്രമേ കണ്ടിട്ടുള്ളൂ...’’ തച്ചോളി ഒതേനൻ ഉറുമി ചുഴറ്റി വരുന്നതുപോലെ കൈയിലുണ്ടായിരുന്ന തോർത്തു തലയ്ക്കു മുകളിൽ...
ഇങ്ങനെ സഹകരിക്കുമെന്നു കരുതിയില്ല!
വീട്ടിലെ അരിയും സാധനങ്ങളും തീർന്നെന്ന് ഇന്നലെ മുതൽ പറയാൻ തുടങ്ങിയതാ... പക്ഷേ, വീട്ടുകാരന് ഒരു കുലുക്കവുമില്ല. ടൂവീലർ പഞ്ചറായി ഇരിക്കാൻ തുടങ്ങിയിട്ടു മൂന്നു ദിവസ...
ആദ്യം ഡിവോഴ്സ്, പിന്നെ കല്യാണം!
ഈ പ്രേമത്തിനു കണ്ണില്ലെന്ന് അന്നേ ആരോ പറഞ്ഞതാ, അപ്പോൾ ചെറുക്കന്റെയും പെണ്ണിന്റെയും വീട്ടുകാർ പറഞ്ഞു ഈ നാട്ടുകാർക്കു കണ്ണുകടിയാണെന്ന്. കണിച്ചുകുളങ്ങരക്കാരൻ പയ്യന...
പേരില്ലാ യാത്രയുടെ പൊല്ലാപ്പുകൾ!
ഒരു പേരിൽ എന്തിരിക്കുന്നു എന്ന ചോദ്യം ഇതിനകം പലവട്ടം കേട്ടിട്ടുണ്ട്. എന്തെങ്കിലും ഇരുന്നാലും ഇല്ലെങ്കിലും പേരുമൂലം ചിലർക്ക് ഇപ്പോൾ ഇരിക്കപ്പൊറുതി ഇല്ലാതായിരിക്ക...
കാള കിടക്കും സർക്കാരോടും !
കാള കിടക്കും കയറോടുമെന്നതായിരുന്നു ഇതുവരെയുള്ള കടംകഥ. ഉത്തരം മത്തങ്ങയാണെന്നു പറയാൻ ഏതു മത്തങ്ങത്തലയനും രണ്ടാമതൊന്ന് ആലോചിക്കേണ്ടി വന്നിരുന്നില്ല. ഇത്തവണയും കാള ...
ബോംബ് പൊട്ടിയില്ലെങ്കിലും ഭൂകമ്പം!
ഒരു വെടിയും പുകയും കുലുക്കവും മാത്രമേയുണ്ടായിരുന്നുള്ളൂ, കണ്ണു തുറന്നപ്പോഴാ മനസിലായത് ഉത്തര കൊറിയക്കാരൻ പയ്യൻ കിം ബോംബ് ഒരെണ്ണം പൊട്ടിച്ചിരിക്കുന്നു. എന്നു മാത്...
ഫുട്പാത്തിൽ കിടക്കാൻ അവകാശമുള്ളവർ!
ഫുട്പാത്തിലൂടെ തിരക്കിട്ടു നടക്കുകയായിരുന്ന വാസുവേട്ടൻ വഴിയോരത്തെ ഒരു കെട്ടിടം കണ്ടതും ഡിസ്ക് ബ്രേക്ക് ഇട്ടതുപോലെ നിന്നു. എന്നിട്ട് സുഖകരമായതെന്തോ പ്രതീക്ഷിച്ചത...
ചാനൽവണ്ടികൾ ചീറിപ്പായുമ്പോൾ !
പൊടിപറത്തി ആദ്യം കടന്നുപോയത് ഒരു പോലീസ് വണ്ടി ആയിരുന്നു. നിമിഷങ്ങൾ കഴിഞ്ഞപ്പോൾ ഒരു ചാനൽ വണ്ടി, പിന്നാലെ മറ്റൊന്ന്.. പിന്നെയും ചാനൽ വണ്ടികൾ... കുമാരേട്ടന്റെ ചായക...
നൗഷാദിന്റെ മണ്ടത്തരങ്ങൾ!
ടീച്ചർ ഇങ്ങോട്ടു വന്നോട്ടെ, ഇപ്പം കിട്ടിക്കോളും.. ടീച്ചറില്ലാത്തപ്പോൾ ക്ലാസിൽ വർത്തമാനം പറയരുതെന്ന് എത്ര പ്രാവശ്യം പറഞ്ഞിട്ടുള്ളതാ... വർത്തമാനം പറഞ്ഞ സതീശന്റെയു...
പോത്തിന്റെ തല വാങ്ങാൻ മറക്കരുത്!
ഔട്ട് ഓഫ് റേഞ്ച് / ജോൺസൺ പൂവന്തുരുത്ത്

നേരം പുലരുന്നതേയുള്ളൂ, ലക്ഷ്മണേട്ടന്റെ വീട്ടിലെ പെൻഷൻ പറ്റാറായ പൂവൻകോഴി നീട്ടിക്കൂവി. ഏതാനും വർഷങ്ങളായി വീട...
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
tech@deepika
4Wheel
Tax News
Video News
Samskarikam
University News
Letters
Rashtra Deepika LTD
Copyright @ 2017 , Rashtra Deepika Ltd.