ഇനിയും നടുക്കം മാറാതെ....
ഉ​ന്ന​ത വി​ദ്യാ​ഭ്യാ​സം ന​ൽ​കി വ​ള​ർ​ത്തി​യ മ​ക​ൻ മാ​താ​പി​താ​ക്ക​ളെ​യും സ​ഹോ​ദ​രി​യെ​യും ബ​ന്ധു​വി​നെ​യും അ​തി​ക്രൂ​ര​മാ​യി കൊ​ല​പ്പെ​ടു​ത്തു​ക,ഒ​രു മൃ​ത​ദേ​ഹം വെ​ട്ടി​നു​റു​ക്കി ക​ഷ്ണ​ങ്ങ​ളാ​ക്കി ചാ​ക്കി​ൽ കെ​ട്ടി വ​യ്ക്കു​ക, മ​റ്റു​ള്ള​വ​യെ പെ​ട്രോ​ളി​ച്ച് ക​ത്തി​ക്കു​ക, പോ​ലീ​സ് നാ​ടൊ​ട്ടു​ക്ക് പ്ര​തി​ക്കാ​യി വ​ല​വീ​ശു​ന്പോ​ൾ നാ​ടു​വി​ട്ട പ്ര​തി തി​രി​ച്ചു​വ​ന്ന് പോ​ലീ​സ് പി​ടി​യി​ലാ​വു​ക, താ​നെ​ന്തി​നാ​ണ് കൊ​ല ന​ട​ത്തി​യ​തെ​ന്ന് പോ​ലീ​സി​നോ​ട് ത​ന്നെ ചോ​ദി​ച്ച​റി​യാ​നാ​ണ് തി​രി​ച്ചെ​ത്തി​യ​തെ​ന്ന് ചോ​ദ്യം​ചെ​യ്ത പോ​ലീ​സി​നോ​ട് പ​റ​യു​ക - ത​ല​സ്ഥാ​ന​ത്തെ പോ​ലീ​സു​കാ​ർ ഇ​ത്ര​യും സ​ങ്കീ​ർ​ണ​മാ​യ ഒ​രു കേ​സ​ന്വേ​ഷ​ണ​ത്തി​ലൂ​ടെ ക​ട​ന്നു​പോ​യി​ട്ടു​ണ്ടാ​വി​ല്ല. ഓ​രോ ത​വ​ണ ചോ​ദ്യം ചെ​യ്യു​ന്പോ​ഴും സം​ഭ​വ​ബ​ഹു​ല​മാ​യ ഓ​രോ ക​ഥ​ക​ളാണ് പു​റ​ത്തു​വ​ന്നത്. ഒ​രു മ​ന​ഃശാ​സ്ത്ര​ജ്ഞ​നും ക​ട​ന്നു​പോ​യി​ട്ടി​ല്ലാ​ത്ത വ​ഴി​ക​ളി​ലൂ​ടെ​യാ​ണ് ത​ല​സ്ഥാ​ന​ത്തെ പോ​ലീ​സു​കാ​ർ ക​ട​ന്നു​പോ​യ​ത്.

സം​ഭ​വ​ത്തി​ൽ ഞെ​ട്ട​ൽ മാ​റാ​തെ ക​ഴി​യു​ക​യാ​ണ് ന​ന്ദ​ൻ​കോ​ട് നി​വാ​സി​ക​ൾ. മ​ക​ൻ ത​ന്നെ മാ​താ​പി​താ​ക്ക​ളെ ഉ​ൾ​പ്പെ​ടെ കൊ​ല​പ്പെ​ടു​ത്തി​യെ​ന്ന വി​വ​രം ഇ​ക്ക​ഴി​ഞ്ഞ ഞാ​യ​റാ​ഴ്ച പു​ല​ർ​ച്ചെ​യോ​ടെ ഞെ​ട്ട​ലോ​ടെ​യും ഭീ​തി​യോ​ടെ​യു​മാ​ണ് ന​ന്ദ​ൻ​കോ​ട് ക്ലി​ഫ് ഹൗ​സി​ന് സ​മീ​പം താ​മ​സി​ക്കു​ന്ന പ്ര​ദേ​ശ​വാ​സി​ക​ൾ അ​റി​ഞ്ഞ​ത്. പ്ര​ഫ. രാ​ജ​ത​ങ്കം, ഭാ​ര്യ തി​രു​വ​ന​ന്ത​പു​രം ജ​ന​റ​ൽ ആ​ശു​പ​ത്രി​യി​ലെ മു​ൻ ആ​ർ​എം​ഒ ഡോ. ​ജീ​ൻ പ​ത്മം, മ​ക​ൾ ക​രോ​ളി​ൻ, ബ​ന്ധു ല​ളി​ത എ​ന്നി​വ​രാ​ണ് ദാ​രു​ണ​മാ​യി കൊ​ല്ല​പ്പെ​ട്ട​ത്. രാ​ത്രി പ​തി​നൊ​ന്നു മ​ണി​യോ​ടെ ജീ​ൻ പ​ത്മ​ത്തി​ന്‍റെ വീ​ട്ടി​ൽ നി​ന്നും പു​ക ഉ​യ​രു​ന്ന​ത് ശ്ര​ദ്ധ​യി​ൽ​പ്പെ​ടട നാ​ട്ടു​കാ​ർ ഫ​യ​ർ​ഫോ​ഴ്സി​ൽ വി​വ​രം അ​റി​യി​ക്കു​ക​യാ​യി​രു​ന്നു. ഫ​യ​ർ​ഫോ​ഴ്സെ​ത്തി ന​ട​ത്തി​യ പ​രി​ശോ​ധ​ന​യി​ലാ​ണ് മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്. വീ​ട്ടി​ൽ താ​മ​സി​ച്ചി​രു​ന്ന അ​ഞ്ചു പേ​രി​ൽ നാ​ലു പേ​ർ കൊ​ല്ല​പ്പെ​ടു​ക​യും ഡോ​ക്ട​റു​ടെ മ​ക​ൻ കേ​ഡ​ൽ ജി​ൻ​സ​ൻ രാ​ജി​നെ കാ​ണാ​താ​യ​തോ​ടെ​യു​മാ​ണ് കേ​ഡ​ലി​ലേ​ക്ക് പോ​ലീ​സി​ന്‍റെ സം​ശ​യം നീ​ണ്ട​ത്. വീ​ട്ടു​ജോ​ലി​ക്കാ​രു​ടെ മൊ​ഴി​ക​ൾ പ്ര​തി കേ​ഡ​ൽ ത​ന്നെ​യെ​ന്നു​ള്ള സം​ശ​യം പോ​ലീ​സി​ൽ കൂ​ടു​ത​ൽ ഉ​റ​പ്പി​ക്കു​ക​യാ​യി​രു​ന്നു.

പോ​ലീ​സ് ഉ​ണ​ർ​ന്ന് പ്ര​വ​ർ​ത്തി​ച്ചു. കേ​ഡ​ൽ ജി​ൻ​സ​ൻ രാ​ജ​യ്ക്കെ​തി​രേ പോ​ലീ​സ് ലു​ക്കൗ​ട്ട് പു​റ​പ്പെ​ടു​വി​ച്ചു. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ​യും മ​റ്റ് മ​ന്ത്രി​മാ​രു​ടെ​യും ഒൗ​ദ്യോ​ഗി​ക വ​സ​തി​ക​ൾ സ്ഥി​തി ചെ​യ്യു​ന്ന വി​ഐ​പി പ്ര​ദേ​ശ​ത്തി​ന് സ​മീ​പം ന​ട​ന്ന കൂ​ട്ട​ക്കൊ​ല​പാ​ത​ക കേ​സി​ലെ പ്ര​തി​യെ പി​ടി​കൂ​ടാ​ൻ പോ​ലീ​സ് ഉ​ണ​ർ​ന്ന് പ്ര​വ​ർ​ത്തി​ക്കു​ക​യാ​യി​രു​ന്നു. ജി​ൻ​സ​ൻ അ​റി​യാ​തെ കൊ​ല​പാ​ത​കം ന​ട​ക്കി​ല്ലെ​ന്ന് പോ​ലീ​സി​ന് ബോ​ധ്യ​പ്പെ​ട്ടു. വി​ദേ​ശ​ത്ത് പ​ഠ​നം ന​ട​ത്തു​ക​യും ജോ​ലി ചെ​യ്ത് വ​രി​ക​യും ചെ​യ്ത ജി​ൻ​സ​ൻ രാ​ജ്യം വി​ടാ​തി​രി​ക്കാ​ൻ പോ​ലീ​സ് വ​ള​രെ പെ​ട്ടെ​ന്ന് ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ച്ചു.

രാ​ജ്യ​ത്തെ മു​ഴു​വ​ൻ വി​മാ​ന​ത്താ​വ​ള​ങ്ങ​ളി​ലും എ​ല്ലാ സം​സ്ഥാ​ന​ങ്ങ​ളി​ലെ​യും ഡി​ജി​പി​മാ​ർ​ക്കും ലു​ക്കൗ​ട്ട് നോ​ട്ടീ​സി​ന്‍റെ പ​ക​ർ​പ്പ് എ​ത്തി​ച്ചു. ജി​ൻ​സ​ന്‍റെ പി​താ​വ് പ്രഫ. രാ​ജ​ത​ങ്ക​ത്തി​ന് ത​മി​ഴ്നാ​ട്ടി​ൽ വ​സ്തു​വ​ക​ളും എ​സ്റ്റേ​റ്റും ഉ​ണ്ടെ​ന്ന് അ​ന്വേ​ഷി​ച്ച​റി​ഞ്ഞ പോ​ലീ​സ് ജി​ൻ​സ​ന് വേ​ണ്ടി ത​മി​ഴ്നാ​ട് കേ​ന്ദ്രീ​ക​രി​ച്ച് അ​ന്വേ​ഷ​ണം വ്യാ​പി​പ്പി​ക്കു​ക​യാ​യി​രു​ന്നു. തി​രു​വ​ന​ന്ത​പു​ര​ത്ത് നി​ന്നു ര​ക്ഷ​പ്പെ​ട്ട ജി​ൻ​സ​ൻ ത​മി​ഴ്നാ​ട്ടി​ൽ ഒ​രു ദി​വ​സം ഒ​ളി​വി​ൽ താ​മ​സി​പ്പി​ക്ക​വെ​യാ​ണ് ത​ന്‍റെ ഫോ​ട്ടോ ഉ​ൾ​പ്പ​ടെ പോ​ലീ​സ് ന​ൽ​കി​യ ലു​ക്കൗ​ട്ട് നോ​ട്ടീ​സ് ശ്ര​ദ്ധ​യി​ൽ​പ്പെ​ട്ട​ത്. ഒ​ളി​വി​ൽ താ​മ​സി​ച്ചി​രു​ന്ന ലോ​ഡ്ജി​ൽ നി​ന്നും ബു​ദ്ധി​പൂ​ർ​വം ര​ക്ഷ​പ്പെ​ട്ട ജി​ൻ​സ​ൻ ട്രെ​യി​ൻ മാ​ർ​ഗം തി​രു​വ​ന​ന്ത​പു​രം ത​ന്പാ​നൂ​ർ റെ​യി​ൽ​വെ സ്റ്റേ​ഷ​നി​ലെ​ത്തി​യ​പ്പോ​ഴാ​ണ് റെ​യി​ൽ​വെ പോ​ലീ​സും ഷാ​ഡോ പോ​ലീ​സും ചേ​ർ​ന്ന് ജി​ൻ​സ​നെ പി​ടി​കൂ​ടി​യ​ത്.


പോ​ലീ​സി​നെ ഞെ​ട്ടി​ച്ച വെ​ളി​പ്പെ​ടു​ത്ത​ൽ

ജി​ൻ​സ​ന്‍റെ വെ​ളി​പ്പെ​ടു​ത്ത​ൽ അ​ക്ഷ​രാ​ർ​ഥ​ത്തി​ൽ പോ​ലീ​സി​നെ ഞെ​ട്ടി​ച്ചു. ത​ന്പാ​നൂ​ർ റെ​യി​ൽ​വെ സ്റ്റേ​ഷ​നി​ൽ നി​ന്നു പി​ടി​കൂ​ടി​യ ജി​ൻ​സ​നെ ചോ​ദ്യം ചെ​യ്യാ​ൻ ക​ന്‍റോ​ൺ​മെ​ന്‍റ് പോ​ലീ​സ് സ്റ്റേ​ഷ​ൻ കെ​ട്ടി​ട​ത്തി​ലെ ആ​ധു​നി​ക സൗ​ക​ര്യ​ങ്ങ​ളു​ള്ള ചോ​ദ്യം ചെ​യ്യ​ൽ മു​റി​യി​ലാ​ണ് എ​ത്തി​ച്ച​ത്. ആ​ധു​നി​ക ചോ​ദ്യം ചെ​യ്യ​ൽ മു​റി സ​ജ്ജീ​ക​രി​ച്ച ശേ​ഷം ഇ​വി​ടെ ആ​ദ്യം ചോ​ദ്യം ചെ​യ്യ​ലി​ന് വി​ധേ​യ​നാ​കു​ന്ന പ്ര​തി​യാ​ണ് കേ​ഡ​ൽ ജി​ൻ​സ​ൺ. തി​ങ്ക​ളാ​ഴ്ച രാ​ത്രി​യി​ൽ ആ​രം​ഭി​ച്ച ചോ​ദ്യം ചെ​യ്യ​ലി​ൽ നാ​ല് പേ​രെ​യും കൊ​ല​പ്പെ​ടു​ത്തി​യ​ത് താ​നാ​ണെ​ന്ന് ജി​ൻ​സ​ൻ പോ​ലീ​സി​നോ​ട് സ​മ്മ​തി​ച്ചു.

ആ​സ്ട്ര​ൽ പ്രൊ​ജ​ക്ഷ​ൻ വ​ർ​ഷ​ങ്ങ​ളാ​യി ചെ​യ്ത് വ​രു​ന്ന താ​ൻ നാ​ല് പേ​രു​ടെ​യും ശ​രീ​ര​ത്തി​ൽ നി​ന്നും ആ​ത്മാ​വി​നെ വേ​ർ​പെ​ടു​ത്തു​ക​യാ​ണ് ചെ​യ്ത​തെ​ന്ന് പ്ര​തി പോ​ലീ​സി​നോ​ട് വ്യ​ക്ത​മാ​ക്കി. കൂ​ടു​ത​ൽ കാ​ര്യ​ങ്ങ​ൾ ചോ​ദി​ച്ച​പ്പോ​ൾ മാ​ന​സി​ക വി​ഭ്രാ​ന്തി​യും പ​ര​സ്പ​ര വി​രു​ദ്ധ മ​റു​പ​ടി​യും ന​ൽ​കി​യ​ത് പോ​ലീ​സി​നെ കു​ഴ​ച്ചു. പി​ന്നീ​ട് മാ​ന​സി​ക​രോ​ഗ വി​ദ​ഗ്ധ​ന്‍റെ സ​ഹാ​യ​ത്തോ​ടെ പോ​ലീ​സ് ന​ട​ത്തി​യ ചോ​ദ്യം ചെ​യ്യ​ലി​ലാ​ണ് ഞെ​ട്ടി​ക്കു​ന്ന വെ​ളി​പ്പെ​ടു​ത്ത​ലു​ക​ൾ ജി​ൻ​സ​ൻ രാ​ജ ന​ട​ത്തി​യ​ത്.

എ​ന്നാ​ലും അ​വ​ൻ

||

ത​ല​സ്ഥാ​ന ന​ഗ​രി​യെ ന​ടു​ക്കി​യ കൂ​ട്ട​ക്കൊ​ല ക​ഴി​ഞ്ഞി​ട്ട് ദി​വ​സ​ങ്ങ​ൾ ക​ഴി​ഞ്ഞി​ട്ടും പ്ര​തി​യാ​യ കേ​ഡ​ൽ ജി​ൻ​സ​ന് എ​ങ്ങ​നെ ഇ​തു ചെ​യ്യാ​ൻ ക​ഴി​ഞ്ഞെ​ന്ന് വി​ശ്വ​സി​ക്കാ​ൻ നാ​ട്ടു​കാ​ർ​ക്കും അ​യ​ൽ​ക്കാ​ർ​ക്കും സാ​ധി​ക്കു​ന്നി​ല്ല.

യു​വ​ത്വ​ത്തി​ന്‍റേ​താ​യ ആ​വേ​ശ​ങ്ങ​ളൊ​ന്നും കാ​ട്ടാ​ത്ത അ​ന്ത​ർ​മു​ഖ​നും സൗ​മ്യ​നു​മാ​യ ചെ​റു​പ്പ​ക്കാ​ര​ൻ. എ​ന്തി​ന് കാ​റോ ബൈ​ക്കോ ഓ​ടി​ക്കാ​ൻ പോ​ലും അ​റി​യാ​ത്ത​യാ​ൾ. എ​പ്പോ​ഴും വീ​ട്ടി​ലെ ത​ന്‍റെ മു​റി​ക്കു​ള്ളി​ൽ ച​ട​ഞ്ഞു​കൂ​ടി​യി​രി​ക്കു​ന്ന കേ​ഡ​ലി​നെ പു​റം​ലോ​ക​ത്ത് കാ​ണു​ന്ന​തു​ത​ന്നെ വി​ര​ളം. അ​ഥ​വാ അ​യ​ൽ​ക്കാ​രു​ടെ മു​ന്നി​ൽ പെ​ട്ടാ​ലോ അ​വ​രോ​ട് സം​സാ​രി​ക്കു​ന്ന​തു​പോ​ലും അ​ങ്ങേ​യ​റ്റം സൗ​മ്യ​മാ​യി. വീ​ട്ടി​ലെ ആ​വ​ശ്യ​ങ്ങ​ൾ​ക്കാ​യി ചി​ല​പ്പോ​ൾ പു​റ​ത്തി​റ​ങ്ങു​ന്ന​തു​കാ​ണാ​റു​ണ്ടെ​ന്നാ​ണ് നാ​ട്ടു​കാ​രും പ​റ​യു​ന്ന​ത്. ആ ​വീ​ട്ടി​ൽ കൊ​ല​പാ​ത​ക​ങ്ങ​ൾ ന​ട​ന്നി​ട്ടു​പോ​ലും ചു​റ്റു​പാ​ടു​മു​ള്ള​വ​ർ​ക്ക് അ​റി​യാ​ൻ ക​ഴി​ഞ്ഞി​ല്ല. എ​ന്തി​ന് വീ​ട്ടു​ജോ​ലി​ക്കാ​ർ പോ​ലും അ​റി​ഞ്ഞി​ല്ല. ഇ​തി​നു മു​ന്പും ആ ​വീ​ട്ടി​ൽ നി​ന്ന് എ​ന്തെ​ങ്കി​ലും ശ​ബ്ദ​ങ്ങ​ൾ കേ​ട്ട​താ​യി നാ​ട്ടു​കാ​ർ ഓ​ർ​ക്കു​ന്നി​ല്ല. കൊ​ല​പാ​ത​ക​വി​വ​രം പു​റം​ലോ​ക​മ​റി​യു​ന്ന​തി​ന് മു​ൻ​പു​ള്ള ദി​വ​സം കേ​ഡ​ൽ ത​ന്നെ കാ​ണാ​ൻ വ​ന്നി​രു​ന്നു​വെ​ന്ന് അ​മ്മാ​വ​നാ​യ ജോ​സ് ഓ​ർ​ക്കു​ന്നു.
(തുടരും)

എം.​സു​രേ​ഷ്ബാ​ബു