അരുതേ...ഹോണ്‍ അരുതേ....
അ​മി​ത​ശ​ബ്ദ​ത്തി​ല്‍ ഹോ​ണ​ടി​ച്ച് നി​ര​ത്തു​ക​ളി​ല്‍ ചീ​റി​പ്പാ​യു​ന്ന വാ​ഹ​ന യാ​ത്രി​ക​രു​ടെ ശ്ര​ദ്ധ​യ്ക്ക്. അ​റി​ഞ്ഞോ അ​റി​യാ​തെ​യോ നി​ങ്ങ​ള്‍ ഇ​ല്ലാ​താ​ക്കു​ന്ന​ത് ഒ​രു സ​മൂ​ഹ​ത്തി​നെ ഒ​ന്നാ​കെ​യാ​ണ്. മു​തി​ര്‍​ന്ന​വ​രെ മാ​ത്ര​മ​ല്ല ഉ​ദ​ര​ത്തി​ലി​രി​ക്കു​ന്ന കു​ഞ്ഞു​ങ്ങ​ളു​ടെ ഭാ​വി​യെ​ത​ന്നെ ഇ​ല്ലാ​താ​ക്കു​ന്ന​താ​ണു കാ​ത​ടി​പ്പി​ക്കു​ന്ന ശ​ബ്ദം. അ​മി​ത​ശ​ബ്ദം​മൂ​ലം കേ​ള്‍​വി ശ​ക്തി കു​റ​യു​മെ​ന്ന​തൊ​ഴി​ച്ചാ​ല്‍ മ​റ്റു കു​ഴ​പ്പം സം​ഭ​വി​ക്കി​ല്ല​ല്ലോ​യെ​ന്നു വി​ചാ​രി​ക്കു​ന്ന​വ​ര്‍​ക്കും തെ​റ്റി. ഗ​ര്‍​ഭ​സ്ഥ ശി​ശു​വി​ല്‍ തു​ട​ങ്ങി വ​യോ​ധി​ക​ര്‍​ക്കു​വ​രെ കേ​ള്‍​വി​ക്കു​റ​വി​നോ​ടൊ​പ്പം ഹൃ​ദ​യ​ത്തി​നും ത​ല​ച്ചോ​റി​നും രോ​ഗ​ങ്ങ​ള്‍ ബാ​ധി​ക്കു​ന്ന​തി​നു പു​റ​മെ ര​ക്ത​സ​മ്മ​ര്‍​ദം, പ്ര​മേ​ഹം തു​ട​ങ്ങി ഒ​ട്ട​ന​വ​ധി ആ​രോ​ഗ്യ പ്ര​ശ്‌​ന​ങ്ങ​ള്‍​ക്കും അ​മി​ത ശ​ബ്ദം കാ​ര​ണ​മാ​കു​ന്ന​താ​യി പ​ഠ​ന​ങ്ങ​ള്‍ തെ​ളി​യി​ക്കു​ന്നു. ലോ​ക​ത്തു വാ​ഹ​ന​ങ്ങ​ള്‍ ഹോ​ണ​ടി​ച്ച് ചീ​റി​പ്പാ​യു​ന്ന പ്ര​വ​ണ​ത ഏ​റ്റ​വും കൂ​ടു​ത​ല്‍ കാ​ണു​ക ഇ​ന്ത്യ​യി​ലാ​കും. വി​ല​കൊ​ണ്ടും വ​ലി​പ്പം​കൊ​ണ്ടും തൊ​ട്ടു​മു​ന്നി​ല്‍ പോ​കു​ന്ന വാ​ഹ​നം ചെ​റു​താ​ണേ​ല്‍​പോ​ലും ഹോ​ണ്‍ അ​ടി​ച്ചു പേ​ടി​പ്പി​ക്കു​ന്ന​വ​ര്‍ ഉ​ള്‍​പ്പെ​ടെ​യു​ള്ള നാ​ടാ​ണു ന​മ്മു​ടേ​ത്. യു​വാ​ക്ക​ളു​ടെ കാ​ര്യ​മാ​ണേ​ല്‍ പ​റ​യു​ക​യേ​വേ​ണ്ട. പു​തി​യ​ത​രം ഹോ​ണു​ക​ള്‍ ക​ണ്ടു​പി​ടി​ക്കു​ന്ന​തി​നും ഇ​വ വാ​ഹ​ന​ങ്ങ​ളി​ല്‍ ഘ​ടി​പ്പി​ക്കു​ന്ന​തി​നും ഗ​വേ​ഷ​ണം ന​ട​ത്തു​ന്ന​വ​രാ​ണ് ഇ​ക്കൂ​ട്ട​രെ​ന്നു പ​റ​യാം. ‌

പി​ടി​ക്കപ്പെട്ടാ​ല്‍ ന്യാ​യീ​ക​ര​ണ​ങ്ങ​ള്‍ നി​ര​വ​ധി​യാ​ണെ​ങ്കി​ലും അ​നാ​വ​ശ്യ​മാ​യ ഹോ​ണ്‍ ഉ​പ​യോ​ഗം മ​റ്റു രാ​ജ്യ​ങ്ങ​ളി​ല്‍ ന​ട​ക്കി​ല്ല. വി​ദേ​ശ രാ​ജ്യ​ങ്ങ​ളി​ലെ​ല്ലാം​ത​ന്നെ അ​ടി​യ​ന്തി​ര സ​ഹച​ര്യ​ങ്ങ​ളി​ല്‍ ഉ​പ​യോ​ഗി​ക്കു​ന്ന​താ​ണു ഹോ​ണു​ക​ള്‍. ന​മ്മു​ടെ നാ​ട്ടി​ലാ​ക​ട്ടെ ആ​വ​ശ്യ​ത്തി​നും അ​നാ​വ​ശ്യ​ത്തി​നും ഉ​ള്‍​പ്പെ​ടെ പു​തി​യ വാ​ഹ​നം വാ​ങ്ങി​യെ​ന്നു നാ​ട്ടു​കാ​രെ അ​റി​യി​ക്കു​ന്ന​തും ഹോ​ണ​ടി​ച്ചാ​ണ്. വാ​ഹ​ന നി​ര്‍​മാ​താ​ക്ക​ള്‍ വാ​ഹ​ന​ങ്ങ​ള്‍ നി​ര​ത്തി​ലി​റ​ക്കു​മ്പോ​ള്‍ 55 മു​ത​ല്‍ 60 ഡെ​സി​ബ​ല്‍ വ​രെ​യു​ള്ള ഹോ​ണു​ക​ളാ​ണു വാ​ഹ​ന​ത്തി​ല്‍ ഘ​ടി​പ്പി​ക്കു​ക. പി​ന്നീ​ട് വാ​ഹ​ന ഉ​പ​യോ​ക്താ​ക്ക​ള്‍ ത​ങ്ങ​ളു​ടെ ഇ​ഷ്ട​പ്ര​കാ​രം ഇ​തു എ​ത്ര ഡെ​സി​ബ​ല്‍​വേ​ണേ​ലും വ​ര്‍​ധി​പ്പി​ക്കു​ന്നു.

ചെ​റു​ത​ല്ല ആ​രോ​ഗ്യ പ്ര​ശ്‌​നം

മ​നു​ഷ്യന്‍റെ ശ​ബ്ദ​ത്തി​ന്‍റെ പ​ത്തു​ല​ക്ഷം മ​ട​ങ്ങു തീ​വ്ര​ത​യു​ള്ള​താ​ണു വാ​ഹ​ന​ങ്ങ​ളു​ടെ ഹോ​ണു​ക​ളി​ല്‍​നി​ന്ന് ഉ​ണ്ടാ​കു​ന്ന ശ​ബ്ദം. ഇ​തു മ​ന​സി​ലാ​ക്കി​യാ​ല്‍​ത​ന്നെ ഹോ​ണി​ടി​ച്ച് ദി​ന​വും വാ​ഹ​നം ഓ​ടി​ക്കു​ന്ന​വ​ര്‍ വ​രു​ത്തി​വ​യ്ക്കു​ന്ന നാ​ശം എ​ത്ര ഭീ​ക​ര​മാ​ണെ​ന്നു ന​മു​ക്ക് മ​ന​സി​ലാ​ക്കാ​ന്‍ സാ​ധി​ക്കും. അ​മി​ത ശ​ബ്ദ​ത്തെ ത​ട​യാ​നു​ള്ള ശേ​ഷി​യൊ​ന്നും ന​മ്മു​ടെ ക​ര്‍​ണ​പു​ട​ങ്ങ​ള്‍​ക്കി​ല്ല. തൊ​ട്ട​ടു​ത്തു​നി​ന്നു​ണ്ടാ​കു​ന്ന അ​മി​ത​ശ​ബ്ദം മ​നു​ഷ്യ​ന്‍റെ ര​ക്ത​സ​മ്മ​ര്‍​ദം വ​ര്‍​ധി​പ്പി​ക്കു​ന്നു. ഇ​തി​നു​പു​റ​മെ ഹൃ​ദ്യോ​ഗ​ങ്ങ​ള്‍​ക്കും കേ​ള്‍​വി ശ​ക്തി കു​റ​യു​വാ​നും കാ​ര​ണ​മാ​കാം. പ​ല മാ​ന​സി​ക പ്ര​ശ്‌​ന​ങ്ങ​ളും വ​രു​ത്തി​വ​യ്ക്കാ​വു​ന്ന ഈ ​അ​മി​ത ശ​ബ്ദ​മൂ​ലം വി​ദ്യാ​ര്‍​ഥി​ക​ള്‍​ക്കു പ​ഠ​ന​വൈ​ക​ല്യ​ങ്ങ​ളും ഉ​ണ്ടാ​കാ​റു​ണ്ട്.

ഇ​തി​നെ​ല്ലാം പു​റ​മെ​യാ​ണു ഗ​ര്‍​ഭ​സ്ഥ ശി​ശു​വി​ന്‍റെ വ​ള​ര്‍​ച്ച​യെ​പ്പോ​ലും അ​മി​ത ശ​ബ്ദം ബാ​ധി​ക്കു​ന്ന​ത്. ഗ​ര്‍​ഭ​സ്ഥ​ശി​ശു അ​തിന്‍റെ മാ​താ​വി​ന്‍റെ ശ​ബ്ദ​ങ്ങ​ളും ഹൃ​ദ​യ​മി​ടി​പ്പു​ക​ളും ര​ക്ത​ചം​ക്ര​മ​ണ​ങ്ങ​ള്‍​കൊ​ണ്ടു​ള്ള ശ​ബ്ദ​ങ്ങ​ളും തി​രി​ച്ച​റി​യു​ന്നു​ണ്ടെ​ന്ന​താ​ണു യാ​ഥാ​ര്‍​ത്ഥ്യം. അ​തി​നാ​ല്‍​ത​ന്നെ 80 ഡെ​സി​ബ​ലി​ല്‍​കൂ​ടു​ത​ലു​ള്ള ശ​ബ്ദം ശി​ശു​വി​ന്‍റെ ശ്ര​വ​ണ​ശേ​ഷി കു​റ​യ്ക്കു​ന്ന​തി​നോ എ​ന്ന​ന്നേ​യ്ക്കു​മാ​യി ഇ​ല്ലാ​താ​ക്കു​ന്ന​തി​നോ കാ​ര​ണ​മാ​കു​ന്നു. നാം ​അ​റി​യാ​തെ വ​രു​ത്തി​വ​യ്ക്കു​ന്ന ചി​ല കാ​ര്യ​ങ്ങ​ള്‍ ഇ​ത്ത​ര​ത്തി​ല്‍ ഗു​രു​ത​ര​മാ​യ ആ​രോ​ഗ്യ​പ്ര​ശ്‌​ന​ങ്ങ​ളാ​ണു വ​രു​ത്തി​വ​ക്കു​ന്ന​ത്.

ചി​ന്ത മാ​റ​ണം കാ​ഴ്ച​പ്പാ​ടു​ക​ളും

വാ​ഹ​നം നി​ര​ത്തി​ലി​റ​ക്കി​യാ​ല്‍ ഹോ​ണ​ടി​ക്ക​ണ​മെ​ന്ന ചി​ന്ത പു​ല​ര്‍​ത്തു​ന്ന​വ​രാ​ണു ന​മ്മി​ല്‍ ഭൂ​രി​പ​ക്ഷം​പേ​രും. ഇ​തു​ത​ന്നെ​യാ​ണു ആ​ദ്യം മാ​റ്റേ​ണ്ട​തും. പ്ര​ധാ​ന ജം​ഗ്ഷ​നു​ക​ളി​ല്‍ സി​ഗ്ന​ല്‍ കാ​ത്തു​കി​ട​ക്കു​മ്പോ​ള്‍, മു​ന്നി​ല്‍ വേ​ഗ​ത കു​റ​ച്ചു​പോ​കു​ന്ന വാ​ഹ​ന​ത്തെ മ​റി​ക​ട​ക്കു​മ്പോ​ള്‍, ട്രാ​ഫി​ക്കി​ല്‍ കു​രു​ങ്ങി​യാ​ല്‍ തു​ട​ങ്ങി സ​ദാ​സ​മ​യ​ങ്ങ​ളി​ലും ഹോ​ണു​ക​ളി​ല്‍​നി​ന്നു കൈ​യെ​ടു​ക്കാ​ത്ത​വ​രാ​ണു ന​മ്മി​ല്‍ പ​ല​രും. ഇൗ ​ശീ​ലം മാ​റ്റി വാ​ഹ​ന​ത്തി​ലു​ള്ള മ​റ്റു സൗ​ക​ര്യ​ങ്ങ​ള്‍ ഉ​പ​യോ​ഗി​ക്കാ​നാ​ണു ശ്ര​മി​ക്കേ​ണ്ട​തു​ണ്ട്. മു​ന്നി​ലെ വാ​ഹ​ന​ങ്ങ​ളെ മ​റി​ക​ട​ക്കു​മ്പോ​ള്‍ ഉ​ള്‍​പ്പെ​ടെ ഹെ​ഡ്‌​ലൈ​റ്റു​ക​ള്‍ പ്ര​കാ​ശി​പ്പി​ച്ച് പ്ര​കാ​ശ​ത്തി​ന്‍റെ തീ​വ്ര​ത ഇ​ട​വി​ട്ട് കൂ​ട്ടി​യും കു​റ​ച്ചും മു​ന്ന​റി​യി​പ്പ് ന​ല്‍​കാ​ന്‍ സാ​ധി​ക്കും. ഇ​തി​നെ​ല്ലാം പു​റ​മെ റി​യ​ര്‍ വ്യൂ ​മി​റ​റി​ല്‍ കൃ​ത്യ​മാ​യി നോ​ക്കി​യാ​ല്‍​ത​ന്നെ പ​ക​ല്‍​സ​മ​യ​ങ്ങ​ളി​ല്‍ ഹോ​ണി​ന്‍റെ ആ​വ​ശ്യം ഒ​ഴി​വാ​ക്കാ​ന്‍ സാ​ധി​ക്കും. രാ​ത്രി​യി​ലാ​ക​ട്ടെ ഹെ​ഡ്‌​ലൈ​റ്റു​ക​ളു​ടെ കൃ​ത്യ​മാ​യ ഉ​പ​യോ​ഗം ഹോ​ണി​ന്‍റെ ആ​വ​ശ്യ​ക​ത ഇ​ല്ലാ​താ​ക്കു​ന്ന​താ​ണ്.

നി​രോ​ധി​ത മേ​ഖ​ല​ക​ളി​ലും നോ ​ര​ക്ഷ

ആ​ശു​പ​ത്രി​ക​ള്‍, വി​ദ്യാ​ല​യ​ങ്ങ​ള്‍, ആ​രാ​ധ​നാ​ല​യ​ങ്ങ​ള്‍, കോ​ട​തി പ​രി​സ​ര​ങ്ങ​ള്‍ തു​ട​ങ്ങി​യ സ്ഥാ​പ​ന​ങ്ങ​ളു​ടെ പ​രി​സ​ര​ങ്ങ​ളി​ല്‍ ഹോ​ണ്‍ ഉ​പ​യോ​ഗം നി​രോ​ധി​ച്ചി​ട്ടു​ണ്ടെ​ങ്കി​ലും പാ​ലി​ക്കു​ന്ന​വ​ര്‍ ന​ന്നേ കു​റ​വാ​ണ്. ലൈ​സ​ന്‍​സ് എ​ടു​ക്കേ​ണ്ട​തി​ന്‍റെ ആ​വ​ശ്യ​ക​ത​യ്ക്കാ​യി മാ​ത്രം നി​യ​മ​ങ്ങ​ള്‍ മ​ന​പാ​ഠ​മാ​ക്കു​ന്ന​വ​ര്‍ വാ​ഹ​നം നി​ര​ത്തി​ലി​റ​ക്കി​യാ​ല്‍ ഇ​വ പാ​ലി​ക്കാ​റേ​യി​ല്ല. ഹോ​ണ്‍ നി​രോ​ധി​ത മേ​ഖ​ല​യി​ല്‍ മ​റ്റി​ട​ങ്ങ​ളി​ലേ​തി​നേ​ക്കാ​ള്‍ നീ​ട്ടി ഹോ​ണ്‍ മു​ഴ​ക്കു​ന്ന​വ​രും കു​റ​വ​ല്ലാ​താ​നും. ഒ​രു ത​ര​ത്തി​ല്‍ പ​റ​ഞ്ഞാ​ല്‍ ചീ​ത്ത വി​ളി​ക​ളാ​ണു ഹോ​ണി​ലൂ​ടെ ന​ട​ക്കു​ന്ന​ത്. വാ​ഹ​നം ഓ​ടി​ക്കു​ന്ന​വ​ര്‍ ഹോ​ണി​ലൂ​ടെ​യാ​ണു നി​ര​ത്തു​ക​ളി​ല്‍ യാ​ത്ര സു​ഗ​മ​മാ​ക്കു​ന്ന​ത്. നി​രോ​ധി​ത മേ​ഖ​ല​ക​ളി​ല്‍ ഹോ​ണ​ടി​ക്കു​ന്ന​വ​രെ പി​ടി​കു​ടാ​ന്‍ നി​യ​മം അ​നു​വ​ദി​ക്കു​ന്നു​ണ്ടെ​ങ്കി​ലും ഉ​ണ്ടാ​കാ​റി​ല്ലെ​ന്ന​താ​ണു സ​ത്യം.


മ​നു​ഷ്യ​രെ മാ​ത്ര​മ​ല്ല മൃ​ഗ​ങ്ങ​ള്‍​ക്കും

അ​മി​ത​ശ​ബ്ദം മ​നു​ഷ്യ​ര്‍​ക്കു​മാ​ത്ര​മ​ല്ല മൃ​ഗ​ങ്ങ​ള്‍​ക്കും പ്ര​ശ്‌​ന​ങ്ങ​ളു​ണ്ടാ​ക്കും. മ​ല​യോ​ര​മേ​ഖ​ല​ക​ളി​ലൂ​ടെ​യും വ​നാ​തി​ര്‍​ത്തി​ക​ളി​ലൂ​ടെ​യും പാ​യു​ന്ന വാ​ഹ​ന​ങ്ങ​ള്‍ പു​റ​പ്പെ​ടു​വി​ക്കു​ന്ന അ​മി​ത​ശ​ബ്ദം മൃ​ഗ​ങ്ങ​ളി​ല്‍ അ​ക്ര​മ​ണോ​ത്സു​ക​ത വ​ര്‍​ധി​ക്കു​ന്ന​തി​നു കാ​ര​ണ​മാ​കു​ന്ന​താ​യാ​ണു വി​ദ​ഗ്ധര്‍ വ്യ​ക്ത​മാ​ക്കു​ന്ന​ത്. പ​ഠ​ന​ങ്ങ​ളി​ല്‍ ഇ​തു ശാ​സ്ത്രീ​യ​മാ​യി ക​ണ്ടെ​ത്തി​യി​ട്ടി​ല്ലെ​ങ്കി​ലും മൃ​ഗ​ങ്ങ​ള്‍​ക്കും അ​മി​ത​ശ​ബ്ദം വി​ന​യാ​കു​മെ​ന്നാ​ണു സൂ​ച​ന. ന​ഗ​ര​ഹൃ​ദ​യ​ങ്ങ​ളി​ല്‍ അ​മി​ത​ശ​ബ്ദ​ത്തി​നു കൂ​ച്ചു​വി​ല​ങ്ങി​ടാ​ന്‍ അ​ധി​കൃ​ത​ര്‍ ശ്ര​മി​ക്കു​ന്നു​ണ്ടെ​ങ്കി​ലും സം​സ്ഥാ​ന​ത്ത് വ​നാ​തി​ര്‍​ത്തി​ക​ളി​ല്‍ ഉ​ള്‍​പ്പെ​ടെ അ​മി​ത​ശ​ബ്ദ​ത്തി​നു ക​ര്‍​ശ​ന പ​രി​ശോ​ധ​ന​ക​ള്‍ ഉ​ണ്ടാ​കാ​റി​ല്ല.

പ​ണ്ട് സൗ​ണ്ട് ഹോ​ണ്‍ പ്ലീ​സ്, നി​ല​വി​ല്‍ ഹോ​ണ്‍ നോ​ട്ട് ഓ​കെ

പ​ഴ​യ വാ​ഹ​ന​ങ്ങ​ള്‍ ശ്ര​ദ്ധി​ച്ചാ​ല്‍ പി​ന്നി​ല്‍ ഇ​ത്ത​ര​മൊ​രു സൂ​ച​ന കാ​ണും 'സൗ​ണ്ട് ഹോ​ണ്‍ പ്ലീ​സ്' എ​ന്ന്. പ​ഴ​യ കാ​ല​ത്തു വാ​ഹ​ന​ങ്ങ​ളി​ല്‍ വ്യാ​പ​ക​മാ​യി ഇ​ത്ത​ര​മൊ​രു അ​റി​യി​പ്പ് ഉ​ണ്ടാ​യി​രു​ന്നെ​ങ്കി​ല്‍ നി​ല​വി​ല്‍ ആസ്ഥാനത്ത് 'ഹോ​ണ്‍ നോ​ട്ട് ഓ​കെ' എ​ന്ന സ്റ്റി​ക്ക​റു​ക​ള്‍ കൈ​യ്യ​ടി​ക്കി​യി​രി​ക്കു​ക​യാ​ണ്. റോ​ഡു​ക​ളി​ല്‍ വ​ള​രെ​കു​റ​ച്ച് വാ​ഹ​ന​ങ്ങ​ള്‍ ഉ​ണ്ടാ​യി​രു​ന്ന സ​മ​യ​ത്താ​ണു സൗ​ണ്ട് ഹോ​ണ്‍ പ്ലീ​സ് എ​ന്ന അ​റി​യി​പ്പ് പ്ര​ദ​ര്‍​ശി​പ്പി​ച്ചി​രു​ന്ന​ത്. നി​ര​ത്തി​ലു​ള്ള ട്ര​ക്ക് ഉ​ള്‍​പ്പെ​ടെ​യു​ള്ള പ​ഴ​യ വാ​ഹ​ന​ങ്ങ​ളി​ല്‍ ഈ ​എ​ഴു​ത്തു​ക​ള്‍ ഇ​പ്പോ​ഴും കാ​ണാ​ന്‍ സാ​ധി​ക്കും. വാ​ഹ​ന​ങ്ങ​ളു​ടെ എ​ണ്ണം ജ​ന​സം​ഘ​യോ​ട് മ​ത്സ​രി​ക്കു​ന്ന ഇ​ക്കാ​ല​യ​ള​വി​ല്‍ ബം​ഗ്‌​ളു​രൂ​വി​ല്‍ ഒ​രു​കു​ട്ടം ചെ​റു​പ്പ​ക്കാ​രാ​ണു ഹോ​ണ്‍ നോ​ട്ട് ഓ​കെ കാ​മ്പ​യി​നു​മാ​യി രം​ഗ​ത്തി​റ​ങ്ങി​യ​ത്. എ​ല്ലാ വാ​ഹ​ന​ങ്ങ​ളു​ടെ പി​ന്നി​ലും ഹോ​ണ്‍​നോ​ട്ട് ഓ​കെ സ്റ്റി​ക്ക​ള്‍ പ​തി​ക്കും. ഈ ​സ്റ്റി​ക്ക​റു​ക​ള്‍ പി​ന്നാ​ല വ​രു​ന്ന വാ​ഹ​ന​ങ്ങ​ളു​ടെ ഡ്രൈ​വ​റെ ഹോ​ണ്‍ മു​ഴ​ക്ക​രു​തെ​ന്നു ഓ​ര്‍​മ്മ​പെ​ടു​ത്തും. സം​സ്ഥാ​ന​ത്തും കൊ​ച്ചി ഉ​ള്‍​പ്പെ​ടെ​യു​ള്ള സ്ഥ​ല​ങ്ങ​ളി​ല്‍ ഇ​തു വ്യാ​പി​ച്ചു ക​ഴി​ഞ്ഞു.

പി​ഴ​യു​ണ്ടെ​ങ്കി​ലും വി​ഷ​യ​മ​ല്ല

ഉ​ച്ച​ത്തി​ല്‍ ഹോ​ണ്‍​മു​ഴ​ക്കി പാ​യു​ന്ന​വ​രെ പി​ടി​കൂ​ടി അ​ധി​കൃ​ത​ര്‍ ആ​യി​രം​രൂ​പ പി​ഴ ഈ​ടാ​ക്കു​ന്നു​ണ്ടെ​ങ്കി​ലും ഭൂ​രി​ഭാ​ഗം​പേ​ര്‍​ക്കും ഇ​തു വി​ഷ​യ​മേ​യ​ല്ല. ഒ​രു പി​ഴ അ​ട​ച്ചാ​ല്‍ ദി​വ​സം മു​ഴു​വ​ന്‍ യാ​ത്ര​ചെ​യ്യാം എ​ന്നു ധ​രി​ക്കു​ന്ന​വ​രാ​ണു മ​ല​യാ​ളി​ക​ളെ​ന്നു മോ​ട്ടോ​ള്‍​വാ​ഹ​ന​വ​കു​പ്പ്്് അ​ധി​കൃ​ത​ര്‍ വ്യ​ക്ത​മാ​ക്കു​ന്നു. ഒ​രു കു​റ്റം ഒ​രു ദി​വ​സം എ​ത്ര​ത​വ​ണ വേ​ണ​മെ​ങ്കി​ലും ചെ​യ്യാ​മെ​ന്നു തെ​റ്റി​ദ്ധ​രി​ക്കു​ന്ന​വ​രാ​ണ് ഭൂ​രി​ഭാ​ഗം​പേ​രും.

മലയാളികൾക്കു ശ​രി​യാ​യ ഡ്രൈ​വിം​ഗ് ശൈ​ലി​യി​ല്ല

മ​ല​യാ​ളി​ക​ള്‍​ക്കു ശ​രി​യാ​യ ഡ്രൈ​വിം​ഗ് ശൈ​ലി​യി​ല്ലാ​ത്ത​താ​ണു ഹോ​ണി​ന്‍റെ ഉ​പ​യോ​ഗം വ​ര്‍​ധി​ക്കാ​ന്‍ കാ​ര​ണം. വി​ദേ​ശ​രാ​ജ്യ​ങ്ങ​ളി​ല്‍ മ​ണി​ക്കൂ​റു​ക​ള്‍ കു​രു​ക്കി​ല്‍​പെ​ട്ടാ​ലും ഒ​രൊ​റ്റ വാ​ഹ​ന​വും ഹോ​ണ്‍ മു​ഴ​ക്കി​ല്ല. കേ​ര​ള​ത്തി​ലാ​ക​ട്ടെ വാ​ഹ​ന​ങ്ങ​ള്‍ അ​ഞ്ചു മി​നി​ട്ടു കു​രു​ങ്ങി​യാ​ല്‍ ഹോ​ണി​ല്‍​നി​ന്നു ഡ്രൈ​വ​ര്‍​മാ​ര്‍ കൈ​യെ​ടി​ക്കി​ല്ല. വാ​ഹ​ന​ങ്ങ​ളി​ല്‍ 55 മു​ത​ല്‍ 80 ഡെ​സി​ബ​ല്‍​വ​രെ​യു​ള്ള ഹോ​ണു​ക​ള്‍ ഉ​പ​യോ​ഗി​ക്കു​ന്ന​വ​രി​ല്‍​നി​ന്നു സാ​ധാ​ര​ണ​യാ​യി പി​ഴ ഈ​ടാ​ക്കാ​റി​ല്ല. ഇ​രു​ച​ക്ര വാ​ഹ​ന​ങ്ങ​ള്‍​ക്കു 55 ഡെ​സി​ബ​ലും കാ​റു​ക​ള്‍ ഉ​ള്‍​പ്പെ​ടെ​യു​ള്ള മ​റ്റു വാ​ഹ​ന​ങ്ങ​ള്‍​ക്കു 70 ഡെ​സി​ബ​ല്‍ ശ​ബ്ദ​മു​ള്ള ഹോ​ണു​ക​ളു​മാ​ണ് ഉ​പ​യോ​ഗി​ക്കാ​ന്‍ അ​നു​മ​തി​യു​ള്ളൂ. ഒ​രു ദി​വ​സം ഒ​രേ വാ​ഹ​നം എ​ത്ര ത​വ​ണ വേ​ണ​മെ​ങ്കി​ലും പ​രി​ശോ​ധി​ക്കു​വാ​നും ഇ​വ​യ്ക്കു പി​ഴ ഈ​ടാ​ക്കു​വാ​നും അ​നു​മ​തി​യു​ണ്ടെ​ന്നും സ​ര്‍​വ​സാ​ധാ​ര​ണ​യാ​യി ഒ​രാ​ള്‍ പി​ടി​ക്ക​പെ​ട്ടാ​ല്‍ തെ​റ്റു​തി​രു​ത്തു​വാ​ന്‍ ഒ​രു ദി​വ​സം സാ​വ​കാ​ശം ന​ല്‍​കാ​റു​ണ്ട്. ഇ​താ​ണു ഒ​രു ദി​വ​സം ഒ​രു ത​വ​ണ പി​ഴ അ​ട​ച്ചാ​ല്‍ മ​തി​യെ​ന്ന പ്ര​ച​ര​ണ​ത്തി​നു പി​ന്നി​ല്‍.

പി.​എ​ച്ച്. സാ​ദി​ഖ്അ​ലി
(എ​റ​ണാ​കു​ളം ആ​ര്‍​ടി​ഒ)

മ​ന​സു​വ​ച്ചാ​ല്‍ ന​മു​ക്കും സാ​ധി​ക്കുംല

ജ​ന​ങ്ങ​ളും ഒ​പ്പം അ​ധി​കൃ​ത​രും മ​ന​സു​വ​ച്ചാ​ല്‍ ന​മ്മു​ടെ ന​ഗ​ര​ങ്ങ​ളി​ലും നോ ​ഹോ​ണ്‍ ല​ക്ഷ്യം​വ​രി​ക്കാ​ന്‍ സാ​ധി​ക്കും. ഹോ​ണി​ന്‍റെ അ​മി​ത ഉ​പ​യോ​ഗം​മൂ​ല​മു​ള്ള ദൂ​ഷ്യ​ഫ​ല​ങ്ങ​ള്‍ പൊ​തു​സ​മൂ​ഹ​ത്തി​നു മു​ന്നി​ലെ​ത്തി​ക്കു​ക ല​ക്ഷ്യ​മി​ട്ട് ഐ​എം​എ​ക്കു കീ​ഴി​ല്‍ പ്ര​വ​ര്‍​ത്തി​ക്കു​ന്ന സം​ഘ​ട​ന​യാ​ണു നാ​ഷ​ണ​ല്‍ ഇ​ൻസിസ്റ്റ്യൂട്ട് ഫോ​ര്‍ സേ​ഫ് സൗ​ണ്ട് (നി​സ്സ്). കൊ​ച്ചി ന​ഗ​ര​ത്തെ നോ ​ഹോ​ണ്‍ സി​റ്റി​യാ​ക്കു​ക​യാ​ണു സം​ഘ​ട​ന​യു​ടെ ല​ക്ഷ്യം. മി​സ്സോ​റാ​മി​ല്‍ ഐ​സ്‌​വാ​ള്‍ സി​റ്റി​യി​ലും സി​ക്കി​മി​ന്‍റെ ത​ല​സ്ഥാ​ന​മാ​യ ജാ​ന്‍​ഹോ​ക്കി​ലും സ​ര്‍​ക്കാ​ര്‍ നോ ​ഹോ​ണ്‍ വ​ള​രെ ഫ​ല​പ്ര​ദ​മാ​യി ന​ട​പ്പി​ലാ​ക്കി​യി​ട്ടു​ണ്ട്. ഇ​വി​ട​ങ്ങ​ളി​ല്‍ അ​നാ​വ​ശ്യ​മാ​യി ഹോ​ണ്‍ ഉ​പ​യോ​ഗി​ച്ചാ​ല്‍ മൂ​വാ​യി​രം രൂ​പ​യാ​ണു പി​ഴ.

ഇ​ത്ത​ര​ത്തി​ല്‍ സം​സ്ഥാ​ന​ത്തും നി​യ​മം ക​ര്‍​ശ​ന​മാ​യി​ന​ട​പ്പി​ലാ​ക്കി​യാ​ല്‍ നോ ​ഹോ​ണ്‍ ഉ​പ​യോ​ഗം ന​ട​പ്പി​ലാ​ക്കാ​വു​ന്ന​തേ​യു​ള്ളൂ. നി​ല​വി​ല്‍ ന​ഗ​ര​ങ്ങ​ളി​ല്‍ സ​ര്‍​വീ​സ് ന​ട​ത്തു​ന്ന 75 ശ​ത​മാ​നം ബ​സ് ഡ്രൈ​വ​ര്‍​മാ​രി​ലും ഓ​ട്ടോ​റി​ക്ഷാ ഡ്രൈ​വ​ര്‍​മാ​രി​ലും കേ​ള്‍​വി​സം​ബ​ന്ധ​മാ​യ പ്ര​ശ്‌​ന​ങ്ങ​ളു​ണ്ട്.

ഡോ. ​വി.​ഡി. പ്ര​ദീ​പ് കു​മാ​ര്‍ല (നാ​ഷ​ണ​ല്‍ ഇ​ന്‍​സി​സ്റ്റ്യ.ൂ​ട്ട് ഫോ​ര്‍ സേ​ഫ് സൗ​ണ്ട് സ്‌​റ്റേ​റ്റ് കോ ​ഓ​ര്‍​ഡി​നേ​റ്റ​ര്‍)