ക​ളി​ചി​രി​യോ​ടെ ക​യ​റിച്ചെല്ലാം ഈ പോലീസ് സ്റ്റേഷനിലേക്ക്
കൊ​ച്ചി: തെ​ല്ലും ആ​ശ​ങ്ക​വേ​ണ്ടാ...​ഇ​തു പോ​ലീ​സ് സ്‌​റ്റേ​ഷ​ന്‍ ത​ന്നെ. പോ​ലീ​സ് സ്‌​റ്റേ​ഷ​ന്‍ പ​രി​സ​ര​ത്തു കു​ട്ടി​ക​ള്‍ ക​ളി​ച്ചു​ചി​രി​ച്ചു ന​ട​ക്കു​ക​യും അ​മ്മ​മാ​ര്‍ വി​ശ്ര​മി​ക്കു​ക​യും ചെ​യ്യു​ന്ന കാ​ല​ത്തി​നു തു​ട​ക്കം​കു​റി​ച്ചി​രി​ക്കു​ക​യാ​ണു എ​റ​ണാ​കു​ളം ജി​ല്ല​യി​ലെ ക​ട​വ​ന്ത്ര പോ​ലീ​സ് സ്‌​റ്റേ​ഷ​ന്‍.

പ​ഴ​യ​കാ​ല പോ​ലീ​സ് സ്‌​റ്റേ​ഷ​ന്‍റെ പേ​ടി​പ്പി​ക്കു​ന്ന മാ​തൃ​ക​യും പോ​ലീ​സു​കാ​രു​ടെ മു​ഖ​ഭാ​വ​വും മ​ന​സി​ല്‍ വി​ചാ​രി​ച്ച് ക​ട​വ​ന്ത്ര പോ​ലീ​സ് സ്‌​റ്റേ​ഷ​ന്‍റെ പ​ടി​ക്ക​ലെ​ത്തി​യാ​ല്‍ തെ​റ്റി. ഇ​വി​ടെ കാ​ണാ​ന്‍ സാ​ധി​ക്കു​ക പോ​ലീ​സി​ന്‍റെ പു​തി​യ മു​ഖ​മാ​കും. കു​ട്ടി​ക​ള്‍​ക്കു ക​ളി​ക്കാ​നു​ള്ള പാ​ര്‍​ക്ക് ഉ​ള്‍​പ്പെ​ടെ​യു​ള്ള സൗ​ക​ര്യ​ങ്ങ​ള്‍ ഒ​രു​ക്കി​യാ​ണു ക​ട​വ​ന്ത്ര പോ​ലീ​സ് ജ​ന​ഹൃ​ദ​യ​ങ്ങ​ളി​ല്‍ സ്ഥാ​നം പി​ടി​ക്കു​ന്ന​ത്. രാ​ജ്യ​ത്തെ ആ​ദ്യ​ത്തെ ശി​ശു-​വ​നി​താ സൗ​ഹൃ​ദ പോ​ലീ​സ് സ്‌​റ്റേ​ഷ​നാ​കാ​ന്‍ ഒ​രു​ങ്ങു​ന്ന​തി​ന്‍റെ ഭാ​ഗ​മാ​യാ​ണ് ഈ ​രൂ​പ​മാ​റ്റം.

പോ​ലീ​സി​നെ ഏ​റെ ഭ​യ​പ്പാ​ടോ​ടെ നോ​ക്കി​കാ​ണു​ന്ന കു​ട്ടി​ക​ള്‍​ക്കു ക​ളി​ക്കാ​നു​ള്ള പാ​ര്‍​ക്ക് ഉ​ള്‍​പ്പെ​ടെ​യു​ള്ള സൗ​ക​ര്യ​ങ്ങ​ളു​മാ​യാ​ണു സ്‌​റ്റേ​ഷ​ന്‍ വേ​റി​ട്ട അ​നു​ഭ​വ​മൊ​രു​ക്കു​ന്ന​ത്. സ്ത്രീ ​സൗ​ഹൃ​ദ സ്‌​റ്റേ​ഷ​നെ​ന്ന സം​സ്ഥാ​ന സ​ര്‍​ക്കാ​ര്‍ പ​ദ്ധ​തി​യി​ലാ​ണു ക​ട​വ​ന്ത്ര​യെ തെ​ര​ഞ്ഞെ​ടു​ത്ത​ത്. സ​മീ​പ പ്ര​ദേ​ശ​ങ്ങ​ളി​ലെ കു​ട്ടി​ക​ള്‍ അ​ട​ക്കം ആ​ന​ന്ദം ക​ണ്ടെ​ത്താ​ന്‍ ഇ​ന പാ​ര്‍​ക്കു​ക​ള്‍ തേ​ടി അ​ല​യേ​ണ്ട കാ​ര്യ​മി​ല്ല. നേ​രെ പോ​ലീ​സ് സ്‌​റ്റേ​ഷ​നി​ലേ​ക്കു ക​യ​റു​ക​യേ​വേ​ണ്ടൂ. കു​ട്ടി​ക​ളു​മാ​യി ദൂ​ര​യാ​ത്ര ചെ​യ്തു മ​ട​ങ്ങു​ന്ന​വ​ര്‍​ക്ക് ഒ​രു വി​ശ്ര​മ​കേ​ന്ദ്രം കൂ​ടി​യാ​ണ് ഈ ​പോ​ലീ​സ് സ്‌​റ്റേ​ഷ​ന്‍. സാ​മൂ​ഹി​ക വി​രു​ദ്ധ​രു​ടെ ആ​ക്ര​മ​ണ​ങ്ങ​ളി​ല്‍​നി​ന്നു ര​ക്ഷ​നേ​ടി കു​ഞ്ഞു​ങ്ങ​ളു​മാ​യി സ്വ​സ്ഥ​മാ​യി​രു​ന്നു വി​ശ്ര​മി​ക്കാ​നു​ള്ള ഇ​ട​മാ​യി പോ​ലീ​സ് സ്‌​റ്റേ​ഷ​ന്‍ മാ​റും.

ക​ളി​സ്ഥ​ലവും വി​വ​ര​ശേ​ഖ​ര​ണ​ത്തി​നും

കു​ട്ടി​ക​ള്‍​ക്കു ക​ളി​ക്കാ​നു​ള്ള ഇ​ട​മ​ല്ലേ ഇ​വി​ടെ​യു​ള്ളൂ എ​ന്നു വി​ചാ​രി​ക്കു​ന്ന​വ​രു​ടെ അ​റി​വി​ലേ​ക്ക്. താ​രാ​ട്ടു​പാ​ടി കു​ഞ്ഞി​നെ തൊ​ട്ടി​ലാ​ട്ടാ​നും കു​ട്ടി​ക​ളെ ക​ളി​ക്കാ​ന്‍ വി​ട്ട് അ​മ്മ​മാ​ര്‍​ക്കു വി​ശ്ര​മി​ക്കാ​നും ഇ​വി​ടെ സൗ​ക​ര്യ​മു​ണ്ട്. പ്ര​ത്യേ​ക മു​റി​യി​ലി​രു​ന്നു കു​ഞ്ഞു​ങ്ങ​ളെ മു​ല​യൂ​ട്ടാം. ലൈ​ബ്ര​റി സൗ​ക​ര്യ​വും പ്ര​യോ​ജ​ന​പ്പെ​ടു​ത്താം. ലൈ​ബ്ര​റി​യു​ടെ സ​ജ്ജീ​ക​ര​ണം അ​വ​സാ​ന​ഘ​ട്ടി​ത്തി​ലാ​ണ്. അ​ക്ര​മ​ങ്ങ​ളി​ല്‍​നി​ന്നു സ്ത്രീ​ക​ള്‍​ക്കും കു​ട്ടി​ക​ള്‍​ക്കും സം​ര​ക്ഷ​ണം ന​ല്‍​കു​ന്ന നി​യ​മ​ങ്ങ​ളും വ​കു​പ്പു​ക​ളും വി​വ​രി​ക്കു​ന്ന പു​സ്ത​ക​ങ്ങ​ള്‍, ല​ഘു​ലേ​ഖ​ക​ള്‍, പോ​സ്റ്റ​റു​ക​ള്‍ എ​ന്നി​വ​യാ​ണു ലൈ​ബ്ര​റി​യി​ല്‍ സ​ജ്ജീ​ക​രി​ക്കു​ന്ന​ത്. ജു​വ​നൈ​ല്‍ ജ​സ്റ്റീ​സ് ആ​ക്ട്, പോ​ക്‌​സോ, ഗാ​ര്‍​ഹി​ക പീ​ഡ​ന നി​യ​മം തു​ട​ങ്ങി​യ നി​യ​മ​ങ്ങ​ള്‍ സം​ബ​ന്ധി​ച്ച റ​ഫ​റ​ന്‍​സ് പു​സ്ത​ക​ങ്ങ​ള്‍ വാ​യി​ക്കാ​നും സം​ശ​യം തീ​ര്‍​ക്കാ​നും സൗ​ക​ര്യ​മു​ണ്ടാ​കും. ആ​വ​ശ്യ​മാ​യ വി​വ​ര​ങ്ങ​ളും ഇ​വി​ടെ​നി​ന്നു കു​റി​ച്ചെ​ടു​ക്കാം. ല​ഘു​ലേ​ഖ​ക​ള്‍ സൗ​ജ​ന്യ​മാ​യി ന​ല്‍​കും. ഓ​രോ നി​യ​മ​ത്തി​ന്‍റെ​യും വ​കു​പ്പു​ക​ള്‍, ഉ​പ​വ​കു​പ്പു​ക​ള്‍, പ​രാ​തി ന​ല്‍​കേ​ണ്ട വി​ധം, ആ​രെ സ​മീ​പി​ക്ക​ണം തു​ട​ങ്ങി​യ വി​വ​ര​ങ്ങ​ള്‍ അ​ട​ങ്ങി​യ ഡി​സ്‌​പ്ലേ ബോ​ര്‍​ഡു​ക​ളു​മു​ണ്ടാ​കും. കം​പ്യൂ​ട്ട​ര്‍ സ്‌​ക്രീ​നി​ല്‍ വി​വ​ര​ങ്ങ​ള്‍ ന​ല്‍​കാ​നും പ​ദ്ധ​തി​യു​ണ്ട്.


പേ​ടി​ക്കേ​ണ്ട ആ​വ​ശ്യ​മേ​യി​ല്ല; പ​രാ​തി കേ​ള്‍​ക്കാ​നും ആ​ളു​ണ്ടാ​കും

നി​ല​വി​ലെ സ്‌​റ്റേ​ഷ​ന്‍റെ മു​ന്‍​ഭാ​ഗ​ത്തു​ത​ന്നെ​യാ​ണു പു​തി​യ സം​വി​ധാ​ന​മൊ​രു​ക്കി​യി​രി​ക്കു​ന്ന​ത്. ഇ​തി​ന്‍റെ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍ പൂ​ര്‍​ത്തി​യാ​യി ക​ഴി​ഞ്ഞു. കു​ട്ടി​ക​ള്‍​ക്കു ക​ളി​ച്ചു​ന​ട​ക്കു​വാ​ന്‍ മാ​ത്ര​മേ സൗ​ക​ര്യ​മു​ള്ളോ​യെ​ന്ന സം​ശ​യ​ത്തി​നും പ്ര​ശ​ക്തി​യി​ല്ല. കു​ട്ടി​ക​ളു​ടെ​യും സ്ത്രീ​ക​ളു​ടെ​യും പ​രാ​തി കേ​ള്‍​ക്കു​വാ​നും പ്ര​ത്യേ​ക സൗ​ക​ര്യ​മു​ണ്ടാ​കും.

വ​നി​താ ഓ​ഫീ​സ​ര്‍​മാ​രാ​കും ഇ​വി​ടെ സ്ത്രീ​ക​ളു​ടെ​യും കു​ട്ടി​ക​ളു​ടെ​യും പ​രാ​തി​ക​ള്‍ കേ​ള്‍​ക്കു​ക. സ്ത്രീ​ക​ളു​ടെ സ്വ​കാ​ര്യ​ത സം​ര​ക്ഷി​ച്ചാ​കും എ​ല്ലാ ന​ട​പ​ടി​ക​ളും. സം​സ്ഥാ​ന​ത്തെ അ​ഞ്ച് പോ​ലീ​സ് സ്‌​റ്റേ​ഷ​നു​ക​ളാ​ണു സ്ത്രീ-​ശി​ശു സൗ​ഹൃ​ദ സ്‌​റ്റേ​ഷ​നാ​ക്കാ​നു​ള്ള ന​ട​പ​ടി പു​രോ​ഗ​മി​ക്കു​ന്ന​ത്. ശി​ശു-​വ​നി​താ സൗ​ഹൃ​ദ പോ​ലീ​സ് രാ​ജ്യ​ത്തു പു​ത്ത​ന്‍ അ​നു​ഭ​വ​മാ​കു​മെ​ന്ന് കൊ​ച്ചി എ​സി​പി കെ. ​ലാ​ല്‍​ജി വ്യ​ക്ത​മാ​ക്കി.

ന​യി​ക്കാ​നു​ള്ള​ത് ഇ​വ​ര്‍

ക​ട​വ​ന്ത്ര പോ​ലീ​സ് സ്‌​റ്റേ​ഷ​നി​ലെ​ത്തു​ന്ന ഏ​തൊ​രാ​ളു​ടെ​യും മ​ന​സി​ലു​ണ്ടാ​കു​ക ഒ​രു ന​വ്യാ​നു​ഭ​വ​മാ​യി​രി​ക്കു​മെ​ന്ന് എ​സ്‌​ഐ എം.​കെ. സ​ജീ​വ് വ്യ​ക്ത​മാ​ക്കു​ന്നു. പോ​ലീ​സ് ഉ​ദ്യോ​ഗ​സ്ഥ​രെ ക​ണ്ടാ​ല്‍ ആ​ളു​ക​ള്‍ പേ​ടി​ച്ചോ​ടു​ന്ന കാ​ല​മൊ​ക്കെ ക​ഴി​ഞ്ഞു. ഇ​തു ന​മ്മു​ടെ സ്വ​ന്തം പോ​ലീ​സു​കാ​രാ​ണ്. എ​സ്‌​ഐ എം.​കെ. സ​ജീ​വി​ന്‍റെ നേ​തൃ​ത്വ​ത്തി​ല്‍ ഏ​ഴ് വ​നി​താ പോ​ലീ​സ് ഉ​ദ്യോ​ഗ​സ്ഥ​ര​ട​ക്ക​മാ​ണു പ്ര​വ​ര്‍​ത്ത​ന​ങ്ങ​ള്‍​ക്കു നേ​തൃ​ത്വം ന​ല്‍​കു​ന്ന​ത്. ചെ​റു പു​ഞ്ചി​രി​യോ​ടെ​യാ​കും ഇ​വി​ടെ​യു​ള്ള പോ​ലീ​സ് ഉ​ദ്യോ​ഗ​സ്ഥ​ര്‍ ഏ​വ​രെ​യും സ്വാ​ഗ​തം ചെ​യ്യു​ന്ന​ത്. ഇ​തു​ത​ന്നെ സ്‌​റ്റേ​ഷ​നി​ലെ​ത്തു​ന്ന​വ​രു​ടെ മ​നം കു​ളി​ര്‍​പ്പി​ക്കും. പ​രാ​തി ല​ഭി​ച്ചാ​ല്‍ എ​ത്ര​യും വേ​ഗം തു​ട​ര്‍ ന​ട​പ​ടി​ക​ള്‍ സ്വീ​ക​രി​ക്കാ​നു​ള്ള സൗ​ക​ര്യ​വും ല​ഭി​ക്കു​മെ​ന്ന് അ​ധി​കൃ​ത​ര്‍ വ്യ​ക്ത​മാ​ക്കി. സ്ത്രീ​ക​ള്‍​ക്കും കു​ട്ടി​ക​ള്‍​ക്കും എ​തി​രെ​യു​ള്ള ആ​ക്ര​മ​ണ​ങ്ങ​ള്‍ ഒ​രു ത​ര​ത്തി​ലും അം​ഗീ​ക​രി​ക്കി​ല്ലെ​ന്നും പ്ര​തി​ക​ള്‍​ക്കെ​തി​രേ ക​ര്‍​ശ​ന ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും ഉ​ദ്യോ​ഗ​സ്ഥ​ര്‍ വി​വ​രി​ച്ചു. രാ​ത്രി, പ​ക​ല്‍ ഭേ​ദ​മ​ന്യേ ഏ​തു സ​മ​യ​വും ഈ ​സൗ​ക​ര്യം ല​ഭി​ക്കു​മെ​ന്നു​ള്ള​താ​ണു മ​റ്റൊ​രു പ്ര​ത്യേ​ക​ത.

റോ​ബി​ൻ ജോ​ർ​ജ്