ചിത്രം പകർത്തി ച​രി​ത്ര​മാ​യി
ബ്ലാ​ക്ക് ആ​ന്‍​ഡ് വൈ​റ്റ് ചി​ത്ര​ങ്ങ​ളി​ലൂ​ടെ കൊ​ച്ചി​യു​ടെ ച​രി​ത്ര​മെ​ഴു​തി​യ കൃ​ഷ്ണ​ന്‍​നാ​യ​ര്‍ ബ്ര​ദേ​ഴ്‌​സ് സ്റ്റു​ഡി​യോ ഇ​നി ച​രി​ത്രം. 1935ല്‍ ​എ​റ​ണാ​കു​ള​ത്ത് ആ​രം​ഭി​ച്ച സ്റ്റു​ഡി​യോ​യു​ടെ അ​ത്ര​ത​ന്നെ പ​ഴ​ക്ക​മു​ള്ള കൊ​ച്ചി​യു​ടെ കാ​ഴ്ച​ക​ളാ​യി​രു​ന്നു കൃ​ഷ്ണ​ന്‍​നാ​യ​ര്‍ സ്റ്റു​ഡി​യോ​യു​ടെ ച​രി​ത്ര​മൂ​ല്യം. കോ​ണ്‍​വെ​ന്‍റ് റോ​ഡി​ല്‍ പ്ര​വ​ര്‍​ത്തി​ച്ചു​വ​ന്നി​രു​ന്ന സ്റ്റു​ഡി​യോ​യു​ടെ ശേ​ഖ​ര​ത്തി​ല്‍ പു​തു ത​ല​മു​റ കേ​ട്ടി​ട്ടി​ല്ലാ​ത്ത​തും ക​ണ്ടി​ട്ടി​ല്ലാ​ത്ത​തു​മാ​യ നൂ​റു​ക​ണ​ക്കി​ന് ചി​ത്ര​ങ്ങ​ളാ​ണു​ള്ള​ത്. കൊ​ച്ചി​യു​ടെ വ​ര്‍​ത്ത​മാ​ന കാ​ല​ത്തെ ഉ​ള്‍​പ്പെ​ടെ ഒ​പ്പി​യെ​ടു​ത്ത ചി​ത്ര​ങ്ങ​ള്‍ ഇ​നി മ്യൂ​സി​യ​ത്തി​ന്‍റെ ഭാ​ഗ​മാ​കും. റോ​ളി ഫ്ലെക്‌​സ് കാ​മ​റ​ക​ള്‍ ക​ണ്ണു​ചി​മ്മി ഒ​പ്പി​യെ​ടു​ത്ത ആ ​ചി​ത്ര​ങ്ങ​ള്‍ ഇ​നി സ്റ്റു​ഡി​യോ​യി​ല്‍ ഇ​ല്ലെ​ന്ന സ​ത്യം ഉ​ട​മ അ​ജി​ത് ക​ണ്ണു​നീ​രോ​ടെ വി​വ​രി​ക്കു​മ്പോ​ള്‍ മ​ന​സി​ലാ​ക്കാം ഈ ​കു​ടും​ബ​ത്തി​നു സ്റ്റു​ഡി​യോ​യു​മാ​യു​ള്ള ആ​ത്മ​ബ​ന്ധം. സ്റ്റു​ഡി​യോ​യു​ടെ പ്ര​വ​ര്‍​ത്ത​നം അ​വ​സാ​നി​പ്പി​ക്കു​ക​യാ​ണെ​ങ്കി​ലും തൃ​പ്പൂ​ണി​ത്തു​റ​യി​ലെ വീ​ടി​ന്‍റെ ഒ​രു ഭാ​ഗം മ്യൂ​സി​യ​മാ​ക്കി മാ​റ്റി​യ​ശേ​ഷം ചി​ത്ര​ങ്ങ​ള്‍ സൂ​ക്ഷി​ക്കാ​നാ​ണു തീ​രു​മാ​നം.

ച​രി​ത്ര​മ​റി​യണമെങ്കിൽ പി​ന്നോട്ട് നടക്കണം

സ്റ്റു​ഡി​യോ​യു​ടെ ച​രി​ത്ര​മ​റി​യണമെങ്കിൽ വ​ര്‍​ഷ​ങ്ങ​ള്‍ പി​ന്നോ​ട്ട് സഞ്ചരിക്കണം. ഒ​ന്നും ര​ണ്ടു​മ​ല്ല പ​ഴ​യ ത​ല​മു​റ​യു​ടെ ചെ​റു​പ്പ​ത്തി​ലേ​ക്ക്. മാ​ര്‍​ക്ക​റ്റ് റോ​ഡി​ല്‍ പ​ടി​യാ​ത്തു കു​ള​ത്തി​ന​രി​കി​ലെ ചെ​റു​മു​റി​യി​ലാ​യി​രു​ന്നു തു​ട​ക്കം. പി​ന്നീ​ട് ടി​ഡി റോ​ഡി​ലേ​ക്കും 1950ല്‍ ​കോ​ണ്‍​വെന്‍റ് റോ​ഡി​ലേ​ക്കും എ​ത്തു​ക​യും ചെ​യ്തു.

അ​ണ്ണ​ന്‍ എ​ന്ന​റി​യ​പ്പെ​ടു​ന്ന പ​ത്മ​നാ​ഭ​ന്‍ നാ​യ​രാ​യി​രു​ന്നു കൊ​ച്ചി​യി​ലെ സ്റ്റു​ഡി​യോ​യു​ടെ അ​ധി​പ​ന്‍. തി​രു​വ​ന​ന്ത​പു​ര​ത്തു കൊ​ട്ട​രം ഫോ​ട്ടോ​ഗ്ര​ാഫ​റാ​യി​രു​ന്ന രാ​മ​ന്‍​പി​ള്ള​യു​ടെ മൂ​ത്ത അ​ന​ന്തര​വ​ന്‍ കൃ​ഷ്ണ​ന്‍​നാ​യ​രാ​ണു 1910ല്‍ ​കൃ​ഷ്ണ​ന്‍​നാ​യ​ര്‍ സ്റ്റു​ഡി​യോ തൃ​ശൂ​രി​ല്‍ തു​ട​ങ്ങു​ന്ന​ത്. 1935ല്‍ ​പൂ​ര്‍​ണ​മാ​യി സൂ​ര്യ​പ്ര​കാ​ശ​ത്തെ ആ​ശ്ര​യി​ച്ച് സ്റ്റു​ഡി​യോ​ക​ള്‍ പ്ര​വ​ര്‍​ത്തി​ച്ചി​രു​ന്ന കാ​ല​ഘ​ട്ട​ത്തി​ല്‍ വൈ​ദ്യു​തി​യി​ല്‍ പ്ര​വ​ര്‍​ത്ത​നം ആ​രം​ഭി​ച്ചു വി​പ്ല​വ​ക​ര​മാ​യ മാ​റ്റ​ത്തി​നും സ്റ്റു​ഡി​യോ തു​ട​ക്ക​മി​ട്ടു.

ശേ​ഖ​രം അ​മൂ​ല്യം, വി​ല​മ​തി​ക്കാ​നാ​കാ​ത്ത​ത്

സി.​വി. രാ​മ​ന്‍​പി​ള്ള​യു​ടെ ഷ​ഷ്ടി​പൂ​ര്‍​ത്തി​വേ​ള​യി​ല്‍ എ​ടു​ത്ത ചി​ത്രം മു​ത​ല്‍ കൊ​ച്ചി തു​റ​മു​ഖ​ത്ത് ആ​ദ്യ യാ​ത്രാ​ക്ക​പ്പ​ല്‍ വ​ന്ന​പ്പോ​ള്‍ തു​റ​മു​ഖ സ്ഥാ​പ​ക​ന്‍ റോ​ബ​ര്‍​ട്ട് ബ്രി​സ്റ്റോ​യും ഭാ​ര്യ​യും സ്വീ​ക​രി​ക്കു​ന്ന ചി​ത്രം വ​രെ ശേ​ഖ​ര​ങ്ങ​ളി​ലു​ണ്ട്. അ​ത്ത​ച്ച​മ​യ​ത്തി​ല്‍ കൊ​ച്ചി മ​ഹാ​രാ​ജാ​വ് പ​ല്ല​ക്കി​ല്‍ എ​ഴു​ന്ന​ള്ളു​ന്ന ചി​ത്രം, വെ​ണ്ടു​രു​ത്തി പാ​ല​ത്തി​ലൂ​ടെ ആ​ദ്യ ലോ​റി ഓ​ടു​ന്ന​ത്, സ്വാ​ത​ന്ത്ര്യ​സ​മ​ര​ത്തി​ന്‍റെ സ​മ​ര​മു​ഖ​ങ്ങ​ള്‍, തി​രു-​കൊ​ച്ചി സം​യോ​ജ​നം, ഐ​ക്യ​കേ​ര​ള പി​റ​വി, ആ​ദ്യ ക​മ്യൂ​ണി​സ്റ്റ് മ​ന്ത്രി​സ​ഭ​യു​ടെ ച​രി​ത്ര​മൂ​ഹൂ​ര്‍​ത്തം, കൊ​ച്ചി തു​റ​മു​ഖ​ത്തി​നു വേ​ണ്ടി​യു​ള്ള പ്ര​ക്ഷോ​ഭം തു​ട​ങ്ങി ഒ​ട്ടേ​റെ ച​രി​ത്ര​നി​മി​ഷ​ങ്ങ​ള്‍ ജീ​വ​സ്സു​റ്റ ചി​ത്ര​ങ്ങ​ളാ​യി ഇ​വി​ടെ സം​ര​ക്ഷി​ക്ക​പ്പെ​ട്ടു.

കൊ​ച്ചി തു​റ​മു​ഖ​ത്ത് ആ​ദ്യ യാ​ത്രാ​ക്ക​പ്പ​ല്‍ വ​ന്ന​പ്പോ​ള്‍ തു​റ​മു​ഖ സ്ഥാ​പ​ക​ന്‍ റോ​ബ​ര്‍​ട്ട് ബ്രി​സ്റ്റോ​യും ഭാ​ര്യ​യും സ്വീ​ക​രി​ക്കു​ന്ന ചി​ത്രം പ​ഴ​യ ത​ല​മു​റ​യ്ക്കു​പോ​ലും അ​പ​രി​ചി​ത​മാ​യി​രി​ക്കാം. കേ​ര​ള​ത്തെ ഞെ​ട്ടി​ച്ച ലോ ​കോ​ള​ജ് വി​ദ്യാ​ര്‍​ഥി​ക​ളു​ടെ ന​ഗ്ന ഓ​ട്ട​ത്തി​ന്‍റെ ചി​ത്രം, ഓ​ല​മേ​ഞ്ഞ ഫൈ​ന്‍ ആ​ര്‍​ട്സ് ഹാ​ള്‍, മേ​ല്‍​ക്കൂ​ര​യു​ള്ള രാ​ജേ​ന്ദ്ര​മൈ​താ​നം, മ​റൈ​ന്‍​ഡ്രൈ​വി​ല്ലാ​ത്ത മേ​ന​ക ജം​ഗ്ഷ​ന്‍, പ​ഴ​യ റാം​മോ​ഹ​ന്‍​പാ​ല​സ് തു​ട​ങ്ങി ഇ​ന്ന​ലെ​ക​ളു​ടെ ഭം​ഗി തു​റ​ന്നു​കാ​ട്ടു​ന്ന ഒ​ട്ടേ​റെ ചി​ത്ര​ങ്ങ​ളാ​ണു ജീ​വ​ന്‍ തു​ടി​ക്കു​ന്ന ഭം​ഗി​യോ​ടെ സ​ന്ദ​ര്‍​ശ​ക​രെ കാ​ത്തി​രു​ന്ന​ത്.


പ്ര​മു​ഖ​രു​ടെ സം​ഗ​മ കേ​ന്ദ്രം​

പ​ഴ​യ​കാ​ല രാ​ഷ്ട്രീ​യ-സാ​മൂ​ഹ്യ-സാം​സ്‌​കാ​രി​ക പ്ര​മു​ഖ​രു​ടെ സം​ഗ​മ​കേ​ന്ദ്രം കൂ​ടി​യാ​യി​രു​ന്നു കൃ​ഷ്ണ​ന്‍ നാ​യ​ര്‍ സ്റ്റു​ഡി​യോ. സ്വാ​ത​ന്ത്ര്യസ​മ​ര​കാ​ല​ത്തെ പോ​രാ​ളി​ക​ളു​ടെ ഒ​ളി​യിട​വും ഇ​വി​ടെ​യാ​യി​രു​ന്നു. വൈ​ക്കം മു​ഹ​മ്മ​ദ് ബ​ഷീ​ര്‍, ശ്രീ​ക​ണ്ഠ​ന്‍ നാ​യ​ര്‍, ച​ങ്ങ​മ്പു​ഴ, ത​ക​ഴി തു​ട​ങ്ങി അ​ക്കാ​ല​ത്തെ പ്ര​ശ​സ്ത​ര്‍ സ്റ്റു​ഡി​യോ​യിലെ നി​ത്യ സ​ന്ദ​ര്‍​ശ​ക​രാ​യി​രു​ന്നു. പ​ത്ഭ​നാ​ഭ​ന്‍ നാ​യ​രു​ടെ സ​ഹോ​ദ​രീ ഭ​ര്‍​ത്താ​വ് എം.​പി. കൃ​ഷ്ണ​പി​ള്ള, കൈ​പ്പി​ള്ളി വാ​സു, ജ​നാ​ര്‍​ദ്ദ​ന​ന്‍ എ​ന്നി​വ​രാ​ണു പ​ല കാ​ല​ങ്ങ​ളി​ലാ​യി സ്റ്റു​ഡി​യോ​യ്ക്കു​വേ​ണ്ടി പു​റം ചി​ത്ര​ങ്ങ​ള്‍ പ​ക​ര്‍​ത്തി​യ​ത്.

വി​ദ്യാ​ര്‍​ഥി നേ​താ​വും സ്വാ​ത​ന്ത്ര്യ​സ​മ​ര സേ​നാ​നി​യും പ​ത്ര​പ്ര​വ​ര്‍​ത്ത​ക​നും ഫോ ട്ടോഗ്രാഫ​റു​മൊ​ക്കെ​യാ​യി​രു​ന്ന എംപി​യു​ടെ സൗ​ഹൃ​ദ​വ​ല​യം വ​ലു​താ​യി​രു​ന്നു. ച​ങ്ങ​മ്പു​ഴ​യു​ടെ സു​ഹൃ​ത്തും ജി. ​ശ​ങ്ക​ര​ക്കു​റു​പ്പിന്‍റെ ശി​ഷ്യ​നും മു​ണ്ട​ശേ​രി​യു​ടെ ച​ങ്ങാ​തി​യു​മാ​യി​രു​ന്നു കൃ​ഷ്ണ​പി​ള്ള. അ​ന്നു സ്റ്റു​ഡി​യോ​യു​ടെ പി​ന്നി​ലാ​യി​രു​ന്നു എം പി ഭ​വ​നം. സൗ​ഹൃ​ദ​ങ്ങ​ളു​ടെ പ്ര​ഭാ​വ​ല​യ​ത്തി​ലാ​യി​രു​ന്നു എം.​പി. കൃ​ഷ്ണ​പി​ള്ള എ​പ്പോ​ഴും. ആ​ര്‍​ക്കും അ​ഭ​യ​കേ​ന്ദ്ര​മാ​യി​രു​ന്നു അ​ദ്ദേ​ഹം. പി​ന്നീ​ട് എം.​പി. കൃ​ഷ്ണ​ന്‍​നാ​യ​ര്‍ പ്ര​സ് ക്ല​ബി​നു സ​മീ​പം എം.​പി. സ്റ്റു​ഡി​യോ കു​റേ​ക്കാ​ലം ന​ട​ത്തി​യി​രു​ന്നു. അ​തു പി​ന്നീ​ട് കൈ​മാ​റ്റം ചെ​യ്യ​പ്പെ​ടു​ക​യും ചെ​യ്തു. കൃ​ഷ്ണ​പി​ള്ള​യു​ടെ മ​ക​ന്‍ അ​ജി​ത്താ​ണ് ഇ​പ്പോ​ള്‍ കൃ​ഷ്ണ​ന്‍ നാ​യ​ര്‍ സ്റ്റു​ഡി​യോ ഉ​ട​മ. ര​ഞ്ജി​ത്, അ​മ​ര്‍​ജി​ത്, ബീന, ഉ​ഷ എ​ന്നി​വ​രാ​ണു സ​ഹോ​ദ​ര​ങ്ങ​ള്‍. ഇ​വ​ര്‍​ക്കെ​ല്ലാം പേ​ര് നി​ര്‍​ദേ​ശി​ച്ച​തു വൈ​ക്കം മു​ഹ​മ്മ​ദ് ബ​ഷീ​റാ​ണ്.

മു​മ്പും സ്റ്റു​ഡി​യോ​ക​ള്‍ ഉ​ണ്ടാ​യി​രു​ന്നെ​ങ്കി​ലും...

കൃ​ഷ്ണ​ന്‍​നാ​യ​ര്‍ സ്റ്റു​ഡി​യോ​യു​ടെ വ​ര​വി​നു മു​ന്‍​പേ ന​ഗ​ര​ത്തി​ല്‍ സ്റ്റു​ഡി​യോ​ക​ള്‍ ഉ​ണ്ടാ​യി​രു​ന്നെങ്കി​ലും കൊ​ച്ചി​യു​ടെ ചി​ത്ര​ച​രി​ത്ര​മെ​ഴു​താ​ന്‍ ഭാ​ഗ്യം ല​ഭി​ച്ച​തു കൃ​ഷ്ണ​ന്‍​നാ​യ​ര്‍ സ്റ്റു​ഡി​യോ​യ്ക്കാ​ണ്. പ​ഴ​യ സ്റ്റു​ഡി​യോ​ക​ളി​ല്‍ പ​ല​തും കൊ​ച്ചി​യു​ടെ മി​ക​ച്ച പ​ല ചി​ത്ര​ങ്ങ​ളും എ​ടു​ത്തി​രു​ന്നു​വെ​ങ്കി​ലും പ്രി​ന്‍റും നെ​ഗ​റ്റീ​വും വേ​ണ്ട​വി​ധം സൂ​ക്ഷി​ച്ചി​രു​ന്നി​ല്ല. ച​രി​ത്ര​പ്രാ​ധാ​ന്യ​മു​ള്ള ഏ​തു ചി​ത്ര​വും കൃ​ഷ്ണ​ന്‍​നാ​യ​ര്‍ സ്റ്റു​ഡി​യോ​യി​ലെ ലൈ​ബ്ര​റി​യി​ല്‍ നി​ധി പോ​ലെ കാ​ത്തു​സൂ​ക്ഷി​ക്ക​പ്പെ​ട്ടു. വ​ര്‍​ഷ​ങ്ങ​ള്‍​ക്കു​മു​മ്പു​ണ്ടാ​യ തീ​പി​ടി​ത്ത​ത്തി​ല്‍ കു​റ​ച്ചു പ​ട​ങ്ങ​ള്‍ ന​ശി​ച്ചു​പോ​യ​തൊ​ഴി​ച്ചാ​ല്‍ മ​റ്റൊ​ന്നും ന​ഷ്ട​മാ​യി​ട്ടി​ല്ലെ​ന്ന് അ​ജി​ത് വ്യ​ക്ത​മാ​ക്കു​ന്നു.

ആ ​വെ​ളി​ച്ചം ഇ​നി​യി​ല്ല

സ്റ്റു​ഡി​യോ​യു​ടെ സ്വീ​ക​ര​ണ​മു​റി​യു​ടെ മൂ​ല​യി​ല്‍ സൂ​ക്ഷി​ച്ചി​രി​ക്കു​ന്ന റോ​ളി​ഫ്ലെ​ക്‌​സ് കാ​മ​റ ഇ​നി തി​ള​ങ്ങി​ല്ല. വ​രും ത​ല​മു​റ​ക​ള്‍​ക്കാ​യി പു​ത്ത​ന്‍ ത​ല​മു​റ ക​രു​തി​യി​രി​ക്കു​ന്ന ച​രി​ത്ര​താ​ളു​ക​ള്‍ ഒ​പ്പി​യെ​ടു​ക്കാ​ന്‍ കൃ​ഷ്ണ​ന്‍ നാ​യ​ര്‍ സ്റ്റു​ഡി​യോയും ഉ​ണ്ടാ​കി​ല്ല. മു​മ്പ് സ്റ്റു​ഡി​യോ​യി​ലേ​ക്കു ക​യ​റിച്ചെ​ല്ലു​ന്ന ഏ​തൊ​രാ​ളും ചു​മ​രു​ക​ളി​ലേ​ക്കു നോ​ക്കി ഒ​രു നി​മി​ഷം നി​ശ​ബ്​ദ​നാ​കു​മാ​യി​രു​ന്നു. അ​ത്ര​യ​്ക്കു​മു​ണ്ട് ഇ​വി​ടെ ച​രി​ത്ര​ം. മ​ഹാ​ര​ഥ​ന്മാ​രു​ടെ ചി​ത്ര​ങ്ങ​ള്‍​ക്കു പു​റ​മെ ച​രി​ത്ര​സം​ഭ​വ​ങ്ങ​ളെ ചു​മ​ലി​ലേ​റ്റി​യ ഈ ​ചു​മ​രു​ക​ള്‍ അ​നാ​ഥ​മാ​യി. സ്വ​ത്ത് വി​ഭ​ജ​ന​ത്തി​ന്‍റെ ഭാ​ഗ​മാ​യാ​ണു ച​രി​ത്ര​കാ​ഴ്​ച​ക​ളു​ടെ ജാ​ല​ക​ത്തി​നു തി​ര​ശീല വീ​ണി​രി​ക്കു​ന്ന​ത്.

റോബിൻ ജോർജ്