ആ​ന​ക​ളു​ടെ കൂ​ട്ടു​കാ​രി
ബം​ഗ​ളൂരു​വി​ലെ ഇം​ഗ്ലീ​ഷ് മീ​ഡി​യം സ്്കൂ​ളി​ൽ പ​ഠി​ക്കു​ന്പോ​ൾ ഇ ​ഫോ​ർ എ​ലി​ഫ​ന്‍റ് എ​ന്ന് പ​ഠി​ച്ച​പ്പോ​ൾ ആ​ന​യു​ടെ ചി​ത്രം ക​ണ്ട് സ്വ​പ്ന എ​ന്ന പെ​ണ്‍​കു​ട്ടി അ​ത്ഭു​ത​ത്തോ​ടെ അ​തു നോ​ക്കി​യി​രി​ക്കണം. ബാം​ഗ്ലൂ​ർ ഡെ​യ്സി​ൽ പി​ന്നെ കാ​ര്യ​മാ​യി ആ​ന​യും ആ​ന​ക്കാ​ര്യ​വും അ​വ​ളു​ടെ മ​ന​സി​ലേ​ക്ക് ച​ങ്ങ​ല​പൊ​ട്ടി​ച്ച് വ​ന്ന​തു​മി​ല്ല.

ആ​ന​ക​ളു​ടേ​യും ആ​ന​ക്ക​ന്പ​ക്കാ​രു​ടേ​യും പൂ​ര​ങ്ങ​ളു​ടേ​യും ഉ​ത്സ​വ​ങ്ങ​ളു​ടേ​യും നാ​ടാ​യ കൊ​ട​ക​ര​യി​ലാ​ണ് സ്വ​പ്ന​യെ​ന്ന പെ​ണ്‍​കു​ട്ടി​യു​ടെ താ​യ്‌വേരു​ക​ളെ​ങ്കി​ലും സ്വ​പ്ന ജ​നി​ച്ച​തും പ​ഠി​ച്ച​തും വ​ള​ർ​ന്ന​തും ബം​ഗ​ളൂരു​വി​ലാ​ണ്. അ​തു​കൊ​ണ്ടു​ത​ന്നെ ബം​ഗളൂരു​വെ​ന്ന മെ​ട്രോ​സി​റ്റി​യു​ടെ അ​ന്ത​രീ​ക്ഷ​ത്തി​ൽ ജ​നി​ച്ചു​വ​ള​ർ​ന്ന സ്വ​പ്ന​യ്ക്ക് ആ​ന​ക്ക​ന്പം തീ​രെ​യി​ല്ലാ​യി​രു​ന്നു. ചെ​റി​യ സ്വ​പ്ന​ക്കു​ട്ടി വ​ലി​യ കു​ട്ടി​യാ​യി ക​ല്യാ​ണ​മൊ​ക്കെ ക​ഴി​ഞ്ഞ് സ്വ​പ്ന വി​നീ​ഷ് എ​ന്ന വീ​ട്ട​മ്മ​യാ​യി. ഭ​ർ​ത്താ​വി​ന് നാ​ട്ടി​ലേ​ക്ക് സ്ഥ​ലം മാ​റ്റം കി​ട്ടി​യ​തി​നെ തു​ട​ർ​ന്ന് സ്വ​പ്ന ബംഗ്ലൂ​ംഗളൂരു എ​ന്ന മെ​ട്രോ സി​റ്റി​യി​ൽ നി​ന്നു നാ​ട്ടി​ലെ​ത്തി. ആ​ന​യും ആ​ന​ക്ക​ന്പ​ക്കാ​രും ഉ​ത്സ​വാ​ഘോ​ഷ​ങ്ങ​ളും പേ​രു​കേ​ട്ട നി​ര​വ​ധി ആ​ന​ക​ളു​മു​ള്ള തൃ​ശൂ​രി​ലേ​ക്ക്. കൊ​ട​ക​ര കാ​വി​ൽ​പ്പാ​ട​ത്തേ​ക്ക്. സ്വ​പ്ന​യു​ടെ ജീ​വി​ത​ത്തി​ലേ​ക്ക് ആ​ന​ക​ളും ആ​ന​ക​ളോ​ടു​ള്ള ഇ​ഷ്ട​വും ആ​ന​ച്ച​ന്ത​ത്തോ​ടെ ക​ട​ന്നു​വ​ന്ന​തും അ​പ്പോ​ഴാ​ണ്.

സ്വ​പ്ന​യു​ടെ സൗ​ഹൃ​ദ​ങ്ങ​ളു​ടെ നെ​റ്റ്‌വർ​ക്കി​ലേ​ക്ക് ക​രി​വീ​ര​ൻ​മാ​ർ ക​ട​ന്നെ​ത്തി​യ​ത് തോ​ട്ടാ​ൻ കേ​ശ​വ​ന്‍റെ രൂ​പ​ത്തി​ലാ​ണ്. ആ​ന​ക​ളും ആ​ന​ക്കാ​ര്യ​വും ത​ല​യ്ക്കു​പി​ടി​ക്കാ​തെ​യും മ​ന​സി​ലേ​റ്റാ​തേ​യും ഹൃ​ദ​യ​ത്തി​ൽ പി​ടി​ക്കാ​തെ​യും ക​ഴി​ഞ്ഞി​രു​ന്ന സ്വ​പ്ന തോ​ട്ടാ​ൻ​കേ​ശ​വ​ൻ എ​ന്ന ആ​ന​യെ​ക്കു​റി​ച്ച് കേ​ൾ​ക്കു​ന്ന​ത് സു​ഹൃ​ത്താ​യ ബി​ന്ദു എ​ന്ന അ​ധ്യാ​പി​ക​യി​ൽ നി​ന്നാ​ണ്. കമ്യൂ​ണി​ക്കേ​റ്റീ​വ് ഇം​ഗ്ലീ​ഷി​ന് പ​രി​ശീ​ല​നം ന​ൽ​കാ​ൻ പോ​യ​പ്പോ​ഴാ​ണ് ബി​ന്ദു​വി​ൽ നി​ന്നും സ്വ​പ്ന തോ​ട്ടാ​ൻ കേ​ശ​വ​നെ​ക്കു​റി​ച്ച് അ​റി​യു​ന്ന​ത്. തോ​ട്ടാ​ൻ കേ​ശ​വ​നെ​ക്കു​റി​ച്ചു​ള്ള ക​ഥ​ക​ളും വി​വ​ര​ണ​ങ്ങ​ളും സ്വ​പ്ന​യു​ടെ മ​ന​സി​ലേ​ക്ക് ഭം​ഗി​യാ​യി ആ​ഴ​ത്തി​ൽ ക​മ്യൂ​ണി​ക്കേ​റ്റ് ചെ​യ്യ​പ്പെ​ട്ടു. അ​ങ്ങനെ​യാ​ണ് കേ​ശ​വ​നെ കാ​ണാ​ൻ സ്വ​പ്ന​യെ​ത്തു​ന്ന​ത്.

ഒ​രു ബി​ന്ദു​വി​ൽ നി​ന്നു​മു​ള്ള ആ​ന​ക്ക​ന്പ​ത്തി​ന്‍റെ തു​ട​ക്ക​മാ​യി​രു​ന്നു ആ ​കൂ​ടി​ക്കാ​ഴ്ച. സ്വ​പ്ന​യ്ക്ക് തോ​ട്ടാ​ൻ കേ​ശ​വ​ന്‍റെ അ​ടു​ത്തേ​ക്ക് പോ​ക​ണ​മെ​ന്നാ​യി ആ​ശ. ആ​ന​പ്രാ​ന്ത​ൻ​മാ​രെ ഒ​രു​പാ​ട് ക​ണ്ടി​ട്ടു​ള്ള കേ​ശ​വ​ന്‍റെ ഉ​ട​മ​യ്ക്കും പാ​പ്പാ​ന്മാ​ർ​ക്കും സ്വ​പ്ന​യു​ടെ ക​ന്പം വെ​റും നേ​ര​ന്പോ​ക്ക​ല്ലെ​ന്ന് മ​ന​സി​ലാ​യി. അ​വ​ർ ആ​ന​യു​ടെ അ​ടു​ത്തു​ചെ​ല്ലാ​ൻ സ്വ​പ്ന​ക്ക് അ​നു​വാ​ദം​കൊ​ടു​ത്തു. ജീ​വി​ത​ത്തി​ലാ​ദ്യ​മാ​യി ആ​ന​യു​ടെ വ​ള​രെ തൊ​ട്ട​ടു​ത്ത് സ്വ​പ്ന​യെ​ത്തി. ഒ​രു കൈയക​ല​ത്തി​ൽ നി​ന്ന് സ്വ​പ്ന ആ​ദ്യം ആ​ന​യെ ക​ണ്ടു. പി​ന്നെ​യെ​ല്ലാം പെ​ട്ട​ന്നാ​യി​രു​ന്നു. ചി​ല ച​ല​ന​ങ്ങ​ളി​ലൂ​ടെ സ്വ​പ്ന​യു​ടെ കു​ശ​ലാ​ന്വേ​ഷ​ണ​ങ്ങ​ൾ​ക്ക് കേ​ശ​വ​ൻ മ​റു​പ​ടി പ​റ​യു​ന്ന​താ​ണ് ക​ണ്ട​ത്. ഉ​ട​മ​യും പാ​പ്പാ​ന്മാ​രും ഇ​തു​ക​ണ്ട് ആ​ശ്ച​ര്യ​പ്പെ​ട്ടു. അ​തൊ​രു തു​ട​ക്ക​മാ​യി​രു​ന്നു. ഒ​രു​പാ​ട് ആ​ന​ക​ളു​മാ​യി സൗ​ഹൃ​ദം സ്ഥാ​പി​ക്കു​ന്ന​തി​ന്‍റെ ആ​ദ്യ​പ​ടി.​തോ​ട്ടാ​ൻ കേ​ശ​വ​ൻ ഒ​രു നി​മി​ത്ത​മാ​യി​രു​ന്നു. ആ​ന​ക​ളു​ടെ കൂ​ട്ടു​കാ​രി​യെ​ന്ന വി​ശേ​ഷ​ണ​ത്തി​ലേ​ക്ക് സ്വ​പ്ന വി​നി​ഷീ​നെ മാ​റ്റാ​നു​ള്ള നി​മി​ത്തം.

പൂ​ര​ത്തി​ന്‍റെ നാ​ടാ​യ തൃ​ശൂ​രി​ൽ ആ​ന​പ്രേ​മി​ക​ളും ആ​ന​ക്ക​ന്പ​ക്കാ​രും ആ​യി​ര​ങ്ങളാ​ണ്. അ​വ​ർ​ക്കി​ട​യി​ലാ​ണ് ആ​ന​ക​ളോ​ടു​ള്ള ഇ​ഷ്ട​വു​മാ​യി സ്വ​പ്ന പു​തി​യ ഗ​ജ​സൗ​ഹൃ​ദ​ങ്ങ​ൾ തേ​ടു​ന്ന​ത്. ആ​ന​ക്ക​ന്പം ആ​ണു​ങ്ങ​ൾ​ക്ക് മാ​ത്ര​മു​ള്ള​ത​ല്ലെ​ന്നും ആ​ന​ക​ളെ സ്നേ​ഹി​ക്കാ​നും ആ​ന​ക്ക​ന്പം കൂ​ടാ​നും സ്ത്രീ​ക​ൾ​ക്കും പ​റ്റു​മെ​ന്ന് സ്വ​പ്ന സ്വ​ന്തം ജീ​വി​തം കൊ​ണ്ടു തെ​ളി​യി​ച്ചു. ആ​ന​ക​ളു​മാ​യു​ള്ള ത​ന്‍റെ സൗ​ഹൃ​ദ​ം സ്വ​പ്ന വ​ള​രെ ഗൗ​ര​വ​ത്തി​ൽ ത​ന്നെ​യാ​ണ് നോ​ക്കി​ക്കാ​ണു​ന്ന​ത്. വെ​റു​തെ ആ​ന​യെ ക​ളി​പ്പി​ച്ചും ലാ​ളി​ച്ചും, ആ ​ഭം​ഗി​യും ത​ല​പ്പൊ​ക്ക​വും ആ​ന​ച്ച​ന്ത​വും ആ​സ്വ​ദി​ച്ച് കാ​ഴ്ച​ക്കാ​രി മാ​ത്ര​മാ​കാ​ൻ താ​നി​ല്ലെ​ന്നാണ് സ്വ​പ്ന പറയുന്നത്. ആ​ന​ക​ളു​ടെ ക്ഷേ​മ​ത്തി​ന് വേ​ണ്ടി സാ​ധ്യ​മാ​യ​തെ​ന്നും ചെ​യ്യാ​നാ​ണ് സ്വ​പ​ന ആ​ഗ്ര​ഹി​ക്കു​ന്ന​തും ചെ​യ്യു​ന്ന​തും. ആ​ന​ക്ക​ന്പം വെ​റും വാ​ക്കി​ലൊ​തു​ക്കു​ന്നി​ല്ല സ്വ​പ്ന വി​നീ​ഷ്. ബി​രു​ദാ​ന​ന്ത​ര ബി​രു​ദ​ധാ​രി​യാ​യ ഈ 33 ​കാ​രി​ക്ക് ഇ​പ്പോ​ൾ ആ​ന​ക​ളും ആ​ന​ക​ളു​മാ​യു​ള്ള ച​ങ്ങാ​ത്ത​വും ജീ​വി​ത​ത്തി​ന്‍റെ ഭാ​ഗ​മാ​ണ്.


തോ​ട്ടാ​ൻ കേ​ശ​വ​നു​മാ​യി തു​ട​ങ്ങി​യ ആ​ന​ക്കൂ​ട്ട് പി​ന്നെ വ​ള​ർ​ന്നു. പി​ന്നെ പ​തി​യെ​പ്പ​തി​യെ മ​റ്റാ​ന​ക​ളു​മാ​യി കൂ​ട്ടു​കൂ​ടി. ആ​ന​ക​ളെ​ക്കു​റി​ച്ച് കൂ​ടു​ത​ല​റി​യാ​ൻ ആ​ന​ക​ളെ​ക്കു​റി​ച്ചു​ള്ള പു​സ്ത​ക​ങ്ങ​ൾ തേ​ടി​പ്പി​ടി​ച്ച് വാ​യി​ച്ചു. ആ​ന​ക​ളെ ക​ണ്ട​റി​യാ​നും തൊ​ട്ട​റി​യാ​നും വ​ള​രെ അ​ടു​ത്തു നി​ന്ന് അ​റി​യാ​നും ഉ​ത്സ​വ​പ്പ​റ​ന്പു​ക​ളി​ലും കെ​ട്ടു​ത​റ​ക​ളി​ലും സ്വ​പ്ന വി​നീ​ഷ് എ​ത്തി. ഓ​രോ ആ​ന​യു​ടേ​യും സ​വി​ശേ​ഷ​ത​ക​ൾ എ​ന്തൊ​ക്കെ​യാ​ണെ​ന്ന് സ്വ​പ്ന മ​ന​സി​ലാ​ക്കാ​ൻ തു​ട​ങ്ങി. അ​ല്ലെ​ങ്കി​ൽ മ​ന​സി​ലാ​കാ​ൻ തു​ട​ങ്ങി. ആ​ന​ക​ളെ സ്നേ​ഹ​ത്തോ​ടെ തൊ​ട്ടു​ത​ലോ​ടി തീ​റ്റ കൊ​ടു​ത്ത് അ​വ​ർ​ക്ക് പ്രിയ​പ്പെ​ട്ട കൂ​ട്ടു​കാ​രി​യാ​യി മാ​റാ​ൻ പി​ന്നെ ഒ​രു​പാ​ട് സ​മ​യ​മൊ​ന്നും വേ​ണ്ടിവ​ന്നി​ല്ല. ഫേസ്ബു​ക്കി​ലും വാ​ട്സ​് ആപ്പി​ലും കി​ട്ടാ​ത്ത അ​പൂ​ർ​വ​മാ​യ സൗ​ഹൃ​ദ​ക്കൂ​ട്ടാ​യ്മ​യു​ടെ നേ​ർ​ക്കാ​ഴ്ച​യാ​ണ് സ്വ​പ്ന​യു​ടെ ജീ​വി​തം. ഗ​ജ​സൗ​ഹൃ​ദ​ങ്ങ​ളു​ടെ ച​ങ്ങ​ല​കി​ലു​ക്കം നി​റ​ഞ്ഞ സ്വ​പ​്നജീ​വി​തം. ഭ​ർ​ത്താ​വ് വി​നീ​ഷും മ​ക്ക​ളാ​യ അ​ല​നും ആ​ൻ​ഡ്രി​യ​യും ഇ​ടം​വ​ലം നി​ന്ന് സ്വ​പ്ന​ക്കെ​ല്ലാ പി​ന്തു​ണ​യും പ്രോ​ത്സാ​ഹ​ന​വും ന​ൽ​കു​ന്നു.

സ്കൂ​ൾ കോ​ള​ജ് പ​ഠ​ന​കാ​ല​ത്തും ബംഗളൂരു ജീവിതത്തിലും കി​ട്ടാ​ത്ത സൗ​ഹൃ​ദ​ങ്ങ​ളു​ടെ വ​ലി​യൊ​രു നെ​റ്റ് വ​ർ​ക്കാ​ണ് ഇ​പ്പോ​ൾ സ്വ​പ്ന​ക്കു​ള്ള​ത്. കേ​ട്ടാ​ൽ ആ​രും കൊ​തി​ക്കു​ന്ന വി​സ്മ​യി​ക്കു​ന്ന, ഒ​ര​ൽ​പ്പം പേ​ടി​യോ​ടെ മാ​ത്രം നോ​ക്കി​ക്കാ​ണു​ന്ന​വ​രാ​ണ് സ്വ​പ്ന​യു​ടെ കൂ​ട്ടു​കാ​ർ. ഗ​ജ​വീ​ര​ന്മാ​രു​മാ​യു​ള്ള സൗ​ഹൃ​ദ​ക്കൂ​ട്ടി​ൽ വ​യ​ലൂ​ർ പ​ര​മേ​ശ്വ​ര​ൻ, തി​രു​വ​ന്പാ​ടി ശി​വ​സു​ന്ദ​ർ തു​ട​ങ്ങി​യ പേ​രു​കേ​ട്ട ല​ക്ഷ​ണ​മൊ​ത്ത, ഉ​ത്സ​വ​പ്പ​റ​ന്പു​ക​ളി​ലെ സൂ​പ്പ​ർ​താ​ര​ങ്ങ​ളാ​യ ഗ​ജ​വീ​ര​ന്മാ​രു​മു​ണ്ട്. ഏ​തു തി​ര​ക്കി​നി​ട​യി​ലും ഇ​വ​ർ ത​ന്‍റെ ശ​ബ്ദം തി​രി​ച്ച​റി​യു​മെ​ന്ന് സ്വ​പ്ന​പ​റ​യു​ന്നു. ആ​ണു​ങ്ങ​ൾ​ക്കു പോ​ലും അ​ടു​ത്തു ചെ​ല്ലാ​ൻ പേ​ടി​യു​ള്ള വ​യ​ലൂ​ർ പ​ര​മേ​ശ്വ​ര​നെ ഡാ ​പ​ര​മൂ എ​ന്ന് സ്വ​പ്ന നീ​ട്ടി​വി​ളി​ച്ചാ​ൽ ത​ല​കു​ലു​ക്കി വി​ന​യ​ത്തോ​ടെ സ്നേ​ഹ​ത്തോ​ടെ പ്ര​ത്യ​ഭി​വാ​ദ്യം ചെ​യ്യു​ന്ന​ത് കാ​ണേ​ണ്ട കാ​ഴ്ച ത​ന്നെ. അ​തൊ​രു ച​ട്ടം പ​ഠി​പ്പി​ക്ക​ലി​ന്‍റെ ശി​ക്ഷ​ണാ​പാ​ഠ​മ​ല്ല, മ​റി​ച്ച് സ്നേ​ഹ​ത്തി​ന്‍റെ ച​ട്ടം പ​ഠി​ച്ച​തി​ന്‍റെ പ്ര​ത്യ​ഭി​വാ​ദ്യ​മാ​ണ്.

വീ​ട്ട​മ്മ​യു​ടെ ഉ​ത്ത​ര​വാ​ദി​ത്വ​ങ്ങ​ളും സ്വ​കാ​ര്യ കോ​ള​ജി​ലെ അ​ധ്യാ​പ​ന​വും ക​ഴി​ഞ്ഞ് ബാ​ക്കി​യു​ള്ള സ​മ​യം ആ​ന​ക​ളു​മാ​യി കൂ​ട്ടു​കൂ​ടാ​ൻ ഉ​പ​യോ​ഗ​പ്പെ​ടു​ത്തു​ന്പോ​ൾ അ​തേ​റ്റ​വും ഭം​ഗി​യാ​യി പ​ര​മാ​വ​ധി ഉ​പ​യോ​ഗി​ക്കാ​നാ​ണ് സ്വ​പ്ന​യു​ടെ ശ്ര​മം. ഇ​പ്പോ​ൾ ആ​ന​ക​ളെ​ക്കു​റി​ച്ചു​ള്ള ഒ​രു പു​സ്ത​കം എ​ഴു​തു​ന്ന​തി​ന്‍റെ തി​ര​ക്കി​ലാ​ണ് ആ​ന​ക​ളു​ടെ ഈ ​കൂ​ട്ടു​കാ​രി. ആ​ന​ക​ളെ​ക്കു​റി​ച്ച് താ​ന​റി​ഞ്ഞ, താ​ൻ ക​ണ്ടും കേ​ട്ടും തൊ​ട്ട​റി​ഞ്ഞും അ​നു​ഭ​വി​ച്ച​റി​ഞ്ഞ കാ​ര്യ​ങ്ങ​ളും അ​നു​ഭ​വ​ക്കു​റി​പ്പു​ക​ളു​മാ​ണ് പു​സ്ത​ക​ത്തി​ലു​ള്ള​ത്. വി​ശ്വ​ഗ​ജ​സേ​വാ​സ​മി​തി എ​ന്ന പേ​രി​ൽ ആ​രം​ഭി​ച്ചി​ട്ടു​ള്ള ആ​ഗോ​ള സം​ഘ​ട​ന​യു​ടെ സെ​ക്ര​ട്ട​റി കൂ​ടി​യാ​ണ് സ്വ​പ​്ന. ഭ​ർ​ത്താ​വ് പി.​വി.​ വി​നീ​ഷും ഇ​തി​ന്‍റെ ഭാ​ര​വാ​ഹി​യാ​യി എ​ല്ലാ പി​ന്തു​ണ​യോ​ടും കൂ​ടി സ്വ​പ്ന​ക്കൊ​പ്പ​മു​ണ്ട്. ആ​ന​ക​ളെ​ക്കു​റി​ച്ചൊ​രു ഡോ​ക്യു​മെ​ന്‍റ​റി​യെ​ടു​ക്കാ​നു​ള്ള സ്വപ്നവും സ്വപ് നയ്ക്കുണ്ട്.

ആ​ന​ക​ളെ സ്നേ​ഹി​ക്ക​ണ​മെ​ങ്കി​ൽ ആ​ന​യോ​ളം പോ​ന്ന മ​ന​സു​വേ​ണ​മെ​ന്ന് പ​റ​യാ​റു​ണ്ട്. എ​ന്നാ​ൽ മാ​ത്ര​മേ ആ​ന​യ്ക്ക് ന​മ്മെ തി​രി​ച്ചു സ്നേ​ഹി​ക്കാ​ൻ തോ​ന്നു​ക​യു​ള്ളു​വ​ത്രെ. സ്വ​പ​്ന​യു​ടെ ആ​ന സ്നേ​ഹ​ത്തി​ന് ആ​ന​യോ​ളം വ​ലു​പ്പ​മു​ണ്ടെ​ന്ന് തി​രി​ച്ചു​കി​ട്ടു​ന്ന ആ​ന​സ്നേ​ഹം ബോ​ധ്യ​പ്പെ​ടു​ത്തു​ന്നു. അ​ത് നി​ല​നി​ൽ​ക്ക​ട്ടെ...​സ​ഹ്യ​പു​ത്ര​ന്മാ​രെ മ​തി​വ​രോ​ളം സ്നേ​ഹി​ച്ച് സ്വ​പ്ന ത​ന്‍റെ ഗ​ജ​സ്നേ​ഹ​ത്തി​ന്‍റെ സൗ​ഹൃ​ദ​വ​ല​യം ആ​ന​യോ​ളം വ​ലു​പ്പ​ത്തി​ലാ​ക്ക​ട്ടെ.....

ജോ​ണ്‍ കോ​പ്ലി