ആനയ്ക്കും ചൂലിനുമില്ല ആനുകൂല്യം
നോ​ക്കു​കൂ​ലി​യെ അ​ളി​ഞ്ഞ സം​സ്കാ​ര​മെ​ന്നു വി​ശേ​ഷി​പ്പി​ച്ച​ത് മ​ന്ത്രി ജി ​സു​ധാ​ക​ര​നാ​ണ്. കൈ ​കെ​ട്ടി കാ​ഴ്ച​ക്കാ​രാ​യി നി​ന്ന​ശേ​ഷം കൂ​ലി പി​ടി​ച്ചു​വാ​ങ്ങു​ന്ന​തി​നെ ഗു​ണ്ടാ​യി​സ​മെ​ന്നാ​ണ് സി​പി​എം സെ​ക്ര​ട്ട​റി​യാ​യി​രി​ക്കെ പി​ണ​റാ​യി വി​ജ​യ​ൻ വി​ശേ​ഷി​പ്പി​ച്ച​ത്. ആ​ല​പ്പു​ഴ ക​ള​ർ​കോ​ട് റോ​ഡി​ൽ പാ​കാ​നു​ള്ള ക​ല്ലി​റ​ക്കാ​ൻ ഓ​രോ ലോ​ഡി​നും 2,500 രൂ​പ നോ​ക്കു​കൂ​ലി കി​ട്ട​ണ​മെ​ന്ന് ക​ഴി​ഞ്ഞ മാ​സം എഐടിയുസി നി​ല​പാ​ടെ​ടു​ത്ത​പ്പോ​ഴാ​ണ് പൊ​തു​മ​രാ​മ​ത്ത് മ​ന്ത്രി ജി ​സു​ധാ​ക​ര​ൻ നോ​ക്കു​കൂ​ലി​യെ ആ​ല​പ്പു​ഴ​യു​ടെ അ​ളി​ഞ്ഞ സം​സ്കാ​ര​മെ​ന്നു പ​റ​ഞ്ഞ​തും നോ​ക്കു​കൂ​ലി​യെ സി​പി​ഐ സെ​ക്ര​ട്ട​റി കാ​നം രാ​ജേ​ന്ദ്ര​ൻ നീ​തീക​രി​ച്ച​തും. നോ​ക്കുകൂ​ലി പി​ടി​ച്ചു​വാ​ങ്ങി അ​തു വീ​തി​ച്ചെ​ടു​ക്കു​ന്ന​തി​ൽ കേ​ര​ള​ത്തി​ലെ ഒ​രു തൊ​ഴി​ലാ​ളി യൂ​ണി​യ​നും പി​ന്നി​ല​ല്ലെ​ന്ന​താ​ണ് അ​നു​ഭ​വം.ആ​ല​പ്പു​ഴ​യി​ൽ ടി​പ്പ​റും കോ​ണ്‍​ക്രീ​റ്റ് മി​ക്സിം​ഗ് യ​ന്ത്ര​വും ജെസി​ബി​യും പ​ണി ചെ​യ്താ​ലും തൊ​ഴി​ലാ​ക്കി കി​ട്ട​ണം അ​വ​രു​ടെ കൂ​ലി. പ​ണി​ത​ത് ആ​ന​യാ​ണോ കാ​ള​യാ​ണോ യ​ന്ത്ര​മാ​ണോ എ​ന്ന​തൊ​ന്നും പ്ര​ശ്ന​മ​ല്ല. മ​ണ്ണു​മാ​ന്തി യ​ന്ത്ര​ത്തി​ന് മ​ണി​ക്കൂ​റി​ന് 300 രൂ​പ​വീ​തം നോ​ക്കുകൂലി കൊ​ടു​ക്കാ​ൻ പ​റ്റി​ല്ലെ​ന്ന ക​രാ​റു​കാ​ര​ൻ പ​റ​ഞ്ഞ​തോ​ടെ മ​ന്ത്രി തോ​മ​സ് ഐ​സ​ക്കി​ന്‍റെ മ​ണ്ഡ​ല​ത്തി​ൽ​പ്പെ​ട്ട ക​ല​വൂ​രി​ൽ റോ​ഡു​പ​ണി നി​ല​ച്ച​തും അ​ടു​ത്ത കാ​ല​ത്താ​ണ്.ചാ​യ​ക്കാ​ശ്, വെ​ള്ളം​കു​ടി​ക്കാ​ശ്, ഉ​ത്സ​വ​ബ​ത്ത, അ​ട്ടി​ക്കൂ​ലി, കെ​ട്ടു​കൂ​ലി, കാ​ഴ്ച​ക്കൂ​ലി എ​ന്നി​ങ്ങ​നെ വി​വി​ധ പേ​രു​ക​ളി​ൽ നോ​ക്കു​കൂ​ലി ഉ​ത്പാ​ദ​ന​മേ​ഖ​ല​യു​ടെ ശാ​പ​മാ​യി മാ​റി​യി​രി​ക്കു​ന്നു. കോ​ട​തി​യും സ​ർ​ക്കാ​രും ഏ​റെ​ക്കാ​ല​മാ​യി ഇ​ട​പെ​ട്ടി​ട്ടും ഈ ​കാ​ട്ടു​നീ​തി​ക്കു ച​ങ്ങ​ല​യി​ടാ​ൻ സാ​ധി​ക്കു​ന്നി​ല്ല. നോ​ക്കു​കൂ​ലി യൂ​ണി​യ​ൻ ഓ​ഫീ​സി​ൽ മു​ൻ​കൂ​ർ അ​ട​ച്ച​ശേ​ഷം യ​ന്ത്രം വ​രു​ത്തി പ​ണി ന​ട​ത്തി​ക്കോ​ളു എ​ന്നു ക​ൽ​പ​ന പു​റ​പ്പെ​ടു​വി​ച്ചി​രി​ക്കു​ന്ന പാ​ർ​ട്ടി ഇ​ട​ങ്ങ​ളും കേ​ര​ള​ത്തി​ലു​ണ്ട്. 2014 ജൂ​ണി​ൽ ക​ണ്ണൂ​രി​ൽ നി​ന്നു തി​രുവ​ന​ന്ത​പു​ര​ത്തേ​ക്കു താ​മ​സം മാ​റി​യെ​ത്തി​യ ഐ​എ​എ​സ് ഉ​ദ്യോ​ഗ​സ്ഥ മു​ൻ ഭ​ക്ഷ്യ സു​ര​ക്ഷാ ക​മ്മീ​ഷ​ണ​ർ ടി​വി അ​നു​പ​മ​യ്ക്കും നേ​രി​ടേ​ണ്ടി​വ​ന്നു നോ​ക്കു​കൂ​ലി​ക്കാ​രെ. വാ​ഷിം​ഗ്മെ​ഷീ​ൻ ഇ​റ​ക്കാ​ൻ ബാ​ക്കി​യു​ള്ള​പ്പോ​ഴാ​ണ് ആ​ക്രോ​ശ​ത്തോ​ടെ തൊ​ഴി​ലാ​ളി​ക​ൾ സം​ഘ​ടി​ച്ചെ​ത്തി​യ​ത്. ഐ​എ​എ​സു​കാ​രി​യ​ല്ല, മു​ഖ്യ​മ​ന്ത്രി​യാ​ണെ​ങ്കി​ലും നോ​ക്കു​കൂ​ി വേ​ണ​മെ​ന്നാ​യി​രു​ന്നു യൂ​ണി​യ​ൻ​കാ​രു​ടെ ഡി​മാ​ൻ​ഡ്. നാ​ലാം ത​വ​ണ ഗു​ണ്ടാ​യി​സം ത​ല​യി​ൽ​ക്കെ​ട്ടി മു​ദ്രാ​വാ​ക്യം മു​ഴ​ക്കി എ​ത്തി​യ​പ്പോ​ൾ ഐ​എ​എ​സു​കാ​രി അ​നു​പ​മ ഐ​പി​എ​സു​കാ​രി അ​ജി​താ​ബീ​ഗ​ത്തെ ഫോ​ണി​ൽ വി​ളി​ച്ചു. വൈ​കാ​തെ പോ​ലീ​സെ​ത്തി സി​ഐ​ടി​യു യൂ​ണി​യ​ൻ നേ​താ​വി​നെ​യും കൂ​ട്ടാ​ളി​ക​ളെ​യും അ​റ​സ്റ്റു​ചെ​യ്തു ന​ട​പ​ടി​യെ​ടു​ത്തു. ഐ​എ​എ​സു​കാ​രു​ടെ ഗ​തി ഇ​താ​ണെ​ങ്കി​ൽ മി​ണ്ടാ​പ്രാ​ണി​യാ​യ ആ​ന​യു​ടെ കാ​ര്യം പ​റ​യാ​നു​ണ്ടോ. ആ​ന ലോ​റി​യി​ൽ ത​ടി ക​യ​റ്റി​യ​തി​നും നോ​ക്കു​കൂ​ലി വാ​ങ്ങി​യെ​ടു​ത്ത നാ​ടാ​ണ് അ​ടൂ​ർ. സാ​ധാ​ര​ണ​ക്കാ​ര​നാ​യ ഒ​രു പൗ​ര​ൻ ചെ​റി​യ വീ​ടു പ​ണി​യാ​ൻ ത​ടി ക​യ​റ്റി​യ വേ​ള​യി​ലാ​യി​രു​ന്നു യൂ​ണി​യ​ൻ​കാ​ർ ആ​ന​യെ ച​ട്ടം​പ​ഠി​പ്പി​ച്ച​ത്.

ഏ​റെ താ​ഴ്ച​യി​ൽ കി​ട​ന്നി​രു​ന്ന ത​ടി ചു​മ​ന്നു ക​യ​റ്റാ​നാ​വി​ല്ലെ​ന്നു തൊ​ഴി​ലാ​ളി​ക​ൾ ത​ന്നെ തീ​രു​മാ​നം അ​റി​യി​ച്ച​പ്പോ​ഴാ​ണ് ആ​ന​യെ വ​രു​ത്തി​യ​ത്. പ​ണി ചെ​യ്തു തീ​രും വരെ ആ​ന​യെ ക​ണ്ട് ആ​സ്വ​ദി​ച്ചു നി​ന്ന​വ​ർ പ​ണി​തീ​ർ​ന്ന​പ്പോ​ൾ 1500 രൂ​പ കൂ​ലി ആ​വ​ശ്യ​പ്പെ​ട്ടു. പ​ണി ചെ​യ്ത ആ​ന​യെ സാ​ക്ഷി നി​റു​ത്തി യൂ​ണി​യ​ൻ​കാ​ർ പ​ണം വാ​ങ്ങി മു​ങ്ങി. ത​ടി വ​ലി​പ്പി​ച്ച ആ​ന​ക്കാ​ര​ന് അ​ത്ര​യും തു​ക കി​ട്ടി​യു​മി​ല്ല.പു​സ്ത​കം സം​സ്കാ​രം പ​ക​രു​മെ​ന്നു പ​ഠി​പ്പി​ക്കു​ന്ന ഈ ​നാ​ട്ടി​ൽ ലൈ​ബ്ര​റി​ക്കും കി​ട്ടി​യി​ല്ല നോ​ക്കു​കൂ​ലി​യി​ൽ ഇ​ള​വ്. കൊ​ച്ചി​യി​ലാ​യി​രു​ന്നു സം​ഭ​വം. യൂ​ണി​യ​ൻ​കാ​രു​ടെ ധി​ക്കാ​ര​ത്തി​നു മു​ന്നി​ൽ തോ​ൽ​ക്കാ​ൻ ത​യാ​റാ​വാ​തെ കൊ​ച്ചി സ​ർ​വ​ക​ലാ​ശാ​ല ര​ജി​സ്ട്രാ​റും വി​ദ്യാ​ർ​ഥി​ക​ളും ചു​മ​ട്ടു​കാ​രാ​യി മാ​റി​യ​ത് മൂ​ന്നു വ​ർ​ഷം മു​ൻ​പാ​ണ്. ലൈ​ബ്ര​റി​യു​ടെ പു​തി​യ കെ​ട്ടി​ട​ത്തി​ലേ​ക്ക് പു​സ്ത​കങ്ങ​ൾ മാ​റ്റു​ന്ന​തി​ന് 80,000 രൂ​പ​യാ​ണ് യൂ​ണി​യ​ൻ​കാ​ർ ആ​വ​ശ്യ​പ്പെ​ട്ട​ത്. ലൈ​ബ്ര​റി​യി​ൽ ആ​കെ​യു​ണ്ടാ​യി​രു​ന്ന​ത് 40,000 പു​സ്ത​ക​ങ്ങ​ളാ​ണ്. പു​തി​യ കെ​ട്ടി​ട​ത്തി​ലേ​ക്ക് ഒ​രു പു​സ്ത​കം മാ​റ്റാ​ൻ ര​ണ്ടു രൂ​പ വീ​തം ചു​മ​ട്ടു​കൂ​ലി വേ​ണ​മെ​ന്നാ​യി​രു​ന്നു നി​ല​പാ​ട്. അ​വ​സാ​നം 35,000 രൂ​പ അ​ടി​യ​റ​വു വ​ച്ച​പ്പോ​ഴാ​ണ് സ​ർ​വ​ക​ലാ​ശാ​ല​യു​ടെ ബ​സ് ഇ​തേ കാ​ന്പ​സി​ൽ നി​ന്ന് പു​റ​ത്തി​റ​ക്കാ​ൻ യൂ​ണി​യ​ൻ അ​നു​വ​ദി​ച്ച​ത്. തൊ​ഴി​ലാ​ളി​ക്കു ജോ​ലി ന​ഷ്ട​പ്പെ​ടു​ന്ന സാ​ഹ​ച​ര്യ​ത്തി​ൽ അ​വ​രു​ടെ ജീ​വ​നാം​ശ​മാ​യി വി​ഹി​തം കൊ​ടു​ക്ക​ണ​മെ​ന്ന​താ​ണ് നോ​ക്കു​കൂ​ലി​യു​ടെ അ​ടി​സ്ഥാ​ന സാ​ന്പ​ത്തി​ക ശാ​സ്ത്രം. എ​ന്നാ​ൽ ലേ​ബ​ർ വ​കു​പ്പ് ഇ​തി​നാ​യി എ​ഴു​തി വ​ച്ച ക​ൽ​പ​ന​ക​ളും മാ​ന​ദ​ണ്ഡ​ങ്ങ​ളു​മൊ​ന്നും കേ​ര​ള​ത്തി​ൽ പാ​ലി​ക്ക​പ്പെ​ടു​ന്നി​ല്ല. കൈ​യൂ​ക്കും ഗു​ണ്ടാ​യി​സ​വും പാ​ർ​ട്ടി പി​ൻ​തു​ണ​യു​മു​ള്ള​വ​ർ ന​ട​ത്തു​ന്ന പ​ക​ൽ​ക്കൊള്ള​യാ​യി​രി​ക്കു​ന്നു കേ​ര​ള​ത്തി​ൽ നോ​ക്കു​കൂ​ലി. പു​ല്ലു കെ​ട്ടി​യു​ണ്ടാ​ക്കി​യ ചൂ​ലു വി​ൽ​ക്കാ​ൻ കൊ​ല്ല​ത്തു വ​ന്ന ആ​ന്ധ്ര നാ​ടോ​ടി​ക​ൾ​ക്കു​ണ്ടാ​യ ഗ​തി​കേ​ടു നോ​ക്കൂ. സം​ഭ​വം ക​ഴി​ഞ്ഞ ഫെ​ബ്രു​വ​രി​യി​ലാ​യി​രു​ന്നു. അ​ഞ്ഞൂ​റു​കെ​ട്ട് ചൂ​ലു​മാ​യി 15 ആ​ന്ധ്ര നാ​ടോ​ടി​ക​ൾ കൊ​ല്ല​ത്തു ട്രെ​യി​നി​റ​ങ്ങി. ചൂ​ല് ത​നി​യെ ലോ​റി​യി​ൽ ക​യ​റ്റി​യ നാ​ടോ​ടി​ക​ളി​ൽ നി​ന്നു സി​ഐ​ടി​യു ര​ണ്ടാ​യി​രം രൂ​പ കാ​ഴ്ച​ക്കൂ​ലി ആ​വ​ശ്യ​പ്പെ​ട്ടു. ഒ​രു​വി​ധം 400 രൂ​പ ന​ൽ​കാ​മെ​ന്നു നാ​ടോ​ടി​ക​ൾ പ​റ​ഞ്ഞി​ട്ടും നോ​ക്കി​ക​ൾ വ​ഴ​ങ്ങി​യി​ല്ല. ബ​ലം പ്ര​യോ​ഗി​ച്ച് ചൂ​ലു​ക​ൾ കൈ​വ​ശ​മാ​ക്കി​യാ​ണ് യൂ​ണി​യ​ൻ പാ​ർ​ട്ടി ന​യം അ​റി​യി​ച്ച​ത്. നാ​ടോ​ടി​ക​ൾ പോ​ലീസ് സ്റ്റേ​ഷ​നി​ലെ​ത്തി പ​രാ​തി​പ്പെ​ട്ട​തി​നൊ​പ്പം ചൂ​ൽ കൊ​ണ്ടു​പോ​യ​ത് നീ​ല ഷ​ർ​ട്ടു​കാ​രാ​ണെ​ന്ന് അ​ട​യാ​ള​വും പ​റ​ഞ്ഞു. ചൂ​ലി​നും നോ​ക്കു​കൂ​ലി എ​ന്ന ത​ല​ക്കെ​ട്ടി​ൽ ഇ​തേ സ​മ​യം സോ​ഷ്യ​ൽ മീ​ഡി​യ​യി​ൽ പൊ​തു​ജ​നം ആ​ക്രോ​ശി​ച്ച​തോ​ടെ പി​ടി​ച്ചെ​ടു​ത്ത ചൂ​ലു​കെ​ട്ടു​ക​ൾ തി​രി​ച്ചു​ന​ൽ​കി യൂ​ണി​യ​ൻ​കാ​ർ ത​ല​യൂ​രി. രാ​ത്രി ആ​രും കാ​ണാ​തെ ചൂ​ലു​കെ​ട്ടു തി​രി​കെ കൊ​ടു​ത്ത് അ​ധ്വാ​ന​വ​ർ​ഗം മു​ഖം ര​ക്ഷി​ച്ചു. നാ​ടോ​ടി​ക​ൾ നേ​രം പു​ല​രു​ന്ന​തി​നു​മു​ന്പു നാ​ടുവി​ട്ടോ​ടു​ക​യും ചെ​യ്തു. എ​ന്തി​നേ​റെ, മു​ൻ മു​ഖ്യ​മ​ന്ത്രി സാ​ക്ഷാ​ൽ വി​.എ​സ് അ​ച്യു​താ​ന​ന്ദ​ന്‍റെ സ​ഹോ​ദ​ര​പു​ത്ര​നും കി​ട്ടി​യി​ല്ല ആ​ല​പ്പു​ഴ​യി​ൽ നോ​ക്കു​കൂ​ലി​ക്കാ​രു​ടെ ഇ​ള​വ്.


2012 ലെ ​സ​ർ​വ​ലോ​ക തൊ​ഴി​ലാ​ളി ദി​ന​ത്തി​ൽ​ത​ന്നെ​യാ​ണ് അ​ച്യു​താ​ന​ന്ദ​ന്‍റെ ജ്യേ​ഷ്ഠ​പു​ത്ര​ൻ യു​ണി​യ​ൻ​കാ​രു​ടെ ത​നി​നി​റം ക​ണ്ട​ത്. പു​ന്ന​പ്ര​യി​ലെ വീ​ടി​നു മ​തി​ൽ കെ​ട്ടാ​ൻ അ​ഞ്ചു ലോ​ഡ് ക​ല്ല് ടി​പ്പ​ർ ലോ​റി​യി​ൽ സ​ഖാ​വ് ഇ​റ​ക്കി. ഓ​ടി​യെ​ത്തി​യ സി​ഐ​ടി​യു​ക്കാ​ർ 1250 രൂ​പ നോ​ക്കു​കൂ​ലി ആ​വ​ശ്യ​പ്പെ​ട്ടു. പോ​ലീ​സി​ൽ പ​രാ​തി പ​റ​ഞ്ഞു ഫ​ലം കാ​ണാ​​തെ​ വ​ന്ന​പ്പോ​ൾ ജി​ല്ലാ ക​ള​ക്ട​ർ​ക്കും ജി. ​സു​ധാ​ക​ര​നും പ​രാ​തി ന​ൽ​കി. അ​വ​സാ​നം 750 രൂ​പ ന​ൽ​കി പ്ര​ശ്നം ഒ​ത്തുതീ​ർ​ക്കു​ക​യാ​യി​രു​ന്നു.

2008 ഏ​പ്രി​ൽ 25-ന് ​നി​യ​മ​സ​ഭാ സു​വ​ർ​ണ​ജൂ​ബി​ലി​യി​ൽ കേ​ര​ളം ഇ​ന്ന​ലെ ഇ​ന്ന് നാ​ളെ എ​ന്ന സെ​മി​നാ​റി​ൽ സി​പി​എം സം​സ്ഥാ​ന സെ​ക്ര​ട്ട​റി പി​ണ​റാ​യി വി​ജ​യ​ൻ നോ​ക്കു​കൂ​ലി​യി​ൽ പാ​ർ​ട്ടി ന​യം പ്ര​സ്താ​വി​ച്ചു ’നോ​ക്കി നി​ൽ​ക്കു​ന്ന​വ​ർ​ക്കു​ള്ള​ത​ല്ല ജോ​ലി ചെ​യ്യു​ന്ന​വ​ർ​ക്കു​ള്ള​താ​ണ് കൂ​ലി.’പി​ണ​റാ​യി​യു​ടെ പ്ര​ഖ്യാ​പ​ന​ത്തി​ന്‍റെ അ​ടി​സ്ഥാ​ന​ത്തി​ൽ നോ​ക്കു​കൂ​ലി നി​രു​ത്സാ​ഹ​പ്പെ​ടു​ത്താ​ൻ സിപിഎം സം​സ്ഥാ​ന ക​മ്മി​റ്റി​യും ജി​ല്ലാ ക​മ്മി​റ്റി​ക​ളും അ​ന്നു തീ​രു​മാ​ന​മെ​ടു​ത്തു.

നോ​ക്കുകൂ​ലി നാ​ടി​ന്‍റെ വി​ക​സ​നം മു​ര​ടി​പ്പി​ക്കു​മെ​ന്നും സം​രം​ഭ​ക​ർ കാ​ശും യ​ന്ത്ര​വും സാ​ങ്കേ​തി​ക വി​ദ്യ​യു​മാ​യി കേ​ര​ള​ത്തി​ലേ​ക്കു വ​രാ​ത്ത​ത് യൂ​ണി​യ​ൻ​കാ​രു​ടെ മാ​ട​ന്പി​ന​യം കൊ​ണ്ടാ​ണെ​ന്നും പാ​ർ​ട്ടി അ​ന്നു കു​റ്റ​സ​മ്മ​തം ന​ട​ത്തി. നോ​ക്കു​കൂ​ലി വാ​ങ്ങി​യാ​ൽ വാ​ങ്ങി​യ കാ​ശ് തി​രി​കെ​ക്കൊ​ടു​പ്പി​ക്കു​മെ​ന്നും പാ​ർ​ട്ടി പ്ര​സ്താ​വി​ച്ചു. പ​ക്ഷെ പ്ര​സ്താ​വ​ന​കൊ​ണ്ട് ഒ​രു ചു​ക്കും ഇ​വി​ടെ സം​ഭ​വി​ച്ചി​ല്ല. പാ​ർ​ട്ടി​ക​ളു​ടെ മൗ​നാ​നു​വാ​ദ​ത്തി​ൽ നോ​ക്കു​കൂ​ലി ആ​ചാ​ര​വും അ​വ​കാ​ശ​വു​മെ​ന്നോ​ണം കേ​ര​ള​ത്തെ പി​ന്നോ​ട്ടു വ​ലി​ച്ചു​കൊ​ണ്ടേ​യി​രി​ക്കു​ന്നു. ഒ​ന്നോ ഒ​ൻ​പ​തോ ത​വ​ണ​യ​ല്ല കോ​ട​തി നോ​ക്കു​കൂ​ലി​ക്കെ​തി​രേ ക​ർ​ക്ക​ശ​മാ​യ വി​ധി​ക​ൾ പ്ര​സ്താ​വി​ച്ച​ത്.

2014ൽ ​ക്രെ​യി​ൻ ഉ​പ​യോ​ഗി​ച്ച് മാ​ത്രം ഇ​റ​ക്കാ​വു​ന്ന ജോ​ലി​യാ​യി​ട്ടും തൊ​ഴി​ലാ​ളി സം​ഘ​ട​ന​ക​ൾ നോ​ക്കൂ​കൂ​ലി ആ​വ​ശ്യ​പ്പെ​ട്ട​തി​നെ​തിരേ തൃ​ശൂ​ർ സ്വ​ദേ​ശി ഹൈ​ക്കോ​ട​തി​യെ സ​മീ​പി​ച്ചു. ഭീ​ഷ​ണി​പ്പെ​ടു​ത്തി​യും കൈ​ക്ക​രു​ത്തു കാ​ട്ടി​യും പ​ണം വാ​ങ്ങു​ന്ന​ത് ഭ​ര​ണ​ഘ​ട​ന​യോ​ടു​ള്ള വെ​ല്ലു​വി​ളി​യാ​ണെ​ന്ന് അ​ന്നു കോ​ട​തി പ്ര​സ്താ​വി​ച്ചു. നോ​ക്കു​കൂ​ലി​യെ​ന്നാ​ൽ നോ​ട്ട​ത്തി​നു​ള്ള കൂ​ലി​യെ​ന്നാ​ണ് അ​ർ​ഥ​മാ​ക്കേ​ണ്ട​ത്. കാ​വ​ൽ​ക്കാ​ര​ന്‍റെ പ​ണി​യെ​ങ്കി​ലും ചെ​യ്താ​ൽ പ​ണ​മോ ഭ​ക്ഷ​ണ​മോ ന​ൽ​കാം. അ​ല്ലാ​തെ കൂ​ലി ചോ​ദി​ക്കു​ന്ന പ്ര​വ​ണ​ത സ​മൂ​ഹ​ത്തി​ന് ശാ​പ​മാ​ണെ​ന്നും കോ​ട​തി അ​ഭി​പ്രാ​യ​പ്പെ​ട്ടു.

അ​തേ വ​ർ​ഷം പാ​ലാ​യി​ലെ ടി​ന്പ​ർ മ​ർ​ച്ചന്‍റ് അ​സോ​സി​യേ​ഷ​ൻ ന​ൽ​കി​യ ഹ​ർ​ജി​യി​ൽ നോ​ക്കു​കൂ​ലി​ക്കാ​ർ​ക്കെ​തി​രേ ഗു​ണ്ടാ​നി​യ​മം പ്ര​യോ​ഗി​ക്ക​ണ​മെ​ന്നും ക​രു​ത​ൽ ത​ട​ങ്ക​ൽ അ​ട​ക്കം ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ഹൈ​ക്കോ​ട​തി ഉ​ത്ത​വി​ട്ടി​രു​ന്നു. പ​ടി​ച്ചു​പ​റി, ഭീ​ഷ​ണി​പ്പെ​ടുത്ത​ൽ, നോ​ക്കു​കൂ​ലി, അ​ന്യാ​യ​മാ​യി സം​ഘം ചേ​ര​ൽ തു​ട​ങ്ങി​യ വ​കു​പ്പു​ക​ൾ ഉ​ൾ​പ്പെ​ടു​ത്തി​യാ​ണ് നോ​ക്കു​കൂ​ലി​ക്ക് പോ​ലീ​സ് കേ​സെ​ടു​ക്കുന്ന​ത്. കേ​സി​ലൊ​ന്നും കാ​ര്യ​മി​ല്ല, നോ​ക്കു​കൂ​ലി ഗു​ണ്ടാ​യി​സ​പ്പി​രി​വാ​യി തു​ട​ർ​ന്നു​കൊ​ണ്ടേ​യി​രി​ക്കു​ന്നു.

(തു​ട​രും)