ഓര്‍മകളില്‍ തലയെടുപ്പോടെ ചെങ്ങല്ലൂര്‍ രംഗനാഥന്‍
ഇ​തു​പോ​ലൊ​രു ആ​ന ഇ​നി​യു​ണ്ടാ​വി​ല്ല. അ​തു​റ​പ്പ്. ചെ​ങ്ങ​ല്ലൂ​രാ​ന എ​ന്ന ചെ​ങ്ങ​ല്ലൂ​ർ രം​ഗ​നാ​ഥ​ൻ. അ​തൊ​രു ഒ​ന്നൊ​ന്ന​ര ആ​ന​യാ​യി​രു​ന്നു. ശ​രി​ക്കും ഗ​ജ​വി​സ്മ​യം. ആ​ന​യെ​ന്നു പ​റ​ഞ്ഞാ​ൽ ചെ​ങ്ങ​ല്ലൂ​രാ​ന​യാ​യി​രു​ന്നു. ഉ​യ​രം കൊ​ണ്ട് പേ​രെ​ടു​ത്ത ആ​ന​യാ​യി​രു​ന്നു രം​ഗ​നാ​ഥ​ൻ. 1917ൽ ​ചെ​രി​ഞ്ഞ രം​ഗ​നാ​ഥ​ന്‍റെ നൂ​റാം ച​ര​മ​വാ​ർ​ഷി​ക​മാ​ണ് ഇ​ത്. നൂ​റു വ​ർ​ഷം ക​ഴി​ഞ്ഞി​ട്ടും രം​ഗ​നാ​ഥ​പ്പെ​രു​മ​യ്ക്ക് യാ​തൊ​രു കു​റ​വു​മി​ല്ല.

ചെ​രി​ഞ്ഞി​ട്ടും മ​ണ്ണ​ടി​യാ​തെ ഇ​പ്പോ​ഴും...

ചെ​ങ്ങ​ല്ലൂ​ർ രം​ഗ​നാ​ഥ​നെ ഇ​നി കാ​ണാ​ൻ ക​ഴി​യി​ല്ലെ​ങ്കി​ലും രം​ഗ​നാ​ഥ​ന്‍റെ അ​സ്ഥി​പ​ഞ്ജ​രം കാ​ണാ​ൻ ഭാ​ഗ്യ​മു​ണ്ട്. തൃ​ശൂ​ർ മൃ​ഗ​ശാ​ല​യോ​ടു ചേ​ർ​ന്നു​ള്ള പു​രാ​വ​സ്തു മ്യൂ​സി​യ​ത്തി​ൽ സ​ന്ദ​ർ​ശ​ക​ർ​ക്ക് അ​ദ്ഭു​തം സ​മ്മാ​നി​ച്ച് ആ ​മ​ഹാ​ഗ​ജ​വീ​ര​ന്‍റെ അ​സ്ഥി​പ​ഞ്ജ​രം കേ​ടു​കൂ​ടാ​തെ സൂ​ക്ഷി​ച്ചു​വെ​ച്ചി​ട്ടു​ണ്ട്. കേ​ര​ള​ത്തി​ന​ക​ത്തു നി​ന്നും പു​റ​ത്തു​നി​ന്നും വ​രു​ന്ന​വ​ർ​ക്ക് ഈ ​ഭീ​മ​ൻ അ​സ്ഥി​കൂ​ടം അ​ദ്ഭു​ത​ക്കാ​ഴ്ച​യാ​ണ്.

അ​സ്ഥി​കൂ​ട​ത്തി​ന്‍റെ ഉ​യ​രം പ​തി​നൊ​ന്ന​ടി ഒ​ന്നേ​മു​ക്കാ​ൽ ഇ​ഞ്ചാ​ണ്. മ്യൂ​സി​യ​ത്തി​ൽ എ​ഴു​തി സൂ​ക്ഷി​ച്ചി​രി​ക്കു​ന്ന ക​ണ​ക്കു പ്ര​കാ​രം 323 സെ​ന്‍റി​മീ​റ്റ​റാ​യി​രു​ന്നു രം​ഗ​നാ​ഥ​ന്‍റെ ഉ​യ​രം. രം​ഗ​നാ​ഥ​നെ കാ​ണാ​നാ​യി മാ​ത്രം തൃ​ശൂ​ർ പൂ​ര​ത്തി​നെ​ത്തി​യി​രു​ന്ന​വ​രെ​ക്കു​റി​ച്ച് മ്യൂ​സി​യം രേ​ഖ​ക​ളി​ൽ പ​റ​യു​ന്നു. എ​ത്ര ത​ല​യു​യ​ർ​ത്തി​യാ​ലും നി​ല​ത്തി​ഴ​യു​ന്ന തു​ന്പി​ക്ക​യ്യും വീ​ർ​ത്തു​ന്തി​യ വാ​യു​കും​ഭ​വും ഉ​യ​ർ​ന്നെ​ടു​ത്ത ത​ല​ക്കു​ന്നി​ക​ളും താ​ഴ്ന്ന പി​ൻ​ഭാ​ഗ​വും ല​ക്ഷ​ണം തി​ക​ഞ്ഞ ക​രു​ത്തു​ള്ള കാ​ലു​ക​ളും തെ​ളി​ഞ്ഞ ക​ണ്ണു​ക​ളും വ​ലി​യ വീ​ശ​റി​പോ​ലു​ള്ള ചെ​വിക​ളും ക​ട​ഞ്ഞെ​ടു​ത്ത കൊ​ന്പു​ക​ളു​മെ​ല്ലാം രം​ഗ​നാ​ഥ​നെ ആ​ന​ച്ച​ന്ത​ത്തി​ന്‍റെ പ​ര്യാ​യ​മാ​ക്കി മാ​റ്റി​യി​രു​ന്ന​ത്രെ.

പൂ​ർ​വാ​ശ്ര​മ​ത്തി​ൽ രം​ഗ​നാ​ഥ​ൻ ശ്രീ​രം​ഗ​ത്ത്...

കേ​ര​ള​ത്തി​ന് അ​ഭി​മാ​ന​മാ​യി മാ​റി​യ ചെ​ങ്ങ​ല്ലൂ​ർ രം​ഗ​നാ​ഥ​ൻ എ​ന്ന ഗ​ജ​കേ​സ​രി​ക്ക് ഒ​രു പൂ​ർ​വാ​ശ്ര​മ​മു​ണ്ട്. കേ​ര​ള​ത്തി​ലെ​ത്തും മു​ന്പു​ള്ള ഒ​രു ഫ്ളാ​ഷ് ബാ​ക്ക്.

അ​ന്ന് ത​മി​ഴ്നാ​ട്ടി​ലെ തി​രു​ച്ചി​റ​പ്പ​ള്ളി​യി​ലു​ള്ള ശ്രീ​രം​ഗം ക്ഷേ​ത്ര​ത്തി​ന്‍റെ ഉ​ട​മ​സ്ഥ​ത​യി​ലാ​യി​രു​ന്നു ആ ​കൊ​ന്പ​ൻ. കാ​വേ​രി ന​ദി​യി​ൽ​നി​ന്ന് വ​ലി​യ അ​ണ്ടാ​വു​ക​ളി​ൽ ക്ഷേ​ത്രാ​വ​ശ്യ​ങ്ങ​ൾ​ക്കു​ള്ള വെ​ള്ളം എ​ത്തി​ക്ക​ലാ​യി​രു​ന്നു ഇ​വ​ന്‍റെ ജോ​ലി. അ​ന്നേ പൊ​ക്ക​ത്തി​ൽ ഇ​വ​ൻ കേ​മ​നാ​യി​രു​ന്നു. ചോ​റും വൈ​ക്കോ​ലും ന​ൽ​കി​യാ​ണ് ഇ​വ​നെ വ​ള​ർ​ത്തി​യി​രു​ന്ന​ത്. വ​ള​ർ​ച്ച അ​ദ്ഭു​ത​പ്പെ​ടു​ത്തും വി​ധ​മാ​യി​രു​ന്നു. അ​ങ്ങി​നെ വ​ള​ർ​ന്നു​വള​ർ​ന്ന് ശ്രീ​രം​ഗം ക്ഷേ​ത്ര​ത്തി​ന്‍റെ ഗോ​പു​രം ക​ട​ക്കാ​ൻ ക​ഴി​യാ​ത്ത സ്ഥി​തി​യി​ലേ​ക്ക് ഉ​യ​ര​മെ​ത്തി. കാ​വേ​രി ന​ദി​യി​ൽ നി​ന്ന് വെ​ള്ള​മെ​ടു​ത്ത് എ​ത്തി​യാ​ൽ ഗോ​പു​രം ക​ട​ക്കാ​ൻ ക​ഴി​യാ​തെ നി​ൽ​ക്കേ​ണ്ടി വ​ന്ന അ​വ​സ്ഥ​യാ​യ​തോ​ടെ രം​ഗ​നാ​ഥ​ന്‍റെ കാ​ര്യം പ്ര​ശ്ന​ത്തി​ലാ​യി. ക്ഷേ​ത്ര​ഗോ​പു​രം ക​ട​ക്കാ​ൻ ക​ഴി​യാ​തെ വ​ന്ന​തോ​ടെ അ​വ​ർ​ക്കും ഈ ​ആ​ന ഒ​രു ബാ​ധ്യ​ത​യാ​യി മാ​റി​ത്തു​ട​ങ്ങി. ത​ല​യെ​ടു​പ്പൊ​ഴി​ച്ച് ശ​രീ​രം ബാ​ക്കി​യെ​ല്ലാം ശോ​ഷി​ച്ച സ്ഥി​തി​യാ​യി. വ​ലി​യ പാ​ത്ര​ങ്ങ​ളി​ൽ വെ​ള്ള​മെ​ടു​ത്ത് വ​രു​ന്പോ​ൾ അ​ത് ശ​രീ​ര​ത്തി​ലു​ര​ഞ്ഞ് പൊ​ട്ടി​യ​തെ​ല്ലാം പ​ഴു​ത്ത് വ്ര​ണ​മാ​യി. ആ​കെ മെ​ലി​ഞ്ഞ് ക​ണ്ടാ​ൽ വി​ഷ​മം തോ​ന്നു​ന്ന അ​വ​സ്ഥ​യാ​യി. ഒ​രു​കാ​ല​ത്ത് ശ്രീ​രം​ഗ​ത്തി​ന്‍റെ ഐ​ശ്വ​ര്യ​മാ​യി​രു​ന്ന ആ​ന​യെ ക​ണ്ടാ​ല​റി​യാ​താ​യി.

ഇ​നി​യും ഈ ​ആ​ന​യെ വെ​ച്ചു​കൊ​ണ്ടി​രി​ക്കേ​ണ്ടെ​ന്ന് ക​രു​തി ക്ഷേ​ത്രാ​ധി​കാ​രി​ക​ൾ ആ​ന​യെ വി​ൽ​ക്കാ​ൻ തീ​രു​മാ​നി​ക്കു​ക​യും പ​ത്ര​പ്പര​സ്യം ന​ൽ​കു​ക​യും ചെ​യ്തു. ഈ ​പ​ത്ര​പ്പര​സ്യം ഇ​ങ്ങു കേ​ര​ള​ത്തി​ൽ തൃ​ശൂ​രി​ലെ അ​ന്തി​ക്കാ​ട് ചെ​ങ്ങ​ല്ലൂ​ർ മ​ന​യ്ക്ക​ലി​ലെ പ​ര​മേ​ശ്വ​ര​ൻ ന​ന്പൂ​തി​രി​യു​ടെ ശ്ര​ദ്ധ​യി​ൽ പെ​ട്ട​തോ​ടെ​യാ​ണ് രം​ഗ​നാ​ഥ​ന്‍റെ ജാ​ത​കം തി​രു​ത്തി​യെ​ഴു​ത​പ്പെ​ടു​ന്ന​ത്. ശ്രീ​രം​ഗം ക്ഷേ​ത്ര​ത്തി​ൽ നി​ന്നു രം​ഗ​നാ​ഥ​നെ 1500 രൂ​പ​യ്ക്കാ​ണ് പ​ര​മേ​ശ്വ​ര​ൻ ന​ന്പൂ​തി​രി വാ​ങ്ങി​യ​തെ​ന്ന് പ​റ​യു​ന്നു. 1905ലാ​ണ​ത്രെ ഇ​ത്. കാ​വേ​രി ന​ദി​െേ​യും ശ്രീ​രം​ഗ​ക്ഷേ​ത്ര​ത്തെ​യു​മൊ​ക്കെ വി​ട്ട് പ​ര​മേ​ശ്വ​ര​ൻ ന​ന്പൂ​തി​രി​ക്കൊ​പ്പം അ​വ​ൻ പ​തു​ക്കെ ത​മി​ഴ്നാ​ട് അ​തി​ർ​ത്തി ക​ട​ന്ന് കേ​ര​ള​ത്തി​ന്‍റെ മ​ണ്ണി​ലേ​ക്ക് കാ​ലൂ​ന്നി. അ​തൊ​രു പു​തി​യ ജ​ന്മ​ത്തി​ലേ​ക്കു​ള്ള കാ​ൽ​വയ്പ്പു കൂ​ടി​യാ​യി​രു​ന്നു.

ക്ഷീ​ണം വി​ട്ട് ആ​ന​ച്ച​ന്ത​ത്തി​ലേ​ക്ക്...

ശ്രീ​രം​ഗ​ത്തു നി​ന്നും അ​ന്തി​ക്കാ​ട്ടെ ചെ​ങ്ങ​ല്ലൂ​ർ മ​ന​യു​ടെ പ​റ​ന്പി​ലേ​ക്ക് എ​ത്തു​ന്പോ​ൾ രം​ഗ​നാ​ഥ​ന്‍റെ ജീ​വി​തം മാ​റാ​ൻ തു​ട​ങ്ങു​ക​യാ​യി​രു​ന്നു. ല​ക്ഷ​ണ​മൊ​ത്ത ആ​ന​യെ തി​രി​ച്ച​റി​യാ​മാ​യി​രു​ന്നു പ​ര​മേ​ശ്വ​ര​ൻ ന​ന്പൂ​തി​രി​ക്ക്. അ​തു​കൊ​ണ്ടു​ത​ന്നെ രം​ഗ​നാ​ഥ​നെ പ​ഴ​യ​പോ​ലെ ല​ക്ഷ​ണ​മൊ​ത്തെ കൊ​ന്പ​നാ​ക്കി മാ​റ്റു​ക​യെ​ന്ന​താ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​ഥ​മ​ല​ക്ഷ്യം. അ​തി​ന് ന​ല്ല​തു​പോ​ലെ ഭ​ക്ഷ​ണം ന​ൽ​കി അ​വ​നെ മി​ടു​ക്ക​നാ​ക്ക​ണ​മെ​ന്ന് അ​ദ്ദേ​ഹം നി​ശ്ച​യി​ച്ചു.
പി​ന്നെ രം​ഗ​നാ​ഥ​ന് അ​മൃ​തേ​ത്താ​യി​രു​ന്നു. സു​ഖ​ഗ​ജ​ഭോ​ജ​നം. പോ​ഷ​ക​സ​മൃ​ദ്ധ​മാ​യ ഭ​ക്ഷ​ണം വ​യ​റു നി​റ​യെ കി​ട്ടി. ആ​ന​ക​ൾ​ക്ക് ന​ൽ​കേ​ണ്ട വി​ഭ​വ​സ​മൃ​ദ്ധ​വും പോ​ഷ​ക​സ​ന്പ​ന്ന​വു​മാ​യ ഭ​ക്ഷ​ണ​ത്തെ​ക്കു​റി​ച്ച് ന​ല്ല ജ്ഞാ​ന​മു​ള്ളി​ട​ത്ത് എ​ത്ത​പ്പെ​ട്ട​തു​കൊ​ണ്ട് രം​ഗ​നാ​ഥ​ന് ഒ​ട്ടും വ​യ​റു​വി​ശ​ന്നി​രി​ക്കേ​ണ്ടി വ​ന്നി​ല്ല.


തീ​റ്റ​യെ​ക്കു​റി​ച്ച് ആ​കു​ല​പ്പെ​ടേ​ണ്ടി വ​ന്നി​ല്ല. ന​ല്ലെ​ണ്ണ​യും മ​ഞ്ഞ​ൾ​പ്പൊ​ടി​യും ഉ​പ്പും ചേ​ർ​ത്ത ചോ​റ്. പ​ന​ന്പ​ട്ട, കു​ന്പ​ള​ങ്ങ, അ​ന്തി​ക്കാ​ട് ഭ​ഗ​വ​തി​ക്ഷേ​ത്ര​ത്തി​ലെ​യും തേ​വാ​ര​പ്പു​ര​യി​ലെ​യും ഗ​ണ​പ​തി​ഹോ​മ​ത്തി​ന്‍റെ നൈ​വേ​ദ്യം, ച്യ​വ​ന​പ്രാ​ശം ലേ​ഹ്യ​വും ആ​യു​ർ​വേ​ദ ഒൗ​ഷ​ധ​ങ്ങ​ളും.... രം​ഗ​നാ​ഥ​ന്‍റെ ഭ​ക്ഷ​ണ​ത്തി​ന്‍റെ മെ​നു വി​ഭ​വ​സ​മൃ​ദ്ധ​മാ​യി​രു​ന്നു. കൊ​ടു​ക്കു​ന്ന​തെ​ന്തും മ​ടി​കൂ​ടാ​തെ ക​ഴി​ക്കു​മാ​യി​രു​ന്നു രം​ഗ​നാ​ഥ​ൻ.

ന​ല്ല ഭ​ക്ഷ​ണ​വും ന​ല്ല അ​ന്ത​രീ​ക്ഷ​വും സ്നേ​ഹ​സ​ന്പ​ന്ന​മാ​യ പ​രി​ച​ര​ണ​വും രം​ഗ​നാ​ഥ​ന്‍റെ രൂ​പം മാ​റ്റി. മെ​ലി​ഞ്ഞു​ണ​ങ്ങി​യ ആ​ന പ​ഴ​യ കാ​ഴ്ച​യാ​യി. ത​ടി​ച്ചു​കൊ​ഴു​ത്ത ആ​ന​ച്ച​ന്ത​ത്തി​ന്‍റെ സ​ർ​വ അ​ഴ​കും സാ​യ​ത്ത​മാ​ക്കി​ക്കൊ​ണ്ട് ചെ​ങ്ങ​ല്ലൂ​ർ രം​ഗ​നാ​ഥ​ൻ ത​ല​യെ​ടു​പ്പോ​ടെ നി​ന്നു. ഗ​ജ​വി​സ്മ​യ​മാ​യി​ക്കൊ​ണ്ട്...

ത​ല​യെ​ടു​പ്പി​ന്‍റെ രം​ഗ​നാ​ഥ​ൻ സ്റ്റൈ​ൽ...

ഇ​ത്ര​യേ​റെ ത​ല​യെ​ടു​പ്പ് വേ​റെ ഏ​താ​ന​യ്ക്കു​ണ്ടാ​കും. ചെ​ങ്ങ​ല്ലൂ​ർ രം​ഗ​നാ​ഥ​നെ ഉ​ത്സ​വ​ങ്ങ​ളി​ലും പൂ​ര​ങ്ങ​ളി​ലു​മൊ​ക്കെ വേ​റി​ട്ടു നി​ർ​ത്തി​യ​ത് ആ ​ത​ല​പ്പൊ​ക്ക​മാ​യി​രു​ന്നു. 11.5 അ​ടി ഉ​യ​ര​മാ​യി​രു​ന്നു രം​ഗ​നാ​ഥ​നെ​ന്നാ​ണ് ക​ണ​ക്കാ​ക്കി​യി​ട്ടു​ള്ള​ത്.

രം​ഗ​നാ​ഥ​ന്‍റെ ഉ​യ​ര​ത്തെ വി​ശേ​ഷി​പ്പി​ച്ചു​കൊ​ണ്ട് പ്ര​ചാ​ര​ത്തി​ലു​ള്ള ഒ​രു ക​ഥ​യു​ണ്ട്. ചെ​ങ്ങ​ല്ലൂ​ർ മ​ന​യു​ടെ ര​ണ്ടാം നി​ല​യി​ലെ ജ​ന​വാ​തി​ൽ തു​റ​ക്കു​ന്പോ​ൾ നോ​ക്കി​യും ക​ണ്ടും സൂ​ക്ഷി​ച്ചു​വേ​ണ​മാ​യി​രു​ന്ന​ത്രെ. അ​ശ്ര​ദ്ധമാ​യി പെ​ട്ട​ന്ന് ജ​നാ​ല തു​റ​ന്നാ​ൽ ചി​ല​പ്പോ​ൾ ജ​ന​ൽ​പാ​ളി​ക​ൾ താ​ഴെ, പു​റ​ത്തു നി​ൽ​ക്കു​ന്ന രം​ഗ​നാ​ഥ​ന്‍റെ ദേ​ഹ​ത്തു ത​ട്ടു​മെ​ന്ന​തു​കൊ​ണ്ടാ​ണ് ജ​ന​ൽ സൂ​ക്ഷി​ച്ച് ശ്ര​ദ്ധി​ച്ച് തു​റ​ക്ക​ണ​മെ​ന്ന് പ​റ​യാ​റു​ള്ള​ത്. ക​ഥ​യാ​ണെ​ങ്കി​ലും കാ​ര്യ​മു​ള്ള ക​ഥ​യാ​ണി​ത്. അ​ത്ര​യും പൊ​ക്ക​മാ​യി​രു​ന്നു രം​ഗ​നാ​ഥ​ന്.

ഉ​ത്സ​വ​പ്പ​റ​ന്പു​ക​ൾ രം​ഗ​നാ​ഥ​ന് മാ​ത്രം...

ഫ്ളെ​ക്സ് ബോ​ർ​ഡു​ക​ളും ഫാ​ൻ​സ് അ​സോ​സി​യേ​ഷ​നു​ക​ളു​മൊ​ന്നും ഇ​ല്ലാ​ത്ത കാ​ല​മാ​യി​രു​ന്നു അ​തെ​ങ്കി​ലും ചെ​ങ്ങ​ല്ലൂ​ർ രം​ഗ​നാ​ഥ​ൻ ശ​രി​ക്കും സൂ​പ്പ​ർ​സ്റ്റാ​റാ​യി​രു​ന്നു.
കേ​ര​ള​ത്തി​ല​ങ്ങോ​ള​മി​ങ്ങോ​ള​മു​ള്ള ഉ​ത്സ​വ​പ്പ​റ​ന്പു​ക​ളി​ലെ​യും പൂ​ര​പ്പ​റ​ന്പു​ക​ളി​ലെയും താ​രം രം​ഗ​നാ​ഥ​നാ​യി​രു​ന്നു. ത​ങ്ങ​ളു​ടെ ഉ​ത്സ​വ​ങ്ങ​ൾ​ക്ക് രം​ഗ​നാ​ഥ​നെ തി​ട​ന്പെ​ഴു​ന്ന​ള്ളി​ക്കാ​ൻ കി​ട്ടാ​ൻ ക​മ്മി​റ്റി​ക്കാ​രും ക്ഷേ​ത്രം ഭാ​ര​വാ​ഹി​ക​ളും ഓ​ടി​ന​ട​ന്നി​ട്ടു​ണ്ട്.

തൃ​ശൂ​ർ പൂ​ര​മ​ട​ക്കം കേ​ര​ള​ത്തി​ലെ സു​പ്ര​ധാ​ന ഉ​ത്സ​വ​പൂ​ര​ങ്ങ​ളി​ലെ​ല്ലാം തി​ട​ന്പേ​റ്റാ​നു​ള്ള ഭാ​ഗ്യം രം​ഗ​നാ​ഥ​നു​ണ്ടാ​യി. തൃ​ശൂ​ർ പൂ​ര​ത്തി​ന് തി​രു​വ​ന്പാ​ടി​യു​ടെ തി​ട​ന്പേ​റ്റി​യി​ട്ടു​ണ്ട്. അ​ന്ന് പൂ​മു​ള്ളി ശേ​ഖ​ര​നാ​യി​രു​ന്നു ത​ല​യെ​ടു​പ്പു​ള്ള കൊ​ന്പ​ൻ. മു​ണ്ട​ക്ക​ൽ ശേ​ഖ​ര​നോ​ട് വ​ഴി​മാ​റാ​ൻ മം​ഗ​ല​ശേ​രി നീ​ലക​ണ്ഠ​ൻ പ​റ​ഞ്ഞ​തു​പോ​ലെ പൂ​മു​ള്ളി ശേ​ഖ​ര​നോ​ട് വ​ഴി​മാ​റാ​ൻ പ​റ​ഞ്ഞ് ചെ​ങ്ങ​ല്ലൂ​ർ രം​ഗ​നാ​ഥ​ൻ പൂ​ര​ത്തി​ന് തി​ട​ന്പേ​റ്റാ​നെ​ത്തു​ക​യാ​യി​രു​ന്നു. ത​ല​പ്പൊ​ക്ക​വും മെ​യ്യ​ഴ​കും മാ​ത്ര​മ​ല്ല ശാ​ന്ത​സ്വ​ഭാ​വ​മു​ള്ള ആ​ന​യെ​ന്ന പെ​രു​മ​യും രം​ഗ​നാ​ഥ​ന് സ്വ​ന്ത​മാ​യി​രു​ന്നു.
ക​ണ്ടാ​ൽ ഭീ​മാ​കാ​ര​നാ​യ ആ​ന​യെ നി​യ​ന്ത്രി​ക്കാ​ൻ വ​ലി​യ പാ​ടൊ​ന്നു​മു​ണ്ടാ​യി​രു​ന്നി​ല്ലെ​ന്ന് പ​റ​യു​ന്നു. അ​തു​കൊ​ണ്ടു​ത​ന്നെ രം​ഗ​നാ​ഥ​ന്‍റെ പേ​രി​ൽ പേ​ടി​പ്പെ​ടു​ത്തു​ന്ന ക​ഥ​ക​ളു​മി​ല്ല. ഒ​രി​ക്ക​ലും കു​റു​ന്പു​കാ​ട്ടാ​ത്ത​വ​ൻ എ​ന്ന വി​ശേ​ഷ​മാ​ണു​ള്ള​ത്. എ​ന്നി​ട്ടും രം​ഗ​നാ​ഥ​നെ തേ​ടി ആ ​കു​ത്തു വ​ന്നു. തീ​രെ പ്ര​തീ​ക്ഷി​ക്കാ​ത്ത ഒ​രു കു​ത്ത്....

രം​ഗ​നാ​ഥ​നെ വീ​ഴ്ത്തി​യ ഗോ​വി​ന്ദ​ൻ...

1914ൽ ​ആ​റാ​ട്ടു​പു​ഴ പൂ​ര​ത്തി​ന്‍റെ എ​ഴു​ന്ന​ള്ളി​പ്പി​നി​ടെ​യാ​യി​രു​ന്നു രം​ഗ​നാ​ഥ​ന് കൂട്ടാ​ന​യു​ടെ കു​ത്തേ​റ്റ​ത്. ആ​റാ​ട്ടു​പു​ഴ ശാ​സ്താ​വി​ന്‍റെ കോ​ല​വും വ​ഹി​ച്ച് ത​ല​യെ​ടു​പ്പോ​ടെ നി​ൽ​ക്കു​ക​യാ​യി​രു​ന്ന രം​ഗ​നാ​ഥ​നെ കൂ​ട്ടാ​ന​യാ​യ അ​ക​വൂ​ർ ഗോ​വി​ന്ദ​ൻ എ​ന്ന പാ​ലി​യം ഗോ​വി​ന്ദ​നാ​ണ് ഇ​ട​ഞ്ഞു കു​ത്തി​യ​ത്. അ​പ്ര​തീ​ക്ഷി​ത​മാ​യ ആ ​കു​ത്തേ​റ്റ് രം​ഗ​നാ​ഥ​ൻ ത​ള​ർ​ന്നു​വീ​ണ​ത്രെ.
വ​യ​ർ​പി​ള​ർ​ന്ന് കു​ട​ൽ​മാ​ല പു​റ​ത്തു​വ​ന്നെ​ന്നാ​ണ് പ​റ​യു​ന്ന​ത്. പി​ന്നെ മൂ​ന്നു​വ​ർ​ഷ​ത്തോ​ളം പ​രി​ക്കു​ക​ളും ചി​കി​ത്സ​യു​മാ​യി ചെ​ങ്ങ​ല്ലൂ​ർ മ​ന​യി​ൽ ക​ഴി​ഞ്ഞു. ഒ​ന്നും ഫ​ലി​ച്ചി​ല്ല. 1917ൽ ​രം​ഗ​നാ​ഥ​ൻ ചെ​രി​ഞ്ഞു. ത​ന്നെ താ​നാ​ക്കി​യ ചെ​ങ്ങ​ല്ലൂ​ർ മ​ന​യു​ടെ മ​ണ്ണി​ൽ​കി​ട​ന്ന്. കേ​ര​ള​ത്തി​ലെ​ന്പാ​ടു​മു​ള്ള ആ​ന​പ്രേ​മി​ക​ൾ​ക്ക് സ​ഹി​ക്കാ​വു​ന്ന​തി​ലും അ​പ്പു​റ​ത്താ​യി​രു​ന്നു​വ​ത്രെ രം​ഗ​നാ​ഥ​ന്‍റെ മ​ര​ണം.

രം​ഗ​നാ​ഥ​ൻ എ​ന്ന കൊ​ന്പ​ന്‍റെ ക​ഥ ഇ​പ്പോ​ൾ ഇ​ന്‍റ​ർ​നെ​റ്റി​ലും വി​ക്കി​പീ​ഡി​യ​യി​ലു​മൊ​ക്കെ ല​ഭ്യ​മാ​ണ്. കേ​ട്ട​റി​ഞ്ഞും പ​റ​ഞ്ഞ​റി​ഞ്ഞും പ​ല​രും തൃ​ശൂ​ർ മ്യൂ​സി​യ​ത്തി​ലേ​ക്ക് രം​ഗ​നാ​ഥ​ന്‍റെ അ​സ്ഥി​പ​ഞ്ജ​രം കാ​ണാ​നെ​ത്തു​ന്നു​ണ്ട്. അ​സ്ഥി​പ​ഞ്ജ​ര​ത്തി​നു മു​ക​ളി​ൽ മാം​സം കൂ​ടി വ​രു​ന്പോ​ൾ രം​ഗ​നാ​ഥ​ന്‍റെ രൂ​പം എ​ന്താ​യി​രി​ക്കു​മെ​ന്ന് അ​വ​ർ ഭാ​വ​ന​യി​ൽ കാ​ണു​ന്നു. അ​ദ്ഭു​ത​പ്പെ​ടു​ന്നു. മ​ര​ണ​ത്തി​ന്‍റെ നൂ​റാം വ​ർ​ഷ​ത്തി​ലും നി​ത്യ​വി​സ്മ​യ​മാ​വു​ക​യാ​ണ് ചെ​ങ്ങ​ല്ലൂ​ർ രം​ഗ​നാ​ഥ​ൻ!!

ഋ​ഷി