അ​ണി​ഞ്ഞൊ​രു​ങ്ങി ക​ല്പാ​ത്തി
കാ​ശി​യി​ൽ പാ​തി ക​ല്പാ​ത്തി​യി​ൽ ഇ​നി ഉ​ത്സ​വ​നാ​ളു​ക​ൾ. വി​ശ്വ​വി​ഖ്യാ​ത​മാ​യ ര​ഥോ​ത്സ​വ​ത്തി​ന് ഇ​ന്നലെ കൊ​ടി​യേ​റി. അ​ഗ്ര​ഹാ​ര​വീ​ഥി​ക​ളെ ധ​ന്യ​മാ​ക്കി 14നു ​തു​ട​ങ്ങു​ന്ന ര​ഥ​പ്ര​യാ​ണം മൂ​ന്നു​നാ​ൾ നീ​ണ്ടു​നി​ല്ക്കും. 16ന് ​വൈ​കു​ന്നേ​രം ദേ​വ​ര​ഥ​ങ്ങ​ൾ കു​ണ്ട​ന്പ​ല​ത്തി​നു മു​ന്നി​ൽ സം​ഗ​മി​ക്കു​ന്ന​തോ​ടെ ഉ​ത്സ​വ​ത്തി​നു പ​രി​സ​മാ​പ്തി​യാ​കും. പാ​ല​ക്കാ​ടി​ന്‍റെ പൈ​തൃ​ക ഉ​ത്സ​വം എ​ന്ന​തി​ന​പ്പു​റം സാം​സ്കാ​രി​ക കേ​ര​ള​ത്തി​ന്‍റെ പ്രൗ​ഢി​യും വി​ളി​ച്ചോ​തു​ന്ന​താ​ണ് ക​ല്പാ​ത്തി ര​ഥോ​ത്സ​വം. കൊ​ടി​യേ​റ്റം മു​ത​ൽ ദേ​വ​ര​ഥ​സം​ഗ​മം വ​രെ ക​ല്പാ​ത്തി​യി​ലേ​ക്കു ഒ​ഴു​കി​യെ​ത്തു​ന്ന ജ​ന​സ​ഹ​സ്ര​ങ്ങ​ൾ കാ​ശി​യു​ടെ പു​ണ്യം നു​ക​ർ​ന്നാ​ണ് മ​ട​ങ്ങു​ക​യെ​ന്നാ​ണ് വി​ശ്വാ​സം. കേ​ര​ള​ത്തി​ന​ക​ത്തും പു​റ​ത്തും നി​ന്നു​മു​ള്ള മ​ല​യാ​ളി​ക​ൾ​ക്കു പു​റ​മെ വി​ദേ​ശി​ക​ളും ഉ​ത്സ​വ​ത്തി​നു കൊ​ഴു​പ്പു​കൂ​ട്ടാ​നെ​ത്താ​റു​ണ്ട്.

ദേ​വ​ര​ഥ​ങ്ങ​ളു​ടെ പ്ര​യാ​ണ​ങ്ങ​ളി​ൽ മാ​ത്ര​മൊ​തു​ങ്ങു​ന്ന​ത​ല്ല ര​ഥോ​ത്സ​വം. വി​ഖ്യാ​ത​മാ​യ സം​ഗീ​തോ​ത്സ​വ​ത്തി​ന്‍റെ നാ​ടു​കൂ​ടി​യാ​ണ് കല്പാ​ത്തി. ര​ഥോ​ത്സ​വ നാ​ളു​ക​ളെ സം​ഗീ​ത​ത്തി​ന്‍റെ അ​ന​ന്ത സൗ​കു​മാ​ര്യ​ങ്ങ​ളി​ലേ​ക്കെ​ത്തി​ക്കു​ന്ന​തി​ൽ സം​ഗീ​തോ​ത്സ​വ​ത്തി​ന്‍റെ പ​ങ്കു വ​ലു​താ​ണ്. ദ​ക്ഷി​ണേ​ന്ത്യ​യി​ലെ പ്ര​മു​ഖ സം​ഗീ​ത​ജ്ഞ​ർ സം​ഗീ​തോ​ത്സ​വ​ത്തി​ന്‍റെ ഭാ​ഗ​മാ​കാ​റു​ണ്ട്. ര​ഥോ​ത്സ​വ​ത്തി​നു കൊ​ടി​യേ​റു​ന്ന​തോ​ടെ സം​ഗീ​തോ​ത്സ​വ​ത്തി​നും തി​രി​തെ​ളി​യും. പാ​ല​ക്കാ​ടി​ന്‍റെ സം​ഗീ​ത പാ​ര​ന്പ​ര്യ​ത്തി​ലേ​ക്കു​ള്ള മ​ട​ക്ക​യാ​ത്ര​യാ​യാ​ണ് സം​ഗീ​തോ​ത്സ​വം വി​ല​യി​രു​ത്ത​പ്പെ​ടു​ന്ന​ത്. പാ​ല​ക്കാ​ട് പ​ര​മേ​ശ്വ​ര ഭാ​ഗ​വ​ത​ർ, അ​ന​ന്ത​രാ​മ ഭാ​ഗ​വ​ത​ർ, ചെ​ന്പൈ വൈ​ദ്യ​നാ​ഥ ഭാ​ഗ​വ​ത​ർ, എം.​ഡി. രാ​മ​നാ​ഥ​ൻ, മു​ണ്ടാ​യ രാ​മ​ഭാ​ഗ​വ​ത​ർ, പാ​ല​ക്കാ​ട് കെ.​വി. നാ​രാ​യ​ണ​സ്വാ​മി, സി.​എ​സ്. കൃ​ഷ്ണ​യ്യ​ർ തു​ട​ങ്ങി നി​ര​വ​ധി സം​ഗീ​ത​ജ്ഞ​രു​ടെ സം​ഗീ​ത സ​പ​ര്യ​യു​ടെ ഓ​ർ​മ​പ്പെ​ടു​ത്ത​ൽ കൂ​ടി​യാ​ണ് സം​ഗീ​തോ​ത്സ​വം.

ചാ​ത്ത​പു​രം മ​ണി അ​യ്യ​ർ റോ​ഡി​ൽ പ്ര​ത്യേ​കം സ​ജ്ജ​മാ​ക്കി​യ ലാ​ൽ​ഗു​ഡി ജി. ​ജ​യ​രാ​മ​ൻ ന​ഗ​റി​ൽ ഇ​ന്നലെ വൈ​കിട്ട് സം​ഗീ​തോ​ത്സ​വ​ത്തി​നു തു​ട​ക്ക​മാ​യി. ആദ്യ ക​ച്ചേ​രി ക​ർ​ണാ​ട​ക സം​ഗീ​ത​ത്തി​ന്‍റെ ആ​ദി​ഗു​രു​വാ​യ പു​ര​ന്ദ​ര​ദാ​സ​ന്‍റെ സ്മ​ര​ണ​യ്ക്കു മു​ന്നി​ലാ​ണ് സ​മ​ർ​പ്പി​ക്കു​ക. ഇന്ന് മു​ത്തു​സ്വാ​മി ദീ​ക്ഷി​ത​ർ ദി​ന​വും നാളെ ശ്യാ​മ​ശാ​സ്ത്രി ദി​ന​വും 11ന് ​അ​ന്ന​മാ​ചാ​ര്യ ദി​ന​വും ആ​ച​രി​ക്ക​പ്പെ​ടും. 12ന് ​ത്യാ​ഗ​രാ​ജ ദി​ന​മാ​യും സ​മാ​പ​ന ദി​വ​സ​മാ​യ 13ന് ​സ്വാ​തി​തി​രു​നാ​ൾ ദി​ന​മാ​യും ആ​ച​രി​ക്ക​പ്പെ​ടും.


ഇന്നലെ രാ​വി​ലെ ഒ​ന്പ​ത​ര​യ്ക്കും പ​ത്ത​ര​യ്ക്കും ഇ​ട​യ്ക്കു​ള്ള ശു​ഭ​മു​ഹു​ർ​ത്ത​ത്തി​ലാ​ണ് കല്പാത്തി രഥോത്സവത്തിനു കൊ​ടി​യേ​റിയത്. വി​ശാ​ലാ​ക്ഷി സ​മേ​ത വി​ശ്വ​നാ​ഥ ക്ഷേ​ത്ര​ത്തി​ലും പു​തി​യ ക​ല്പാ​ത്തി മ​ന്ത​ക്ക​ര മ​ഹാ​ഗ​ണ​പ​തി ക്ഷേ​ത്രം, പ​ഴ​യ ക​ല്പാ​ത്തി ല​ക്ഷ്മി പെ​രു​മാ​ൾ ക്ഷേ​ത്രം, ചാ​ത്ത​പു​രം പ്ര​സ​ന്ന മ​ഹാ​ഗ​ണ​പ​തി ക്ഷേ​ത്രം എ​ന്നി​വി​ട​ങ്ങ​ളി​ലും കൊ​ടി​യേ​റ്റം ന​ട​ന്നു.

കൊ​ടി​യേ​റി​യാ​ൽ ദി​വ​സ​വും രാ​ത്രി അ​ഗ്ര​ഹാ​ര​വീ​ഥി​ക​ളി​ൽ ഗ്രാ​മ​ദേ​വ​ത​ക​ൾ എ​ഴു​ന്ന​ള്ളും. ഉ​ത്സ​വ​ത്തി​നു കൊ​ഴു​പ്പു​കൂ​ട്ടു​ന്ന തേ​രു​ക്ക​ട​ക​ൾ ഒ​രു​ങ്ങി​ക്ക​ഴി​ഞ്ഞു. വി​പ​ണി​യു​ടെ അ​ന​ന്ത​സാ​ധ്യ​ത​യൊ​രു​ക്കു​ന്ന തേ​രു​ക്ക​ട​ക​ൾ ഉ​ത്സ​വാ​ന​ന്ത​രം മാ​സ​ങ്ങ​ളോ​ള​മു​ണ്ടാ​കും.

കാ​ല​ങ്ങ​ളു​ടെ പ​ഴ​ക്ക​മു​ള്ള ക​ല്പാ​ത്തി ര​ഥോ​ത്സ​വ​ത്തി​ന് ഇ​ത്ത​വ​ണ ഒ​രു പ്ര​ത്യേ​ക​ത​യു​മു​ണ്ട്. പ്ലാ​സ്റ്റി​ക് വി​മു​ക്ത, ഹ​രി​ത ഉ​ത്സ​വ​ത്തി​നാ​ണ് അ​ഗ്ര​ഹാ​ര​വീ​ഥി​ക​ൾ ഒ​രു​ങ്ങു​ന്ന​ത്. പാ​ല​ക്കാ​ട് മു​നി​സി​പ്പാ​ലി​റ്റി മാ​സ​ങ്ങ​ൾ​ക്കു മു​ന്പേ ഇ​ത്ത​രം പ്ര​വൃ​ത്തി​ക​ളു​മാ​യി മു​ന്നോ​ട്ടു​വ​ന്ന​തും ജി​ല്ലാ ഭ​ര​ണ​കൂ​ടം പ്ര​ത്യേ​കം ശ്ര​ദ്ധ​ചെ​ലു​ത്തി​യ​തും ശു​ചി​ത്വ, പ്ലാ​സ്റ്റി​ക് വി​മു​ക്ത ഉ​ത്സ​വ​ത്തി​നു തു​ണ​യാ​യി. പ്ലാ​സ്റ്റി​ക് കു​പ്പി​ക​ളി​ലെ വെ​ള്ളം വി​ല്ക്കു​ന്ന​തി​നും കൊ​ണ്ടു​വ​രു​ന്ന​തി​നും നി​രോ​ധ​നം ഏ​ർ​പ്പെ​ടു​ത്തി​യി​ട്ടു​ണ്ട്.

നി​ള​യു​ടെ കൈ​വ​ഴി​യാ​യ ക​ല്പാ​ത്തി​പ്പു​ഴ​യു​ടെ ഓ​ര​ത്ത് പൈ​തൃ​ക​സ​മൃ​ദ്ധി പ്ര​ദാ​നം ചെ​യ്തെ​ത്തു​ന്ന ര​ഥോ​ത്സ​വ​ത്തെ നെ​ഞ്ചി​ലേ​റ്റാ​ൻ ഒ​രു​ങ്ങി​ത്ത​ന്നെ​യാ​ണ് അ​ഗ്ര​ഹാ​ര​ങ്ങ​ളി​ലെ ബ്രാ​ഹ്മ​ണ സ​മൂ​ഹ​വും ഇ​വി​ടേ​ക്ക് ഒ​ഴു​കി​യെ​ത്തു​ന്ന ഭ​ക്ത​ജ​ന​ങ്ങ​ളും.

എം.വി. വസന്ത്

ഫയൽ ചി​ത്ര​ങ്ങ​ൾ: അ​നി​ൽ കെ. ​പു​ത്തൂ​ർ