കൊ​ച്ചി​യി​ലു​ണ്ടൊ​രു ഗു​ജ​റാ​ത്ത്
കൊ​ച്ചി​യും ഗു​ജ​റാ​ത്തും ത​മ്മി​ലെ​ന്ത്? വി​ക​സ​നം എ​ന്ന വാ​ക്കാ​ണ് ആ ​ബ​ന്ധ​ത്തി​നു നൂ​ലി​ഴ പാ​കു​ന്ന​തെ​ന്നു പു​തി​യ കാ​ല​ത്തു ചി​ല​ർ പ​റ​യും. കൊ​ച്ചി കേ​ര​ള​ത്തി​ന്‍റെ വി​ക​സ​ന​ത്തി​ന്‍റെ പ​ര്യാ​യ​മാ​യി പ​തി​റ്റാ​ണ്ടു​ക​ൾ​ക്കു മു​ന്പേ അ​ട​യാ​ള​പ്പെ​ടു​ത്ത​പ്പെ​ട്ട​പ്പോ​ൾ, വി​ക​സ​ന​വ​ഴി​യി​ൽ ഗു​ജ​റാ​ത്ത് മോ​ഡ​ൽ കു​റി​ക്ക​പ്പെ​ട്ടി​ട്ട് ഒ​രു പ​തി​റ്റാ​ണ്ടാ​യി​ല്ല. വി​ക​സ​ന​ത്തി​ൽ ആ​രാ​ണു മു​ന്പി​ലെ​ന്ന ചോ​ദ്യം അ​ങ്ങ​നെ നി​ൽ​ക്ക​ട്ടെ. കൊ​ച്ചി​യും ഗു​ജ​റാ​ത്തും ത​മ്മി​ലെ​ന്ത് എ​ന്ന വി​ഷ​യ​ത്തി​ലേ​ക്കു വീ​ണ്ടും വ​രാം. കൊ​ച്ചി പ​ഴ​യ കൊ​ച്ചി​യ​ല്ല എ​ന്നു പ​റ​ഞ്ഞു തു​ട​ങ്ങും മു​ന്പേ​യു​ള്ള കൊ​ച്ചി​യെ​ക്കു​റി​ച്ച് അ​റി​യാ​ൻ ആ​ഗ്ര​ഹി​ക്കു​ന്ന​വ​ർ​ക്ക് ഇ​വി​ടത്തെ ഗു​ജ​റാ​ത്തി സം​സ്കൃ​തി​യെ കാ​ണാ​തെ പോ​കാ​നാ​വി​ല്ല. കൊ​ച്ചി​യു​ടെ വി​ക​സ​ന​ത്തി​ലും സം​സ്കാ​ര​ത്തി​ലും ഗു​ജ​റാ​ത്തു​കാ​രു​ടെ ഇ​ട​മെ​ന്തെ​ന്ന അ​ന്വേ​ഷ​ണം ബ്രി​ട്ടീ​ഷു​കാ​രു​ടെ കാ​ല​ഘ​ട്ട​ത്തോ​ള​മെ​ത്തും. അ​തി​നോ​ട​നു​ബ​ന്ധി​ച്ചു​ള്ള ഐ​തി​ഹ്യ​ക​ഥ​ക​ളു​ടെ വേ​രു​ക​ൾ നൂ​റ്റാ​ണ്ടു​ക​ൾ​ക്കു​മ​പ്പു​റ​ത്താ​ണ്.
പ​തി​നെ​ട്ടോ​ളം സ​മൂ​ഹ​ങ്ങ​ളി​ലാ​യി എ​ണ്ണൂ​റോ​ളം ഗു​ജ​റാ​ത്തി കു​ടും​ബ​ങ്ങ​ൾ കൊ​ച്ചി​യി​ലും പ​രി​സ​ര​ങ്ങ​ളി​ലു​മാ​യി താ​മ​സി​ക്കു​ന്നു​ണ്ട്. ഫോ​ർ​ട്ട്കൊ​ച്ചി, മ​ട്ടാ​ഞ്ചേ​രി എ​ന്നി​വി​ട​ങ്ങ​ളി​ലും എ​റ​ണാ​കു​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ലു​മാ​യാ​ണ് ഇ​വ​ർ താ​മ​സി​ക്കു​ന്ന​ത്. ഗു​ജ​റാ​ത്തി ആ​ൾ​പ്പെ​രു​മാ​റ്റ​മു​ള്ള വ​ഴി​ക​ൾ, വീ​ടു​ക​ൾ, ക​ച്ച​വ​ട​സ്ഥാ​പ​ന​ങ്ങ​ൾ, ഓ​ഫീ​സു​ക​ൾ, ആ​രാ​ധ​നാ​ല​യ​ങ്ങ​ൾ എ​ന്നി​വ കൊ​ച്ചി​യു​ടെ സാം​സ്കാ​രി​ക വൈ​വി​ധ്യ​ങ്ങ​ളു​ടെ ഭാ​ഗ​മാ​ണ്. എ​റ​ണാ​കു​ളം ബ്രോ​ഡ്‌വേയി​ലു​ൾ​പ്പെടെ അ​റി​യ​പ്പെ​ടു​ന്ന ക​ച്ച​വ​ട​ക്കാ​രു​ടെ പ​ട്ടി​ക​യി​ൽ അ​വ​രു​ണ്ട്. ഗു​ജ​റാ​ത്തി സം​സ്കാ​ര​ത്തി​ന്‍റെ പെ​രു​മ​യു​മാ​യി കോ​ള​നി, ആ​രാ​ധ​നാ​ല​യ​ങ്ങ​ൾ, വി​ദ്യാ​ല​യം എ​ന്നി​വ മ​ട്ടാ​ഞ്ചേ​രി​യി​ലും പ​രി​സ​ര​ങ്ങ​ളി​ലു​മാ​യു​ണ്ട്.

വ​ര​വി​നു ബ്രി​ട്ടീ​ഷ് ട​ച്ച് <b>

വി​ദേ​ശി​ക​ളെ​പ്പോ​ലെ ഗു​ജ​റാ​ത്തി​ക​ളും കൊ​ച്ചി​യി​ലേ​ക്കെ​ത്തി​യ​തു ക​ച്ച​വ​ടം ല​ക്ഷ്യ​മി​ട്ടു ത​ന്നെ​യാ​യി​രു​ന്നു. ബ്രി​ട്ടീ​ഷു​കാ​രാ​യ ക​ച്ച​വ​ട​ക്കാ​രു​ടെ ഇ​ട​നി​ല​ക്കാ​രു​ടെ റോ​ളാ​യി​രു​ന്നു ആ​ദ്യം അ​വ​ർ​ക്ക് ഇ​വി​ടെ​യു​ണ്ടാ​യി​രു​ന്ന​ത്. 1813 ൽ ​ഈ​സ്റ്റ് ഇ​ന്ത്യ ക​ന്പ​നി​ക്ക് ഇ​ന്ത്യ​യിൽ ക​ച്ച​വ​ട​ത്തിലു​ണ്ടാ​യി​രു​ന്ന മേ​ധാ​വി​ത്വം അ​വ​സാ​നി​പ്പി​ക്കാ​ൻ ബ്രി​ട്ടീ​ഷ് സ​ർ​ക്കാ​ർ തീ​രു​മാ​നി​ച്ചു. ഇ​തു കൂ​ടു​ത​ൽ ബ്രി​ട്ടീ​ഷ് സം​രം​ഭ​ക​രും ക​ച്ച​വ​ട​ക്കാ​രും ഇ​ന്ത്യ​യി​ലെ​ത്താ​ൻ കാ​ര​ണ​മാ​യി. ബ്രി​ട്ടീ​ഷ് സം​രം​ഭ​ക​രു​ടെ പ​ങ്കാ​ളി​ക​ളും ഇ​ട​നി​ല​ക്കാ​രു​മാ​യെ​ത്തി​യ​ത് ഗു​ജ​റാ​ത്തി ക​ച്ച​വ​ട​ക്കാ​രാ​ണ്. ആ​ദ്യ​ഘ​ട്ട​ത്തി​ൽ ക​ച്ച​വ​ട​ത്തി​നെ​ത്തി മ​ട​ങ്ങി​പ്പോ​യി​രു​ന്ന ഗു​ജ​റാ​ത്തി​ക​ൾ പി​ന്നീ​ടു കൊ​ച്ചി​യി​ൽ സ്ഥി​ര​താ​മ​സ​ക്കാ​രാ​യി മാ​റി​യെ​ന്ന​തു ച​രി​ത്രം.

കൊ​ച്ചി​യി​ലെ ഗു​ജ​റാ​ത്തി​ക​ളു​ടെ വാ​സ​ത്തെ​ക്കു​റി​ച്ചു ഗു​ജ​റാ​ത്തി മ​ഹാ​ജ​ൻ ഡ​യ​റ​ക്ട​റി​യി​ൽ പ​രാ​മ​ർ​ശ​മു​ണ്ട്. 1815ൽ ​ടി​ക്കു മു​ര​ളീ​ധ​ര​ൻ എ​ന്ന ഗു​ജ​റാ​ത്തി ഒ​രു ക​ച്ച​വ​ട സം​ഘ​വു​മാ​യി കൊ​ച്ചി​യി​ലെ​ത്തി​യെ​ന്ന് ഇ​തി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. 1887ൽ ​മാ​ത്രം 72 ഗു​ജ​റാ​ത്തി കു​ടും​ബ​ങ്ങ​ൾ കൊ​ച്ചി​യി​ൽ താ​മ​സ​മാ​ക്കി​യെ​ന്നും ച​രി​ത്രം പ​റ​യു​ന്നു. 14-ാം നൂ​റ്റാ​ണ്ടി​ൽ കൊ​ച്ചി അ​റി​യ​പ്പെ​ടു​ന്ന തു​റ​മു​ഖ​മാ​യി വി​ക​സി​ച്ച​തു​ മു​ത​ൽ കൊ​ച്ചി​യി​ൽ ഗു​ജ​റാ​ത്തി​ക​ൾ ക​ച്ച​വ​ട​ത്തി​നെ​ത്തി. കേ​ര​ള​ത്തി​ന്‍റെ വി​ഭ​വ​ങ്ങ​ൾ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലേ​ക്കെ​ത്തി​ക്കു​ന്ന​തി​ൽ ഗു​ജ​റാ​ത്തി ക​ച്ച​വ​ട​ക്കാ​രും വ​ലി​യ പ​ങ്കു​വ​ഹി​ച്ചി​ട്ടു​ണ്ട്.

ക​ച്ച​വ​ട​ക്കാ​രാ​യി മാ​ത്ര​മ​ല്ല, പ്രാ​ണ​ര​ക്ഷാ​ർ​ഥ​വും കൊ​ച്ചി​യി​ലേ​ക്കെ​ത്തി​യ ഗു​ജ​റാ​ത്തി​ക​ളു​ണ്ട​ത്രെ. പ​ന്ത്ര​ണ്ടാം നൂ​റ്റാ​ണ്ടി​ൽ മു​ഹ​മ്മ​ദ് ഗ​സ്നി​യു​ടെ പ​ട​യോ​ട്ട​ത്തെ​ത്തു​ട​ർ​ന്നു ഗു​ജ​റാ​ത്ത് വി​ട്ടോ​ടി​യ​വ​രി​ൽ ഒ​രു സം​ഘം കൊ​ച്ചി​യി​ലെ​ത്തി​യെ​ന്നും ചരിത്രം പ്രചരിക്കു ന്നുണ്ട്. ക്ഷാ​മ​കാ​ല​ത്ത് നാ​ടു​വി​ട്ട് കൊ​ച്ചി​യി​ലേ​ക്കു കു​ടി​യേ​റി​യ​വ​രെ​ക്കു​റി​ച്ചും ഇ​പ്പോ​ഴു​ള്ള​വ​ർ പ​റ​യും. ഗു​ജ​റാ​ത്തി​ൽ കൊ​ടി​യ വ​ര​ൾ​ച്ച​യും ക്ഷാ​മ​വും ച​രി​ത്ര​ത്തി​ൽ പ​ല​ത​വ​ണ സം​ഭ​വി​ച്ചി​ട്ടു​ണ്ട്. മ​ഴു​വെ​റി​ഞ്ഞ് കേ​ര​ള​മു​ണ്ടാ​ക്കി​യ പ​ര​ശു​രാ​മ​ൻ ഗു​ജ​റാ​ത്തി​യാ​യി​രു​ന്നു​വെന്നു വി​ശ്വ​സി​ക്കു​ന്ന​വ​രു​ണ്ട്. ഇ​തു കൂ​ടാ​തെ​യാ​ണു ക​ച്ച​വ​ട​ത്തി​ന്‍റെ സാ​ധ്യ​ത​തേ​ടി കൊ​ച്ചി​യി​ലേ​ക്കെ​ത്തി​യ​വ​ർ. മ​ട്ടാ​ഞ്ചേ​രി​യി​ൽ 650 ഗു​ജ​റാ​ത്തി കു​ടും​ബ​ങ്ങ​ളു​ണ്ടെ​ന്ന് ഗു​ജ​റാ​ത്തി മ​ഹാ​ജ​ൻ പു​റ​ത്തി​റ​ക്കി​യ ഡ​യ​റ​ക്ട​റി പ​റ​യു​ന്നു.


ഗു​ജ​റാ​ത്തി​യും ക​ച്ചി​യും സം​സാ​രി​ക്കും

ഗു​ജ​റാ​ത്തി​ലെ ഭാ​ഷ​യാ​യ ഗു​ജ​റാ​ത്തി​യും ക​ച്ചും സം​സാ​രി​ക്കു​ന്ന വി​വി​ധ വി​ഭാ​ഗ​ങ്ങ​ളു​ണ്ടു കൊ​ച്ചി​യി​ൽ. ഗു​ജ​റാ​ത്തി സം​സാ​രി​ക്കു​ന്ന​വ​രി​ൽ ഹി​ന്ദു​ക്ക​ളും മു​സ്ലിം​ക​ളും ജൈ​നൻമാ​രു​മു​ണ്ട്. ക​ച്ചി സം​സാ​രി​ക്കു​ന്ന​വ​രി​ൽ ഹി​ന്ദു​ക്ക​ളും മു​സ്ലിം​ക​ളു​മു​ണ്ട്. ഗു​ജ​റാ​ത്തി റോ​ഡി​ലും പ​രി​സ​ര​ത്തു​മു​ള്ള ഗു​ജ​റാ​ത്തി ഹിന്ദു​ക്ക​ളി​ൽ പ​തി​നെ​ട്ട് ഉ​പസ​മൂ​ഹ​ങ്ങ​ളു​ണ്ട്. ഇ​തി​ലെ ലോ​ഹാ​ന വി​ഭാ​ഗ​ത്തി​ൽ​പ്പെ​ടു​ന്ന ഒ​രു​കൂ​ട്ട​ർ ക​ച്ചി​യും മ​റ്റൊ​രു കൂ​ട്ട​ർ ഗു​ജ​റാ​ത്തി​യും സം​സാ​രി​ക്കു​ന്ന​ത് പ്ര​ത്യേ​ക​ത​യാ​ണ്. മ​ട്ടാ​ഞ്ചേ​രി​യി​ൽ പ്ര​സി​ദ്ധ​മാ​യ ജൈ​ന​ക്ഷേ​ത്ര​മു​ണ്ട്. ജൈ​ന​രി​ൽ ഒ​രു വി​ഭാ​ഗം ഗു​ജ​റാ​ത്തി​ക​ളാ​ണ്.

1878 ൽ ​സ്ഥാ​പി​ച്ച ന​വ​നീ​ത് കൃ​ഷ്ണ അ​ന്പ​ല​മാ​ണ് ഇ​വി​ടത്തെ ആ​ദ്യ ഗു​ജ​റാ​ത്തി ആ​രാ​ധ​നാ​ല​യം. രാ​മ​ന്‍റെ​യും ശി​വ​ന്‍റെ​യും പേ​രി​ൽ അ​ന്പ​ല​ങ്ങ​ളു​ണ്ട്. ഗു​ജ​റാ​ത്തി ലോ​ഹാ​ന വി​ഭാ​ഗ​ക്കാ​രു​ടെ ധ​രി​യ സ്ഥാ​നം വൈ​ശ്യ​രു​ടെ സാ​മൂ​തി​രി സ​ദ​വും മ​റ്റ് അ​ന്പ​ല​ങ്ങ​ളും. ആ​റു ഗു​ജ​റാ​ത്തി അ​ന്പ​ല​ങ്ങ​ൾ ഗു​ജ​റാ​ത്തി റോ​ഡി​നും പ​രി​സ​ര​ത്തി​നും വ​ട​ക്കേ ഇ​ന്ത്യ​ൻ പ്ര​തീ​തി സ​മ്മാ​നി​ക്കു​ന്നു.

1883ൽ ​സ്ഥാ​പി​ത​മാ​യ ഗു​ജ​റാ​ത്തി മ​ഹാ​ജ​ൻ ആ​ണു കൊ​ച്ചി​യി​ലെ ഗു​ജ​റാ​ത്തി സ​മൂ​ഹ​ത്തി​ന്‍റെ ഏ​കോ​പ​ന വേ​ദി. മ​ട്ടാ​ഞ്ചേ​രി​യി​ൽ ഗോ​ശാ​ല സ്ഥാ​പി​ച്ചു​കൊ​ണ്ടാ​യി​രു​ന്നു തു​ട​ക്കം. പൊ​തു​വേ സ​സ്യാ​ഹാ​രി​ക​ളാ​യ ഗു​ജ​റാ​ത്തി​ക​ൾ പാ​ലു​ത്പ​ന്ന​ങ്ങ​ൾ ധാ​രാ​ളം ഉ​പ​യോ​ഗി​ക്കു​ന്നു. വീ​ടു​ക​ളി​ൽ പ​ശു​ക്ക​ളെ വ​ള​ർ​ത്തി. ക​റ​വ​വ​റ്റി​യ പ​ശു​ക്ക​ളെ സംരക്ഷിക്കുന്നവരായിരുന്നു ഇവർ. ക​റ​വ​വ​റ്റി​യ പ​ശു​ക്ക​ളെ തെ​രു​വി​ൽ അ​ല​യാ​നോ കൊ​ല്ലാ​നോ അ​നു​വ​ദി​ക്കാ​തെ സം​ര​ക്ഷി​ച്ചു​കൊ​ണ്ട് ക​ഴി​ഞ്ഞ 132 കൊ​ല്ല​മാ​യി ഗു​ജ​റാ​ത്തി​ക​ളു​ടെ ഗോ​ശാ​ല മ​ട്ടാ​ഞ്ചേ​രി​യി​ലു​ണ്ട്.

ആ​ഘോ​ഷ​മാ​യി ഹോ​ളി

കൊ​ച്ചി​യി​ൽ ഗു​ജ​റാ​ത്തി​ക്കാ​രു​ടെ സാ​ന്നി​ധ്യം വി​ളി​ച്ചു​പ​റ​യു​ന്ന​ത് ഹോ​ളി, ദീ​പാ​വ​ലി, ന​വ​രാ​ത്രി ആ​ഘോ​ഷ​നാ​ളു​ക​ളി​ലാ​ണ്. ഈ ​ആ​ഘോ​ഷ​ങ്ങ​ൾ പ​ശ്ചി​മ​കൊ​ച്ചി​യു​ടെ​യും ആ​ഘോ​ഷ​മാ​കും. ഗു​ജ​റാ​ത്തി റോ​ഡി​നെ ഹോ​ളി ആ​ഘോ​ഷം നി​റ​ങ്ങ​ൾ​ കൊണ്ട് നി​റ​യ്ക്കു​ന്നു. ദീ​പാ​വ​ലി​ക്ക് ഗു​ജ​റാ​ത്തി റോ​ഡി​ൽ നി​റ​യെ വി​ള​ക്കു​ക​ൾ തെ​ളി​യു​ന്നു. ദ​ർ​ഭ​നൃ​ത്തം ന​വ​രാ​ത്രി ആ​ഘോ​ഷ​ത്തി​ന്‍റെ പ്ര​ത്യേ​ക​ത​യാ​ണ്. വ​ർ​ണ​പ്പ​കി​ട്ടു​ള്ള "ച​ന്ന്യാ​ച്ചോ​ലി’ ആ​ഘോ​ഷ​ദി​വ​സ​ങ്ങ​ളി​ൽ സ്ത്രീ​ക​ളു​ടെ വേ​ഷ​മാ​ണ്. പു​രു​ഷൻമാ​ർ​ക്കു കു​ർ​ത്ത-​പൈ​ജാ​മ​യു​മാ​ണു വേ​ഷം.
77 വ​ർ​ഷം മു​ന്പു മ​ല​യാ​ള​ത്തി​ലെ ആ​ദ്യ സി​നി​മ ബാ​ല​ൻ പ്ര​ദ​ർ​ശി​പ്പി​ച്ച കേ​ര​ള​ത്തി​ലെ തിയ​റ്റ​റു​ക​ളി​ൽ മ​ട്ടാ​ഞ്ചേ​രി​യി​ലെ സെ​ല​ക്ട് തീ​യ​റ്റ​റും ഉ​ണ്ടാ​യി​രു​ന്നു. മ​ട്ടാ​ഞ്ചേ​രി​യി​ൽ ഗു​ജ​റാ​ത്തി​ക​ൾ താ​മ​സി​ക്കു​ന്ന പ​രി​സ​ര​ത്താ​യി​രു​ന്നു തി​യ​റ്റ​ർ. ഗു​ജ​റാ​ത്തി​യാ​യ പാ​ഠ​ക്ക് ആയിരുന്നു ഇ​തി​ന്‍റെ ഉ​ട​മ. മ​ട്ടാ​ഞ്ചേ​രി​യി​ലെ മ​റ്റ് ര​ണ്ട് ആ​ദ്യ​കാ​ല സി​നി​മാ തിയ​റ്റ​റു​ക​ളാ​യ ബോ​സ്കോ, റീ​ഗ​ൽ എ​ന്നി​വ​യു​ടെ ഉ​ട​മ​ക​ളും ഗു​ജ​റാ​ത്തി​ക​ളാ​യി​രു​ന്നു. ഇ​ന്നും മ​ട്ടാ​ഞ്ചേ​രി​യി​ലെ ഗു​ജ​റാ​ത്തി റോ​ഡി​ലും പ​രി​സ​ര​ങ്ങ​ളി​ലും പോ​കു​ന്ന​വ​ർ​ക്ക്, ഗു​ജ​റാ​ത്തി​ക്കാ​ർ സ​മ്മാ​നി​ക്കു​ന്ന പു​ഞ്ചി​രി​യി​ൽ ഒ​രു സം​സ്കൃ​തി​യു​ടെ നി​റ​വു​ണ്ട്.

സി​ജോ പൈ​നാ​ട​ത്ത്