നീ​ലാ​കാ​ശം തേ​ടി പാട്ടിന്‍റെ യുവത്വം
മേ​ഘ​ങ്ങ​ൾ ത​ഴു​കി​യു​ണ​ർ​ത്തി​യ​ത് അ​തി​രു​ക​ളി​ല്ലാ​ത്ത ച​ല​ച്ചി​ത്ര ലോ​ക​ത്തേ​ക്കാ​ണെ​ന്ന​ത് ഇ​നി​യും ഇ​വ​ർ​ക്ക് വി​ശ്വ​സി​ക്കാ​നാ​കു​ന്നി​ല്ല. സം​ഗീ​ത ലോ​ക​ത്തി​ന് പു​ത്ത​ൻ പ്ര​തീ​ക്ഷ​ക​ളു​ണ​ർ​ത്തു​ന്ന തൃ​ശൂ​രി​ലെ ഈ ​സ​ഹോ​ദ​ര​ങ്ങ​ൾ വെ​റും ചി​ല്ല​റ​ക്കാ​ര​ല്ലെ​ന്ന് "മൂ​ന്ന​ര’ എന്ന സി​നി​മ​യി​ലൂ​ടെ തെ​ളി​യി​ച്ചി​രി​ക്ക​ുകയാണ്.

ഏ​റെ കോ​ണി​പ്പ​ടി​ക​ൾ ച​വിട്ടി​ക്ക​യ​റി​യാ​ലും എ​ത്താ​ൻ വൈ​കു​ന്ന ച​ല​ച്ചി​ത്ര സം​ഗീ​ത ലോ​ക​ത്തേ​ക്ക് ഇ​ളം പ്രാ​യ​ത്തി​ൽ ത​ന്നെ ഇ​രു​വ​രും എ​ത്തി​യി​രി​ക്കു​ന്നു​വെ​ന്ന​ത് പു​തി​യ ച​രി​ത്ര​മാ​ണെ​ന്നും ഇ​വ​ർ ആ​ദ്യം ക​രു​തി​യി​രു​ന്നി​ല്ല. എ​ന്താ​യാ​ലും മ​ല​യാ​ള ച​ല​ച്ചി​ത്ര ലോ​ക​ത്ത് കാ​ൽ​വ​യ്പ്പ് ന​ട​ത്താ​ൻ ക​ഴി​ഞ്ഞ​തി​ന്‍റെ ത്രി​ല്ലി​ലാ​ണ് ഇ​രു​വ​രും. ഇ​ള​യ സ​ഹോ​ദ​ര​ൻ സം​ഗീ​തം നി​ർ​വ​ഹി​ച്ച ഗാ​ന​ത്തി​ന് ജ്യേ​ഷ്ഠ സ​ഹോ​ദ​ര​ന്‍റെ ആ​ലാ​പ​നം. മ​ല​യാ​ള സി​നി​മാ ലോ​ക​ത്തെ ഏ​റ്റ​വും പ്രാ​യം കു​റ​ഞ്ഞ സം​ഗീ​ത സം​വി​ധാ​യ​ക​നാ​യി മാ​റി​യി​രി​ക്ക​ുകയാ​ണ് തൃ​ശൂ​ർ കാ​ള​ത്തോ​ട് കാ​ത​റി​ൻ സ്ട്രീ​റ്റി​ൽ സം​ഗീ​താ​ധ്യാ​പ​ക​നാ​യ ഡെ​ന്നീ​സി​ന്‍റെ​യും ജോ​യ്സി​യു​ടെ​യും മ​ക​ൻ പ​തി​നേ​ഴു​കാ​ര​നാ​യ ശ്രീ​രാ​ഗ്. ശ്രീ​രാ​ഗ് സം​ഗീ​ത സം​വി​ധാ​നം നി​ർ​വ​ഹി​ച്ച ഗാ​നം ജ്യേ​ഷ്ഠ സ​ഹോ​ദ​ര​ൻ ഇ​രു​പ​ത്തി​ര​ണ്ടു​കാ​ര​നാ​യ അ​തു​ൽ ആ​ല​പി​ച്ച​തും അ​പൂ​ർ​വ സം​ഗ​മ​മാ​യി.

"മൂ​ന്ന​ര’​യി​ലെ സം​ഗ​മം

സൂ​ര​ജ് എ​സ്.​കു​റു​പ്പ് സം​വി​ധാ​യ​നം ചെ​യ്ത "മൂ​ന്ന​ര’ എ​ന്ന മ​ല​യാ​ള സി​നി​മ​യി​ലെ ഗാ​ന​ങ്ങ​ൾ​ക്കാ​ണ് പ്ല​സ്ടു വി​ദ്യാ​ർ​ഥി​യാ​യ ശ്രീ​രാ​ഗ് സം​ഗീ​ത സം​വി​ധാ​നം നി​ർ​വ​ഹി​ച്ച​ത്. ഉ​യ​രം കു​റഞ്ഞ​വ​രെ നാ​യ​ക​നും നാ​യി​ക​യു​മാ​ക്കി നി​ർ​മി​ച്ച ആ​ദ്യ​ത്തെ ഇ​ന്ത്യ​ൻ സി​നി​മ​യാ​ണെ​ന്ന​തും സി​നി​മ​യു​ടെ പ്ര​ത്യേ​ക​ത​യാ​ണ്. ഈ ​മാ​സം അ​വ​സാ​നം സി​നി​മ പു​റ​ത്തി​റ​ങ്ങും.

ഡോ​ക്യു​മെ​ന്‍റ​റി വ​ഴി സി​നി​മാ​ലോ​കം

’നാ​ന’ എ​ന്ന ഡോ​ക്യു​മെ​ന്‍റ​റി​യി​ലെ പ​ശ്ചാ​ത്ത​ല സം​ഗീ​തം കേ​ട്ടാ​ണ് "മൂ​ന്ന​ര’ സി​നി​മ​യു​ടെ സം​വി​ധാ​യ​ക​ൻ സൂ​ര​ജ് എ​സ്.​കു​റു​പ്പ് ശ്രീ​രാ​ഗി​നെ ശ്ര​ദ്ധി​ക്കു​ന്ന​ത്. ആ​ളെ അ​ന്വേ​ഷി​ച്ചെ​ത്തി​യ​പ്പോ​ൾ തീ​രെ പ്രാ​യ​ക്കു​റ​വാ​ണെ​ന്ന് ക​ണ്ട​തോ​ടെ ചി​ന്ത​യി​ലാ​യി. പ​ക്ഷേ സം​വി​ധാ​യ​ക​ന്‍റെ മ​ന​സി​നൊ​പ്പം സം​ഗീ​തം അ​തി​മ​നോ​ഹ​ര​മാ​യി ചി​ട്ട​പ്പെ​ടു​ത്തി​യ​തോ​ടെ പിന്നെ ​ര​ണ്ടാ​മ​തൊ​ന്ന് ആ​ലോ​ചി​ക്കേ​ണ്ടി വ​ന്നി​ല്ല. സി​നി​മ​യി​ലെ ബി.​ആ​ർ. ​പ്ര​സാ​ദ് ര​ചി​ച്ച പാട്ടിനു സം​ഗീ​തം സം​വി​ധാ​നം ചെ​യ്യാ​ൻ ശ്രീ​രാ​ഗി​നെ ത​ന്നെ ഉ​റ​പ്പി​ച്ചു.


സ​ഹോ​ദ​ര​ന്‍റെ വ​ര​വി​ലും അ​പൂ​ർ​വ​ത

ശ്രീ​രാ​ഗ് സം​വി​ധാ​നം നി​ർ​വ​ഹി​ച്ച ഗാ​നം നി​ര​വ​ധി പേ​രെ​ക്കൊ​ണ്ട് പാ​ടി​ച്ചു നോ​ക്കി. പ​ക്ഷേ ഒ​ന്നും ശ​രി​യാ​യി​ല്ല. ഒ​ടു​വി​ൽ ശ്രീ​രാ​ഗി​ന്‍റെ സ​ഹോ​ദ​ര​ൻ പാ​ടു​ന്ന​യാ​ളാ​ണെ​ന്ന് മ​ന​സി​ലാ​യ​തോ​ടെ അ​വ​സാ​ന പ​രീ​ക്ഷ​ണ​മെ​ന്ന നി​ല​യി​ൽ പാ​ടി​ച്ചു​നോ​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. അതോ​ടെ അ​പൂ​ർ​വ​ത​യെ​ന്ന​വ​ണ്ണം സ​ഹോ​ദ​ര​ൻ സം​വി​ധാ​നം ചെ​യ്ത സം​ഗീ​തം പാ​ടാ​ൻ ജ്യേ​ഷ്ഠ സ​ഹോ​ദ​ര​ൻ ത​ന്നെ യോ​ഗ്യ​നെ​ന്ന് ക​ണ്ടെ​ത്തു​ക​യാ​യി​രു​ന്നു.

തോ​രാ​തെ നെ​ഞ്ചി​ൽ
പെ​യ്യു​ന്നു
നോ​വാ​ലെ ത​ഴു​കും മേ​ഘ​ങ്ങ​ൾ
നീ ​പോ​കും വി​ണ്ണി​ൽ തീ​ര​ങ്ങ​ൾ
കാ​ണാ​തെ ഹൃ​ദ​യം
തേ​ങ്ങു​ന്പോ​ൾ
തീ​രാ മോ​ഹം പോ​ലെ
ഞാ​നും നീ​യും
നീ​ലാ​കാ​ശം തേ​ടി
പാ​റി ജ്വാ​ലാ നാ​ളം
പൂ​ക്കും മാ​യാ​ലോ​കം
താ​നേ നീ​പോ​യ്
ഞാ​നി​ന്ന് ഏ​ക​നാ​യി എ​ന്നു തു​ട​ങ്ങു​ന്ന ഗാ​നം സം​ഗീ​ത പ്രേ​മി​ക​ളെ ആ​സ്വാ​ദ​ന​ത്തി​ന്‍റെ ആ​കാ​ശ​ത്തെ​ത്തി​ക്കു​മെ​ന്ന വി​ശ്വാ​സ​ത്തി​ലാ​ണ് ഈ ​സ​ഹോ​ദ​ര​ങ്ങ​ൾ.

സം​ഗീ​ത ലോ​ക​ത്തെ​ത്തി​യ​ത് ചേ​ത​ന വ​ഴി

സ്റ്റീ​ഫ​ൻ ദേ​വ​സി​യു​ടെ വ​ഴി​യി​ലൂ​ടെ ചേ​ത​ന മ്യൂ​സി​ക് അ​ക്കാ​ദ​മി​യി​ൽ നി​ന്നാ​ണ് ശ്രീ​രാ​ഗി​ന്‍റെ തു​ട​ക്കം. കീ ​ബോ​ർ​ഡി​ൽ 14-ാം വ​യ​സി​ൽ എ​ട്ടാം ഗ്രേ​ഡ് പാ​സാ​യി. ര​ണ്ടു വ​ർ​ഷം കൊ​ണ്ടാ​ണ് ഗ്രേ​ഡ് ന​ടി​യ​ത്.

ഫാ. ​ച​ക്കാ​ല​മ​റ്റ​ത്തി​ന്‍റെ ശി​ഷ്യ​നാ​യി തു​ട​ങ്ങി​യ ശ്രീ​രാ​ഗ് ല​ണ്ട​ൻ ട്രി​നി​റ്റി കോ​ള​ജി​ന്‍റെ പ​രീ​ക്ഷ​യും എ​ഴു​തി​യി​ട്ടു​ണ്ട്. തൃ​ശൂ​ർ കോ-​ഓ​പ്പ​റേ​റ്റീ​വ് കോ​ള​ജി​ലെ പ്ല​സ്ടു വി​ദ്യാ​ർ​ഥി​യാ​യ ശ്രീ​രാ​ഗ് സ്കൂ​ൾ യു​വ​ജ​നോ​ത്സ​വ​ത്തി​ലും ഒ​ന്നാം സ്ഥാ​നം നേ​ടി പ്ര​തി​ഭ തെ​ളി​യി​ച്ചി​ട്ടു​ണ്ട്.
"നാ​നാ’ എ​ന്ന പേ​രി​ലു​ള്ള ഡോ​ക്യു​മെ​ന്‍റ​റി​യി​ലാ​ണ് ഇ​തി​നു​മു​ന്പ് സം​ഗീ​ത സം​വി​ധാ​നം നി​ർ​വ​ഹി​ച്ചി​ട്ടു​ള്ള​ത്. ഇ​താ​ണ് ച​ല​ച്ചി​ത്ര ലോ​ക​ത്തെ​ത്തി​ച്ച സം​ഗീ​ത സം​വി​ധാ​ന​മെ​ന്ന് ശ്രീ​രാ​ഗ് പ​റ​ഞ്ഞു. സം​ഗീ​ത ലോ​ക​ത്ത് കൂ​ടു​ത​ൽ ഉ​യ​ര​ങ്ങ​ളി​ലേ​ക്ക് ത​ന്നെ​യാ​ണ് ഇ​വ​രു​ടെ നോ​ട്ടം. ഇ​രു​വ​രും ചേ​ർ​ന്ന് മ്യൂ​സി​ക് ബാ​ൻ​ഡ് രൂ​പീ​ക​രി​ക്കാ​നു​ള്ള തീ​രു​മാ​ന​ത്തി​ലാ​ണി​പ്പോ​ൾ. കൂ​ടു​ത​ൽ അ​വ​സ​ര​ങ്ങ​ൾ കി​ട്ടു​മെ​ന്നും ഇ​വ​ർ​ക്ക് ആ​ത്മ​വി​ശ്വാ​സ​മു​ണ്ട്. പാ​ട്ടു കേ​ട്ട​തി​നു​ശേ​ഷ​മു​ള്ള സം​ഗീ​ത പ്രേ​മി​ക​ളു​ടെ അ​ഭി​പ്രാ​യം കാ​ത്തി​രി​ക്ക​ു കയാ​ണി​വ​ർ.

പോൾ മാത്യു