ഉ​ട​ഞ്ഞു​തീ​രു​ന്ന ക​ളി​മ​ണ്‍ ജീ​വി​ത​ങ്ങ​ൾ
ഒ​രി​ട​വ​ഴി​ക​യ​റി​ച്ചെ​ല്ലു​ന്ന പൊ​തു​നി​ര​ത്ത്. അ​തി​നോ​ര​ത്ത് നി​ര​നി​ര​യാ​യി ഏ​താ​നും വീ​ടു​ക​ൾ. അ​തി​ലൊ​ന്നി​ൽ വീ​ടി​നോ​ടു​ചേ​ർ​ന്നൊ​രു ആ​ല കാ​ണാം. അ​വി​ടെ, അ​ന്യം​നി​ന്നു​പോ​കു​ന്ന ഒ​രു സം​സ്കാ​ര​ത്തെ​യും തൊ​ഴി​ലി​നേ​യും അ​വ​സാ​ന​ശ്വാ​സം​വ​രെ പി​ടി​ച്ചു​നി​ർ​ത്താ​ൻ പാ​ടു​പെ​ടു​ന്ന ഒ​രു മ​നു​ഷ്യ​നു​ണ്ട്, അ​താ​ണ് കാ​ശ​ൻ. കൈ​യി​ലും ദേ​ഹ​ത്തും ക​ളി​മ​ണ്ണി​ന്‍റെ നി​റ​വും മ​ണ​വും പ​തി​ഞ്ഞ​യാ​ൾ.

ഉ​ളം​കൈ​യി​ലു​ള്ള മു​ള​വ​ടി​കൊ​ണ്ട് മു​ന്നി​ലു​ള്ള ച​ക്ര​ത്തി​ൽ ആ​ഞ്ഞു​തി​രി​ക്കു​ക​യാ​ണ് കാ​ശ​ൻ. അ​തി​നൊ​പ്പം ഉ​യ​ർ​ന്നു​വ​രു​ന്ന ക​ളി​മ​ണ്‍​പാ​ത്ര​ത്തി​ന്‍റെ പ്രാ​കൃ​ത​രൂ​പ​ത്തെ കൈ​വി​ര​ലു​ക​ൾ​കൊ​ണ്ട് ത​ഴു​കി സു​ന്ദ​ര​മാ​യ നി​ർ​മിതി​യി​ലേ​ക്ക് ന​യി​ക്കു​ന്നു. ക​ളി​മ​ണ്ണി​ൽ ദൈ​വ​ത്തി​ന്‍റെ ക​ര​സ്പ​ർ​ശം​പോ​ലെ സു​ന്ദ​ര​വും വി​സ്മ​യ​വു​മാ​യ കാ​ഴ്ച.

കാ​ശ​ൻ ഒ​രു പ്ര​തീ​ക​മാ​ണ്. കേ​ര​ള​ത്തി​ല​ങ്ങോ ളമി​ങ്ങോ​ള​മു​ള്ള കും​ഭാ​ര​ൻ​മാ​രു​ടെ അ​തി​ജീ​വ​ന​ത്തി​ന്‍റെ പ്ര​തീ​കം. പാ​ല​ക്കാ​ട് കൊ​ടു​വാ​യൂ​രി​ൽ ചെ​ത്തി​യോ​ടി​ൽ കാ​ശ​ന് വ​യ​സ് അ​റു​പ​തു ക​ഴി​ഞ്ഞു. കും​ഭാ​ര കു​ടും​ബ​മാ​യ​തു​കൊ​ണ്ടു​ത​ന്നെ ക​ളി​മ​ണ്ണി​ൽ പി​ച്ച​വ​ച്ചും ക​ളി​ച്ചും വ​ള​ർ​ന്നു. പി​ന്നീ​ട​ത് ജീ​വ​ശ്വാ​സ​മാ​യി. അ​ന്നു​മി​ന്നും ക​ളി​മ​ണ്ണി​ല്ലാ​ത്തൊ​രു ജീ​വി​തം ഇ​യാ​ൾ​ക്കി​ല്ല. മ​റ്റു​ള്ള​വ​രെ​പ്പോ​ലെ കു​ടും​ബം, കു​ട്ടി​ക​ൾ എ​ല്ലാം ക​ളി​മ​ണ്ണാണ് ന​ൽ​കിയത്. എ​ണ്ണി​യാ​ലൊ​ടു​ങ്ങാ​ത്തത്ര ക​ളി​മ​ണ്‍​പാ​ത്ര​ങ്ങ​ൾ നി​ർ​മി​ച്ചു. എ​ന്നാ​ൽ ആ​ധു​നി​ക ന​ഗ​ര​വേ​ഗ​ങ്ങ​ളി​ൽ പി​ടി​ച്ചു​നി​ൽ​ക്കാ​നാ​വാ​തെ കാ​ശ​നെ​പ്പോ​ലെ​യു​ള്ള കും​ഭാ​ര​സ​മു​ദാ​യം ഇ​ന്ന് നിലനിൽപ്പിനായി പൊരുതുകയാ​ണ്.

കു​ടും​ബ​ത്തി​ലെ പ​ല​രും കു​ല​ത്തൊ​ഴി​ൽ ഉ​പേ​ക്ഷി​ച്ചു. പു​തു​ത​ല​മു​റ​യും ഈ ​തൊ​ഴി​ലി​നോ​ട് മു​ഖം തി​രി​ച്ചു. അ​ങ്ങ​നെ കാ​ല​ത്തി​ന്‍റെ വി​കൃ​തി​ക​ളി​ൽ ക​ളി​മ​ണ്‍​പാ​ത്ര നി​ർ​മാ​ണം വി​സ്മൃ​തി​യി​ലേ​ക്ക് ഉ​ട​ഞ്ഞു​ട​ഞ്ഞു​പോ​വു​ക​യാ​ണ്. അ​പ്പോ​ഴും മ​രി​ക്കും​വ​രെ ഈ ​തൊ​ഴി​ൽ​ത​ന്നെ ചെ​യ്യു​ന്ന കാ​ശ​നെപ്പോ​ലെ​യു​ള്ള​വ​ർ ഒ​രു സം​സ്കാ​ര​ത്തി​ന്‍റെ മൂ​ല്യ​വും ചേ​ദ്യ​ചി​ഹ്ന​വു​മാ​യി ശേ​ഷി​ക്കു​ന്നു.

ക​ര​വി​രു​തി​ന്‍റെ ആ​ല

കും​ഭാ​ര​ൻ​മാ​ർ കു​ബേ​ര​ൻ​മാ​ര​ല്ല. പക്ഷേ ക​ലാ​കാ​ര​ൻ​മാ​രാ​ണ്. വെ​റും പ​ച്ച​മ​ണ്ണി​നെ കു​ഴ​ച്ച് അ​തി​നെ ച​ക്ര​ത്തി​ലി​ട്ട്് ക​റ​ക്കി പാ​ത്ര​രൂ​പ​ത്തി​ലാ​ക്കു​ന്ന​ത് ക​ല​യു​ടെ മ​റ്റൊ​രു മ​നോ​ഹ​ര​നി​മി​ഷം. ത​ങ്ങ​ളു​ടെ ഭാ​വ​ന​യ്ക്ക​നു​സ​രി​ച്ച് പ​ല ഡി​സൈ​നു​ക​ളും പാ​ത്ര​ങ്ങ​ളി​ൽ വ​രു​ത്താ​റു​ണ്ട്. കൃ​ത്യ​മാ​യ അ​ള​വി​ൽ ഒ​രേ തൂ​ക്ക​ത്തി​ലാ​യി​രി​ക്കും മ​ണ്‍​പാ​ത്രം നി​ർ​മി​ക്കു​ന്ന​ത്. ക​റി​ക്ക​ലം, ക​ള്ളു​പാ​നി, ചോ​റു​ക​ലം,കു​ണ്ട്ളി (വെ​ള്ളം ​നി​റ​ച്ചു​വയ്​ക്കു​ന്ന വ​ലി​യ കു​ട​ങ്ങ​ൾ), അ​പ്പ​ച്ച​ട്ടി, ചീ​ന​ച്ച​ട്ടി, പൂച്ചട്ടി​ക​ൾ തു​ട​ങ്ങി സ​ന്പാ​ദ്യ​ത്തി​ന്‍റെ ആ​ദ്യ​രൂ​പ​മാ​യ ഹു​ണ്ടി​ക​വ​രെ ഈ ​ആ​ല​ക​ളി​ൽ പി​റ​വി​യെ​ടു​ക്കു​ന്നു.

നി​ർ​മാ​ണ​രീ​തി

ക​ളി​മ​ണ്‍​ശേ​ഖ​രി​ച്ച് അ​തി​നെ ഉ​ണ​ക്കി​യെ​ടു​ക്കു​ക​യാ​ണ് ആ​ദ്യം​ചെ​യ്യു​ക. ഇ​തി​നെ ചെ​റി​യ ക​ഷ്ണ​ങ്ങ​ളാ​യി ഉ​ട​ച്ച് പൊ​ടി​ക്കും. പി​ന്നീ​ട് കു​ഴ​ച്ച് ച​ക്ര​ത്തി​ൽ​വയ്​ക്കു​ന്ന​തോ​ടെ ഒ​രു​ദി​വസ​ത്തെ പ​ണി​തു​ട​ങ്ങുകയായി. ച​ക്രം​ക​റ​ക്കു​ക​യും ഒ​രേ​സ​മ​യം മ​ണ്ണി​നെ പാ​ത്ര​രൂ​പ​ത്തി​ലാ​ക്കു​കയും എ​ന്ന ആ​യാ​സ​ക​ര​മാ​യ ദൗ​ത്യ​മാ​ണ് അ​ടു​ത്ത​ത്. ഒ​രു​ദി​വ​സം വ്യ​ത്യ​സ്ത​ങ്ങ​ളാ​യ നാ​ൽ​പ്പ​തോ​ളം​ പാ​ത്ര​ങ്ങ​ൾ​വ​രെ കാ​ശ​ൻ നി​ർ​മി​ക്കും. ച​ക്ര​ത്തി​ൽ​നി​ന്നെ​ടു​ക്കു​ന്ന പാ​ത്ര​ങ്ങ​ൾ മൂ​ന്നാം​ദി​ന​മാ​ണ് കൊ​ട്ടു​പ​ല​ക​യും കൊ​ട്ടു​ക​ല്ലു​മു​പ​യോ​ഗി​ച്ച് പൂ​ർ​ണ​രൂ​പ​ത്തി​ലാ​ക്കു​ന്ന​ത്. പി​ന്നീ​ട് ഇ​തി​നെ ചൂ​ള​യി​ൽ​വ​ച്ച് ചൂ​ടാ​ക്കി​യെ​ടു​ക്കും. ചു​രു​ക്ക​ത്തി​ൽ ഒ​രു​പാ​ത്രം വിൽപ്പനയ്ക്കെത്തിക്കാൻ മൂ​ന്നു​ദി​ന​ത്തെ പ​രി​ശ്ര​മം വേ​ണം.

പ്ര​തീ​ക്ഷ​ക​ൾ ഉ​ട​യു​ന്നു

പ​ണ്ടു​കാ​ല​ങ്ങ​ളി​ൽ ഏ​റെ ആ​വ​ശ്യ​ക​ത​യു​ണ്ടാ​യി​രു​ന്ന മ​ണ്‍​പാ​ത്ര​ങ്ങ​ൾ ഇന്ന്​ അ​തി​ജീ​വ​ന​ത്തി​ന്‍റെ പാ​ത​യി​ലാ​ണ്. ക​ളി​മണ്ണ് ല​ഭി​ക്കു​ന്ന​തി​നു​ള്ള നി​യ​മ​ത​ട​സ​ങ്ങ​ൾ, ആ​വ​ശ്യ​ക്കാ​ർ കു​റ​ഞ്ഞ​ത്, അ​ധ്വാ​ന​ത്തി​നു​ള്ള വ​രു​മാ​നം​കൂ​ടി ല​ഭി​ക്കാ​ത്ത​തു​മെ​ല്ലാം ഇ​വ​രെ പാ​ടെ ത​ള​ർ​ത്തി.

ചൂ​ള​ക​ൾ​ക്കാ​വ​ശ്യ​മാ​യ വി​റ​ക്, ച​കി​രി,വൈ​ക്കോ​ൽ എ​ന്നി​വ​യു​ടെ വി​ല​വ​ർ​ധ​ന​വും ക്ഷാ​മ​വും തി​രി​ച്ച​ടി​യാ​യി. സ​ർ​ക്കാ​രി​ൽ​നി​ന്നോ മ​റ്റു​വ​കു​പ്പു​ക​ളി​ൽ​നി​ന്നോ ധ​ന​സ​ഹാ​യ​ങ്ങ​ളും ല​ഭി​ക്കു​ന്നി​ല്ല. പു​തു​ത​ല​മു​റ​ക​ളും ഈ ​കു​ടി​ൽ​വ്യ​വ​സാ​യ​ത്തോ​ട് മു​ഖം​ തി​രി​ക്കു​ന്ന​തോ​ടെ ഒ​രു​ സം​സ്കാ​ര​ത്തി​ന്‍റെ കു​ല ത്തൊഴി​ൽ പാ​ടെ മണ്ണോടു ചേരുകയാണ്. ഒ​രു പെ​ട്ടി ഓ​ട്ടോ ക​ളി​മ​ണ്‍ ല​ഭി​ക്ക​ണ​മെ​ങ്കി​ൽ 750 രൂ​പ​യോ​ളം ന​ൽ​ക​ണം. വാ​ഹ​ന​വാ​ട​ക വേ​റെ​യും. പാ​ട​ങ്ങ​ളി​ൽ നി​ന്ന് അ​ഞ്ച് അ​ടി​യോ​ളം മേ​ൽ മ​ണ്ണ് നീ​ക്കം ചെ​യ്തെ​ങ്കി​ൽ മാ​ത്ര​മേ യോ​ജി​ച്ച ക​ളി​മ​ണ്ണ് ല​ഭി​ക്കൂ. വ​യ​ലു​ക​ളി​ൽ കു​ഴി​യെ​ടു​ത്താ​ൽ അ​വ പു​റ​ത്തുനി​ന്ന് മ​ണ്ണ് കൊ​ണ്ടു​വ​ന്ന് നി​ക​ത്ത​ണം എ​ന്നാ​ണ് റ​വ​ന്യു വ​കു​പ്പി​ന്‍റെ നി​ർ​ദേശം. ഇ​ത്ത​രം നി​യ​മ​ങ്ങ​ളെ​ല്ലാം ഇ​വ​ർ​ക്കു തി​രി​ച്ച​ടി​യാ​യി.

ഇ​വ​രെ​ന്തു​ചെ​യ്യും..‍?

സം​സ്ഥാ​ന​ത്ത് ആ​കെ ഒ​ന്ന​ര ല​ക്ഷ​ത്തോ​ളം ആ​ളു​ക​ൾ ഈ ​മേ​ഖ​ല​യി​ൽ ജോ​ലി​യെ​ടു​ക്കു​ന്നു​ണ്ട്. പാ​ല​ക്കാ​ട് ജി​ല്ല​യി​ലെ തേ​നൂ​ർ, വ​ണ്ടി​ത്താ​വ​ളം, കൊ​ഴി​ഞ്ഞാ​ന്പാ​റ, കു​ഴ​ൽ​മ​ന്ദം, പ​ല്ല​ശ്ശ​ന, പ​ല്ലാ​വൂ​ർ, തി​രു​വി​ല്വാ​മ​ല, തൃ​പ്പാ​ളൂ​ർ,വ​ണ്ടാ​ഴി,കാ​വ​ശേ​രി, വാ​വു​ള്ള്യാ​പു​രം, കൊ​ണ്ടാ​വി, പ​ട്ടാ​ന്പി,ഷൊ​ർ​ണൂ​ർ,ഒ​റ്റ​പ്പാ​ലം, മ​ണ്ണാ​ർ​ക്കാ​ട്, തേ​ങ്കു​റി​ശ്ശി എ​ന്നി​വി​ട​ങ്ങ​ളി​ലാ​യി ഇ​രു​പ​തി​നാ​യി​ര​ത്തോ​ളം ആ​ളു​ക​ൾ മ​ണ്‍​പാ​ത്ര നി​ർ​മാ​ണം ഉ​പ​ജീ​വ​ന​മാ​യി സ്വീ​ക​രി​ച്ച​വ​രാ​ണ്.
നൂ​റു​രൂ​പ​യ്ക്കു താ​ഴെ വി​ല​വ​രു​ന്ന പാ​ത്ര​ങ്ങ​ളാ​ണ് ഇ​വ​ർ നി​ർ​മി​ക്കു​ന്ന​ത്. 80 രൂ​പ​വ​രു​ന്ന ചോ​റു​ക​ല​ത്തി​ന് ക​ട​ക​ളി​ൽ 30നു ​മു​ക​ളി​ലേ​ക്ക് ല​ഭി​ക്കി​ല്ല. ഇ​തി​നാ​ൽ​ത​ന്നെ വ​ലി​യ വ​ട്ടി​യി​ൽ ത​ല​ച്ചു​മ​ടാ​യി ഗ്രാ​മ​ങ്ങ​ളി​ലൂ​ടെ ന​ട​ന്ന് വി​ൽ​ക്കു​ക​യാ​ണ് ഇ​വ​ർ​ചെ​യ്യു​ന്ന​ത്. സ്ത്രീ​ക​ളാ​ണ് അ​ധി​ക​വും ഈ ​ചു​മ​ത​ല നി​ർ​വ​ഹി​ക്കു​ക. കാ​ശ​ന്‍റെ വീ​ട്ടി​ൽ ഭാ​ര്യ സ​ര​സു​വാ​ണ് ക​ല​ങ്ങ​ൾ വി​ൽ​ക്കാ​ൻ​പോ​കു​ന്ന​ത്. അ​ഞ്ചു​കി​ലോ​മീ​റ്റ​റോ​ളം ഒ​രു​ദി​വ​സം ത​ല​ച്ചു​മ​ടാ​യി ന​ട​ക്കേ​ണ്ടി​വ​രു​മെ​ന്ന് ഇ​വ​ർ പ​റ​യു​ന്നു.

ഇ​വ​ർ​ക്കും ആ​വ​ശ്യ​ങ്ങ​ളു​ണ്ട്

ക​ളി​മ​ണ്‍​പാ​ത്ര നി​ർ​മാ​ണ തൊ​ഴി​ലാ​ളി​ക​ൾ​ക്കും ഇ​ന്ന് യൂ​ണി​യ​നു​ക​ളു​ണ്ട്. ഇ​വ​രു​ടെ സം​സ്ഥാ​ന​സ​മ്മേ​ള​ന​ങ്ങ​ളും വർഷാവർഷം ന​ട​ക്കു​ന്നു. പ​ക്ഷേ ഇ​വ​രു​ന്ന​യി​ക്കു​ന്ന പ​ല ആ​വ​ശ്യ​ങ്ങ​ളും ഇ​ന്നും അ​ങ്ങ​നെ​ത​ന്നെ അ​വ​ശേ​ഷി​ക്കു​ന്നു. പി​എ​സ്‌സി​യി​ൽ സം​വ​ര​ണ​ശ​ത​മാ​നം വ​ർ​ധി​പ്പി​ക്കു​ക, സ​മു​ദാ​യാം​ഗ​ങ്ങ​ളെ പ​ട്ടി​ക​ജാ​തി ലി​സ്റ്റി​ൽ ഉ​ൾ​പ്പെ​ടു​ത്തു​ക,ക​ളി​മ​​ണ്ണ് ല​ഭ്യ​മാ​ക്കു​ന്ന​തി​നു​ള്ള ഉ​പാ​ധി​ക​ളി​ൽ ഇ​ള​വു​വ​രു​ത്തു​ക, നി​ർ​മാ​ണ സാ​മ​ഗ്രി​ക​ൾ വാ​ങ്ങു​ന്ന​തി​ന് ധ​ന​സ​ഹാ​യം ​ല​ഭ്യ​മാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ച് ഏ​റെ​ക്കാ​ല​മാ​യി ഇ​വ​ർ സ​മ​ര​രം​ഗ​ത്തു​ണ്ട്.

വേണം, ത​മി​ഴ്നാ​ട് മാ​തൃ​ക

ന​മ്മു​ടെ അ​യ​ൽ സം​സ്ഥാ​ന​മാ​യ ത​മി​ഴ്നാ​ട് കു​ല​ത്തൊ​ഴി​ലാ​യ മ​ണ്‍​പാ​ത്ര നി​ർ​മാ​ണ​ത്തെ സം​ര​ക്ഷി​ക്കാ​ൻ മാ​തൃ​കാ പ​ര​മാ​യ ന​ട​പ​ടി​ക​ളാ​ണ് സ്വീ​ക​രി​ച്ചി​ട്ടു​ള്ള​ത്. ത​മി​ഴ്നാ​ട്ടി​ൽ സം​സ്ഥാ​ന ത​ല​ത്തി​ൽ മ​ണ്‍​പാ​ത്ര നി​ർ​മാണ വി​ക​സ​ന കോ​ർ​പ്പ​റേ​ഷ​നു രൂ​പം​ന​ൽ​കി​യി​ട്ടു​ണ്ട്. തൊ​ഴി​ലാ​ളിക​ൾ​ക്ക് ആ​വ​ശ്യ​മാ​യ മ​ണ്ണെ​ടു​ക്കാ​ൻ കോ​ർ​പ്പ​റേ​ഷ​ൻ പാ​സ് വി​ത​ര​ണം ചെ​യ്യും. ഒ​രു കു​ടും​ബ​ത്തി​ന് ഒ​രു ട​ണ്‍ മ​ണ്ണെ​ടു​ക്കാം. ഇ​ത്ത​രം സു​താ​ര്യ​മാ​യ സം​വി​ധാ​നം കേ​ര​ള​ത്തി​ലും ന​ട​പ്പി​ലാ​ക്ക​ണ​മെ​ന്ന​താ​ണ് തൊ​ഴി​ലാ​ളി​ക​ളു​ടെ ആ​വ​ശ്യം.

ചി​ത്ര​ത്തി​ൽ പ​തി​യാ​ത്ത​ത്

മ​ണ്ണു​മാ​യി​ മ​ല്ലി​ടു​ന്ന ഒ​രു​കും​ഭാ​ര​ന്‍റെ​ചി​ത്രം ഒ​രു ചി​ത്ര​കാ​ര​ൻ മ​നോ​ഹ​ര​മാ​യി വ​ര​ച്ചേ​ക്കാം. അ​തി​നു​മേ​ന്പൊ​ടി​യാ​യി പ​ക്ഷി​ക​ൾ കൂ​ടു​വയ്ക്കു​ന്ന മ​ര​ങ്ങ​ളും​ ധാ​ന്യ​വി​ള​ക​ൾ കാ​റ്റി​ലാ​ടു​ന്ന വ​യ​ലു​ക​ളും തെ​ങ്ങി​ൻ​തോ​പ്പു​ക​ളും ആ​ടു​മാ​ടു​ക​ൾ​മേ​യു​ന്ന മൈ​താ​ന​ങ്ങ​ളും ഓ​ടി​ക്ക​ളി​ക്കു​ന്ന കു​ട്ടി​ക​ളും നി​റ​ഞ്ഞ പ്ര​കൃ​തി​യും​കാ​ണാം. പ​ക്ഷേ മ​ണ്ണി​ൽ ക​വി​ത ര​ചി​ക്കു​ന്ന കും​ഭാ​ര​ന്‍റെ പ്ര​തീ​ക്ഷ​യ​റ്റ മ​ന​സ് മാ​ത്രം നി​ങ്ങ​ൾ​ക്കു കാ​ണാനാകില്ല. ക​ളി​മ​ണ്ണിനടി​യി​ൽ അ​യാ​ള​ത് എ​പ്പോ​ഴോ ചേ​ർ​ത്തു​വ​ച്ചി​ട്ടു​ണ്ടാ​കും.

സി.​അ​നി​ൽ​കു​മാ​ർ